MƐ̀KÌKÌÌ MƐ ƁƐKƐ̀NÌ-FÌTOM 2:10 - Bafia Nouveau Testament

¹⁰ ɓɛ̀roɓɛ a Firizii, rì ɓɛ a Paŋfilii, rì ɓɛ a Egiɓtɛn, rì ɓɛ ɓi, kìden ki zi ki a Liɓii ki ki wòŋzɛɛ rì Sirɛn, rì ɓɛ̀roɓɛ ɓɛ pɛsɛ̀ngày a Rom, à teɗ lɛ, Ɓɛ̀yudɛ̀n ɓɔmiɗ, rì ɓɛ̀roɓɛ ɓɛ lɔɔ̀ghrɛ̀ngà ɓi rìgherɛ̀n ɗi Ɓɛ̀yudɛ̀n à kpaŋ lɛ,

MƐ̀KÌKÌÌ MƐ ƁƐKƐ̀NÌ-FÌTOM 2:10 ပူးပေါင်းရင်းမြစ်များ

MATYOO 2:15

À kɔ̀rìghà wɔɔ à kpaŋ yɛ̀ɛ Eroodɛ à wughà, lɛ kɛɛ kilɛn lɔŋ yɛ̀ɛ Kan à kpaaghà ɓi ŋwɔm wu ǹkpaŋzì-ɓìɓan lɛ: Mɛ̀ɛ ǹɗegii man wɛm̀ lɛ a kpaŋdɛn a Egiɓtɛn.

MATYOO 23:15

Nyìighnyìg rì mìni ɓɛ̀rèsàg-ɓìdɔ̀gsɛna rì Ɓɛ̀fàrìzyɛŋ ɓɛ ɓì rì lɛ, fyɛɛ̀fyɛɛ̀ ɓi ŋwɔm ìghèy ɓi ɗùm, ɓisuulɛ ɓi rereni jàŋ lɛ, ri ɓi rìɓày rì ɓi zi ì zɛy lɛ ɓi syoŋ mum ànɛ ɗiŋi ɓi nɗaŋ win nsoò bogtɛ̀n. Nni yɛ̀ɛ ɓi ki syòŋi mum lɔɔ, ɓì kì lɛ ŋwaànɛ̀n a ɓa ŋwaànɛ à ghɛ̀ɛ̀sɛɛ rì ɗuu ɗi fiɗyàɓ fikɔ̀ɔ̀, à cee mìni ɓi kìɓeɓtàg ki ǹɗem.

MATYOO 27:32

Yɛ̀ɛ ɓɛ kpaŋkpàŋgày ɓi naa ì gɔmìnà, nni ɓɛ tuusɛ̀ngà rì ŋwaànɛ a Sirɛn ɗii lɛ Simɔn, ɓɛ kaŋ̀ nyi lɛ a tɛg kɔrɔs à Yeesus.

MARIKUS 15:21

Ŋwaàdɛŋ ànɛ ɓi kìlɔ̀ŋ ki lɛ Sirɛn ɗii lɛ Simɔn à ghaghàghìyà wɔɔ, di à rìì a dɛm, àncèm à ɓaghà seŋi Alɛgsaŋdirɛ ɓɛɛ̀ Rufus. Ɓɛ̀sujàà ɓɛ kagà nyi lɛ a tɛg kɔrɔs à Yeesus.

MƐ̀KÌKÌÌ MƐ ƁƐKƐ̀NÌ-FÌTOM 11:20

Nni gàɓ ì ɓɛ̀gherɛ̀n ìdɛŋ ìnɛ ì ɓaghà lɛ, rì ɓumɓɛ a Siipirɛ, rì ɓumɓɛ a Sirɛn, ɓɛ kɛngà a Aŋtyos, ɓɔɔ totòkà girig rì ɓumɓɛ ɓɛ ɓaghà Gìrɛg, ɓɛ kpaakpaa ɓɔ Syeesyee à Ɓɔlɛ à Kan Yeesus.

MƐ̀KÌKÌÌ MƐ ƁƐKƐ̀NÌ-FÌTOM 13:1

Ɓi kìseŋi ki a Aŋtyos, ɓɛ̀kpaŋzì-ɓìɓan ɗì ɓyoo ɓɛrèsàg sùkurù ɓɛ ɓaghà wɔɔ. Ɓɛ ɓaghà lɛ: rì Ɓarinaɓas rì Simeyɔŋ ànɛ à ɓatìghà ɗii lɛ ŋwaà-ǹfin, rì Lusyus ànɛ a Sirɛn rì Manaɛŋ ànɛ ɓɛ tɔɔsɛ̀ngà rì gɔmìnà ànɛ lɛ Eroodɛ, rì Sol.

MƐ̀KÌKÌÌ MƐ ƁƐKƐ̀NÌ-FÌTOM 13:13

Yɛ̀ɛ Pol rì ɓɛ̀reŋkàŋ ɓii ɓɛ pɛsɛ̀ngà a Pafos, ɓɛ teɗ kìkɔm lɛ ɓɛɛ kɛǹ a Pɛrizɛ ànɛ a Paŋfilii Zyaŋ nyii ghasɛ̀ngà rì ɓɔ, à sugti a Yorisalɛm.

MƐ̀KÌKÌÌ MƐ ƁƐKƐ̀NÌ-FÌTOM 13:43

Yɛ̀ɛ rìghàdà ɗi lekà, Ɓɛ̀yudɛ̀n lɛɛ̀gwey rì ɓum ɓɛ zɛy ɓɛ ɓɛ ɗiŋìghà ɓi rìgherɛ̀n ɗi Ɓɛ̀yudɛ̀n ɓɛ nɔɔ̀tìghà Pol ɓɛɛ̀ Ɓarinaɓas, ɓɛ̀roɓɛ̀n ɓɛ kuùkùrɛ̀n ɗì ɓɔ, ɓɛ teètèèsì ɓɔ nyoo di ɓɛɛ̀ kpaakpaa ɓɔ lɛ, ɓɛɛ kɛn asu, ɓɛ ki sììrɛn ɓi geesɛ̀n ì Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 14:24

Fɔɔnnɛ ɓɛ ceeghà ɓi kiden ki zi ki lɛ Pisidii, ɓɛ kɛǹ kì kpaŋì a Paŋfilii.

MƐ̀KÌKÌÌ MƐ ƁƐKƐ̀NÌ-FÌTOM 15:38

wɔ̀lɛ Pol à gherɛ̀ngà ɓi lɛ ɓɛɛ Kɛǹ ɗì Zyaŋ, ɓisuulɛ, à rinìghà ɓɔ a Paŋfilii, kɛ̀ɛ ki teeti gàɓ ɓi kìsay ki ɓɛ kɛngà kì kìi.

MƐ̀KÌKÌÌ MƐ ƁƐKƐ̀NÌ-FÌTOM 16:6

Yɛ̀ɛ Kìtɛntɛ̀ɛ̀n ki Nghay kì rekà ɓɔ lɛ, ɓɛ̀ kɛɛ̀ ghagsi jɛ̀ɛ̀ ì Bɛ̀ll ɓi kìden ki zi ki a Azii fɔɔnnɛ ɓɛ ghaghìghà bàn ì Firizii, rì zi ì Ɓɛ̀gàlat rì mɛ̀kòò.

MƐ̀KÌKÌÌ MƐ ƁƐKƐ̀NÌ-FÌTOM 17:21

Ɓumɓɛ a Atɛn rì ɓɛ̀kèn ɓɛ ɓi bàn ìnɛn, ɓɛ ɓaghà rì kìsyɔ̀ɔ̀ lɛ, ì duri i tani, ɓɛ kɔrì foo lɛ, ɓɛɛ kpaàkpaa, nsoò lɛ ɓɛɛ wowog ɓɛ̀ɓɔlɛ ɓɛ nyɔn.

MƐ̀KÌKÌÌ MƐ ƁƐKƐ̀NÌ-FÌTOM 18:2

A tuusɛ̀ngà wɔɔ ri muu Ɓɛ̀yudɛ̀n àdɛŋ ɗii lɛ Akilas; ŋwaànɛ̀n à yalɛ̀ngà ɓi kìlànà ki zi ki lɛ Pɔŋ. A pɛ̀sɛ̀ngày a Italii ɓɛɛ̀ Pirisilya à giy, ɓisuulɛ rìfòm ɗi lɛ Kiloodɛ ɗi rengà lɛ Ɓɛ̀yudɛ̀n ɓɛ̀cèm ɓɛ a Rom ɓɛɛ pɛsɛn wɔɔ. Fɔɔnnɛ Pol à ràrɛ̀ngà rì ɓɔ.

MƐ̀KÌKÌÌ MƐ ƁƐKƐ̀NÌ-FÌTOM 18:23

Yɛ̀ɛ à kɔ̀rìghà wɔɔ gàɓ, nni à pɛ̀sɛ̀ngà tì, à reni zi ì Galasi bimiɗ, à ghaàgh min a Firizii, di a sìisiìràg ɓɛ̀yilàg ɓɛ̀cèm ɓi rìgherɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 2:11

ɓumɓɛ a Kirɛɗɛ, rì ɓɛ a Araɓii, cɛ kɛɛ kii lɛ, ti wowog yɛ̀ɛ ɓɛɛ̀ kakali dàm yi ɓiɓan yi Bɛ̀ll ɓi ɓìtòkì ɓis?

MƐ̀KÌKÌÌ MƐ ƁƐKƐ̀NÌ-FÌTOM 23:11

Yɛ̀ɛ ìru wu fingà, Kan à rèsɛ̀n Pol à kpaa nyi lɛ: Pol, kɔ̀ɔ càrɛn! Lɔŋ yɛ̀ɛ wɔ̀ɔ ǹlòmi kìtɛɛtɛn ɓi kìɓan ki ki seesee mɛ̀ a Yorisalɛm, nnɛ ù ghɛ̀ɛ̀sɛɛ tì kì lòmì aà Rom.

MƐ̀KÌKÌÌ MƐ ƁƐKƐ̀NÌ-FÌTOM 27:5

Yɛ̀ɛ tì syààghà rìɓày ànɛ à rì jàŋbog rì jàŋ yi lɛ Silisii, rì Paŋfilii, nni tì kɛ̀ngà kìrɛlii a Mira ànɛ ɓi jàŋ inɛ lɛ Lisii.

MƐ̀KÌKÌÌ MƐ ƁƐKƐ̀NÌ-FÌTOM 28:15

Yɛ̀ɛ ɓɛ̀geni ɓis ɓɛ righerɛ̀n ɓɛ a Rom ɓɛ wokà lɛ tì kpaŋi, ɓɛ yughà ɓìsi kì ɓoŋì a fyèè fi Apiyus, rì ɓi jàŋ inɛ ì ɓaghà ɗii lɛ: Naa yi ɓɛ̀kèn yiraa. Yɛ̀ɛ Pol à ghɛngà ɓɔ, à tògsàg Bɛ̀ll, nyoo yìì i tèèsɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 6:5

Fèg ànɛn à kɔ̀ngà ǹɗaŋ wu ɓɛgherɛ̀n wùcèm nni ɓɛ ɓɔngà min lɛ, rì Ityɛn ànɛ à ɓaghà rì coo righerɛ̀n à ki ɓati ǹɗonɛn ri Kìtɛntɛ̀ɛ̀n ki Nghay, rì Filiɓ, rì Pikɔɔri, rì Nikanɔɔri, rì Timɔŋ, rì Parimenas, rì Nikola ànɛ à ɓaghà a Aŋtyos, à ki lɔ̀ɔ̀ghrɛn à ɗiŋì ɓi rìgherɛ̀n ɗi Ɓɛ̀yudɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 6:9

Fɔɔnnɛ gàɓ ì ɓum ìdɛŋ ìnɛ ɓi naà-bɔ̀ŋzɛ̀n, ìnɛ ì ɓaghà naa ì ɓumɓɛ ɓɛ ka ɓaghà ɓɛ̀kpàn, ɓɛ nyoònyòlɛ̀ngà rì Ityɛn, ɓumɓɛ̀n ɓɛ ɓaghà Ɓɛ̀yudɛ̀n ɓɛ ɓi ɓìlɔ̀ŋ ɓi lɛ: rì Sirɛn rì Alɛgsaŋdirii, rì ɓumɓɛ a Silisii, rì ɓɛ a Azii.

RÒMƐŊ 1:15

Kìɓan kiǹ kɛɛ̀ki ǹɗì rì coo zày ìnɛ lɛ nghagsi girig mìni Syeesyee à Ɓɔlɛ, mìni ɓɛ ɓì rì a Rom.

RÒMƐŊ 1:7

nni mìni ɓɛ̀sɛ̀ɛ̀ ɓɛ̀cèm ɓɛ Bɛ̀ll à keesii yɛ̀ɛ mɛ̀nɔ̀ɓɔ̀, ɓɛ bì rì a Rom, mìniì ɓɛ à reŋìghà lɛ ɓi ɓa ɓum ɓii, Bɛ̀ll à Seŋì wìs ɓɛɛ̀ Kan Yeesus, ɓɛɛ fa mìni lɛ rì geesɛ̀n rì fyòoog.

2 TIMOTE 1:17

Yɛ̀ɛ à kpagà a Rom, à ghagsɛ̀ngà mɛ̀ rì rìkaa, rì kìɗìg à ki ghɛn mɛ.

ÀPÒKÀLIƁSƐ̀ 11:8

Nni ɓìloŋ ɓyaa ɓi cɛnɛɛ gɛ ɓi nlɛmɓog wu coo bàn ìgwey inɛ ɓɛɛ̀ regi ɓi mɛ̀ghèy lɛ Sɔdɔm nsoò lɛ Egiɓtɛn ɓi jàŋ yɔ̀miɗ inɛ ɓɛ kpangà Kan wàà ɓi kɔrɔs.