MƐ̀KÌKÌÌ MƐ ƁƐKƐ̀NÌ-FÌTOM 18:27 - Bafia Nouveau Testament

²⁷ Ajɛ̀m ìnɛn, Apolos à fèkà lɛ a kɛǹ a Akayi, ɓɛ̀geni ɓii ɓɛ righerɛ̀n ɓɛ teèsì nyi nyoo lɛ a kɛǹ, ɓɛ ki kàn ɓɛgherɛ̀n ɓɛ wɔɔ lɛ, ɓɛɛ ghaɓ nyi lɛ syeesyee. Yɛ̀ɛ à kpàgà wɔɔ, à ɓaghà rì ǹghɛɓsɛn ɓisuu ɓum ɓɛ̀cèm ɓɛ geesɛ̀n ì Bɛ̀ll ì kìghà lɛ, ɓɛɛ ɓa ɓɛ̀gherɛ̀n,

MƐ̀KÌKÌÌ MƐ ƁƐKƐ̀NÌ-FÌTOM 18:27 ပူးပေါင်းရင်းမြစ်များ

MƐ̀KÌKÌÌ MƐ ƁƐKƐ̀NÌ-FÌTOM 1:15

Ŋwos adɛŋ, ɓi mɛ̀ru mɛ̀n, ɓɛ̀gherɛ̀n ɓɛ ɓaghà ɓɛ̀ taŋzɛn nunùg ɓum mɛ̀tin taàfog; nni Pyɛɛri à pɛ̀sɛ̀ngà aɗyoo ɓi nyìinyìm wàà, à kpaa lɛ:

MƐ̀KÌKÌÌ MƐ ƁƐKƐ̀NÌ-FÌTOM 11:26

Yɛ̀ɛ à tanɛ̀ngà nyi wɔɔ, ɓɛ kɛǹ a Aŋtyos ɓɔɔ̀cèm ɓɛ kɔrì wɔɔ bimiɗ à bèg, ɓɛ sasày bas rì kìseŋi ki wɔɔ, ɓɛ ki rèrèsàkà coo bàlì ì ɓum ɓìɓan ɓi Bɛ̀ll. Nni wɔɔ a Aŋtyos nnɛ ɓɛ tɔmgà kì ròo ɓɛ̀yilàg ɗii ɗi lɛ ɓɛ̀kìristɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 15:34

(Kìɓan kifog Silas à ghɛngà lɛ, à ghɛ̀ɛ̀sɛɛ kì rɔ̀ɓi a Aŋtyos).

MƐ̀KÌKÌÌ MƐ ƁƐKƐ̀NÌ-FÌTOM 18:12

Ɓi mɛ̀ru mɛ Galyɔŋ à ɓaghà gɔmìnà ànɛ ɓi kìlànà ki zi ki lɛ Akayi, Ɓɛ̀yudɛ̀n ɓɛ wɔrɛ̀ngà ɓɔɔ̀cèm, ɓɛ ɓigtì paàzì rì Pol ɓɛ kɛǹ ɗì nyi ɓi naà-ɓɛ̀yɔ̀m.

MƐ̀KÌKÌÌ MƐ ƁƐKƐ̀NÌ-FÌTOM 18:18

Pol à kɔ̀rìghà tì a Kɔrɛŋt gàɓ, fɔɔnnɛ à ghesɛ̀ngà ɓɛ̀geni ɓɛ righerɛ̀n, à teɗ min kikɔm lɛ a kɛǹ a Sirii. À kɛ̀ɛ̀zɛ̀ngà rì Pirisilya ɓɛɛ̀ Akilas. Pol à kɛ̀ŋɗɛ̀ngà ǹto à Saŋkire ɓisuulɛ, à càrɛ̀ngà tyòŋ ɓi bɛ̀ɗ idɛŋ ìnɛ ɓɛ ǹɗegi lɛ bɛ̀ɗ i nàziryià.

MƐ̀KÌKÌÌ MƐ ƁƐKƐ̀NÌ-FÌTOM 19:1

Cààmɛ̀n ki Apolos à ɓaa a Kɔrɛŋt, kɛɛ̀ki Pol à kìi lɛ, à mɛ rereniì ɓìlɔ̀ŋ ɓi ɓi dòn, à yù kì kpaŋì a Efɛɛzɛ, à tanɛn gàɓ ì ɓɛ̀yilàg wɔɔ, à tɔg ɓɔ lɛ:

MƐ̀KÌKÌÌ MƐ ƁƐKƐ̀NÌ-FÌTOM 9:27

Fɔɔnnɛ Ɓarinaɓas à tekà Sol à kɛ̀n ɗì nyi a ɓɛ̀kɛ̀nì-fìtom, à kpaa ɓɔ yɛ̀ɛ Sol à ghɛngà Kan ɓi bee ìnɛ a Damas rì yɛ̀ɛ Kan à tòòghrɛ̀ngà ɗì nyi, nni à kpaatìghà ɓɔ rìkuu ɗi ǹtyweeyi ɗi Sol àa ǹɗì rì ɗyɔ a Damas di a kakali ɓum ɗii ɗi Yeesus.

RÒMƐŊ 1:5

Ɓi Yeesus Kiris à Kan wìs nnɛ Bɛ̀ll à kìghà mɛ̀ geesɛ̀n ìnɛ lɛ mɓa ǹkɛ̀nì-fìtom ɓi rìkem ɗi Kiris lɛ nsyoŋ̀ yì ɓumɓɛ ɓi ɓìlɔ̀ŋ ɓìcèm lɛ ɓɛɛ gherɛn nyi, ɓɛ ki nyi mɛ̀wog.

1 KƆ̀RƐ̀ŊTYƐŊ 15:10

Lɛ geesɛ̀n ì Bɛ̀ll, nnɛ ǹɗì com ki ǹɗì, nni geesɛ̀n yìì ɓi ɓɛg wɛ̀m ì wughà ɓi zɛy, ǹsalà gì kɔm̀ ǹcee ɓɔ ɓɛ̀sɛ̀ɛ̀ ɓɛ̀cèm, wɔ̀lɛ, àa mɛ̀ɛmiɗ yɛɛ salà, lɔŋ geesɛ̀n ì Bɛ̀ll ìnɛ ì rì rì mɛ̀, yɛ̀ɛ kighà kìsay.

1 KƆ̀RƐ̀ŊTYƐŊ 16:3

Yɛ̀ɛ mɓiì yùu ǹɗì ɓiì romì ɓumɓɛ ɓì ɓiì ɓɔ̀ni, ri ɓɛ̀kaàtà lɛ ɓɛɛ kɛǹ kìfaà ɓyom ɓi syɔ̀ɔ̀ a Yorisalɛm.

1 KƆ̀RƐ̀ŊTYƐŊ 3:6

Mɛ̀ m̀ɓɛ̀là boo ì ɓyom, Apolos à yù kì tùɓii, kìɓan kifog Bɛ̀ll yɛɛ kighà lɛ ɓyom ɓyɛɛ roò.

2 KƆ̀RƐ̀ŊTYƐŊ 1:24

Ki yin ɓaà loò lɛ, ti kaakaa lɛ ti lami rìgherɛ̀n ɗin, wɔ̀lɛ ti kɔ̀ngi lɛ di tyàa sali càg ri càg ɓisuu kinyàà kin, lɛ, ɓi san ànɛ a rìgherɛ̀n ɓì ti ɓɛ̀sììrɛn.

FÌLÌPYƐŊ 1:25

Nɗem wɛ̀m wùcèm wu gherɛɛ kìɓan kiǹ lɛ ǹ-yii lɛ ǹɗì ɓiì ka ghɛghɛɓi ǹki kɔ̀ri mìniìcèm jàŋbog lɛ ɓi tɔɔ̀, ɓì ki nyààrɛn ɓi rìgherɛ̀n ɓi ɗùm.

FÌLÌPYƐŊ 1:29

Kìɓan kiǹ ki riì yɛ̀ɛ Bɛ̀ll, ɓisuulɛ àa mààgh ànɛ lɛ ɓi gherɛn Kiris nnɛ Bɛ̀ll à faghà mìni nyi rì nyi, ànɛ lɛ ɓi wog girig mɛ̀tɔɓ ɓisu wii, à rì girig miì.

KÒLÒSYƐŊ 2:12

Ɓɛ ɓomgà mìni ǹɗaŋ ri nyi yɛ̀ɛ ɓì ɓàɓtɛ̀ngà, ɓì mɛ ghèmɓɛn girig ɓi nyi, ǹɗaŋ ɗi nyi lɛ rìgherɛ̀n ɗi ɓì gherɛɛ ìtèɗ wu Bɛ̀ll ànɛ à ghèmzìghày nyi a ɓìloŋ.

KÒLÒSYƐŊ 4:10

Aristarikɛ ànɛ à rì ɓi naà-zày rì mɛ̀ à tògsii yì mìni, nsoò Marikus ànɛ ɓɛ ri ɓɔn rì ɓɔn ɓɛɛ̀ Ɓarinaɓas. Marikus ànɛ̀n innɛ tì mɛ kpaa mini lɛ i à yùu foo a lɔ̀ŋkin, ɓì ghàɓ nyi lɛ syeesyee.