MƐ̀KÌKÌÌ MƐ ƁƐKƐ̀NÌ-FÌTOM 17:32 - Bafia Nouveau Testament

³² Lɔŋ yɛ̀ɛ ɓumɓɛ̀n ɓɛ wokà di Pol à ti ɓiì kpaakpaa kiɓan ki righèmɓɛ̀n ɗi ɓiloŋ, ɓɛ̀ro ɓɛdɛŋ ɓɛ kpusɛ̀n ɗi tyɛ̀y, ɓɛm̀bog ɓɛ kpaa nyi lɛ, tì ri wog kiŋkɔɔ kiǹ ŋwos adɛŋ.

MƐ̀KÌKÌÌ MƐ ƁƐKƐ̀NÌ-FÌTOM 17:32 ပူးပေါင်းရင်းမြစ်များ

LUKAS 14:18

Wɔ̀lɛ ɓumɓɛ̀n ɓɛ̀cèm ɓɛ ɓakày ǹkìì-kìsay anɛ̀n lɛ, bee inɛ ɓɔɔ yu ìnɛ̀n ì yin, roàntonto à kpaa nyi lɛ: Mɛ̀ɛ nlàagh dɛm, nni ǹghɛ̀ɛ̀sɛɛ yɔ̀ kì kɛ̀ɛ ki ghɛɛ̀, kùrùg cenɛn mɛ̀.

LUKAS 22:63

Ɓumɓɛ ɓɛ ɓeŋɓèŋgà Yeesus ɓɛ feèfèngàkà nyi di ɓɛɛ̀ ɓooɓokì nyi.

LUKAS 23:11

Fɔɔnnɛ Eroodɛ rì ɓɛ̀sujàà ɓii ɓɛ sɛɛtìghà Yeesus, ɓɛ ki sɛmgi nyi, ɓɛ waasì nyi kìlàà ki lònlomɛn, ɓɛ pɛɛ̀zì nyi kì romì yɛ̀ɛ Pilat.

LUKAS 23:36

Ɓɛ̀sujàà ɓɛ tyɛɛ̀tɛ̀ngày lɛ ɓɛɛ fengi nyi, ɓɛ ki fa nyi ɓìkpaakpam ɓi mɛrɔ̀g,

MƐ̀KÌKÌÌ MƐ ƁƐKƐ̀NÌ-FÌTOM 13:41

Mìni ɓɛ̀daŋàdaŋa, ghɛɛna di ɓi kuughrag, ɓì ki pɛ̀sɛn mɛ ɓi mis, ɓisuulɛ ǹɗì ɓiì kìi rikuu ɗi kiɓan ɗidɛŋ ɓi mɛ̀ru min ɗi ɓì ɓaghà ɓi lɛ ɓì gherɛ̀n lɛ, ɗi ri lɛ ɗi kilɛ̀n di ŋwaàdɛŋ yɛɛ kpaa mìni lɛ ɗyaa kìlɛɛ.

MƐ̀KÌKÌÌ MƐ ƁƐKƐ̀NÌ-FÌTOM 17:18

Ɓɛ̀rèsàg dɔgtɛ̀n yidɛŋ yi yɛɛ, kpaakpaa lɛ ŋwaà keèsi rìyɛ̀y ɗi cɛɓ, rì lɛ, ŋwaà ghɛ̀ɛ̀sɛɛ kì ɓiɓì nɗem ɓi rìkɛŋ, ɓɛ tumɛ̀ngà girig ìkurè rì Pol, ɓɛ̀roɓɛ lɛ: Cɛ ǹkìì-kɛɛgh anɛ a kpaakpaa kɔmiɗ? Ɓɛ̀ro ɓɛm̀bog ɓɛ ɓaàg lɛ: Ki pisɛɛ yɛ̀ɛ a kakali kiɓan ki bɛ̀ll yidɛŋ, yi tì yii ɓi; ɓɛ ɓakà fɔlɔɔ ɓisuulɛ, ɓɛ wokà di Pol a kakali Ɓɔlɛ à Yeesus, rì rìghèmɓɛ̀n ɗi ɓiloŋ.

MƐ̀KÌKÌÌ MƐ ƁƐKƐ̀NÌ-FÌTOM 17:31

Ɓisuulɛ à rɛsìghà bimiɗ à ŋwos ànɛ à rì ɓiì yɔ̀mi zi bimiɗ miì, lɔŋ yɛ̀ɛ saaɗ a kɔ̀nkɔ̀n; à ɓɔ̀ngà mum ànɛ à rì ɓiì kìi kisay kiǹ, à fa ɓum ɓɛ̀cèm kìrèmzɛnà ki ki resii lɛ, nnyɛɛ ɓɔngà ŋwaàncèm, yɛ̀ɛ à ghèmzìghày nyi a ɓìloŋ.

MƐ̀KÌKÌÌ MƐ ƁƐKƐ̀NÌ-FÌTOM 17:33

Fɔlɔɔ nnɛ Pol à kpagà, à ghaàgh.

MƐ̀KÌKÌÌ MƐ ƁƐKƐ̀NÌ-FÌTOM 2:13

Kìɓan kifog, ɓum ɓɛdɛŋ ɓɛ wɔwɔ̀là ɓɛ̀yilàg ɓɛ kpaakpàà lɛ, ɓɛ ri ɓɛ̀ŋwaŋɛn mɛrɔ̀g lɛ kɔɔ̀kɔɔ̀.

MƐ̀KÌKÌÌ MƐ ƁƐKƐ̀NÌ-FÌTOM 24:25

Wɔ̀lɛ yɛ̀ɛ ɓìtòkì ɓi ɓaghà di ɓyaa kɛ̀n ki kòmi saaɗ ànɛ a kɔ̀ngi Bɛ̀ll, rì rìɓan ɗi ǹɗem ɗi lɛ mum kɛ̀ɛ kì ɓiɓan ɓi ɓeɓtɛn, rì yɛ̀ɛ Bɛ̀ll à ri ren ɓum ɓìɓan, nni Felis à risìghà, à kpaa lɛ: Ɓigomìnɛ ù rì lɛ, ù ka sugtì, ǹɗì wɔ̀ ɓiì regii ti di ǹghɛɛ kìrɔŋiɗ.

MƐ̀KÌKÌÌ MƐ ƁƐKƐ̀NÌ-FÌTOM 25:19

Paàzì wàà àa nɗì ɓi kìɓan ki ki seesee rìgherɛ̀n ɗyaa, à ɓiìɓììsɛ̀n ɓi kìɓan ki ŋwaàdɛŋ lɛ Yeesus, ànɛ à wughà, wɔ̀lɛ Pol nyii kalàg lɛ, ànɛn à rì cem.

MƐ̀KÌKÌÌ MƐ ƁƐKƐ̀NÌ-FÌTOM 26:8

Ɓisuucɛ nnɛ mìniì teki nyoey lɛ Bɛ̀ll à yin lɛ à ghèmzì ɓìloŋ?

1 KƆ̀RƐ̀ŊTYƐŊ 1:23

Wɔ̀lɛ ɓìsiì làalam̀ɓɛ̀n Kiris ànɛ ɓɛ kpangà ɓi kɔrɔs aɗyoo, kìɓan kiǹ ki ri kìɓan ki kɛɛ̀ kɛ̀ɛkɛɓtì Ɓɛ̀yudɛ̀n fìɓàg, ki ɓa kìɓan ki kiyèg ɓisuu ɓumɓɛ ɓɛ yin Ɓɛ̀yudɛ̀n.

1 KƆ̀RƐ̀ŊTYƐŊ 15:12

I ɓɛɛ̀ ki kakali lɛ Kiris à ghèmɓɛ̀ngà a ɓìloŋ, lannɛ ɓum ɓɛdɛŋ ɓɛ ɓi nyìinyìm wìn ɓɛ ri lɛ ɓɛ kpaa lɛ ɓìloŋ ɓi yin lɛ ɓi ghemɓɛ̀n?

1 KƆ̀RƐ̀ŊTYƐŊ 4:10

Tì rì ɓɛ̀ghalɛn ɓiyèg lɛ Kiris, wɔ̀lɛ mìnii ri rì ɗyomzɛ̀n ɓi Kiris ɓi ɗùm; ɓìsii ri ɓɛ̀kɔ̀kɔg, mìni ɓɛ̀tèteɗ; ɓum ɓɛ nyaànyààsì mìni, wɔ̀lɛ ɓɛ sɛɛ̀sɛ̀ɛ̀tì ɓìsi.

2 KƆ̀RƐ̀ŊTYƐŊ 6:2

Lɛ a kalag lɛ: M̀ɓàkà bɔ̀ŋzɛ̀n yɔ̀ɔ̀ ɓi syeesyee à cààmɛ̀n; ǹghɛɓsìghà wɔ̀ ŋwosi gòri. Syeesyee à cààmɛ̀n innɛ min lɛ ɓigomìnɛ, ŋwosi gòri innɛ min lɛ ɓigomìnɛ.

EBIREEGH 11:36

Ɓɛ fengàkà tì ɓɛ̀ro ɓɛdɛŋ, ɓɛ bog ɓɔ kìtòn rì gbaǹ, ɓɛ kagì ɓɔ bɛǹ, ɓɛ ki pìki ɓɔ ɓi naà-zày.

EBIREEGH 13:13

Nni ti kɛ̀ɛna min a lɔ̀ŋkii, tì kpaŋdɛ̀n daŋdarààŋ rì jàŋ inɛ ɓum ɓɛ ri, tì ki kàɓɓɛn ntoòrìɗ wii.