MƐ̀KÌKÌÌ MƐ ƁƐKƐ̀NÌ-FÌTOM 16:15 - Bafia Nouveau Testament

¹⁵ Yɛ̀ɛ ɓɛ ɓaɓtìghà lɛ rì nyi, rì naa yìì i ɓum nni à tɔkà ɓìsi lɛ, ti kɛǹ a mɛɛ mii, à kpaa lɛ: I ɓì ghɛɛ lɛ ǹɗì ǹgherɛ̀n Kan, yùuna kì kɔ̀rii a mɛɛ mɛm̀. Fɔɔnnɛ à sììrɛ̀ngà lɛ ti gherɛn lɛ, ti kɔri à lɔ̀ŋkii.

MƐ̀KÌKÌÌ MƐ ƁƐKƐ̀NÌ-FÌTOM 16:15 ပူးပေါင်းရင်းမြစ်များ

MATYOO 10:41

I ŋwaà ghàɓi ǹkpaŋzì-ɓìɓan ɓi ɗii ɗi lɛ ǹkpaŋzì-ɓìɓan, à rì ɓiì terì mɛ̀lèɓ mɛ ɓɛ̀kpaŋzì-ɓìɓan ɓɛ ti ɓɛ tekì; nni ŋwaànɛ à ki ghàɓi ŋwaànɛ à rì lɛ saaɗ ɓi mis mɛ Bɛ̀ll, ɓisuulɛ à rì lɛ saaɗ ɓi mis mɛ Bɛ̀ll, à rì ɓiì terì mɛ̀lèɓ mɛ ɓumɓɛ ɓɛ ri lɛ saaɗ ɓi mis mɛ Bɛ̀ll ɓɛɛ̀ tekì.

MATYOO 3:6

ɓɛ kpakpàg ɓìɓe ɓyaa, Zyaŋ à ki ɓàaɓaɓtì ɓɔ ɓi ǹsyòm wu lɛ Zyuridɛŋ.

LUKAS 14:23

Nni à kpaatìghà min ǹkìì-kìsay wiì lɛ: Nɔ̀ɔ̀ti lɛ rì bee yi ɓi dɛm, rì bèn yi gari yi ɓi ɓɛ̀dɛm, u tiniì ɓum ɓi-tèɗ lɛ ɓɛɛ yu kì ɗiŋii ɓi naa yɛ̀m, di fɔɔnnɛ yɛ̀ɛ roǹ.

LUKAS 24:29

Wɔ̀lɛ ɓɛ̀yilàg ɓɛ siìrɛ̀n nyi rìtɔtɔ̀g lɛ: Ti rɔɓ fɛ, ŋwos aa màg ɓilɛ̀y, ìru wu ki yùu kì finì, fɔɔnnɛ à ɗiŋìghà ɓi naa lɛ a kɔri rì ɓɔ.

MƐ̀KÌKÌÌ MƐ ƁƐKƐ̀NÌ-FÌTOM 11:14

nyɛɛ ri wɔ̀ ɓiì kpaa ɓìɓan ɓi ɓi ri ɓiì ghɛɓsii lɛ, rì wɔ̀, rì naa yɔ̀ɔ̀ ì ɓum bimiɗ

MƐ̀KÌKÌÌ MƐ ƁƐKƐ̀NÌ-FÌTOM 16:31

Ɓɛ ɓaàg nyi lɛ: Gherɛn Kan Yeesus, fɔɔnnɛ ù rì ɓiì ghɛɛ̀ cɛɓ lɛ rì wɔ̀, rì naa yɔ̀ɔ̀ ì ɓum.

MƐ̀KÌKÌÌ MƐ ƁƐKƐ̀NÌ-FÌTOM 16:33

Ɓi cààmɛ̀n kɔm̀ kiǹ, nnɛ, m̀ɓèŋì-naà-zày à kɛ̀ngà rì ɓɔ lɛ a soò ɓɔ beŋ yi ɓɛ ɓaghà rì yɔ, fɔɔnnɛ ɓɛ ghàskà kì ɓàɓtii lɛ rì ŋwaànɛ̀n, rì ɓum ɓii ɓɛ̀cèm.

MƐ̀KÌKÌÌ MƐ ƁƐKƐ̀NÌ-FÌTOM 16:34

Ajɛ̀m ìnɛn nnɛ m̀ɓèŋì-naà-zày à tekà lɛ rì Pol rì Silas, à ɓɔg rì ɓɔ a mɛɛ mii, à fa ɓɔ ɓyom ɓiɗiyɛn, ŋwaànɛ̀n rì naa yìì i ɓum, ɓɛ wokà kìrɔɔ lɛɛ̀gwey, yɛ̀ɛ ɓɛ gherɛ̀ngà Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 18:8

Nsoò fɔlɔɔ, rìfòm ɗi naà-bɔ̀ŋzɛ̀n, ɗii lɛ Kirispus ɗi gherɛ̀ngà Kan, rì rìmɛɛ ɗii ɗicèm, fɔlɔɔ nnɛ ɓumɓɛ a Kɔrɛŋt lɛɛ̀gwey ɓɛ ɓɛ wokà ɓìɓan ɓi Pol ɓɛ gherɛ̀ngà girig, ɓɛ ki ɓàɓtag.

MƐ̀KÌKÌÌ MƐ ƁƐKƐ̀NÌ-FÌTOM 8:12

Wɔ̀lɛ, yɛ̀ɛ ɓum ɓɛ gherɛ̀ngà Syeesyee à Ɓɔlɛ ànɛ Filiɓ à kpaakpààghà ɓɔ, Syeesyee à Ɓɔlɛ à kìlɔ̀ŋ ki Bɛ̀ll, rì à ɗii ɗi Yeesus Kiris, fɔɔnnɛ ɓum ɓɛ ɓaɓtàkà lɛ, rì ɓɛ̀yiɓ, rì ɓɛ̀baŋì.

MƐ̀KÌKÌÌ MƐ ƁƐKƐ̀NÌ-FÌTOM 8:38

Nni ŋwaànɛ̀n à tɔkà m̀pusì calig lɛ a rɛli. Ɓɛ sɛn min ɓɛɛ̀ Filiɓ, ɓɛ ɗiŋì ɓi kìràà, Filiɓ à ɓàɓtì min nyi.

RÒMƐŊ 16:23

Gayus ànɛ ǹkɔ̀kɔrii a mɛɛ mii, ànɛ kìseŋi kìcèm ki ti ki taŋzàg a mɛɛ mii a tògsii mìni; Erast ànɛ à rì baŋ-masà ànɛ ɓi bàn, rì geni wìs anɛ ɓi rìgherɛ̀n ànɛ lɛ Karitus, ɓɛ togsii mìni.

2 KƆ̀RƐ̀ŊTYƐŊ 12:11

Mɛ̀ mmɛ ghay kiyèg, kìɓan kifog, mìni yɛɛ tinìghà mɛ̀ lɛ nghay kìyèg, lɛ mìni yɛɛ ghɛɛ̀sɛ̀ngà lɛ ɓì sɛg ɓum mɛ̀. Lɛ nsoò yɛ̀ɛ ǹ-yin bimiɗ à mum, ǹ-yii ɓi lɛ ɓumɓɛ ɓɛɛ̀ kpaakpaa lɛ ɓɔ yɛɛ ri ɓyoo ɓɛkɛ̀nì-fìtom ɓɛ Yeesus ɓɛ cee mɛ̀ ɓi com kidɛŋ.

2 KƆ̀RƐ̀ŊTYƐŊ 5:14

Lɛ ǹkɔ̀nɛ̀n à Kiris à ɓanɓani ɓìsi rì ìtèɗ ɓisuulɛ ɓìsiì fèki lɛ, i mum bog à wughà ɓisuu ɓum ɓɛ̀cèm, di ɓum ɓɛ̀cèm ɓɛ ri min ɓilòŋ.

GÀLAT 6:10

Fɔlɔɔ nnɛ ki ghɛɛ̀sɛɛ min lɛ cààmɛ̀n kìcèm ki ti ghɛɛ kìrɔŋiɗ, ti ki ɓum ɓɛ̀cèm kìrɔɔ, à ɓiìɓììsɛ̀n ɓɛ̀geni ɓis ɓɛ ɓi rìgherɛ̀n.

EFÈZYƐŊ 1:1

Mɛ̀ Pol, ànɛ ǹɗì ǹkɛ̀nì-fìtom a Yeesus Kiris lɛ rìkɔ̀n ɗi Bɛ̀ll, mɛ̀ yɛɛ kani ɓumɓɛ Bɛ̀ll rì ɓɛ̀gherɛ̀n ɓɛ ɓɛ ri ɓɛ̀falɛn ɓi Kiris Yeesus a Efɛɛzɛ.

FÌLÌPYƐŊ 1:7

Ki wooghrɛɛ gì lɛ mɓa rì mekuu mɛ mɛyitì mɛ fɔlɔɔ ɓi san wìn, ɓisuulɛ ɓì rì mɛ̀ ɓi nɗem, rì tì lɛ, nsoò cààmɛ̀n ki ǹɗì ɓi naà-zày, nsoò cààmɛ̀n ki ǹɗì ɓidan nkàakamɛ̀n ǹki sìisiìràg Syeesyee à Ɓɔlɛ, mìniìcèm ɓì ti ɓì tekì gàɓ ɓi geesɛ̀n ìnɛ Bɛ̀ll à kìghà mɛ̀.

FILEMƆŊ 1:17

I ki ri lɛ, u seesee mɛ lɛ roŋkàŋ, ghàɓa nyi yɛ̀ɛ ù rì lɛ ù ghàɓ mɛ̀.

EBIREEGH 13:2

Kɛ̀ ɓi ɗimzɛn kiɓan ki lɛ ɓi ghaɓki ɓɛ̀kèn lɛ syeesyee; ɓisuulɛ ɓum ɓɛdɛŋ ɓɛ laasìghà ɓum ɓɛ titom ɓɛ̀ kɛɛ̀ yi ɓi kìsyɔ̀ɔ̀ kiǹ.

1 PYƐƐRI 5:12

Ǹkàniì mìni ɓɔɔ jɛ̀ɛ̀ ɓɛ rì Silvɛŋ ànɛ à rì geni wìs a ǹtyweeyi lɛ nfa mìni deɓ, ǹki tɛɛ̀zi mini kì rèsii lɛ fɔlɔɔ nnɛ kɔɔ̀kɔɔ̀ à geesɛ̀n ì Bɛ̀ll, ànɛ ɓì rì miì ɓɛ̀sììrɛn lɛ tiŋtiŋ, à rì.

2 ZYAŊ 1:10

Nni i mum à yùu yì a lɔ̀ŋkin, kɛ̀ɛ ɓay ɗì rìrèsì ɗiǹ, kɛ̀ ɓi ghàɓ nyi ɓi naa yìn, kɛ̀ ɓi ki tògsi nyi;

3 ZYAŊ 1:5

Mum wɛm̀ à nɗem, u kìki ɓɛgoni ɓɛ ɓi rìgherɛ̀n ɓìɓan, nsoò ɓɛ̀roɓɛ ɓɛ ri ɓɛ̀kɛ̀n, lɔŋ yɛ̀ɛ ki ghɛɛ̀sɛɛ lɛ ǹgherɛ̀n a ki.

3 ZYAŊ 1:8

Ɓìsi ɓɛ̀gherɛ̀n, tì ghɛ̀ɛ̀sɛɛ min ki lèmi rikuu ɗi ɓum ɗìn, lɛ ti kaɓɓɛn kìsay ki ɓɛɛ̀ kìki kiǹ ɓisuu saaɗ.