MƐ̀KÌKÌÌ MƐ ƁƐKƐ̀NÌ-FÌTOM 17:2 - Bafia Nouveau Testament

² Fɔɔnnɛ Pol à ɗiŋìghà ɓi naà-bɔ̀ŋzɛ̀n ìnɛn lɔŋ yɛ̀ɛ àa nti à kìlàg. À kurɛ̀ngà rì ɓumɓɛ wɔɔ, ɓi ɓìɓan ɓi ɓi kaàtà à Bɛ̀ll, gòn yi Saɓàt yiraa.

MƐ̀KÌKÌÌ MƐ ƁƐKƐ̀NÌ-FÌTOM 17:2 ပူးပေါင်းရင်းမြစ်များ

MATYOO 26:24

Man à mum à ɓiì wiì lɔŋ yɛ̀ɛ ɓɛ kangà lɛ à ghɛ̀ɛ̀sɛɛ kìwiì, kìɓan kifog nyìighnyìg rì ŋwaànɛ à rì nyi ɓiì kàɓi! Ki ɓaghà kìrɔɔ ɓisuu ŋwaànɛ̀n lɛ kɛ̀ɛ yalɛn.

LUKAS 4:16

Yeesus à kɛ̀ngà a Naazarɛt ɓi bàn ìnɛ à tɔɔghà wɔɔ, a ɗiŋì ɓi naà-bɔ̀ŋzɛ̀n lɔŋ yɛ̀ɛ àa nti à kìlàg ɓɛ̀ŋwos ɓɛ Saɓàt. Nni à pɛ̀sɛ̀ngà aɗyòò lɛ a ɓay kaàtà à Bɛ̀ll.

ZYAŊ 18:20

Yeesus à ɓàg nyi lɛ: Mɛ̀ɛ ǹtòtoogh lɛ tɛntɛ̀ɛ̀n rì ɓumɓɛ ɓi ziinɛ. Mɛ̀ nɗèresii ɓum ɓyààmɛ̀n ɓìcèm ɓi naa yi bɔ̀ŋzɛ̀n, rì ɓi naà-Bɛ̀ll, jàŋ yi Ɓɛ̀yudɛ̀n ɓɛ ti ɓɛ taŋzàg, kɛ̀ɛ nki kpaa kiɓan kidɛŋ a rìnyam.

MƐ̀KÌKÌÌ MƐ ƁƐKƐ̀NÌ-FÌTOM 13:14

Nni yɛ̀ɛ ɓɛ pɛsɛ̀ngà a Pɛrizɛ, ɓɛ ghagsì rìkɛ̀ɛ̀ ɗyaa, ɓɛ kɛǹ kìkpaŋì a Aŋtyos ànɛ a Pisidii. Nni ɓɛ ɗiŋìghà ɓi naa ì bɔ̀ŋzɛ̀n ì Ɓɛ̀yudɛ̀n, ŋwosi Saɓàt ɓɛ kɔri ɓi zi.

MƐ̀KÌKÌÌ MƐ ƁƐKƐ̀NÌ-FÌTOM 13:5

Yɛ̀ɛ ɓɛ kpagà a Salamin, ɓɛ kpaakpàà ɓum Ɓɔlɛ à Bɛ̀ll ɓi naa yi bɔ̀ŋzɛ̀n yi Ɓɛ̀yudɛ̀n; ɓɛ ɓaghà ɗì Zyaŋ lɛ a ghɛɛ̀ghɛ̀ɓsì ɓɔ.

MƐ̀KÌKÌÌ MƐ ƁƐKƐ̀NÌ-FÌTOM 14:1

A Ikonyɔm, Pol ɓɛɛ̀ Ɓarinaɓas ɓɛ ɗiŋìghà girig ɓi naà-bɔ̀ŋzɛ̀n ì Ɓɛ̀yudɛ̀n, ɓɛ kurɛ̀n rì ɓum, lèg ànɛ lɛ Ɓɛ̀yudɛ̀n lɛɛ̀gwey rì ɓumɓɛ ɓɛ ɓaghà ɓi Ɓɛ̀yudɛ̀n ɓɛ gherɛ̀ngà Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 17:10

Lɔŋ yɛ̀ɛ ìru wu fingà, ɓɛ̀geni ɓaa ɓɛ righerɛ̀n ɓɛ ghas kì kaà bee inɛ lɛ, Pol ɓɛɛ̀ Silas ɓɛɛ pɛsɛn, ɓɛɛ kɛǹ a Bere. Nni yɛ̀ɛ ɓɛ kpagà wɔɔ, ɓɛ ɗiŋì ɓi naà-bɔ̀ŋzɛ̀n ì Ɓɛ̀yudɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 17:17

A nyoònyòlɛ̀ngà lɛ rì Ɓɛ̀yudɛ̀n rì Gìrɛg ì ɓumɓɛ ɓɛ ǹɗisàg Bɛ̀ll; ki ɓaghà ɓi naà-bɔ̀ŋzɛ̀n. À nyoònyòlɛ̀n tì rì ɓumɓɛ àa ǹtanàg ɓi kìyan ki ɓum ɓɛ kilɔ̀ŋ ɓɛ nkuràg wɔɔ ɓɛŋwos ɓɛ̀cèm.

MƐ̀KÌKÌÌ MƐ ƁƐKƐ̀NÌ-FÌTOM 18:4

Gòn yi Saɓàt yìcèm, Pol àa ǹtòòghraagh ɓi naà-bɔ̀nzɛ̀n lɛ à kaakààghà bee lɛ a syoŋ̀ lɛ rì Ɓɛ̀yudɛ̀n rì Gìrɛg.

MƐ̀KÌKÌÌ MƐ ƁƐKƐ̀NÌ-FÌTOM 19:8

Nni Pol à ɗiŋìghà ɓi naà-bɔ̀ŋzɛ̀n, à tòòghrɛ̀n wɔɔ lɛ tɛntɛ̀ɛ̀n, à kurɛ̀ngà rì ɓɔ ɓɛ̀ŋwii ɓɛraa ɓi ɓìɓan ɓi ɓi seesee kìlɔ̀ŋ ki Bɛ̀ll, à kaakàà bee inɛ a ki lɛ ɓumɓɛ ɓɛ wowòkà ɓìtòkì ɓii, ɓɛɛ gherɛn ɓìɓan ɓi à kpaakpààghà.

MƐ̀KÌKÌÌ MƐ ƁƐKƐ̀NÌ-FÌTOM 24:25

Wɔ̀lɛ yɛ̀ɛ ɓìtòkì ɓi ɓaghà di ɓyaa kɛ̀n ki kòmi saaɗ ànɛ a kɔ̀ngi Bɛ̀ll, rì rìɓan ɗi ǹɗem ɗi lɛ mum kɛ̀ɛ kì ɓiɓan ɓi ɓeɓtɛn, rì yɛ̀ɛ Bɛ̀ll à ri ren ɓum ɓìɓan, nni Felis à risìghà, à kpaa lɛ: Ɓigomìnɛ ù rì lɛ, ù ka sugtì, ǹɗì wɔ̀ ɓiì regii ti di ǹghɛɛ kìrɔŋiɗ.

MƐ̀KÌKÌÌ MƐ ƁƐKƐ̀NÌ-FÌTOM 28:23

Fɔɔnnɛ ɓɛ faghà nyi ǹkàg wulɛ ɓɛɛ ghɛnɛn, nni ɓɛ yughày kìtuu lɛ ɓɛɛ ghɛǹ nyi a mɛɛ mii. Ɓi ɓìtòkì ɓii, Pol à kalìghà ɓɔ kìɓan ki ki taataa kìlɔ̀ŋ ki Bɛ̀ll, à ki kaakaa bee lɛ rì ɓi ɓìdɔ̀gsɛna ɓi Moyis, rì ɓi ɓɛ̀kpaŋzì-ɓìɓan, lɛ a ki lɛ ɓɛ̀ kɛɛ̀ teeti nyoey ɓi kìɓan ki Yeesus. A tòkàkà rì ɓɔ fɔlɔɔ à tumɛ̀n sariwa à kpaŋ cɛŋkò.

MƐ̀KÌKÌÌ MƐ ƁƐKƐ̀NÌ-FÌTOM 8:35

Nni Filiɓ à pɛ̀sìghày min kitòkì ɓi jàŋ inɛ ŋwaànɛ̀n à ɓàlà, à kpaŋ yɛ̀ɛ à konàkà nyi kìtɛɛ̀zii Syeesyee à Ɓɔlɛ à Yeesus.

MƐ̀KÌKÌÌ MƐ ƁƐKƐ̀NÌ-FÌTOM 9:20

Nni à ghagsɛ̀ngà lɔŋ wɔɔ foo ɗi rìkakàlì ɗi ɓum ɗii ɗi Yeesus ɓi naa yi bɔ̀ŋzɛ̀n, à lààlàmɓɛ̀n lɛ: Yeesus à rì Man à Bɛ̀ll.

1 KƆ̀RƐ̀ŊTYƐŊ 15:3

Ǹlokà mìni kìghagsii rirèsì ɗi mɛ̀ɛmiɗ ǹtekà girig, ɗyɛɛ ri lɛ: Kiris à wughà ɓisuu ɓiɓe ɓis lɔŋ yɛ̀ɛ ki ɓaghà kì kànɛn.