MƐ̀KÌKÌÌ MƐ ƁƐKƐ̀NÌ-FÌTOM 16:9 - Bafia Nouveau Testament

⁹ Nni ɓìdɛ̀ndɛm̀ ɓi kighà Pol rì ìru lɛ à ghɛɛ ŋwaànɛ a Masedwan mɛ̀rɛy, à ɓɔ̀ɔ̀ɓɔ̀ŋzàg nyi lɛ: Yu a Masedwan, u ghɛɓsi ɓìsi.

MƐ̀KÌKÌÌ MƐ ƁƐKƐ̀NÌ-FÌTOM 16:9 ပူးပေါင်းရင်းမြစ်များ

MƐ̀KÌKÌÌ MƐ ƁƐKƐ̀NÌ-FÌTOM 10:3

Ŋwos adɛŋ, di mɛ̀kɛ̀ɛ̀ mɛraa à ŋwos ǹkɛ̀nɛn à tiì, Kɔrinɛy à ghɛngà lɔŋ yɛ̀ɛ ɓìdɛ̀ndɛm di ŋwaà-fìtom a Bɛ̀ll à ɗiŋii yì a lɔ̀ŋkii, à kpaa nyi lɛ: Kɔrinɛy wɔ̀!

MƐ̀KÌKÌÌ MƐ ƁƐKƐ̀NÌ-FÌTOM 10:30

Nni Kɔrinɛy à ɓàkà lɛ: Gɛɛ̀nɛ mɛ̀ru mɛraa nnɛ mɛ nkìkii bɔ̀ŋzɛ̀n ɓi kìden kɛ̀m ki naa cààmɛ̀n à mɛ̀kɛ̀ɛ̀ mɛraa à ŋwos. Nni mɛ̀ɛ ǹsìgmɛ̀ɛ di mum à mɛ rɛli mɛ asu, ɓìlàà ɓii ɓi lònlòm lɛ syaŋ̀syaŋ̀ à kpaa mɛ̀ lɛ:

MƐ̀KÌKÌÌ MƐ ƁƐKƐ̀NÌ-FÌTOM 16:10

Ajɛ̀m ì ɓìdɛ̀ndɛm ɓi Pol ɓiǹ, nnɛ tì ghàskà kì kaà bee ìnɛ lɛ ti kɛǹ a Masedwan, lɛ tì konàkà kì ghɛɛ̀ lɛ Bɛ̀ll yɛɛ regii ɓìsi lɛ, ti kɛǹ kì kalii Syeesyee à Ɓɔlɛ wɔɔ.

MƐ̀KÌKÌÌ MƐ ƁƐKƐ̀NÌ-FÌTOM 16:12

wɔɔnnɛ tì pɛ̀sɛɛ, tì kɛ̀n a Filiɓ, ànɛ à rì ǹtonto à bàn ànɛ a Masedwan, à ki ɓa ti bàn ìnɛ ɓumɓɛ a Rom ɓɛ lamìì; tì kɔ̀rìghà ɓi bàn ìnɛn, bàlì ì mɛ̀ru.

MƐ̀KÌKÌÌ MƐ ƁƐKƐ̀NÌ-FÌTOM 18:5

Wɔ̀lɛ yɛ̀ɛ Silas rì Timote ɓɛ kpagà a Kɔrɛŋt di ɓɛ pɛsɛɛ yì a Masedwan, Pol à nagà ɓɔɔ ɓisay ɓimbog, à rɔ̀ɓ lɔŋ lɛ a kpaàkpaa ɓum ɓìɓan ɓi Bɛ̀ll, à kakàlì Ɓɛ̀yudɛ̀n à ki sììrɛn lɛ, Yeesus yɛɛ ri Kiris.

MƐ̀KÌKÌÌ MƐ ƁƐKƐ̀NÌ-FÌTOM 19:21

Ajɛ̀m ì ɓìɓan ɓiǹ, Pol à ɓekà lɛ a kɛǹ a Yorisalɛm, à ghɛ̀ɛ̀sɛ̀ngà kì syàa zi ì Masedwan rì zi ì Akayi, fɔɔnnɛ à kpaaghà lɛ: Ki ghɛɛ̀sɛɛ lɛ i m̀ɓaa wɔɔ, ǹkɛ̀n girig kì ghɛɛ̀ Rom.

MƐ̀KÌKÌÌ MƐ ƁƐKƐ̀NÌ-FÌTOM 19:22

Nni à romgà min ɓɔɓti ɓii ɓɛ kisay ɓɛɓɛɛ̀ lɛ, rì Timote rì Erast a Masedwan, nyimiɗ a rɔ̀ɓtì kì ghagsii gàɓ ì mɛ̀ru ɓi kìlànà ki zi ki a Azii kiǹ.

MƐ̀KÌKÌÌ MƐ ƁƐKƐ̀NÌ-FÌTOM 19:29

Fɔɔnnɛ kìyoòyòò ki kpighà ɓi bàn bimiɗ ɓum ɓɛ̀cèm ɓɛ suùrɛ̀n ɓi naa ìnɛ ɓɛ ǹkìlàg tìcàɓ miì, di ɓɛ mɛ ɓan ɓumɓɛ a Masedwan lɛ rì Gayus, ri Aristarikɛ ɓɛ ɓɛ ǹkɛ̀ɛ̀ghàg ɗì Pol.

MƐ̀KÌKÌÌ MƐ ƁƐKƐ̀NÌ-FÌTOM 20:1

Yɛ̀ɛ kìyoòyòò kiǹ ki lekà, Pol à taŋzɛ̀n ɓɛ̀gherɛ̀n, fɔɔnnɛ à ɓaa lɛ à mɛ reɓ ɓɔ, à ghesɛ̀n min ɓɔ, à kɛ̀n a Masedwan.

MƐ̀KÌKÌÌ MƐ ƁƐKƐ̀NÌ-FÌTOM 20:3

A kɔ̀rìghà wɔɔ ɓɛ̀ŋwii ɓɛraa, yɛ̀ɛ à mɛɛ̀ tekà fìtimà lɛ a kɛǹ a Sirii, nni à wokà lɛ Ɓɛ̀yudɛ̀n ɓɛ mɛ tɔ̀kɛn nyi, fɔɔnnɛ à tekà min nɗɛli lɛ, a sugti a Masedwan.

MƐ̀KÌKÌÌ MƐ ƁƐKƐ̀NÌ-FÌTOM 27:2

Nni tì ɓɔkà fìtimà fi a Adiramit, lɛ fyɔ yɛɛ ghɛɛ̀sɛ̀ngà kìsòrii bèn ì rìɓày ìnɛ a Azii, fɔɔnnɛ tì pɛ̀sɛ̀ngà rì rìkɛ̀ɛ̀, tì ɓaghà ǹɗaŋ ɗi Aristarikɛ, ŋwaànɛ a Tesalonika, ɓi kìden ki zi ki a Masedwan.

MƐ̀KÌKÌÌ MƐ ƁƐKƐ̀NÌ-FÌTOM 9:38

Yɛ̀ɛ ɓɛ̀gherɛ̀n ɓɛ a Zyope ɓɛ wokà lɛ Pyɛɛri à rì a Lida, Lida ànɛn à ràɓsɛ̀ngà ɓi loò rì Zyope, nni ɓɛ romgà ɓum ɓɛɓɛɛ̀ lɛ ɓɛɛ kɛǹ kì kpaà Pyɛɛri lɛ: Kùrùg yuis̀ a lɔ̀ŋkis, kɔ̀ɔ̀ lɛ̀mziì.

RÒMƐŊ 15:26

Ɓisuulɛ ɓɛ̀gherɛ̀n ɓɛ a Masedwan rì ɓɛ̀roɓɛ a Akayi ɓɛ nghɛɛ kìrɔɔ lɛ ɓɛɛ syɔɔ̀ mɔ̀ɔ̀mi ɓisuu ɓumɓɛ ɓɛ ri nyìinyìg ɓi nyìinyìm à ɓɛ̀gherɛ̀n ɓɛ a Yorisalɛm.

2 KƆ̀RƐ̀ŊTYƐŊ 11:9

nni nsoò yɛ̀ɛ kìsoghà ki ɓangà mɛ̀ cààmɛ̀n ki m̀ɓaghà foo a lɔ̀ŋkin, ǹtɛ̀g wɛm̀ wu syɔngà ɓi wààdɛŋ ɓi nto. Ɓisuulɛ ɓɔɔseŋi ɓis ɓɛ ɓi rìgherɛ̀n ɓɛ ɓɛ pɛsɛ̀ngày a Masedwan, ɓɛ faghà mɛ̀ com kìcèm ki ki kaarɛ̀ngà mɛ̀; ǹlɛkà bee bimiɗ lɛ kɛ̀ɛ mɓa ntɛ̀g wu wɛɛ yɔŋi mìni ɓi nyoo, fɔɔnnɛ ǹɗì ɓiì ki lɛlɛɛgh kiɓan kiǹ.

2 KƆ̀RƐ̀ŊTYƐŊ 12:7

Ɓisuulɛ ɓìɓan ɓi Kan à rèsìghà mɛ̀ ɓi ri ɓɛ̀geni ɓiɓan ɓɛ kuukuùghràkɛ̀n. Rì ɓi ɗi lɛ, ɓìɓan ɓiǹ ɓyɛ̀ kɛɛ̀ san mɛ, nnɛ ɓɛ fogà mɛ̀ zɔrì ìdɛŋ ɓi nyoo, ì rì yɛ̀ɛ ŋwaà-fìtom a Satàn, ànɛ à ghɛ̀ɛ̀sɛɛ mɛ̀ kì ɓooɓokì mɛ̀ɓɛn, lɛ di a reg mɛ̀ rìkì ɗi ɓidaŋà.

2 KƆ̀RƐ̀ŊTYƐŊ 7:5

Lɛ à tumɛ̀n yɛ̀ɛ tì kpagà a Masedwan tì ghɛɛ ɓi rifɔɔsɛ̀n nsoò lɛsàg, tì tulɛ̀ngà rì mɛ̀tɔɓ zàɓ yi aɗyoo yìcèm, lɛ rì ɓìtùrì ɓi dan, ìris ɓi nɗem.

2 KƆ̀RƐ̀ŊTYƐŊ 8:1

Ɓɔɔsoŋ̀, ti kɔ̀nkɔn lɛ di ɓyàa yii lèg ànɛ yɛ̀ɛ geesɛ̀n ì Bɛ̀ll ì rèsɛ̀ngà ɓi ɓìseŋi ɓi a Masedwan.

2 KƆ̀RƐ̀ŊTYƐŊ 9:2

Ɓisuulɛ ǹ-yii syeesyee à rìkɔ̀n ànɛ ɓì rì rì nyi, innɛ mɛ̀ ǹti ǹsaàsànɛ̀n ɓumɓɛ a Masedwan ɓi san ànɛ a lɔ̀ŋkin, di nkpaakpaa ɓɔ lɛ: Ɓɛ̀gherɛ̀n ɓɛ a Akayi ɓɛ ri ɓɛ̀pègsɛn lɛ ɓɛɛ ghɛɓsi à tumɛ̀n ɓi bèg ìmbog. Fɔɔnnɛ rìfalɛ̀n ɗin ɗi nfatii ɓìseŋi lɛɛ̀gwey itèɗ ɓi nyòò.

TÈSÀLÒNÌSYƐŊ 4:10

Ǹkɔ̀nɛ̀n ànɛn innɛ ɓi rèresi rì ɓɛ̀geni ɓin ɓɛ̀cèm ɓɛ ɓɛ ri Masedwan bimiɗ. Ɓɔɔsoŋ̀, ɓisii yɛgsii lɔŋ mini ɓyàg lɛ ɓi kɛɛ̀di beèbɛ̀y rì rìkì ɗiǹ.