MƐ̀KÌKÌÌ MƐ ƁƐKƐ̀NÌ-FÌTOM 2:41 - Bafia Nouveau Testament

⁴¹ Ɓumɓɛ ɓɛ gherɛ̀ngà rìkpaa ɗi Pyɛɛri ɗiǹ ɓɛ ɓaɓtàkà, fɔɔnnɛ bàlì ì ɓum ìnɛ ì sagtɛ̀ngà ɓi bàlì ì ɓɛ̀gherɛ̀n, ì ɓaghà nunùg ɓum ɓɛ̀tɔɔsìm ɓɛraa.

MƐ̀KÌKÌÌ MƐ ƁƐKƐ̀NÌ-FÌTOM 2:41 ပူးပေါင်းရင်းမြစ်များ

ZYAŊ 14:12

Ǹkalii mìni saaɗ à rìkpaa lɛ, ŋwaànɛ à gherɛɛ mɛ̀, à ɓiì kìi girig ɓìɓan ɓi mɛ̀ɛ nkìkì, à ki kì kɔm̀ ɓìɓan ɓi ɓi cee ɓiǹ ɓisuulɛ ǹkɛ̀ɛ yɛ̀ɛ Tààta.

ZYAŊ 21:11

Simɔn Pyɛɛri à ɓɔg ɓi kìkɔm à tùg yì dam ìnɛ ì ɓaghà rì ɓìzɛn lɛ pisa. Ɓìzɛn ɓincèm ɓi tɔɔghràkà, ɓi ki ɓaghà ɓìcèm ɓìzɛn mɛ̀tin taàɓɛ̀ɛ̀ rì ɓìzɛn ǹtɛ̀ɗ rì ɓiraa. Nni nsoò yɛ̀ɛ ɓi teghɛ̀ngà fɔlɔɔ dam ì ghàghàskà ɓi.

MƐ̀KÌKÌÌ MƐ ƁƐKƐ̀NÌ-FÌTOM 1:15

Ŋwos adɛŋ, ɓi mɛ̀ru mɛ̀n, ɓɛ̀gherɛ̀n ɓɛ ɓaghà ɓɛ̀ taŋzɛn nunùg ɓum mɛ̀tin taàfog; nni Pyɛɛri à pɛ̀sɛ̀ngà aɗyoo ɓi nyìinyìm wàà, à kpaa lɛ:

MƐ̀KÌKÌÌ MƐ ƁƐKƐ̀NÌ-FÌTOM 13:48

Yɛ̀ɛ ɓumɓɛ ɓɛ ɓaghà ɓi Ɓɛ̀yudɛ̀n ɓɛ wokà rìkpaa ɗìn ɓɛ nyaàrɛ̀n lɛɛ̀gwey, ɓɛ tumɛ̀n rìkeèkèmzì ɗi jɛ̀ɛ̀ ì Kan. Nni fɔɔnnɛ ɓum ɓɛ̀cèm ɓɛ ɓɛ ɓaghà ɓɛ̀ɓɔ̀nɛn lɛ ɓɛɛ ɓa rì cɛɓ ki fiɗyàɓ fikɔ̀ɔ̀, ɓɛ gherɛ̀ngà Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 2:37

Yɛ̀ɛ ɓɛ wokà ɓìtòkì ɓi Pyɛɛri ɓiǹ, ɓi ɗiŋì ɓɔ ɓi ǹɗem lɛ kɔɔ̀kɔɔ̀, nni ɓɛ tɔkà Pyɛɛri ri ɓɛ̀kɛ̀nì-fìtom ɓɛm̀bog lɛ: Ɓɔɔsoŋ̀, ki ghɛ̀ɛ̀sɛɛ min lɛ ti ki la?

MƐ̀KÌKÌÌ MƐ ƁƐKƐ̀NÌ-FÌTOM 2:47

Ɓɛ mɓɔgsàg Bɛ̀ll, ɓum ɓɛ̀cèm ɓɛ ki keekeèsì ɓɔ, fɔɔnnɛ Kan à tèèghtègsìghà ǹɗaŋ waa ɓɛ ŋwos ɓɛ̀cèm rì ɓum ɓɛ ki kɔngà Bɛ̀ll lɛ a ghɛɓsi.

MƐ̀KÌKÌÌ MƐ ƁƐKƐ̀NÌ-FÌTOM 27:37

Ɓìsi ɓɛ̀sɛ̀ɛ̀ ɓɛ̀cèm ɓɛ tì ɓaghà ɓi fìtimà, tì ɓaghà ɓɛ̀hɔnɗɛ̀ɗ ɓɛ ɓum ɓɛɓɛɛ̀, rì ɓum mɛ̀tin mɛraa rì ǹtɛ̀ɗ rì taàfog.

MƐ̀KÌKÌÌ MƐ ƁƐKƐ̀NÌ-FÌTOM 3:23

Ŋwaànɛ à sɛɛtii gɛ jɛ̀ɛ̀ ì ǹkpaŋzì-ɓìɓan anɛ̀n, ɓɛ pisii gɛ nyi ɓi bàlì ì ɓum ɓɛ kilɔ̀ŋ, ɓɛ ki wey nyi.

MƐ̀KÌKÌÌ MƐ ƁƐKƐ̀NÌ-FÌTOM 4:4

Nsoò fɔlɔɔ, kìgwey ki ɓi ɓumɓɛ ɓɛ wokà jɛ̀ɛ̀ ì Bɛ̀ll ki gherɛ̀ngà, fɔɔnnɛ bàlì ì ɓɛ̀gherɛ̀n ì kpagà nunùg ɓum ɓɛ̀tɔɔsìm ɓɛtaǹ.

MƐ̀KÌKÌÌ MƐ ƁƐKƐ̀NÌ-FÌTOM 7:14

Nni Yoosɛɓ à romgà min lɛ ɓɛɛ teɗ yì, Yakɔɓ à seŋi, rì naa yìì i ɓum ìnɛ ì ɓaghà ɓum mɛ̀tin mɛraa rì ǹtɛ̀ɗ ɗì ɓɛtaǹ.

RÒMƐŊ 13:1

Mum ǹcèm à ghɛɛ̀sɛɛ kìwoògh ɓɛ̀làmì ɓɛ ɓɛɛ̀ kɛ̀ɛkɛɛ̀sì kìlɔ̀ŋ ɓisuulɛ rìlàmì ɗi ti ɗyɛ̀ kɛɛ̀ kpì yi ǹlɛŋlɛŋ̀ di Bɛ̀ll à faa ɓi, rì tì lɛ, Bɛ̀ll yɛɛ rɛsàkà ɓɛ̀làmì ɓɛ̀cèm ɓɛ ɓɛ ri ɓi ziinɛ.

TÈSÀLÒNÌSYƐŊ 1:6

Ɓì nɔ̀ɔ̀tìghà lɛ rì mɛ̀kòò mis, rì mɛ̀kòò mɛ Kan, ɓì ki tulɛn rì mɛ̀tɔɓ lɛɛ̀gwey yɛ̀ɛ bì ghàɓkà Syeesyee à Ɓɔlɛ rì kìnyàà ki Kìtɛntɛ̀ɛ̀n ki Nghay kɛɛ̀ falàg.

1 PYƐƐRI 3:20

yɛɛ lɔɔ lɛ mɛ̀ghay mɛ ɓumɓɛ ɓɛ kighà Bɛ̀ll ɓɛ̀lɔg ɓi mɛ̀ru mɛ ajɛ̀m, cààmɛ̀n ki Bɛ̀ll à sììsììrìghà nɗem, à ɓoŋɓòŋ; ɓi mɛ̀ru mɛ Nowe à sosòɓkà kìkɔm; kìkɔm kìn kɛɛ kighà lɛ ɓɔɔ ɓum ɓɛ̀sɛ̀ɛ̀ taàraa ɓɛ ghɛɓkà lɛ mɛ̀nig.

ÀPÒKÀLIƁSƐ̀ 16:3

Nni ŋwaà-fìtom a kìɓɛ̀ɛ̀ a sùùrìghà ɓeŋ wìì ɓi rìɓày à kìkòn, rìɓày à lɔ̀ɔ̀ghrɛ̀n bwaɓ, yɛ̀ɛ bwaɓ yi kiloŋ ki mum, fɔɔnnɛ ɓyom ɓìcèm ɓi ɓi ghɛghɛ̀ɓkà ɓi rìɓày à kìkòn ɓi cuughà.