MƐ̀KÌKÌÌ MƐ ƁƐKƐ̀NÌ-FÌTOM 17:24 - Bafia Nouveau Testament

²⁴ Bɛ̀ll ànɛ à kìghà lɛ, rì zi rì ɗyoo, rì ɓyom ɓìcèm ɓi miì, nnyɛɛ ri Kan ànɛ à làmii ɓyom ɓìn ɓìcèm. Bɛ̀ll ànɛn à yin lɛ à kɔ̀rì ɓi mɛɛ mɛ ɓum ɓɛɛ̀ toŋi rì ɓyàg ɓyaa.

MƐ̀KÌKÌÌ MƐ ƁƐKƐ̀NÌ-FÌTOM 17:24 ပူးပေါင်းရင်းမြစ်များ

MATYOO 11:25

Nni ɓi cààmɛ̀n kiǹ, Yeesus à pɛ̀sìghà ɓìtòkì à kpaa lɛ: Tààta, wàànɛ ù lamii lɛ rì ɗyoo rì zi, ǹfaa wɔ̀ ɓìtògsɛ̀n ɓisuulɛ ù nyamgàkà ɓɛ̀yiì-ɓìɓan rì ɓum ɓɛ ɗyomzɛ̀n ɓìɓan ɓi, ù rèsì ɓɔɓti ɓɛsàg ɓyɔ.

MATYOO 5:34

Kìɓan kifog mɛ̀ ǹkalii mìni lɛ; kɛ̀ ɓi kànag gi bɛ̀ɗ, nsoò rì ɗyoo ɓisuulɛ wɔɔnnɛ Bɛ̀ll à kɔ̀kɔrii,

LUKAS 10:21

Ɓi cààmɛ̀n kɔm̀ kiǹ, Kìtɛntɛ̀ɛ̀n ki Nghay ki kìghà lɛ Yeesus a wog kìrɔɔ lɛɛ̀gwey, à ki kpaa lɛ: Tààta, wàànɛ ù làmii lɛ, rì ɗyoo rì zi, ǹfaa wɔ̀ ɓìtògsɛ̀n lɛ ù nyamgàkà ɓɛ̀yiì-ɓìɓan, rì ɓum ɓɛ ɗyomzɛ̀n ɓìɓan ɓi; rì tì lɛ, ù kìghà lɛ ɓyɛɛ yilɛn a ɓɔɓti ɓɛsàg. Ɛ̀ɛ̀ Tààta, ǹtògsaagh yɛ̀ɛ ki nɗɔɔ wɔ̀ lɛ kɛɛ kilɛn fɔlɔɔ.

ZYAŊ 1:1

A rìtumɛ̀n, Jɛ̀ɛ̀ ì ɓaghà, nni Jɛ̀ɛ̀ ì ɓaghà ɓɛɛ̀ Bɛ̀ll, Jɛ̀ɛ̀ ì ki ɓaghà Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 14:15

Ɓi kìki fɔlɔɔ lɛ la? Ɓìsii ri girig ɓum lɔŋ yɛ̀ɛ mìni. Syeesyee à Ɓɔlɛ ànɛ ti ghaaghagsì mìni à ri lɛ, ɓi caɗ rìɓɔgsì ɗi ɓinùn ɓi zɛy rì zɛy, ɓi lɔɔ̀ghrɛn yɛ̀ɛ Bɛ̀ll ànɛ à rì cencem, ànɛ à kìghà lɛ rì ɗyoo rì zi, rì rìɓày à kìkòn ɗì ɓyom ɓìcèm ɓi ɓi ri miì.

MƐ̀KÌKÌÌ MƐ ƁƐKƐ̀NÌ-FÌTOM 4:24

Yɛ̀ɛ ɓɛ wokà ɓìɓan ɓiǹ nni ɓɔɔ̀cèm ɓɛ pɛsìghà jɛ̀ɛ̀ ǹɗaŋ ɓɛ ɓɔŋzì Bɛ̀ll lɛ: Kan, wɔ̀ yɛɛ kighà lɛ rì ɗyoo, rì zi, rì rìɓày à kìkòn, rì ɓyom ɓìcèm ɓi ɓi ri miì;

MƐ̀KÌKÌÌ MƐ ƁƐKƐ̀NÌ-FÌTOM 7:48

Wɔ̀lɛ Bɛ̀ll ànɛ à teŋmɛɛ à cee, a maà kɔ̀ri ɓi kɔmiɗ ɓi mɛɛ mɛ ɓum ɓɛɛ toŋi.

RÒMƐŊ 1:19

ɓisuulɛ, ɓìɓan ɓi ɓum ɓɛ ri rì ìtèɗ wulɛ ɓɛ yi ɓi ɓɛg ànɛ yɛ̀ɛ Bɛ̀ll, ɓi ri lɛ tɛntɛ̀ɛ̀n ɓi mis maa, lɛ Bɛ̀ll à rèsìghà ɓɔ ɓyɔ lɛ syeesyee.

EBIREEGH 1:2

nni ɓi mɛ̀ru mɛ siitòn mɛ, àa ntòòghrɛɛ rì ɓìsi ɓi ŋwɔm wu Man wiì, man ànɛ̀n innɛ à rɛsìghà lɛ a teɗ ɓìɓan ɓicèm; rì nyi nnɛ Bɛ̀ll à kìghà lɛ rì ɗyoo rì zi.

EBIREEGH 3:4

Mɛɛ mɛcèm mɛ ri rì ŋwaànɛ à toŋi mɔ, nni ǹtoŋì ɓyom ɓìcèm yɛɛ ri lɛ Bɛ̀ll.

ÀPÒKÀLIƁSƐ̀ 20:11

Nni ǹghɛngà ìkɔ̀ɔ̀ wu rilàmì wu puɓ, ɗì roànɛ à kɔ̀kɔ̀rìghà miì. Zi rì ɗyoo ɓi ghɛŋìghà ɓi mis mii ɓyɛ̀ kɛɛ̀ ɓa ti ri ìkɔ̀ɔ̀.