MƐ̀KÌKÌÌ MƐ ƁƐKƐ̀NÌ-FÌTOM 2:22 - Bafia Nouveau Testament

²² Mìni ɓumɓɛ a Isirayɛl, wooghna kìɓan ki nkìki lɛ, nkpaà mìni: Yeesus ànɛ a Nazarɛt àa nɗì ŋwaànɛ Bɛ̀ll àa ǹɗèsii mìni lɛ, nnyɛɛ romgày nyi, ɓi dàm yi ɓiɓan, rì ɓɛ̀koŋnyoo ɓɛ ɓiɓan, rì ɓìrèmzɛnà ɓi à faghà nyi ìtèɗ wulɛ a ki ɓi nyìinyìm wìn lɔŋ yɛ̀ɛ mìniìɓɔmiɗ ɓì yii.

MƐ̀KÌKÌÌ MƐ ƁƐKƐ̀NÌ-FÌTOM 2:22 ပူးပေါင်းရင်းမြစ်များ

MATYOO 12:28

Kìɓan kìfog, i ki ri lɛ mɛ̀ɛ nànaɓ ɓiɓeɓtàg ɓi mɛghay rì Ǹghay à Bɛ̀ll, fɔlɔɔ a rèsii lɛ kìlɔ̀ŋ ki Bɛ̀ll ki mɛ kpaŋ a lɔ̀ŋkin.

MATYOO 2:23

Fɔɔnnɛ à kɛ̀ngà kì kɔ̀rii ɓi bàn ìdɛŋ ɗii lɛ Naazarɛt, lɛ kɛɛ kilɛn lɔŋ yɛ̀ɛ ɓɛ̀kpaŋzì-ɓìɓan ɓɛ lokà kì kalii lɛ: Ɓɛ regii gɛ nyi lɛ muu Naazarɛt.

MATYOO 9:8

Yɛ̀ɛ gwìy ì ɓum ì ghɛngà fɔlɔɔ, ìris wu ɓan yɔ̀, ì ki kemzi Bɛ̀ll lɛ, à mɛ fa ɓum rìkuu ɗi itèɗ yɛ̀ɛ ɗiǹ.

LUKAS 11:20

Kìɓan kifog, i ki rì lɛ nnànaɓ ɓiɓeɓtàg ɓi mɛghay rì ìtèɗ wu Bɛ̀ll fɔlɔɔ a rèsii lɛ, kìlɔ̀ŋ ki Bɛ̀ll ki ti a lɔ̀ŋkin.

LUKAS 18:37

Nni ɓum ɓɛ kpaaghà nyi lɛ Yeesus ànɛ a Naazarɛt yɛɛ̀ ghaghààgh.

LUKAS 24:18

kìbog ki ɓi ɓɔ ɗii lɛ Kileyopas ki ɓaàg nyi lɛ: Wɔ̀ yɛɛ ri nya kìbog ki mum ki a Yorisalɛm, ki ki yii ɓi kiɓan ki ki nkìlɛɛ wɔɔ ɓi mɛ̀ru mɛ?

ZYAŊ 1:45

Fɔɔnnɛ Filiɓ à tuusɛ̀ngà rì Natanayɛl, à kpaa nyi lɛ: Tyàa ghɛɛ ŋwaànɛ kìɓan kii ki ri kìkànɛn ɓi kaàtà à ɓìdɔ̀gsɛna ɓi Moyis rì ɓi ɓɛ̀kaàtà ɓɛ ɓɛkpaŋzì-ɓìɓan, nnyɛɛ ri Yeesus à man à Yoosɛɓ ànɛ a Naazarɛt.

ZYAŊ 10:37

I ǹki rɔ̀ɓi kɛ̀ɛ nkì ɓisay ɓi Seŋi wɛ̀m, ɓì rɔ̀ɓ kɛ̀ ɓi gherɛn mɛ.

ZYAŊ 11:47

Fɔlɔɔ nnɛ ɓɛ̀pìrɛɛtìrɛ̀ ɓɛgwey rì Ɓɛ̀fàrìzyɛŋ ɓɛ taŋzɛ̀ngà Sànèdìrɛŋ ɓɛ kpaa lɛ: Ti ki la? Lɛ ŋwaànɛ a kìki dàm lɛɛ̀gwey.

ZYAŊ 12:17

Fɔɔnnɛ gwìy ì ɓumɓɛ ɓɛ ɓaghà ǹɗaŋ ri Yeesus, cààmɛ̀n ki à regìghà Lazaari lɛ a kpaŋ yi ɓi zɔ̀ŋ, à ghèmzì nyi, ì kalìghà kìɓan ki ɓɛ ghɛngà kiǹ.

ZYAŊ 15:24

I kɛ̀ɛ nkì ɓɛgɛn ɓɛ ɓiɓan ɓɛ ŋwaàdɛŋ à ka kighà ɓi ɓi nyìinyìm wàa, di ɓɛ yin ri bɛ̀lɛn. Nni ɓigomìnɛ, ɓɛ nghɛɛ ɓìɓan ɓi mɛ̀ɛ nkìi, ɓɛ ki ɓèèzɛn lɛ rì mɛ̀ rì Seŋi wɛ̀m.

ZYAŊ 19:19

Pilat à kàngà girig ɓi kìɓoŋ, ɓɛ ɓaàtì kɔ ɓi kɔrɔs. Mɛ̀kànì mɛǹ mɛ ɓaghà lɛ: Yeesus ànɛ a Naazarɛt, rìfòm ɗi Ɓɛ̀yudɛ̀n.

ZYAŊ 3:2

à yùghà yɛ̀ɛ Yeesus rì ìru à kpaa nyi lɛ: Raɓì, tì yii lɛ, ù rì ǹɗèsàg ànɛ Bɛ̀ll yɛɛ romiì ɓisuulɛ, ŋwaà yin lɛ à kì dàm yi ɓiɓan yɛ̀ɛ yi wɔ̀ɔ kìki yi, di Bɛ̀ll à yin a lɔ̀ŋkii.

ZYAŊ 4:48

Nni Yeesus à kpaaghà nyi lɛ: Mìnii ri lɔŋ lɛ, i ɓì ghɛɛ ɓi dàm yi ɓiɓan, rì ɓɛ̀koŋnyoo ɓɛ ɓiɓan, kɛ̀ ɓi gherɛn.

ZYAŊ 5:36

Ǹɗì rì wusìnɛ̀ɗ ànɛ a rèresi kiɓan kɛm̀, à cee rìrèsì ɗi Zyaŋ à rèsìghà, nnyɛɛ ri ɓìɓan ɓi Tààta à faghà mɛ̀ lɛ nki. Ɓìɓan ɓiǹ ɓyɛɛ̀ rèresi lɛ Tààta yɛɛ romgày mɛ̀.

ZYAŊ 6:14

Yɛ̀ɛ ɓumɓɛ̀n ɓɛ ghɛngà dàm ì kìɓan inɛ̀n, nni ɓɛ kpaaghà lɛ: Roànɛ à rì lɔŋ ǹkpaŋzì-ɓìɓan anɛ ɓɛ kpaaghà lɛ, à ɓiì yùu ɓi ziinɛ.

ZYAŊ 6:27

Kɛ̀ ɓi say ɓisuu ɓiɗilàg ɓi ɓi ri lɛ ɓi ɗyoŋ, salina ɓisuu ɓiɗilàg ɓi ɓi ri lɛ ɓi kɔrì à kpaŋ ɓi cɛɓ ki fiɗyàɓ fikɔ̀ɔ̀, ɓyɛɛ̀ ɓi Man à mum à rì mìni ɓiì faà, lɛ nyi nnɛ Bɛ̀ll Seŋi à fogà kìrèmzɛnà ki rilàmì ɗii ɓi nyi.

ZYAŊ 7:31

Ɓi gwìy ìnɛn, ɓum lɛɛ̀gwey ɓɛ gherɛ̀ngà nyi, ɓɛ kpaakpàà lɛ: Yɛ̀ɛ Kiris à ri yù, à ri kì nya dàm yi yi cee yi ŋwaànɛ a kìkì?

ZYAŊ 9:33

I ŋwaànɛ kɛ̀ɛ ɓay yɛ̀ɛ Bɛ̀ll, di à yin lɛ à kì com.

MƐ̀KÌKÌÌ MƐ ƁƐKƐ̀NÌ-FÌTOM 13:16

Nni Pol à pɛ̀sɛ̀ngà aɗyoo, à maasì ɓum ɗì càg, à kpaa lɛ: Mìni ɓɔn ɓɛ Isirayɛl rì mìni ɓɛ ɓi risag Bɛ̀ll, ramina mɛ̀reè!

MƐ̀KÌKÌÌ MƐ ƁƐKƐ̀NÌ-FÌTOM 14:27

Yɛ̀ɛ ɓɛ kpagà a Aŋtyos, ɓɛ taŋzɛ̀n ɓɛ̀gherɛ̀n ɓɛ ɓi kìseŋi ki wɔɔ, ɓɛ kpaa ɓɔ ɓìɓan ɓìcèm ɓi Bɛ̀ll à faghà ɓɔ ìtèɗ wulɛ ɓɛɛ kikì, à ɓiisɛ̀n rìnɛm ɗi à nɛmgà ɓum ɓɛ zɛy bee inɛ ɓɛɛ gherɛn girig nyi.

MƐ̀KÌKÌÌ MƐ ƁƐKƐ̀NÌ-FÌTOM 2:19

Nɗi kìi gɛ lɛ dàm yi ɓiɓan yɛɛ resɛn ɓi ɗyoo ɓi ɗùm, ɓɛ̀koŋnyoo ɓɛ ɓiɓan ɓɛ kilɛ̀n ɓi ziinɛ; rì bwaɓ, rì ɗuu, rì fìsilì ɓi ɓaa gɛ;

MƐ̀KÌKÌÌ MƐ ƁƐKƐ̀NÌ-FÌTOM 2:43

Ìris wu ɓangà mum ǹcèm ànɛ ɓi ɓɔ, lɛ ɓɛ̀kɛ̀nì-fìtom ɓɛ kikìghà dàm yi ɓiɓan rì ɓɛ̀koŋnyoo ɓɛ ɓiɓan, lɛɛ̀gwey.

MƐ̀KÌKÌÌ MƐ ƁƐKƐ̀NÌ-FÌTOM 21:28

di ɓɛɛ kuukugsɛ̀n jɛ̀ɛ̀ aɗyoo lɛ: Mìni ɓumɓɛ a Isirayɛl, yùuna ɓìsi fɛ̀! Ŋwaànɛ à ti à kɛ̀ɛ̀kɛ̀ɛ̀ jàŋbimiɗ, di a rèresi ɓum ɓɛ̀cèm lɛ ɓɛɛ ki lɛ, ɓɛ sɛɛtì kìlɔ̀ŋ kis, ɓɛ sɛɛtì ɓìdɔ̀gsɛna ɓi Moyis, ɓɛ ki sɛɛti naa yìs i Bɛ̀ll. Àa rɛ̀ŋii gì kì ɗiŋzii ɓumɓɛ zɛy ɓi naà-Bɛ̀ll. Rìkì ɗiǹ, ɗi yogsii rìɓa ɗi naà-Bɛ̀ll, ì rì kìcèlì.

MƐ̀KÌKÌÌ MƐ ƁƐKƐ̀NÌ-FÌTOM 22:8

Nni m̀ɓàkà lɛ: Kan, wɔ̀ yɛɛ ri ghɛn? Jɛ̀ɛ̀ ì ɓàg mɛ̀ lɛ: Mɛ̀ yɛɛ ri Yeesus ànɛ a Nazarɛt ànɛ ù ti, ù yeèyèèsì.

MƐ̀KÌKÌÌ MƐ ƁƐKƐ̀NÌ-FÌTOM 24:5

Tìi ǹghɛɛ lɛ ŋwaànɛ à rì fìɓàg, a ɓiighɓigtì kìyoòyòò ɓi nyìinyìm à Ɓɛ̀yudɛ̀n ɓi Zi bimiɗ. Nnyɛɛ ki rìtì rìfòm ɗi righerɛ̀n ɗi nyɔn ɗi ɓumɓɛ a Nazarɛt.

MƐ̀KÌKÌÌ MƐ ƁƐKƐ̀NÌ-FÌTOM 26:26

Rìfòm ɗi yii ɓìɓan ɓi fɔɔnnɛ nkakali nyi ɓyɔ lɛ fwàafwàày lɛ ǹkonaagh kì yiì lɛ à còmɛɛ ɓi kiɓan miì nsoò kìfog, ɓyɛ̀ kɛɛ̀ ki ɓa ɓiɓan ɓi ɓi kilɛ̀ngà a rìnyam.

MƐ̀KÌKÌÌ MƐ ƁƐKƐ̀NÌ-FÌTOM 26:9

Ɓi ɓɛg ànɛ a lɔ̀ŋkɛm̀ ǹfèfèkà lɛ, ki ghɛɛ̀sɛɛ lɛ nɗuù rì ɗii ɗi Yeesus ànɛ a Nazarɛt bee yicèm.

MƐ̀KÌKÌÌ MƐ ƁƐKƐ̀NÌ-FÌTOM 3:12

Yɛ̀ɛ Pyɛɛri à ghɛngà fɔlɔɔ, nnɛ à kalìghà ɓumɓɛ̀n lɛ: Mìni ɓumɓɛ a Isirayɛl, ɓi cɛ nnɛ ɓì rì ri mɛ̀kuùkuugh ɓi kìɓan ki? Ɓisuucɛ nnɛ ɓi fifiɓi ɓisi lɔŋ yɛ̀ɛ ɓɛɛ̀ kali lɛ tì kɛ̀ɛ̀sii ŋwaànɛ rì ìtèɗ wis, nsoò lɛ ɗì rìfalɛ̀n ɗis ɗi ɓi rìgherɛ̀n?

MƐ̀KÌKÌÌ MƐ ƁƐKƐ̀NÌ-FÌTOM 3:6

Pyɛɛri à Kpaa min nyi lɛ: Mɛ̀ n-yin ɗi mɔ̀ɔ̀ni nsoò gol lɔŋ com ki ǹɗì rì kɔ kɛɛ̀ki ǹfaa wɔ̀: Ɓi ɗii ɗi Yeesus Kiris ànɛ a Nazarɛt pɛ̀sɛn aɗyoo u kɛɛ̀ghi!

MƐ̀KÌKÌÌ MƐ ƁƐKƐ̀NÌ-FÌTOM 4:10

ɓì ghɛ̀ɛ̀sɛɛ kì yiì ɓɛ̀sɛ̀ɛ̀ ɓɛ̀cèm, kìlɔ̀ŋ ki Isirayɛl ki yi girig lɛ, ŋwaànɛ à rɛrɛlii mìni asu fɛlɛ lɛ syeesyee ɓi nyoo yìì, lɛ ìtèɗ wu ɗii ɗi Yeesus Kiris ànɛ a Nazarɛt, ànɛ ɓìi nkpani ɓi kɔrɔs aɗyoo, nyi nnɛ Bɛ̀ll àa ǹghèmzii yì a ɓìloŋ.

MƐ̀KÌKÌÌ MƐ ƁƐKƐ̀NÌ-FÌTOM 5:35

À kpaa min ɓum ɓɛ ǹtaŋzɛn lɛ: Mìni ɓumɓɛ a Isirayɛl, konaaghna rì com ki ɓi fèfeg kiǹ lɛ ɓi ki rì ɓumɓɛ;

MƐ̀KÌKÌÌ MƐ ƁƐKƐ̀NÌ-FÌTOM 6:14

Tìi ǹwoogh di a kakali lɛ: Yeesus ànɛ a Nazarɛt à rì ɓiì wààghii jàŋ inɛ, à ki cenɗag ɓidɔ̀gsɛna ɓi Moyis à faghà ɓìsi.

2 KƆ̀RƐ̀ŊTYƐŊ 12:12

Ɓìɓan ɓi ɓyɛɛ̀ rèresi lɛ ǹɗì ǹkɛ̀nì-fìtom a Yeesus ɓi ghɛnɛ̀ngà ɓi nyìinyìm wìn ɓi rìyi ɗi rinìɗ ɗi nɗem ɓi mɛ̀kuu mɛ mɛfèèghrɛn mɛcèm, rì ɓi ɓìrèmzɛnà ɓi ɓiɓan, rì dàm yi ɓiɓan, rì ɓɛ̀koŋnyoo ɓɛ ɓiɓan.

EBIREEGH 2:4

Bɛ̀ll à ki sìisiìràg rìkalì ɗyaa lɛ rì ɓìrèmzɛnà, rì ɓɛ̀koŋnyoo ɓɛ ɓiɓan rì dàm mɛ̀kuu mɛ̀kuu, rì mɛ̀fafàà mɛ Kitɛntɛ̀ɛ̀n ki Nghay mɛ a kàakàɓsì lɔŋ yɛ̀ɛ ki kɔni nyi.