MƐ̀KÌKÌÌ MƐ ƁƐKƐ̀NÌ-FÌTOM 17:11 - Bafia Nouveau Testament

¹¹ Ɓɛ̀yudɛ̀n ɓɛ a Bere ɓɛ rɔɔtɛ̀ngà ǹɗem ɓɛ cee ɓɛ̀roɓɛ a Tesalonika, fɔɔnnɛ ɓɛ ghaɓkà jɛ̀ɛ̀ ì Bɛ̀ll rì coo kinyàà, ɓɛ̀ŋwos ɓɛ̀cèm, ɓɛ fifìɓìghà kaàtà à Bɛ̀ll lɛ ɓɛɛ ghɛǹ nkòo ɓìɓan ɓi Pol à kpaakpààghà ɓɔ, ɓi ri miì.

MƐ̀KÌKÌÌ MƐ ƁƐKƐ̀NÌ-FÌTOM 17:11 ပူးပေါင်းရင်းမြစ်များ

MATYOO 13:23

Ŋwaànɛ à ghàɓkà boo ɓi syeesyee à zi à rì ŋwaànɛ à woogh jɛ̀ɛ̀ ì Bɛ̀ll, à ki wog com ki ì kpaa; ŋwaànɛ̀n a ti à wumgì ɓìɗùn fɛlɛ yɛ̀ɛ boo ìnɛ ì kìi lɛ ǹɗyèm wu, wu fa ɓìɗùn mɛ̀tin mɛtaǹ, wumbog ɓìɗùn mɛ̀tin mɛraa, wudɛŋ ɓìɗùn rìtin ɗì ǹtɛ̀ɗ.

LUKAS 1:2

ɓɛ ki kangà ɓyɔ lɔŋ yɛ̀ɛ ɓɛ̀wusìnɛ̀ɗ ɓɛ ɓɛ ghɛngà ɓìɓan ɓiǹ, à tumɛ̀n à rìtumɛ̀n, ɓɛ kpaaghà; ɓɛ̀wusìnɛ̀ɗ ɓɛǹ, ɓɛɛ ti ɓɛ̀ghagsì jɛ̀ɛ̀ ì Bɛ̀ll.

LUKAS 11:3

Ɓɛ̀ŋwos ɓɛ̀cèm faa ɓìsi ɓìɗilàg ɓi ɓi ghɛɛ̀sɛɛ rì ɓìsi ɓi bimiɗ a ŋwos.

LUKAS 16:29

Abiraham à ɓàg lɛ: Ɓɛ̀goni ɓɛ ri lɛ, ɓɔ rì ɓìdɔ̀gsɛna ɓi Moyis, ɓɔ rì ɓɛ̀kaàtà ɓɛ ɓɛkpaŋzì-ɓiɓan, ɓɛ ghɛɛ̀sɛɛ kì woògh ɓìɓan ɓi ɓɛɛ̀ kpaakpàà.

LUKAS 24:44

Nni à kpaaghà ɓɔ lɛ: Ɓì ghɛɛ kìɓan ki ǹkpaaghà mìni di ǹkaka rì mìni lɛ: Ki ghɛɛ̀sɛɛ lɛ ɓìɓan ɓìcèm ɓi ɓi ri ɓì kànɛn ɓisu wɛ̀m ɓi ɓɛ̀kaàtà ɓɛ Moyis rì ɓɛ ɓɛkpaŋzì-ɓìɓan, rì ɓi ɓɛ̀sam ɓyɛɛ kilɛn?

ZYAŊ 3:21

Wɔ̀lɛ roànɛ à ti à kìlàg ɓìɓan ɓi saaɗ, nnyɛɛ ti à yùlàg jàŋ inɛ kìtɛɛtɛn ki ri, lɛ ɓɛɛ ghɛǹ lɛ tɛntɛ̀ɛ̀n lɛ, a kìki ɓiɓan yɛ̀ɛ kɛɛ̀ kɔ̀ngi Bɛ̀ll.

ZYAŊ 5:39

Ɓi fifiɓi mɛkànì mɛ kaàtà à Bɛ̀ll, lɛ ɓi fèfeg lɛ ɓi mɛ̀kànì mɛǹ nnɛ ɓì rì ɓiì ɓaà rì cɛɓ ki fiɗyàɓ fikɔ̀ɔ̀. Mɛ̀kànì mɛǹ mɔ yɛɛ̀ ki rèresi kiɓan kɛm̀.

MƐ̀KÌKÌÌ MƐ ƁƐKƐ̀NÌ-FÌTOM 10:33

Fɔɔnnɛ mɛ̀ɛ nghàsi kì romìì ɓum lɛ ɓɛɛ yu wɔ̀ kì reŋii. Ù konaagh yɛ̀ɛ ù yùu yì. Nni ɓigomìnɛ tì rì yɛɛ lɛ ɓi mis mɛ Bɛ̀ll, lɛ ti wog com kìcèm ki Kan àa kpaa lɛ wɔ̀ɔ kali ɓìsi.

MƐ̀KÌKÌÌ MƐ ƁƐKƐ̀NÌ-FÌTOM 11:1

Ɓɛ̀kɛ̀nì-fìtom rì ɓɛ̀geni ɓaa ɓɛ righerɛ̀n ɓɛ ɓɛ kɔkɔ̀rìghà a Zyude ɓɛ wokà lɛ, ɓumɓɛ ɓi mɛ̀kuu mɛm̀bog ɓɛ ǹghàɓi girig jɛ̀ɛ̀ ì Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 17:1

Pol rì Silas ɓɛ fyeeghà a Aŋfipolis rì a Apolonii, ɓɛ kɛǹ kì kpaŋì a Tesalonika, wɔɔnnɛ Ɓɛ̀yudɛ̀n ɓɛ ɓaghà rì naà-bɔ̀ŋzɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 2:41

Ɓumɓɛ ɓɛ gherɛ̀ngà rìkpaa ɗi Pyɛɛri ɗiǹ ɓɛ ɓaɓtàkà, fɔɔnnɛ bàlì ì ɓum ìnɛ ì sagtɛ̀ngà ɓi bàlì ì ɓɛ̀gherɛ̀n, ì ɓaghà nunùg ɓum ɓɛ̀tɔɔsìm ɓɛraa.

TÈSÀLÒNÌSYƐŊ 1:6

Ɓì nɔ̀ɔ̀tìghà lɛ rì mɛ̀kòò mis, rì mɛ̀kòò mɛ Kan, ɓì ki tulɛn rì mɛ̀tɔɓ lɛɛ̀gwey yɛ̀ɛ bì ghàɓkà Syeesyee à Ɓɔlɛ rì kìnyàà ki Kìtɛntɛ̀ɛ̀n ki Nghay kɛɛ̀ falàg.

TÈSÀLÒNÌSYƐŊ 2:13

Kìɓan kiǹ kɛɛ̀ki tì fafa Bɛ̀ll ɓìtògsɛ̀n cààmɛ̀n kìcèm lɛ, yɛ̀ɛ bì ghàɓkà jɛ̀ɛ̀ yìì ìnɛ tì wogsìghà mìni, ɓì ghàɓkà ɓi yɔ̀ yɛ̀ɛ jɛ̀ɛ̀ ì mum; ɓì ghàɓkà lɔŋ yɔ̀ yɛ̀ɛ ì rì a tààkaà, lɛ ì rì jɛ̀ɛ̀ ì Bɛ̀ll ìnɛ yɛ̀ɛ kìki kisay ɓi mìni ɓɛ ɓì rì ɓɛ̀gherɛ̀n.

2 TÈSÀLÒNÌSYƐŊ 2:10

à kìi gɛ kìsay ri kìɓe mɛkuu mɛ̀cèm lɛ a ɓɔŋ̀ ɓumɓɛ ɓɛ ghɛɛ̀sɛɛ kì ɗyaŋì ɓisuulɛ ɓɛ ghaɓkà ɓi ǹkɔ̀nɛ̀n ànɛ ɓi saaɗ ànɛ à ɓaghà lɛ à ghɛɓsì ɓɔ.

ZYAG 1:21

Kìɓan kiǹ kɛɛ̀ki ɓì ghɛ̀ɛ̀sɛɛ kì càri ɓiɓan ɓi tifin, rì kìɓe mɛkuu mɛ̀cèm, ɓì teɗ jɛ̀ɛ̀ ìnɛ ì ɓɛ̀lɛ̀ngà ɓi mìni, ìnɛ ì ki rì lɛ ì ghɛɓsì ɓyɛɓ ɓin, rì ǹɗem wu tɛ̀tɛ̀rɛ̀ɛ̀.

1 PYƐƐRI 2:2

ɓaana fɛlɛ yɛ̀ɛ ɓɔn ɓɛ ɓwɛɗ, ɓì keesì milig mɛ ɓi nghay mɛ mɛ ri lɛ syeesyee mɛɛ ri jɛ̀ɛ̀ ì Bɛ̀ll di fɔɔnnɛ ɓi tɔɔ̀, ɓì ki ghɛn cɛɓ,