MƐ̀KÌKÌÌ MƐ ƁƐKƐ̀NÌ-FÌTOM 18:3 - Bafia Nouveau Testament

³ Yɛ̀ɛ ɓɛ ɓaghà rìkuu ɗi kisay ɗifog, kìsay ki toŋtoŋɛn ɓilaa rì tàpot, nni Pol à kɔ̀rìghà a lɔ̀ŋkaa ɓɛ sasày ǹɗaŋ.

MƐ̀KÌKÌÌ MƐ ƁƐKƐ̀NÌ-FÌTOM 18:3 ပူးပေါင်းရင်းမြစ်များ

1 KƆ̀RƐ̀ŊTYƐŊ 4:12

Ti woowolɛ̀n ɓìsiìɓɔmiɗ ri ntɔɓ lɛ ti say rì ɓyàg ɓis, jàŋ inɛ ɓum ɓɛɛ̀ sɛɛsɛmgì ɓìsi, ɓìsii maŋmàŋ ɓɔ, ɓɛ ri yeeyeesì ɓisi, tì sììsììrì lɔŋ nɗem.

1 KƆ̀RƐ̀ŊTYƐŊ 9:14

Fɔlɔɔ nnɛ Kan à rèɓsìghà girig ɓumɓɛ ɓɛɛ̀ ghaaghagsì Syeesyee à Ɓɔlɛ lɛ ɓɛ ghɛɛ̀sɛɛ kì ghɛɓì ɓi Syeesyee à Ɓɔlɛ ànɛ̀n.

1 KƆ̀RƐ̀ŊTYƐŊ 9:15

Ɓi ɓɛg wɛ̀m, nsoò ŋwos bog, ǹnɔ̀ɔ̀tìghà ɓi ɓirɔɔ ɓi ǹghɛ̀ɛ̀sɛ̀ngà ɓiǹ lɛ ntɔg nsoò gɛ̀nbog nni ǹki kàniì ɓi mìni kìɓan kiǹ lɛ ntɔg ɓyom ɓìn ɓisuulɛ, ǹɗì lɛ ǹgherɛ̀n lɛ mɓaŋ kì wii, à cee lɛ ŋwaa ɓatɛn mɛ̀ kìɓan ki kɛɛ̀ fafa mɛ rìkem kìn ɓi nɗem.

1 KƆ̀RƐ̀ŊTYƐŊ 9:18

Nni mɛ̀lèɓ mɛm̀ mɛ ri min lɛ cɛ? Mɛ ri kìnyàà ki lɛ nghaàghàgsì Syeesyee à Ɓɔlɛ kɛ̀ɛ̀ mɛ̀lèɓ, kɛ nki tɔg com rì ɓìrɔɔ ɓi Syeesyee à Ɓɔlɛ nyimiɗ a faa mɛ̀ ìtèɗ wulɛ mɓa rì ɓyɔ.

2 KƆ̀RƐ̀ŊTYƐŊ 11:7

Gìn mɛ̀ yɛɛ sɛrìghà nya yɛ̀ɛ ǹsɛɛ̀dɛ̀ngà mɛ̀ɛmiɗ ɓi zi lɛ mɓɔgsi mìni, cààmɛ̀n ki ǹghagsìghà mìni Syeesyee à Ɓɔlɛ à Bɛ̀ll zɛy rì zɛy, kɛ̀ ɓi kòòsɛn?

2 KƆ̀RƐ̀ŊTYƐŊ 11:9

nni nsoò yɛ̀ɛ kìsoghà ki ɓangà mɛ̀ cààmɛ̀n ki m̀ɓaghà foo a lɔ̀ŋkin, ǹtɛ̀g wɛm̀ wu syɔngà ɓi wààdɛŋ ɓi nto. Ɓisuulɛ ɓɔɔseŋi ɓis ɓɛ ɓi rìgherɛ̀n ɓɛ ɓɛ pɛsɛ̀ngày a Masedwan, ɓɛ faghà mɛ̀ com kìcèm ki ki kaarɛ̀ngà mɛ̀; ǹlɛkà bee bimiɗ lɛ kɛ̀ɛ mɓa ntɛ̀g wu wɛɛ yɔŋi mìni ɓi nyoo, fɔɔnnɛ ǹɗì ɓiì ki lɛlɛɛgh kiɓan kiǹ.

2 KƆ̀RƐ̀ŊTYƐŊ 12:13

Kìɓan aɗi kɛɛ rɔɓkà kɛ̀ kɛɛ̀ kìlɛn a lɔ̀ŋkin lèg ànɛ yɛ̀ɛ kɛɛ̀ kìikilɛ̀n ɓi ɓìseŋi ɓi Kiris ɓimbog? I ki cee ɓi nya lɛ kìɓan ki lɛ ǹtɛ̀g wɛm̀ wu syɔngà ɓi mìni ɓi nto! Nni mìnii cenɛɛna mɛ̀ rìkì ɗiǹ lɛ ɗi ri zɛ̀ɗ.

TÈSÀLÒNÌSYƐŊ 2:9

Ɓɔɔsoŋ̀ ɓì rì lɛ ɓì yitì kìsay ki tì kìghà, rì ǹtɔɓ wu tì wokà; tì ghagsìghà mìni Syeesyee à Ɓɔlɛ à Bɛ̀ll tì ki sasay lɛ rì ìru rì ŋwos lɛ ǹtɛ̀g wis wɛ̀ kɛɛ̀ siŋ wààdɛŋ ɓi nyòò.

TÈSÀLÒNÌSYƐŊ 4:11

Ɓì foŋ ǹɗem ɓi kìɓan ki lɛ ɓi ghɛ̀ɓ lɛ fyòoog, ɓì kìkì ɓìɓan ɓin ɓi mìniìɓɔmìɗ, ɓì ki sasay ri ɓyàg ɓin lɔŋ yɛ̀ɛ tì siŋdɛ̀ngà mìni;