MƐ̀KÌKÌÌ MƐ ƁƐKƐ̀NÌ-FÌTOM 2:38 - Bafia Nouveau Testament

³⁸ Pyɛɛri à ɓàg ɓɔ lɛ: Lɔ̀ɔ̀ghrɛɛna mɛ̀rem, mum ǹcèm ànɛ ɓi mìni à ki ɓàɓtɛn ɓi ɗii ɗi Yeesus Kiris fɔɔnnɛ Bɛ̀ll a cenɛn ɓìɓe ɓin, à ki fa mini Kìtɛntɛ̀ɛ̀n ki Nghay.

MƐ̀KÌKÌÌ MƐ ƁƐKƐ̀NÌ-FÌTOM 2:38 ပူးပေါင်းရင်းမြစ်များ

MATYOO 28:19

Kɛ̀ɛna! ɓi ki lɛ ɓumɓɛ ɓi ɓìlɔ̀ŋ ɓìcèm ɓɛɛ ɓa ɓɛ̀yilàg ɓɛm, ɓì ɓàɓtì ɓɔ ɓi ɗii ɗi Seŋi, rì Man, rì Kìtɛntɛ̀ɛ̀n ki Nghay;

MATYOO 3:2

À kpaakpààghà ɓum lɛ: Lɔ̀ɔ̀ghrɛɛna mɛ̀rem lɛ kìlɔ̀ŋ ki aɗyoo ki ti jàŋbog.

MATYOO 3:6

ɓɛ kpakpàg ɓìɓe ɓyaa, Zyaŋ à ki ɓàaɓaɓtì ɓɔ ɓi ǹsyòm wu lɛ Zyuridɛŋ.

MATYOO 4:17

Ɓi cààmɛ̀n kiǹ innɛ Yeesus à tumɛ̀ngà rìkpaakpàà ɗi ɓìɓan ɓi Bɛ̀ll, à kakàlì ɓum lɛ: Lɔ̀ɔ̀ghrɛɛna mɛ̀rem, lɛ kìlɔ̀ŋ ki aɗyoo ki ti jàŋbog.

MARIKUS 1:15

À kpaakpààghà ɓum lɛ: Cààmɛ̀n ki ghɛ̀ɛ̀sɛɛ, kìlɔ̀ŋ ki Bɛ̀ll ki mɛ tyɛ̀ɛ̀tɛn yi; lɔ̀ɔ̀ghrɛɛna mɛ̀rem, ɓi gherɛn Syeesyee à Ɓɔlɛ.

MARIKUS 16:16

Ŋwaànɛ à rì ɓiì gherɛɛ, à ki ɓaɓtɛn nnyɛɛ ri ɓiì ghɛɛ̀ cɛɓ; wɔ̀lɛ ŋwaànɛ à gherɛɛ ɓi à ɓiì terì bɛ̀lɛn.

LUKAS 24:47

Fɔlɔɔ nnɛ à tumɛ̀n a Yorisalɛm, à kpaŋ ɓi ɓìlɔ̀ŋ ɓìcèm ɓɛ ri ɓiì kpaakpaa kiɓan ki lɛ ɓum ɓɛɛ lɔɔ̀ghrɛn mɛ̀rem di Bɛ̀ll a cenɛn ɓìɓe ɓyaa ɓi ɗii ɗìì.

LUKAS 3:10

Nni gwìy ì ɓum ìnɛ̀n ì tɔkà nyi lɛ: Cɛ kɛɛ̀ki tì ghɛ̀ɛ̀sɛɛ min ki kìi?

MƐ̀KÌKÌÌ MƐ ƁƐKƐ̀NÌ-FÌTOM 10:43

Yeesus ànɛ̀n nnɛ ɓɛ̀kpaŋzì-ɓìɓan ɓɛ̀cèm ɓɛ ɓugà yɛ̀ɛ ɓɛ kpaakpààghà lɛ: Ɓì ɗii ɗii nnɛ Bɛ̀ll à rì ɓiì cenɛɛ mum ǹcèm ànɛ à gherɛɛ nyi ɓìɓe.

MƐ̀KÌKÌÌ MƐ ƁƐKƐ̀NÌ-FÌTOM 10:48

Fɔɔnnɛ à kalìghà min lɛ, ɓɛɛ ɓaɓti ɓɛǹ ɓi ɗii ɗi Kan Yeesus Kiris. Ɓumɓɛ̀n ɓɛ ki tɔg nyi lɛ, a kɔri tì a lɔ̀ŋkaa, gàɓ ì mɛ̀ru.

MƐ̀KÌKÌÌ MƐ ƁƐKƐ̀NÌ-FÌTOM 13:38

Ɓɔɔsoŋ̀! Konaaghna kì yiì lɛ ɓisu wii nnɛ ɓɔlɛ ànɛ lɛ, Bɛ̀ll à rì ɓiì cenɛɛ ɓum ɓìɓe ɓyaa, a kpaakpaàrɛ̀n a lɔ̀ŋkin.

MƐ̀KÌKÌÌ MƐ ƁƐKƐ̀NÌ-FÌTOM 16:15

Yɛ̀ɛ ɓɛ ɓaɓtìghà lɛ rì nyi, rì naa yìì i ɓum nni à tɔkà ɓìsi lɛ, ti kɛǹ a mɛɛ mii, à kpaa lɛ: I ɓì ghɛɛ lɛ ǹɗì ǹgherɛ̀n Kan, yùuna kì kɔ̀rii a mɛɛ mɛm̀. Fɔɔnnɛ à sììrɛ̀ngà lɛ ti gherɛn lɛ, ti kɔri à lɔ̀ŋkii.

MƐ̀KÌKÌÌ MƐ ƁƐKƐ̀NÌ-FÌTOM 17:30

Fɔɔnnɛ Bɛ̀ll à foŋi ɓi ǹto rì ɓyààmɛ̀n ɓi ɓum ɓɛ ɓaghà ɓiǹ ɓi rìɗim, wɔ̀lɛ ɓi gɛɛ̀nɛ, a rereŋi ɓum ɓɛ̀cèm nsoò ɓɛ fe, nsoò ɓɛ fe, lɛ ɓɛɛ lɔɔghrɛn mɛ̀rem.

MƐ̀KÌKÌÌ MƐ ƁƐKƐ̀NÌ-FÌTOM 20:21

Ǹɗerèŋìghà lɛ, rì Ɓɛ̀yudɛ̀n rì Gìrɛg lɛ ɓɛɛ lɔɔ̀ghrɛn mɛ̀rem, ɓɛ gherɛ̀n Bɛ̀ll, ɓɛ ki tyweeyi Yeesus à Kan wìs.

MƐ̀KÌKÌÌ MƐ ƁƐKƐ̀NÌ-FÌTOM 22:16

Nni ɓigomìnɛ, kɔ̀ɔ lɛ̀mziti, pɛ̀sɛn aɗyoo u teɗ bàɓtis ɓi ɗii ɗi Kan, di ɓiɓe ɓyɔɔ ɓyɛɛ ɓa ɓìsòòyɛn.

MƐ̀KÌKÌÌ MƐ ƁƐKƐ̀NÌ-FÌTOM 26:18

di ɓyɛɛ pɛsɛn yì ɓi birìm, ɓyɛɛ yu ɓi kìtɛɛtɛn, ɓi leg yì ɓi rìlàmì ɗi Satàn, ɓi yuiy yɛ̀ɛ Bɛ̀ll, fɔɔnnɛ ɓɛ ri ɓiì kìi lɛ, i ɓɛ mɛ gherɛn mɛ, Bɛ̀ll à cenɛ̀n ɓɔ ɓìbe ɓyaa, à ki fa ɓɔ ìkɔ̀ɔ̀ ɓi ǹɗaŋ wu ɓum ɓii.

MƐ̀KÌKÌÌ MƐ ƁƐKƐ̀NÌ-FÌTOM 26:20

Wɔ̀lɛ ǹka lokà kìkalii ɓumɓɛ a Damas ɓìɓan ɓi Bɛ̀ll, ǹkalì girig ɓumɓɛ a Yorisalɛm rì ɓɛ ɓi zi ì Zyude bimiɗ, à kpagì lɛ rì ɓumɓɛ ɓi ɓìlɔ̀ŋ ɓizɛy miì; ǹkpaakpààghà ɓɔ lɛ, ɓɛɛ lɔɔ̀ghrɛn mɛ̀rem, ɓɛɛ gherɛn Bɛ̀ll ɓɛ ki kì ɓiɓan ɓi ɓyɛɛ resi lɛ, cɛɓ kaa ki ti kìlɔ̀gtɛn.

MƐ̀KÌKÌÌ MƐ ƁƐKƐ̀NÌ-FÌTOM 3:19

Nni lɔ̀ɔ̀ghrɛɛna min mɛrem, ɓi sugtiì yɛ̀ɛ Bɛ̀ll, di fɔɔnnɛ a tiìsi ɓìɓe ɓin.

MƐ̀KÌKÌÌ MƐ ƁƐKƐ̀NÌ-FÌTOM 5:31

Nyi nnɛ Bɛ̀ll àa m̀pɛ̀sii aɗyoo, rì weèlem wìì, lɛ a ɓa lɛ, nyi rìfòm, nyi ǹghɛɓsì-ɓum ànɛ à rì ɓiì nɛmì Isirayɛl bee ìnɛ lɛ ɓɛɛ lɔɔ̀ghrɛn mɛ̀rem di Bɛ̀ll a cenɛn ɓɔ ɓìɓe ɓyaa.

MƐ̀KÌKÌÌ MƐ ƁƐKƐ̀NÌ-FÌTOM 8:12

Wɔ̀lɛ, yɛ̀ɛ ɓum ɓɛ gherɛ̀ngà Syeesyee à Ɓɔlɛ ànɛ Filiɓ à kpaakpààghà ɓɔ, Syeesyee à Ɓɔlɛ à kìlɔ̀ŋ ki Bɛ̀ll, rì à ɗii ɗi Yeesus Kiris, fɔɔnnɛ ɓum ɓɛ ɓaɓtàkà lɛ, rì ɓɛ̀yiɓ, rì ɓɛ̀baŋì.

MƐ̀KÌKÌÌ MƐ ƁƐKƐ̀NÌ-FÌTOM 8:20

Nni Pyɛɛri à ɓàkà nyi lɛ: Kɔ̀ɔ̀ ɓa gi la rì mɔ̀ɔ̀ni mɔɔ mɛncèm, yɛ̀ɛ ù fèegh lɛ ù rì lɛ ù làg rìfa ɗi Bɛ̀ll rì mɔ̀ɔ̀ni,

RÒMƐŊ 6:3

Ɓì yii ɓi lɛ ɓìsi ɓɛ̀sɛ̀ɛ̀ ɓɛ̀cèm ɓɛ tì ɓàɓtɛ̀ngà ɓi Yeesus Kiris ɓi ɗùm, ɓi rìwu ɗii nnɛ tì ɓàɓtɛ̀ngà lɔɔ?

EFÈZYƐŊ 1:7

Ɓi Man ànɛ̀n, tì ti ɓɛ̀kòrɛn ri bwaɓ yii, ɓìɓe ɓis ɓi ɓa ɓìcàrɛn lɔŋ lɛ coo itègh wu geesɛ̀n ì Bɛ̀ll,

Kaàtà ànɛ Pol à kàngà TIT 3:5

nni à ghɛɓsìghà ɓìsi, àa ɓisuu ɓìɓan ɓi saaɗ, ɓi tì kìkìghà, lɔŋ à ghɛɓsìghà ɓìsi lɛ nɗem wu nyìinyìg wu à rì rì wɔ, rì ɗùùɗùù ɗi ɗi ti ɗi kilàg lɛ mum a ɓiìti kìyalɛɛ, rì rìkì ɗi Kìtɛntɛ̀ɛ̀n ki Nghay kɛɛ̀ kìlag lɛ mum a ghay nyɔɔnyɔn à mum.

1 PYƐƐRI 3:21

Mɛ̀nig mɛǹ mɛ ɓaghà kìfèèghrɛnà ki bàɓtis ìnɛ yɛɛ̀ ghɛɛghɛɓsì mìni ɓigomìnɛ, bàɓtis ìnɛ̀n ì yin ɓiì sòòsoo tifin ti ɓi nyoo, kìɓan kifog ì rì rìfalɛ̀n ɗi mum à falɛɛ yɛ̀ɛ Bɛ̀ll rì syeesyee à nɗem. A ghɛɛghɛɓsì mìni lɛ rìghèmɓɛ̀n ɗi Yeesus Kiris à ghèmɓɛ̀ngà,