MƐ̀KÌKÌÌ MƐ ƁƐKƐ̀NÌ-FÌTOM 16:25 - Bafia Nouveau Testament

²⁵ Di ǹɗem-irù wu ti jàŋbog, Pol rì Silas ɓɛ ɓɔɔ̀ɓɔ̀ŋzàkà Bɛ̀ll, ɓɛ kɛkɛ̀ɛ̀gh tyem ti lɛ ɓɛɛ ɓɔgsi Bɛ̀ll, ɓìmbùŋ ɓimbog ɓi wowòg yɛ̀ɛ ɓɛ kɛkɛ̀ghìghà.

MƐ̀KÌKÌÌ MƐ ƁƐKƐ̀NÌ-FÌTOM 16:25 ပူးပေါင်းရင်းမြစ်များ

LUKAS 22:44

Yɛ̀ɛ ìris wu ɓangà Yeesus, fɔɔnnɛ à sììrɛ̀ngà lɔŋ ɓi bɔ̀ŋzɛ̀n, kìɗìg kii ki ɓa lɔŋ yɛ̀ɛ ɓɛ̀jɛɛ ɓɛ bwaɓ ɓɛɛ yɔɔyɔɔ ɓi zi.

MƐ̀KÌKÌÌ MƐ ƁƐKƐ̀NÌ-FÌTOM 15:22

Nni fɔɔnnɛ ɓɛ̀kɛ̀nì-fìtom rì ɓɛ̀sɛ̀ɛ̀mɛn rì kìseŋi kìcèm ɓɛ ghɛngà lɛ ɓɛɛ ɓɔǹ ɓum ɓɛɗɛŋ ɓi nyìinyìm wàà, di ɓɛɛ rom ɓɔ nɗaŋ ri Pol ɓɛɛ̀ Ɓarinaɓas a Aŋtyos. Nni ɓɛ ɓɔngà min lɛ, rì Zyuudɛ ànɛ ɓɛ nɗegàg tì lɛ Ɓarisaɓas, rì Silas. Kìɓɛ̀ɛ̀ ki ɓum kìn ki ɓaghà ɓumɓɛ ɓɛ̀geni ɓaa ɓɛ righerɛ̀n ɓɛ keesìghà lɛɛ̀gwey.

MƐ̀KÌKÌÌ MƐ ƁƐKƐ̀NÌ-FÌTOM 16:19

Yɛ̀ɛ ɓɛ̀masà ɓɛ giɓ anɛ̀n ɓɛ ghɛngà lɛ bee yaà ì rìfɔ̀n ìnɛn ì simɓɛɛ, nni ɓɛ ɓangà lɛ, rì Pol rì Silas, ɓɛ kɛǹ ɗì ɓɔ ɓi jàŋ ì ɓɛ̀yɔ̀m ɓi mis mɛ ɓɛyɔ̀mì-ɓìɓan.

MƐ̀KÌKÌÌ MƐ ƁƐKƐ̀NÌ-FÌTOM 16:33

Ɓi cààmɛ̀n kɔm̀ kiǹ, nnɛ, m̀ɓèŋì-naà-zày à kɛ̀ngà rì ɓɔ lɛ a soò ɓɔ beŋ yi ɓɛ ɓaghà rì yɔ, fɔɔnnɛ ɓɛ ghàskà kì ɓàɓtii lɛ rì ŋwaànɛ̀n, rì ɓum ɓii ɓɛ̀cèm.

MƐ̀KÌKÌÌ MƐ ƁƐKƐ̀NÌ-FÌTOM 5:41

Fɔɔnnɛ ɓɛ̀kɛ̀nì-fìtom ɓɛ pɛsɛ̀ngày a Sànèdìrɛŋ ɗì coo kìnyàà ɓi nɗem lɛ Bɛ̀ll àa ǹghɛɛ lɛ, ki rì syeesyee à kiɓan lɛ, ɓɔɔ ghɛn mɛ̀tɔɓ lɛ, ɗii ɗi Yeesus.

RÒMƐŊ 12:12

Ɓì ghɛ̀ɛ̀sɛɛ kì nyàànyaa ɓi dyàɓɛn inɛ ɓì rì rì yɔ̀, ɓì nìɗ ǹɗem cààmɛ̀n ki ɓì tulɛɛ ri mɛ̀tɔɓ, ɓì ki sììrɛn bi bɔ̀ŋzɛ̀n.

RÒMƐŊ 5:3

Àa lɔŋ foo ri foo, ti nyàanyaàrɛ̀n girig rì mɛ̀tɔɓ mis, lɛ tì yii lɛ ǹtɔɓ wu ti wu kilàg lɛ mum a ɓa rì kìsììrì,

2 KƆ̀RƐ̀ŊTYƐŊ 6:10

ɓɛ soo ri ɓeeɓeɓsì ɓìsi mɛ̀rem, ɓìsii ri lɔŋ kinyàà rì kìnyàà cààmɛ̀n kìcèm, ɓɛ seesèè lɛ tì rì ɓɛ̀soghàsogha, ɓìsii kuùkùmzì ɓum lɛɛ̀gwey, tyàa soo seèsèèrɛ̀n lɛ tì yin ɗi com, tì rì lɔŋ ri ɓyom ɓìcèm.

EFÈZYƐŊ 5:19

Ɓì kuùkùrɛ̀n rì ɓɛ̀sam, rì mɛ̀ɓàlì, rì tyem ti Bɛ̀ll; ghàɓina mɛ̀ɓàlì lɛ ɓi ɓɔgsi Kan, rì mɛ̀rem min mɛcèm.

FÌLÌPYƐŊ 2:17

Wɔ̀lɛ nsoò bwaɓ yɛm̀ yaa ki kpaŋì ɓi sìg à com ki ɓɛ funɛɛ Bɛ̀ll, lɛ yɛɛ ɓɔɓtɛn ɓi rìfa ɗi rìgherɛ̀n ɗin ɗyɛɛ̀ ɓɔɔɓɔgsì Bɛ̀ll rì ɗyɔ, fɔlɔɔ a fa lɔŋ mɛ kìnyàà, ǹki nyààrɛn ǹɗaŋ ri mìni ɓɛ̀sɛ̀ɛ̀ ɓɛ̀cèm.

KÒLÒSYƐŊ 1:24

Ǹɗì rì kìnyàà ɓi cààmɛ̀n ki, ɓi mɛ̀tɔɓ mɛ nwowog ɓisu win, fɔɔnnɛ com ki kɛɛ̀ kaakaàrɛ̀n ɓi mɛ̀tɔɓ mɛ Kiris, mɛ̀ɛ nɗàaratɛ̀n kɔ kì woògh ɓi nyoo yɛ̀m ɓisuu nyoo yìì ìnɛ ì rì kìseŋi kii.

EBIREEGH 5:7

Yɛ̀ɛ Yeesus à ghɛghɛ̀ɓkà ɓi ziinɛ, à ɓɔ̀ɔ̀ɓɔ̀ŋzàkà Bɛ̀ll, à yɛ̀ɛ̀ghyɛ̀gsì nyi ɓyàg, rì ɓyoo ɓikiŋ, rì misì ɓi mɛ̀tam, lɛ Bɛ̀ll yɛɛ ɓaghà lɛ à ghɛɓsì nyi ɓi rìwu; nni Bɛ̀ll à wokà bɔ̀ŋzɛ̀n yii lɛ mɛ̀wog mɛ à ɓaghà rì mɔ.

ZYAG 1:2

Mìni ɓɛ̀geni ɓɛ̀m, terina mɛ̀kuu mɛ mɛtɔɓ mɛ̀cèm mɛ ɓì rì lɛ ɓì tulɛ̀n rì mɔ lɛ mɛ ri kìɓan ki kinyàà ki kɔɔ̀kɔɔ̀,

ZYAG 5:13

I mum ɓi mìni à tanɛɛ rì ǹtɔɓ, à ghɛ̀ɛ̀sɛɛ kì ɓɔ̀ŋzii Bɛ̀ll, nsoò lɛ à rì rì kìnyàà, à ghɛ̀ɛ̀sɛɛ kì ɓɔgsii Bɛ̀ll rì tyem.

1 PYƐƐRI 4:14

I ɓɛɛ̀ sɛɛsɛmgì mìni lɛ ɗii ɗi Kiris, di ɓì rì ɓɛ̀mààghmaagh ɓisuulɛ Ǹghay à rìkem, Ǹghay à Bɛ̀ll à rì ɓi mìni.