MƐ̀KÌKÌÌ MƐ ƁƐKƐ̀NÌ-FÌTOM 18:12 - Bafia Nouveau Testament

¹² Ɓi mɛ̀ru mɛ Galyɔŋ à ɓaghà gɔmìnà ànɛ ɓi kìlànà ki zi ki lɛ Akayi, Ɓɛ̀yudɛ̀n ɓɛ wɔrɛ̀ngà ɓɔɔ̀cèm, ɓɛ ɓigtì paàzì rì Pol ɓɛ kɛǹ ɗì nyi ɓi naà-ɓɛ̀yɔ̀m.

MƐ̀KÌKÌÌ MƐ ƁƐKƐ̀NÌ-FÌTOM 18:12 ပူးပေါင်းရင်းမြစ်များ

MATYOO 27:19

Yɛ̀ɛ Pilat à ɓaghà di à kaka ɓi naà-ɓɛ̀yɔ̀m, nni gil a romgày mum lɛ a kpaa nyi lɛ: Kɔ̀ɔ ghàɓ gaa ìnɛ ɓi saaɗ à mum ànɛ̀n, lɛ ɓi-ru wu gɛɛ̀nɛ, ɓìdɛ̀ndɛm ɓyaa yeesii mɛ̀ lɛɛ̀gwey ɓisu wìì.

ZYAŊ 19:13

Yɛ̀ɛ Pilat à wokà fɔlɔɔ, nni à kpaŋzìghày Yeesus à kɔ̀rì ɓi-kɔ̀ɔ̀ wu riren ɗi ɓiɓan, ɓi jàŋ inɛ ɓɛ nɗegì lɛ pàveè, ɓi rì ebìreegh lɛ Gaɓata.

MƐ̀KÌKÌÌ MƐ ƁƐKƐ̀NÌ-FÌTOM 13:12

Yɛ̀ɛ gɔmìnà à ghɛngà kìɓan kiǹ, nni à gherɛ̀ngà Bɛ̀ll ɓisuulɛ, dɔgtɛ̀n ì ɓìɓan ɓi ɓi seesee Kan, ì kòmgà nyi ǹɗem lɛ syeesyee.

MƐ̀KÌKÌÌ MƐ ƁƐKƐ̀NÌ-FÌTOM 13:50

Kìɓan kifog, Ɓɛ̀yudɛ̀n ɓɛ toosìghà lɛ, rì ɓìtèetèɗ ɓi ɓɛ̀yiɓ ɓi ɓi falɛ̀ngà ɓi rìgherɛ̀n rì gìni-ɓum yi ɓi bàn ìnɛn lɛ ɓɛɛ ɓigti paàzì rì ɓɛ̀-Pol ɓɛɛ̀ Ɓarinaɓas; fɔɔnnɛ ɓɛ kpagà ɓɔ rìbaŋì, ɓɛ ki nàɓ ɓɔ ɓi kìlɔ̀ŋ kaa.

MƐ̀KÌKÌÌ MƐ ƁƐKƐ̀NÌ-FÌTOM 13:7

Ŋwaànɛ̀n à ɓaghà rìghan ɗi gɔmìnà ànɛ lɛ, Sɛrizyus-Paolus, gɔmìnà ànɛ̀n à ɓaghà ŋwaà ɗyomzɛ̀n, fɔɔnnɛ à reŋìghà Ɓarinaɓas ɓɛɛ̀ Sol lɛ, à kɔ̀nkɔ̀ngà lɛ a wog ɓìɓan ɓi Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 13:8

Nni Elimas, yɛɛ lɔɔ lɛ ǹkìì-majìg ɓi rìgìrɛg, nyii ramzɛ̀ngà rìbaŋì rì ɓɛ̀-Ɓarinaɓas ɓɛɛ̀ Sol, à kaakàà bee inɛ lɛ gɔmìnà kɛ̀ɛ gherɛn Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 14:19

Ɓɛ̀yudɛ̀n ɓɛdɛŋ ɓɛ pɛsɛ̀ngày a Aŋtyos ànɛ a Pisidii rì a Ikonyɔm, ɓɛ syoŋ gwìy ì ɓum ɓi gàm yàà, ɓɛ rogì Pol gɔ̀g ɓɛ syòŋ nyi, ɓɛ kɛǹ nyi kì naŋì ɓi nwɔŋì wu bàn lɛ ɓɛ fefèkà lɛ à mɛ wu.

MƐ̀KÌKÌÌ MƐ ƁƐKƐ̀NÌ-FÌTOM 14:2

Kìɓan kifog, ɓɛ ɓɛ ɓengà dɔgtɛ̀n ì Pol, ɓɛ toosìghà ɓum ɓɛ zɛy lɛ ɓɛɛ ɓa rì ɓìɓeɓtàg ɓi mɛyitì ɓi ɓɛg ànɛ a ɓɛ̀geni ɓis ɓɛ righerɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 17:13

Wɔ̀lɛ yɛ̀ɛ Ɓɛ̀yudɛ̀n ɓɛ a Tesalonika ɓɛ wokà lɛ Pol à titì ɓiì ghaaghagsì jɛ̀ɛ̀ ì Bɛ̀ll a Bere, nni ɓɛ yughày wɔɔ lɛ, ɓɛɛ ɓuùsi jàŋ, ɓɛ ki kì kiyoòyòò ɓi nyìinyìm à ɓum ɓɛ kilɔ̀ŋ.

MƐ̀KÌKÌÌ MƐ ƁƐKƐ̀NÌ-FÌTOM 17:5

Wɔ̀lɛ Ɓɛ̀yudɛ̀n ɓɛdɛŋ ɓɛ ɓɛ ɓaghà rì yàaka ɓɛ reŋɗɛ̀ngày ɓumɓɛ zɛy ɓɛ ɓɛ yoòyòmgà ɓi bàn, ɓɛ taŋzɛ̀n cììba, ɓɛ tumɛ̀n ɗìkì ɗi kiyoòyòò ɓi bàn. Nni ɓɛ kɛngà kì kaà lɛ rì Pol rì Silas a mɛɛ mɛ Jazɔŋ, lɛ ɓɛɛ rɛsi ɓɔ ɓi mis mɛ kilɔ̀ŋ lɛ kɛɛ yɔm ɓɔ.

MƐ̀KÌKÌÌ MƐ ƁƐKƐ̀NÌ-FÌTOM 18:11

Pol à kɔ̀rìghà a Kɔrɛŋt bèg bog rì kìden di a rèresi ɓum ɓìɓan ɓi Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 18:27

Ajɛ̀m ìnɛn, Apolos à fèkà lɛ a kɛǹ a Akayi, ɓɛ̀geni ɓii ɓɛ righerɛ̀n ɓɛ teèsì nyi nyoo lɛ a kɛǹ, ɓɛ ki kàn ɓɛgherɛ̀n ɓɛ wɔɔ lɛ, ɓɛɛ ghaɓ nyi lɛ syeesyee. Yɛ̀ɛ à kpàgà wɔɔ, à ɓaghà rì ǹghɛɓsɛn ɓisuu ɓum ɓɛ̀cèm ɓɛ geesɛ̀n ì Bɛ̀ll ì kìghà lɛ, ɓɛɛ ɓa ɓɛ̀gherɛ̀n,

MƐ̀KÌKÌÌ MƐ ƁƐKƐ̀NÌ-FÌTOM 19:21

Ajɛ̀m ì ɓìɓan ɓiǹ, Pol à ɓekà lɛ a kɛǹ a Yorisalɛm, à ghɛ̀ɛ̀sɛ̀ngà kì syàa zi ì Masedwan rì zi ì Akayi, fɔɔnnɛ à kpaaghà lɛ: Ki ghɛɛ̀sɛɛ lɛ i m̀ɓaa wɔɔ, ǹkɛ̀n girig kì ghɛɛ̀ Rom.

MƐ̀KÌKÌÌ MƐ ƁƐKƐ̀NÌ-FÌTOM 25:10

Nni Pol à ɓàkà lɛ: Ǹɗɛrɛlii ɓi ɗi lɛ, nkpaŋ ɓi kìkpanà ki ɓɛyɔ̀m ki Kaaza, wɔɔnnɛ ɓɛɛ reǹ kìɓan kɛm̀; ǹkìi ɓi Ɓɛ̀yudɛ̀n nsoò maa kìɓan adɛŋ à m̀ɓeɓtɛn lɔŋ yɛ̀ɛ wɛ̀ɛmiɗ ù yii.

RÒMƐŊ 15:26

Ɓisuulɛ ɓɛ̀gherɛ̀n ɓɛ a Masedwan rì ɓɛ̀roɓɛ a Akayi ɓɛ nghɛɛ kìrɔɔ lɛ ɓɛɛ syɔɔ̀ mɔ̀ɔ̀mi ɓisuu ɓumɓɛ ɓɛ ri nyìinyìg ɓi nyìinyìm à ɓɛ̀gherɛ̀n ɓɛ a Yorisalɛm.

RÒMƐŊ 16:5

Ɓì tɔkì girig kìseŋi ki Kiris ki ki ti ki taŋzàg ɓi naa yàà, ɓì tɔkì mɛ̀ Epayinɛt, mum wɛm̀ à ǹɗem, ànɛ à ɓaghà ǹtonto à mum ànɛ a gherɛn Kiris ɓi kìlànà ki zi ki a Azii.

1 KƆ̀RƐ̀ŊTYƐŊ 16:15

Ɓɔɔsoŋ̀ ǹsiŋ̀dɛɛ tì mìni kìɓan kidɛŋ; ɓì yii lɛ Sitefanas rì naa yìì i ɓum ɓɛɛ ɓaghà ɓum ɓɛ ǹtonto ɓɛ lɛ ɓɛɛ lɔɔ̀ghrɛn mɛ̀rem ɓi kìlànà ki zi ki lɛ Akayi, ɓɛ falɛ̀ngà lɛɛ̀gwey lɛ ɓɛɛ ghɛɛ̀ghɛ̀ɓsì ɓɛ̀gherɛ̀n.

2 KƆ̀RƐ̀ŊTYƐŊ 1:1

Mɛ̀ Pol, ànɛ ǹɗì ǹkɛ̀nì-fìtom a Yeesus Kiris lɛ rìkɔ̀n ɗi Bɛ̀ll, rì geni wìs Timote tì kàni lɛ rì Kìseŋi ki Bɛ̀ll ki ki ri a Kɔrɛŋt, rì ɓɛ̀gherɛ̀n ɓɛ̀cèm ɓɛ ɓɛ ri ɓi kìlànà ki zi ki lɛ Akayi kìcèm.

2 KƆ̀RƐ̀ŊTYƐŊ 11:10

Lɛ saaɗ à Kiris ànɛ à rì ɓi mɛ̀, ǹkalii jɛ̀ɛ̀ aɗyoo lɛ, ɓi ɓìlànà ɓi zi ɓi a Akayi, mum à yin lɛ à règ mɛ̀ rìsaàsànɛ̀n ɓi kìɓan kin.

2 KƆ̀RƐ̀ŊTYƐŊ 11:26

Mɛ̀ɛ nkɛ̀ɛ̀kɛɛ cààmɛ̀n kìcèm, rì mɛ̀kòò ǹtutùlɛ̀n rì ɓɛ̀koŋnyoo ɓɛ ɓi don yi ɓɛ rìɓày, rì ɓɛ̀koŋnyoo ɓɛ ɓɛ̀fàràfara, rì ɓɛ̀koŋnyoo ɓɛ ɓɛ riì mɛ̀ a ɓɛ̀geni ɓɛ̀m ɓɛ Ɓɛ̀yudɛ̀n, rì ɓɛ ɓɛ riì mɛ̀ a ɓumɓɛ ɓɛ yin Ɓɛ̀yudɛ̀n, rì ɓɛ̀koŋnyoo ɓɛ ɓi bàn, rì ɓɛ ɓireɓ, rì ɓɛ ɓi rìɓày à kìkòn; ǹtulɛ̀n rì ɓɛ̀koŋnyoo ɓi nyìinyìm à ɓumɓɛ ɓɛɛ̀ ɓɔ̀ŋɓɔŋ lɛ ɓɛ ri ɓɔɔseŋi ɓis ɓɛ righerɛ̀n.

2 KƆ̀RƐ̀ŊTYƐŊ 9:2

Ɓisuulɛ ǹ-yii syeesyee à rìkɔ̀n ànɛ ɓì rì rì nyi, innɛ mɛ̀ ǹti ǹsaàsànɛ̀n ɓumɓɛ a Masedwan ɓi san ànɛ a lɔ̀ŋkin, di nkpaakpaa ɓɔ lɛ: Ɓɛ̀gherɛ̀n ɓɛ a Akayi ɓɛ ri ɓɛ̀pègsɛn lɛ ɓɛɛ ghɛɓsi à tumɛ̀n ɓi bèg ìmbog. Fɔɔnnɛ rìfalɛ̀n ɗin ɗi nfatii ɓìseŋi lɛɛ̀gwey itèɗ ɓi nyòò.

TÈSÀLÒNÌSYƐŊ 2:14

Ɓɔɔsoŋ̀, ɓì mɛ pisɛn Ɓiseŋi ɓi Bɛ̀ll ɓi ɓi ri a Zyude ɓi Yeesus Kiris, ɓisuulɛ ɓumɓɛ ɓi kìlɔ̀ŋ kin ɓɛ yeesìghà mìni lɔŋ yɛ̀ɛ ɓɛroɓɛ a Zyude ɓɛ yeesìghà ɓɛ̀gherɛ̀n ɓɛ wɔ̀ɔ̀.

TÈSÀLÒNÌSYƐŊ 2:16

Ɓɛ ti ɓɛ rekì ɓìsi lɛ tyɛ̀ ki ghagsi jɛ̀ɛ̀ ì Bɛ̀ll a ɓumɓɛ ɓɛ yin Ɓɛ̀yudɛ̀n lɛ ɓɛɛ ɓa rì cɛɓ. Rìkì ɗiǹ ɗyɛɛ̀ɗi ɓɛɛ̀ kɛ̀nkɛn beèbɛ̀y ɓɛ teètègsì kìɓe kaa cààmɛ̀n kìcèm rì ɗyɔ̀; wɔ̀lɛ rìbaŋì ɗi Bɛ̀ll ɗi mɛ syɔn ɓɔ kìkòmi.

ZYAG 2:6

Nni i mìnii mɛ sɛɛti soghàsogha! Àa ɓɛ̀guŋgum ɓɛɛ ti ɓɛ yeesàg mìni, ɓɛ kɛnkɛ̀n ɗì mìni ɓi naa yi ɓɛyɔ̀m?