MƐ̀KÌKÌÌ MƐ ƁƐKƐ̀NÌ-FÌTOM 18:23 - Bafia Nouveau Testament

²³ Yɛ̀ɛ à kɔ̀rìghà wɔɔ gàɓ, nni à pɛ̀sɛ̀ngà tì, à reni zi ì Galasi bimiɗ, à ghaàgh min a Firizii, di a sìisiìràg ɓɛ̀yilàg ɓɛ̀cèm ɓi rìgherɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 18:23 ပူးပေါင်းရင်းမြစ်များ

LUKAS 1:3

Mɛ̀ mɛ̀ɛ ǹtimi ɓìɓan ɓiǹ ɓìcèm lɔŋ yɛ̀ɛ ki ghɛɛ̀sɛɛ, à tumɛ̀n a rìtumɛ̀n ɗi ɓyɔ, nni mɛ̀ɛ nghɛɛ kìrɔɔ lɛ nkonag ɓyɔ kì wòŋzaagh, ǹki kàn yi wɔ̀ ɓyɔ lɛ tɛntɛ̀ɛ̀n, wɔ̀ gìn i mum ìnɛ lɛ Tyoofil,

LUKAS 22:32

wɔ̀lɛ mɛ̀ɛ m̀ɓɔ̀ŋzaagh Bɛ̀ll ɓisu wɔɔ lɛ rìgherɛ̀n ɗyɔɔ ɗyɛ̀ kɛɛ̀ fɔɛy, nni yɛ̀ɛ ù ri ɓa di ù mɛ sugtii tì a lɔ̀ŋkɛm̀, kìya lɛ ɓɛ̀goni ɓɛɛ siirɛn girig.

LUKAS 22:43

Fɔɔnnɛ ŋwaà-fìtom à rèsɛ̀ngày nyi ɓi ɗyoo lɛ a fa nyi ìtèɗ.

MƐ̀KÌKÌÌ MƐ ƁƐKƐ̀NÌ-FÌTOM 14:22

Ɓɛ fafàghà ɓɛ̀gherɛ̀n ɓɛ wɔɔ itèɗ ɓi ǹɗem ɓɛ rerèɓ ɓɔ lɛ, ɓɛɛ siìrɛn ɓi rìgherɛ̀n, di ɓɛɛ̀ kpaakpaa lɛ: Ki ghɛɛ̀sɛɛ lɛ, ti ka wog mɛtɔɓ lɛɛ̀gwey ɓi ɗi lɛ ti ɗiŋi ɓi kìlɔ̀ŋ ki Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 15:32

Zyuudɛ ɓɛɛ̀ Silas ɓɛ ɓaghà ɓɛ̀kpaŋzì-ɓìɓan, fɔɔnnɛ ɓɛ tokàkà rì ɓɛ̀geni ɓaa ɓɛǹ lɛɛ̀gwey ɓɛ teèsì ɓɔ nyoo, ɓɛ ki sììrag ɓɔ ɓi rìgherɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 15:41

Fɔɔnnɛ à fyeeghà a Sirii rì a Silisii di a tèeteèsì ɓɛ̀gherɛ̀n ɓɛ wɔɔ nyoo ɓi rìgherɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 16:40

Yɛ̀ɛ Pol rì Silas ɓɛ kpagày naà-zày ɓɛ kɛǹ yɛ̀ɛ Lidyaa, ɓɛ ghɛn ɓɛ̀geni ɓaa ɓɛ rìgherɛ̀n, ɓɛ teèsì ɓɔ nyoo, ɓɛ ghaàgh min.

MƐ̀KÌKÌÌ MƐ ƁƐKƐ̀NÌ-FÌTOM 16:6

Yɛ̀ɛ Kìtɛntɛ̀ɛ̀n ki Nghay kì rekà ɓɔ lɛ, ɓɛ̀ kɛɛ̀ ghagsi jɛ̀ɛ̀ ì Bɛ̀ll ɓi kìden ki zi ki a Azii fɔɔnnɛ ɓɛ ghaghìghà bàn ì Firizii, rì zi ì Ɓɛ̀gàlat rì mɛ̀kòò.

MƐ̀KÌKÌÌ MƐ ƁƐKƐ̀NÌ-FÌTOM 19:1

Cààmɛ̀n ki Apolos à ɓaa a Kɔrɛŋt, kɛɛ̀ki Pol à kìi lɛ, à mɛ rereniì ɓìlɔ̀ŋ ɓi ɓi dòn, à yù kì kpaŋì a Efɛɛzɛ, à tanɛn gàɓ ì ɓɛ̀yilàg wɔɔ, à tɔg ɓɔ lɛ:

MƐ̀KÌKÌÌ MƐ ƁƐKƐ̀NÌ-FÌTOM 2:10

ɓɛ̀roɓɛ a Firizii, rì ɓɛ a Paŋfilii, rì ɓɛ a Egiɓtɛn, rì ɓɛ ɓi, kìden ki zi ki a Liɓii ki ki wòŋzɛɛ rì Sirɛn, rì ɓɛ̀roɓɛ ɓɛ pɛsɛ̀ngày a Rom, à teɗ lɛ, Ɓɛ̀yudɛ̀n ɓɔmiɗ, rì ɓɛ̀roɓɛ ɓɛ lɔɔ̀ghrɛ̀ngà ɓi rìgherɛ̀n ɗi Ɓɛ̀yudɛ̀n à kpaŋ lɛ,

1 KƆ̀RƐ̀ŊTYƐŊ 16:1

Ɓi kìɓan ki ki seesee syɔ̀ɔ̀ à ɓyom ɓisuu ɓɛgherɛ̀n ɓɛ a Yorisalɛm mìnii kìina girig yɛ̀ɛ ǹtɔkà ɓìseŋi ɓi Kiris ɓi a Galasi.

GÀLAT 1:2

ǹɗaŋ ɗi ɓɔɔseŋi ɓis ɓɛ̀cèm ɓɛ tì rì fɛ rì ɓɔ, ɓisuu Ɓiseŋi ɓi ɓɛgherɛ̀n ɓi a Galasi.

GÀLAT 1:9

Tì mɛ kpaa mini kìɓan kiǹ abɛ̀y, nni m̀ɓììtii mìni kɔ kìkpaà ɓigomìnɛ lɛ: I ŋwaàdɛŋ à kalii mìni Syeesyee à Ɓɔlɛ àdɛŋ ànɛ à yin com kìfog rì ànɛ ɓì ghàɓkà, ŋwaànɛ̀n miì a teɗ ǹcɛ̀m.

GÀLAT 4:14

Fìroɓ fi m̀ɓaghà rì fyɔ ɓi nyoo fi ɓaghà ɓìtèetèɗ ɓi mɛfèèghrɛn ɓisu win, nsoò fɔlɔɔ, ɓì sɛɛtìghà ɓi mɛ, rìɓa ɗyɛ̀m ɗyɛ̀ kɛɛ̀ kì mini tìmin, wɔ̀lɛ ɓì ghàɓkà mɛ̀ fɛlɛ yɛ̀ɛ ŋwaà-fìtom a Bɛ̀ll, nsoò lɛ yɛ̀ɛ Yeesus Kiris nyimiɗ.

TÈSÀLÒNÌSYƐŊ 3:2

Fɔɔnnɛ tìi nɗomiì mìni geni wìs Timote, ànɛ à rì ǹkìì-kìsay a Bɛ̀ll ɓi rìghagsì ɗi Syeesyee à Ɓɔlɛ à Kiris lɛ a fa mìni ìtèɗ, à ki fegsi mìni ɓi rìgherɛ̀n ɗin;

TÈSÀLÒNÌSYƐŊ 4:18

Ɓì ghɛ̀ɛ̀sɛɛ lɛ ɓì fɔɔ̀fɔ̀ɔ̀sɛ̀n mìniìɓɔmiɗ mɛrem rì ɓìɓan ɓiǹ.

TÈSÀLÒNÌSYƐŊ 5:14

Ɓɔɔsoŋ̀! tì ɓɔ̀ŋzaagh mìni lɛ, ɓi rɔgsɛn ɓumɓɛ ɓɛɛ̀ ghɛghɛɓ ɓi kìɓùùsì, ɓì cààsì ɓɛ̀riris nyoo, ɓì lènlèm ɓɛroɓɛ ɓɛ yin ɗi ìtèɗ, ɓì yi rìnìɗ ɗi ǹɗem rì ɓum ɓɛ̀cèm.