MƐ̀KÌKÌÌ MƐ ƁƐKƐ̀NÌ-FÌTOM 2:17 - Bafia Nouveau Testament

¹⁷ Ɓi mɛ̀ru mɛ siitòn, ǹɗomigɛy Ǹghay wɛ̀m ɓi mum bimiɗ, fɔɔnnɛ ɓɛ̀dɛlì ɓin rì ɓɛ̀gɔ̀n ɓin ɓɛ ɓaà gɛ ɓɛ̀kpaŋzì-ɓìɓan ɓɔn ɓin ɓɛ ghɛnghɛ̀n dàm yi ɓiɓan rì ìtèɗ wu Nghay à Bɛ̀ll, ɓìdɛ̀ndɛm ɓi kikì ɓìtùg ɓin ɓi ɓum.

MƐ̀KÌKÌÌ MƐ ƁƐKƐ̀NÌ-FÌTOM 2:17 ပူးပေါင်းရင်းမြစ်များ

LUKAS 3:6

Fɔlɔɔ nnɛ mum bimiɗ à ɓiì ghɛɛ gòri ì Bɛ̀ll.

ZYAŊ 17:2

Fɛlɛ yɛ̀ɛ ù faghà nyi ìtèɗ wu lɛ a lami ɓum ɓɛ̀cèm, à fa ɓɛ̀sɛ̀ɛ̀ ɓɛ̀cèm ɓɛ ù faghà nyi cɛɓ ki fiɗyàɓ fikɔ̀ɔ̀.

ZYAŊ 7:39

Kìɓan ki Nghay ànɛ ɓumɓɛ ɓɛ gherɛɛ nyi ɓɛ ghɛɛ̀sɛ̀ngà kìterì kɛɛ̀ki à kpaakpààghà lɔɔ. Ɓisuulɛ cààmɛ̀n kiǹ ki ɓaghà di ɓɛ ka rom yi ɓi Nghay, rì tì lɛ Yeesus à ɓaghà di à ka teɗ ɓi rìkem ɗìì.

MƐ̀KÌKÌÌ MƐ ƁƐKƐ̀NÌ-FÌTOM 10:45

Fɔɔnnɛ ɓɛ̀gherɛ̀n ɓɛ ɓɛ ɓaghà Ɓɛ̀yudɛ̀n, ɓɛ ɓɛ ɓaghày ǹɗaŋ ɗi Pyɛɛri, ɓɛ kuuràkà lɛɛ̀gwey, yɛ̀ɛ ɓɛ ghɛngà lɛ Bɛ̀ll à faa ɓumɓɛ ɓɛ yin Ɓɛ̀yudɛ̀n Kìtɛntɛ̀ɛ̀n ki Nghay.

MƐ̀KÌKÌÌ MƐ ƁƐKƐ̀NÌ-FÌTOM 11:27

Ɓi cààmɛ̀n kiǹ, ɓɛ̀kpaŋzì-ɓìɓan ɓɛ pɛsɛ̀ngày a Yorisalɛm, ɓɛ sɛn a Aŋtyos.

MƐ̀KÌKÌÌ MƐ ƁƐKƐ̀NÌ-FÌTOM 11:28

Fɔɔnnɛ, kìbog ki ɓi ɓɔ, ɗii lɛ Agaɓus, ki pɛsɛ̀ngà aɗyoo, ki kalì ɓum rì ìteɗ wu Kitɛntɛ̀ɛ̀n ki Nghay lɛ, coo zày ì rì ɓiì kìi ɓi zi bimiɗ wɔ̀lɛ ì ki kìghà, ɓi cààmɛ̀n ki Kiloodɛ à ɓaa rìfòm.

MƐ̀KÌKÌÌ MƐ ƁƐKƐ̀NÌ-FÌTOM 2:16

Kìɓan kifog, Bɛ̀ll yɛɛ roozii jɛ̀ɛ̀ yìì inɛ à kpaaghà ɓi ŋwɔm wu ǹkpaŋzì-ɓìɓan wiì ànɛ lɛ Zyuwɛl lɛ:

MƐ̀KÌKÌÌ MƐ ƁƐKƐ̀NÌ-FÌTOM 2:18

Ɛ̀ɛ̀! ɓi mɛ̀ru mɛ̀n nfoŋi gɛ Ǹghay wɛ̀m ɓi ɓɛ̀kìì-ɓìsay ɓɛm lɛ, rì ɓɛ ɓɛbaŋì, rì ɓɛ ɓɛ̀yiɓ lɛ ɓɛɛ kpaŋzi ɓìɓan.

MƐ̀KÌKÌÌ MƐ ƁƐKƐ̀NÌ-FÌTOM 2:33

Yɛ̀ɛ àa mɓɔɔ ki kɔ̀rii ɓi weèlem à Bɛ̀ll, Seŋi àa nfaa nyi Kìtɛntɛ̀ɛ̀n ki Nghay ki à kàkà, kɛɛ̀ki à romiì lɔŋ yɛ̀ɛ ɓi seesee lɛ, ɓì ki wowog.

MƐ̀KÌKÌÌ MƐ ƁƐKƐ̀NÌ-FÌTOM 21:9

À ɓaghà rì ɓɛ̀gɔ̀n ɓɛnin, ɓɛ ɓɛ ɓaghà di ɓɛ ka yi ɓi ɓɛbaŋì, ɓɛ ki ɓa ti ɓɛkpaŋzì-ɓìɓan.

RÒMƐŊ 5:5

Fɔlɔɔ nnɛ dyàɓɛn inɛ̀n ì ti yɛ̀ kɛɛ̀ ɓɔ̀ŋ ɓisi ɓisuulɛ Bɛ̀ll à ɗyɛɛghà ǹkɔ̀nɛ̀n wìì ɓi mɛ̀rem mis, rì Kìtɛntɛ̀ɛ̀n ki Nghay ki à faghà ɓìsi.

1 KƆ̀RƐ̀ŊTYƐŊ 12:10

À fa ŋwaàdɛŋ ìtèɗ wu kìkiyɛn dàm, à fa roàmbog ìtèɗ wu kpaakpaŋzìyɛ̀n ɓìɓan ɓi Bɛ̀ll à rèsii nyi; à fa roàdɛŋ ìtèɗ wulɛ a yi rìghasì ɗi lɛ, rì ɓìɓeɓtàg ɓi mɛghay, rì syeesyee à Ǹghay, à fa tì roàdɛŋ ìtèɗ wu tòtoghɛn ɓìkènekènè ɓi ɓitòkì à ki fa roàdɛŋ ìtèɗ wulɛ a tɛɛ̀zi ɓìɓan ɓi ɓyɛɛ̀ kpaakpaàrɛ̀n ɓi ɓìtòkì ɓiǹ.

1 KƆ̀RƐ̀ŊTYƐŊ 12:28

Nni Bɛ̀ll à rɛsàkà ɓum ɓi kìseŋi kii fɛlɛ̀: Asu ɓɛ̀kɛ̀nì-fìtom, ɓɛ̀kpaŋzì-ɓìɓan ɓɛ ɓɔ̀ɓ, ɓɛ̀rèsàg ɓɛ yuiy ɓi nɗɛli wu kiraa, ajɛ̀m ìnɛn, rìfa ɗi lɛ ɓum ɓɛɛ kiki dàm ɗi nɔɔ̀tì, mɛ̀faà mɛ yɛ̀ɛ mɛ riwɔ̀ɔ̀wɔ̀ɔ̀zì ɗi ɓɛ̀roroɓ, rì rìghɛɛghɛ̀ɓsì ɗi ɓum ɓɛ nyìinyìg, rì ɗìyi ɗi rilàmì, rì rìtòtòg ɗi ɓitòkì mɛ̀kuu mɛ̀kuu.

EBIREEGH 1:2

nni ɓi mɛ̀ru mɛ siitòn mɛ, àa ntòòghrɛɛ rì ɓìsi ɓi ŋwɔm wu Man wiì, man ànɛ̀n innɛ à rɛsìghà lɛ a teɗ ɓìɓan ɓicèm; rì nyi nnɛ Bɛ̀ll à kìghà lɛ rì ɗyoo rì zi.

ZYAG 5:3

gol yìn rì mɔ̀ɔ̀ni min ɓi ri rì geègee; geègee yiǹ yi ri wusìnɛ̀ɗ ànɛ à rì mìni ɓiì pyèni mis, à tɔ̀ngì mìni yɛ̀ɛ ɗuu. Ɓìi nɗɛ̀ŋi kì taŋzaagh ìkum ɓi mɛ̀ru mɛ siitòn mɛ.

2 PYƐƐRI 3:3

Ka looghna kì yiì lɛ, ɓi mɛ̀ru mɛ siitòn, ɓum ɓɛdɛŋ ɓɛ ɓiì pee yì, ɓɛ ghɛghɛ̀ɓ lɔŋ yɛ̀ɛ mɛ̀rem maa mɛɛ̀ kɔ̀nkɔ̀n, ɓɛ wɔwɛ̀y mìni