MƐ̀KÌKÌÌ MƐ ƁƐKƐ̀NÌ-FÌTOM 19:9 - Bafia Nouveau Testament

⁹ Nni yɛ̀ɛ ɓɛ̀ro ɓɛdɛŋ ɓɛ ɓaghà mɛ̀rem mɛ̀tèɗkakɛn ɓɛ̀ kɛɛ̀ kɔ̀n lɛ di ɓaa gherɛɛ, ɓɛ ki feefengì bee ì Kan ɓi mɛ̀reè mɛ ɓum, fɔɔnnɛ Pol à pɛ̀sɛ̀ngà ɓi nyìinyìm wàà, à teɗ ɓɛ̀yilàg à kɛ̀n ɗì ɓɔ jàŋ ìdɛŋ, à kuùkùrɛ̀n ɗì ɓɔ ɓɛ̀ŋwos ɓɛ̀cèm ɓi naà-sùkurì ì Tiranus.

MƐ̀KÌKÌÌ MƐ ƁƐKƐ̀NÌ-FÌTOM 19:9 ပူးပေါင်းရင်းမြစ်များ

MATYOO 15:14

Càrina ɓɔ; ɓɛ ri ɓɛ̀ɗyaŋɗyàŋ ɓɛ ɓɛɛ̀ ɓanɓan ɓɛro ɓɛ̀ɗyaŋɗyàŋ ɓi kìgeŋ; i ɗyaŋɗyàŋ à ɓanɓani roɗyaŋɗyàŋ ɓi kìgeŋ ɓɛ ri ɓiì kpìi ɓi rìɓee ɓɛsɛ̀ɛ̀ ɓɛ̀cèm.

MATYOO 16:4

Gbàà ì ɓum ì gɛɛ̀nɛ ìnɛ ì rì lɛ yɔ̀ ɓìɓeɓtàg ɓi ɓum, ì ki keesi tisɔ̀mɔ̀g, yɛɛ̀ tɔtɔg kìrèmzɛnà; ɓaa rèsi ɓi yɔ̀ kìrèmzɛnà kidɛŋ, i ki yin lɛ, ki Zyonas. Fɔɔnnɛ à càɗkà ɓɔ, à ghaàgh.

MATYOO 26:55

Ɓi cààmɛ̀n kiǹ innɛ Yeesus à kpaaghà rì kìtuu ki ɓum kìn lɛ: Ɓì ghɛɛ mɛ̀ lɛ ǹɗì zyaàzyaa, nni ɓì yùu yì lɛ rì gàfàg rì ɓìgeŋ lɛ ɓi ɓaǹ mɛ̀? Kɔm̀ lɛ, mɛ̀ɛ ǹɗi ɓi naà-Bɛ̀ll ɓɛ̀ŋwos ɓɛ̀cèm ǹɗèèrèsàg ɓum, kɛ̀ ɓi ki ɓaǹ mɛ.

ZYAŊ 12:40

À ɗiŋzìghà ɓɔ tìɗyaŋ, à ki kì lɛ ɓɛ̀ kɛɛ̀ ɓa ti ri syeesyee à ɗyomzɛ̀n, lɛ ɓɛ̀ kɛɛ̀ ghɛnɛn ti rì mis maa, mɛ̀rem maa mɛ̀ kɛɛ̀ fègti kiɓan ki syeesyee, lɛ ɓɛ ɓiì ki lɔ̀ɔ̀ghrɛɛ mɛrem, ǹki wɔ̀ɔ̀zi ɓɔ.

MƐ̀KÌKÌÌ MƐ ƁƐKƐ̀NÌ-FÌTOM 11:26

Yɛ̀ɛ à tanɛ̀ngà nyi wɔɔ, ɓɛ kɛǹ a Aŋtyos ɓɔɔ̀cèm ɓɛ kɔrì wɔɔ bimiɗ à bèg, ɓɛ sasày bas rì kìseŋi ki wɔɔ, ɓɛ ki rèrèsàkà coo bàlì ì ɓum ɓìɓan ɓi Bɛ̀ll. Nni wɔɔ a Aŋtyos nnɛ ɓɛ tɔmgà kì ròo ɓɛ̀yilàg ɗii ɗi lɛ ɓɛ̀kìristɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 14:4

Fɔɔnnɛ ɓumɓɛ ɓi bàn ìnɛn ɓɛ lanɛ̀ngà gàɓ yiɓɛɛ̀ lɛ, ɓɛ̀roɓɛ ɓɛ sug jɛ̀m ɗì Ɓɛ̀yudɛ̀n, ɓɛmbog ɓɛ sug jɛ̀m ɗi ɓɛ̀kɛ̀nì-fìtom ɓɛ Yeesus.

MƐ̀KÌKÌÌ MƐ ƁƐKƐ̀NÌ-FÌTOM 17:4

Fɔɔnnɛ Ɓɛ̀yudɛ̀n ɓɛdɛŋ ɓɛ gherɛ̀ngà ɓìɓan ɓiǹ, ɓɛ ɓasɛ̀n ǹɗaŋ ri Pol rì Silas, rì Gìrɛg lɛɛ̀gwey ì ɓumɓɛ ɓɛ nɗisàg Bɛ̀ll, gàɓ ì ɓìtèetèɗ ɓi ɓɛ̀yiɓ ì nɔɔ̀tìghà girig ɓɔ.

MƐ̀KÌKÌÌ MƐ ƁƐKƐ̀NÌ-FÌTOM 19:23

Ɓi cààmɛ̀n kiǹ, ɓɛ ɓigtìghà coo kiyoòyòò ɓi kìɓan ki ki seesee bee ì Kan.

MƐ̀KÌKÌÌ MƐ ƁƐKƐ̀NÌ-FÌTOM 19:30

Pol à kɔ̀nkɔ̀ngà lɛ a rɛli ɓi mis mɛ ɓum wɔ̀lɛ, ɓɛ̀gherɛ̀n ɓɛ reèg lɛ kɛ̀ɛ kì fɔlɔɔ.

MƐ̀KÌKÌÌ MƐ ƁƐKƐ̀NÌ-FÌTOM 20:31

Fɔɔnnɛ ɓaana cem, ɓì ki yiti lɛ, ǹɗeɓi mìni bèg yiraa, yɛ̀ɛ ìru yɛ̀ɛ ŋwos kɛ̀ɛ nfɔɛy, rì misì ɓi mɛ̀tam.

MƐ̀KÌKÌÌ MƐ ƁƐKƐ̀NÌ-FÌTOM 22:4

Ǹɗùùɗùùsìghà ɓumɓɛ ɓɛ nɔɔ̀nɔ̀ɔ̀tìghà bee ì Kan, wɛ̀y à kpaŋ yɛ̀ɛ ǹwowòlà ɓɛ̀ro ɓɛdɛŋ, ǹki ɓanɓan lɛ, rì ɓɛ̀yiɓ rì ɓɛ̀baŋì ǹfogì ɓɔ ɓi ɓìsɔŋ, ǹki pìki ɓɔ ɓi naà-zày.

MƐ̀KÌKÌÌ MƐ ƁƐKƐ̀NÌ-FÌTOM 24:21

I ki cee ɓi lɛ, jɛ̀ɛ̀ ìnɛ mɛ̀ɛ nkalii ɓi nyìinyìm wàà lɛ: M̀mɛ rɛli ɓɛyɔ̀m gɛɛ̀nɛ ɓi mis min lɛ, kìɓan ki righèmɓɛ̀n ɗi ɓiloŋ wa?

MƐ̀KÌKÌÌ MƐ ƁƐKƐ̀NÌ-FÌTOM 28:22

Ɓìsiì kɔ̀nkɔn lɛ ti wog ɓi ŋwɔm wɔɔ com ki wɔ̀ɔ fèfèg, ɓisuulɛ tì yii lɛ bee inɛ̀n, ɓum ɓɛɛ̀ ɗùùɗuu ri yɔ̀ jàŋbimiɗ.

MƐ̀KÌKÌÌ MƐ ƁƐKƐ̀NÌ-FÌTOM 7:51

Mìni ɓum ɓɛ ǹtoòtèɗ ɓɛ ɓì rì lɛ, mìni kɛ̀ɛ̀ mɛ̀rem, mìni rì ɓɛ̀lɔg, fɔɔnnɛ ɓi ɗùùɗuu cààmɛ̀n kìcèm ɗì Kìtɛntɛ̀ɛ̀n ki Nghay, ɓì rì lɔŋ yɛ̀ɛ ɓɛ̀seŋi ɓin ɓɛ ɓɛsɛ̀ɛ̀mɛn.

MƐ̀KÌKÌÌ MƐ ƁƐKƐ̀NÌ-FÌTOM 9:2

à tɔg nyi ɓɛ̀kaàtà ɓɛ ɓɛ faa nyi Ìtèɗ wulɛ, a kɛǹ a Damas, i à tanɛɛ ɓum ɓi naa yi bɔ̀ŋzɛ̀n, nsoò, ɓɛ̀yiɓ nsoò ɓɛ̀baŋì ɓɛ ɓɛɛ̀ nɔ̀ɔnɔɔ̀tì bee i Kan, a ɓangiì ɓɔ a ki sug yi rì ɓɔ a Yorisalɛm ɓɛ̀kàgakɛn.

RÒMƐŊ 11:7

Nni la min? Com ki Isirayɛl à kaakààghà, à fɔ̀ngà ɓi kɔ, wɔ̀lɛ ɓɛ̀roɓɛ Bɛ̀ll à ɓɔ̀ngà ɓɛɛ fɔngà com kiŋcèm, ɓɛ̀ro ɓɛm̀bog ɓɔɔ ɗiŋì ɓɛ̀lɔg ɓi ǹɗeèghreŋi wu Bɛ̀ll,

RÒMƐŊ 9:18

Fɔlɔɔ nnɛ Bɛ̀ll à ti à wokì ŋwaànɛ à kɔ̀ni lɛ a wog nyìighnyìg, à ki tèèsi nɗem wu roànɛ ki kɔni nyi lɛ a teèsi nɗem wiì.

1 KƆ̀RƐ̀ŊTYƐŊ 16:9

Ɓisuulɛ syeesyee à kìtuɓi àa nghɛnɛɛ ɓisuu kisay ki nkìkì, nni ɓɛ̀bènàbena ɓɛ teghɛɛ.

TIMOTE 6:5

rì nyoey yi yɛ̀ kɛɛ̀ ren ɓi nyìinyìm à ɓumɓɛ mɛ̀yitì maa mɛ ti ɓigɛŋ, ɓɛ̀ kɛɛ̀ yi saaɗ, ɓɛ ki fèki lɛ rìfalɛ̀n ɗi ɓi rìgherɛ̀n ɗi ri kìɓan ki mum à rì lɛ à fɔ̀nfɔ̀n miì.

2 TIMOTE 1:15

Ù yii lɛ ɓum ɓɛ̀cèm ɓɛ ɓɛ ri a Azii ɓɛ nagà mɛ̀, ɓumɓɛ lɛ rì Fizyɛl rì Ɛrimozyɛn ɓɛ ri ɓi bàlì ì ɓumɓɛ̀n.

2 TIMOTE 3:5

ɓɛ ri rɔ̀ɓ ɓɛgherɛ̀n ɓi rìseesèè ɗi ɓidan, kìɓan kifog ɓɛ roòzɛ̀n com ki ki ri ìtèɗ wu righerɛ̀n. Ràɓsɛn mɛ̀kuu mɛ ɓum mɛ fɔlɔɔ.

2 TIMOTE 4:2

lɛ u kakali jɛ̀ɛ̀ ì Bɛ̀ll, ù sììrɛ̀n miì ɓyààmɛ̀n ɓìcèm, lɛ rì ɓi syeesyee rì ɓi ɓeɓtɛn; kìya lɛ ɓum ɓɛɛ gherɛn, fwààdag ɓum, ù rerèɓ ɓɔ, ù yi rìnìɗ ɗi nɗem, ù ki rèeresàg ɓɔ.

EBIREEGH 3:13

Kìɓan kifog, reerèɓɓɛɛna ɓɛ̀ŋwos ɓɛ̀cèm à kpaŋ cààmɛ̀n kìcèm ki ɓɛ ri lɛ ɓɛ kalì lɛ gɛɛ̀nɛ, di fɔɔnnɛ kìbog ki ɓi mìni kɛ̀ kɛɛ̀ càrɛn lɛ nɗem wii wɛɛ teɗ ɓiɗùm di kìɓe kaa yègsi nyi.

2 PYƐƐRI 2:12

Kìɓan kifog, ɓɛ ri lɔŋ yɛ̀ɛ nyàm yi yi yin ɗi ɗyomzɛ̀n, yɛɛ kilɛ̀ngà lɛ ɓɛɛ ɓaǹɓan di ɓɛɛ̀ wewèy, fɔɔnnɛ ɓɛ ti ɓɛ sɛmgì com ki ɓɛ yii ɓi, ɓɛ ri lɔŋ ɓiì cuù lɛ rìɓa ɗyaa ɗi ɓɛ ri ɓìɗyoŋi.

2 PYƐƐRI 2:2

Kìgwey ki ɓum ki ri ɓɔ ɓiì nɔ̀ɔ̀tii ɓi kìɓeɓtàg kaa ki cɛɓ, fɔɔnnɛ ɓum ɓɛ ri ɓiì feefengì bee ì saaɗ lɛ rìkì ɗyaa.

ZYUUDƐ 1:10

Wɔ̀lɛ ɓumɓɛ̀n ɓɛ feèfèngì com ki ɓɛ yii ɓi, ki ɓɔɔ̀ fèki lɛ ɓɛ yii, ɓi fèg wàà anɛ à rì yɛ̀ɛ fèg à nyàm ìnɛ ì rì kɛ̀ɛ ɗyomzɛ̀n, kɛɛ ki ti, ki pikì ɓɔ ɓi rìɗyaŋ.