MƐ̀KÌKÌÌ MƐ ƁƐKƐ̀NÌ-FÌTOM 18:4 - Bafia Nouveau Testament

⁴ Gòn yi Saɓàt yìcèm, Pol àa ǹtòòghraagh ɓi naà-bɔ̀nzɛ̀n lɛ à kaakààghà bee lɛ a syoŋ̀ lɛ rì Ɓɛ̀yudɛ̀n rì Gìrɛg.

MƐ̀KÌKÌÌ MƐ ƁƐKƐ̀NÌ-FÌTOM 18:4 ပူးပေါင်းရင်းမြစ်များ

LUKAS 16:31

Abiraham à ɓàgtì nyi lɛ: I ɓɛ̀goni ɓɛ yin lɛ ɓɛ wog rìrèsì ɗi Moyis rì ɗi ɓɛkpaŋzì-ɓìɓan, nsoò mum àa ghèmɓɛɛ yì fɛ a nyɔ̀ɛ̀y, à kɛ̀n ɓɔ kì kpaà kìɓan, ɓaa gherɛn ɓi.

LUKAS 4:16

Yeesus à kɛ̀ngà a Naazarɛt ɓi bàn ìnɛ à tɔɔghà wɔɔ, a ɗiŋì ɓi naà-bɔ̀ŋzɛ̀n lɔŋ yɛ̀ɛ àa nti à kìlàg ɓɛ̀ŋwos ɓɛ Saɓàt. Nni à pɛ̀sɛ̀ngà aɗyòò lɛ a ɓay kaàtà à Bɛ̀ll.

ZYAŊ 7:35

Nni Ɓɛ̀yudɛ̀n ɓɛ tɔɔghrɛ̀ngà ɓɔmiɗ lɛ: Fennɛ àrì ɓiì kɛ̀ɛ ɓi ɗi lɛ tyɛ̀ ki ghɛn nyi? A kɛ̀n nya a Ɓɛ̀yudɛ̀n ɓɛ ɓɛ ri ɓɛ̀sààtɛn ɓi bàn yi Gìrɛg, à rèèrèsàg ɓumɓɛ ɓɛ ri Gìrɛg wɔɔ giǹ?

MƐ̀KÌKÌÌ MƐ ƁƐKƐ̀NÌ-FÌTOM 13:14

Nni yɛ̀ɛ ɓɛ pɛsɛ̀ngà a Pɛrizɛ, ɓɛ ghagsì rìkɛ̀ɛ̀ ɗyaa, ɓɛ kɛǹ kìkpaŋì a Aŋtyos ànɛ a Pisidii. Nni ɓɛ ɗiŋìghà ɓi naa ì bɔ̀ŋzɛ̀n ì Ɓɛ̀yudɛ̀n, ŋwosi Saɓàt ɓɛ kɔri ɓi zi.

MƐ̀KÌKÌÌ MƐ ƁƐKƐ̀NÌ-FÌTOM 14:1

A Ikonyɔm, Pol ɓɛɛ̀ Ɓarinaɓas ɓɛ ɗiŋìghà girig ɓi naà-bɔ̀ŋzɛ̀n ì Ɓɛ̀yudɛ̀n, ɓɛ kurɛ̀n rì ɓum, lèg ànɛ lɛ Ɓɛ̀yudɛ̀n lɛɛ̀gwey rì ɓumɓɛ ɓɛ ɓaghà ɓi Ɓɛ̀yudɛ̀n ɓɛ gherɛ̀ngà Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 17:11

Ɓɛ̀yudɛ̀n ɓɛ a Bere ɓɛ rɔɔtɛ̀ngà ǹɗem ɓɛ cee ɓɛ̀roɓɛ a Tesalonika, fɔɔnnɛ ɓɛ ghaɓkà jɛ̀ɛ̀ ì Bɛ̀ll rì coo kinyàà, ɓɛ̀ŋwos ɓɛ̀cèm, ɓɛ fifìɓìghà kaàtà à Bɛ̀ll lɛ ɓɛɛ ghɛǹ nkòo ɓìɓan ɓi Pol à kpaakpààghà ɓɔ, ɓi ri miì.

MƐ̀KÌKÌÌ MƐ ƁƐKƐ̀NÌ-FÌTOM 17:17

A nyoònyòlɛ̀ngà lɛ rì Ɓɛ̀yudɛ̀n rì Gìrɛg ì ɓumɓɛ ɓɛ ǹɗisàg Bɛ̀ll; ki ɓaghà ɓi naà-bɔ̀ŋzɛ̀n. À nyoònyòlɛ̀n tì rì ɓumɓɛ àa ǹtanàg ɓi kìyan ki ɓum ɓɛ kilɔ̀ŋ ɓɛ nkuràg wɔɔ ɓɛŋwos ɓɛ̀cèm.

MƐ̀KÌKÌÌ MƐ ƁƐKƐ̀NÌ-FÌTOM 18:13

Ɓɛ kpaa lɛ: Ŋwaànɛ a tootoòsì, ɓum lɛ ɓɛɛ ɓɔgsi Bɛ̀ll ɓi rìkuu ɗi riɓɔgsì ɗi ɓìdɔ̀gsɛna ɓi reègh.

MƐ̀KÌKÌÌ MƐ ƁƐKƐ̀NÌ-FÌTOM 18:19

Yɛ̀ɛ ɓɛ kpagà a Efɛɛzɛ Pol à càɗ Pirisilya wɔɔ ɓɛɛ̀ Akilas, à kɛ̀n ɓi naà-bɔ̀ŋzɛ̀n à tòkì rì Ɓɛ̀yudɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 19:26

Nni ɓi seesèè ɓì ki wowog, yɛ̀ɛ ŋwaànɛ lɛ Pol ànɛ à mɛ kì lɛ, à rèsàg, à ki syoŋ̀ ɓum lɛɛ̀gwey, àa fɛ a Efɛɛzɛ nyi rì nyi, ɓaàyiɓi ɓi ziì Azii bimiɗ. À kpaakpàà lɛ, bɛ̀ll yi ɓum ɓɛɛ kii rì ɓyàg ɓyaa, yi yin Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 19:8

Nni Pol à ɗiŋìghà ɓi naà-bɔ̀ŋzɛ̀n, à tòòghrɛ̀n wɔɔ lɛ tɛntɛ̀ɛ̀n, à kurɛ̀ngà rì ɓɔ ɓɛ̀ŋwii ɓɛraa ɓi ɓìɓan ɓi ɓi seesee kìlɔ̀ŋ ki Bɛ̀ll, à kaakàà bee inɛ a ki lɛ ɓumɓɛ ɓɛ wowòkà ɓìtòkì ɓii, ɓɛɛ gherɛn ɓìɓan ɓi à kpaakpààghà.

MƐ̀KÌKÌÌ MƐ ƁƐKƐ̀NÌ-FÌTOM 26:28

Nni Agiripa à kpaaghà Pol lɛ: Ki rɔɓi lɛsàg lɛ, u ki lɛ m̀ɓa kìristɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 28:23

Fɔɔnnɛ ɓɛ faghà nyi ǹkàg wulɛ ɓɛɛ ghɛnɛn, nni ɓɛ yughày kìtuu lɛ ɓɛɛ ghɛǹ nyi a mɛɛ mii. Ɓi ɓìtòkì ɓii, Pol à kalìghà ɓɔ kìɓan ki ki taataa kìlɔ̀ŋ ki Bɛ̀ll, à ki kaakaa bee lɛ rì ɓi ɓìdɔ̀gsɛna ɓi Moyis, rì ɓi ɓɛ̀kpaŋzì-ɓìɓan, lɛ a ki lɛ ɓɛ̀ kɛɛ̀ teeti nyoey ɓi kìɓan ki Yeesus. A tòkàkà rì ɓɔ fɔlɔɔ à tumɛ̀n sariwa à kpaŋ cɛŋkò.

MƐ̀KÌKÌÌ MƐ ƁƐKƐ̀NÌ-FÌTOM 9:20

Nni à ghagsɛ̀ngà lɔŋ wɔɔ foo ɗi rìkakàlì ɗi ɓum ɗii ɗi Yeesus ɓi naa yi bɔ̀ŋzɛ̀n, à lààlàmɓɛ̀n lɛ: Yeesus à rì Man à Bɛ̀ll.

2 KƆ̀RƐ̀ŊTYƐŊ 5:11

Nni yɛ̀ɛ tì yii com ki ki ri lɛ rìrisì ɗi Kan, nnɛ ti kaakaa bee inɛ lɛ ti syoŋ̀ ɓum. Bɛ̀ll à yii ɓìsi lɛ syeesyee, ǹki rì rì ntyweeyi lɛ nsoò mìni, ɓì yii girig ɓìsi ɓi mɛ̀rem min ɓiɗùm.