MƐ̀KÌKÌÌ MƐ ƁƐKƐ̀NÌ-FÌTOM 16:13 - Bafia Nouveau Testament

¹³ Nni ŋwosì Saɓàt, tì pɛ̀sɛ̀ngà ɓi bàn, tì kɛ̀n ɓi bèn ì ǹsyòm, ɓi jàŋ inɛ tì fèfèkà lɛ Ɓɛ̀yudɛ̀n ɓɛ ɓaghà lɛ ɓɛ ɓa rì naà-bɔ̀ŋzɛ̀n wɔɔ. Yɛ̀ɛ tì kɔ̀rìghà ɓi zi, nni tì tòkàkà rì ɓɛ̀yiɓ ɓɛ ɓɛ ɓaghà wɔɔ ɓɛtaŋzɛn.

MƐ̀KÌKÌÌ MƐ ƁƐKƐ̀NÌ-FÌTOM 16:13 ပူးပေါင်းရင်းမြစ်များ

MATYOO 13:2

Fɔɔnnɛ ɓyoo ɓìtuu ɓi ɓum ɓi taŋzɛ̀ngà nyi a nyoo, lèg ànɛ lɛ nyii ɓɔkà kì kɔ̀rii ɓi kìkɔm, ɓumɓɛ̀n ɓɛ̀cèm ɓɛ rɛlìì ɓi bèn ì rìɓày.

MARIKUS 16:15

Fɔɔnnɛ à kpaaghà ɓɔ lɛ: Kɛ̀ɛna zi bimiɗ, ɓi kpaa ɓum ɓɛ̀cèm Syeesyee à Ɓɔlɛ.

LUKAS 13:10

Yɛ̀ɛ Yeesus à rèrèsàkà ɓum ɓi naà-bɔ̀ŋzɛ̀n ìdɛŋ ŋwosi Saɓàt,

ZYAŊ 8:2

Wɔ̀lɛ yɛ̀ɛ duri i tangà, à sugtìghà ɓi naà-Bɛ̀ll, ɓum ɓɛ̀cèm ɓɛ yu nyi a nyòò. Fɔɔnnɛ à kɔ̀rìghà ɓi zi à tumɛ̀n ɓɔ rìrèsàg.

MƐ̀KÌKÌÌ MƐ ƁƐKƐ̀NÌ-FÌTOM 13:14

Nni yɛ̀ɛ ɓɛ pɛsɛ̀ngà a Pɛrizɛ, ɓɛ ghagsì rìkɛ̀ɛ̀ ɗyaa, ɓɛ kɛǹ kìkpaŋì a Aŋtyos ànɛ a Pisidii. Nni ɓɛ ɗiŋìghà ɓi naa ì bɔ̀ŋzɛ̀n ì Ɓɛ̀yudɛ̀n, ŋwosi Saɓàt ɓɛ kɔri ɓi zi.

MƐ̀KÌKÌÌ MƐ ƁƐKƐ̀NÌ-FÌTOM 13:42

Yɛ̀ɛ Sol ɓɛɛ̀ Ɓarinaɓas ɓɛ ɓaghà di ɓɛ ti ɓiì kpaŋìì ɓi naà-bɔ̀ŋzɛ̀n, ɓumɓɛ̀n ɓɛ tɔg ɓɔ lɛ, ɓɛɛ sugtiì ŋwosi Saɓàt ànɛ à ɓɔ̀ɓkày, lɛ ɓɛɛ ɓiìti ɓɔ kì kalii kiɓan kiǹ.

MƐ̀KÌKÌÌ MƐ ƁƐKƐ̀NÌ-FÌTOM 16:16

Yɛ̀ɛ tì kɛ̀nkɛ̀ngà ŋwos adɛŋ ɓi jàŋ i bɔ̀ŋzɛ̀n, nni tì tulɛ̀ngà rì gɔ̀n ì giɓ idɛŋ ìnɛ ì ɓaghà ɓiì sasali ɓum ɓɛdɛŋ; ì ɓaghà rì kìɓeɓtàg ki nghay, ki ki fafàghà yɔ̀ ìtèɗ wulɛ, yɛ̀ɛ log kì yiì ɓìɓan ɓi ɓi ri ɓiì kìlɛɛ. Fɔɔnnɛ ɓɛ̀masà ɓii ɓɛ fɔ̀nfɔ̀ngà lɛɛ̀gwey ɓi ɓìfyeŋ ɓii ɓiǹ.

MƐ̀KÌKÌÌ MƐ ƁƐKƐ̀NÌ-FÌTOM 16:6

Yɛ̀ɛ Kìtɛntɛ̀ɛ̀n ki Nghay kì rekà ɓɔ lɛ, ɓɛ̀ kɛɛ̀ ghagsi jɛ̀ɛ̀ ì Bɛ̀ll ɓi kìden ki zi ki a Azii fɔɔnnɛ ɓɛ ghaghìghà bàn ì Firizii, rì zi ì Ɓɛ̀gàlat rì mɛ̀kòò.

MƐ̀KÌKÌÌ MƐ ƁƐKƐ̀NÌ-FÌTOM 17:2

Fɔɔnnɛ Pol à ɗiŋìghà ɓi naà-bɔ̀ŋzɛ̀n ìnɛn lɔŋ yɛ̀ɛ àa nti à kìlàg. À kurɛ̀ngà rì ɓumɓɛ wɔɔ, ɓi ɓìɓan ɓi ɓi kaàtà à Bɛ̀ll, gòn yi Saɓàt yiraa.

MƐ̀KÌKÌÌ MƐ ƁƐKƐ̀NÌ-FÌTOM 18:4

Gòn yi Saɓàt yìcèm, Pol àa ǹtòòghraagh ɓi naà-bɔ̀nzɛ̀n lɛ à kaakààghà bee lɛ a syoŋ̀ lɛ rì Ɓɛ̀yudɛ̀n rì Gìrɛg.

MƐ̀KÌKÌÌ MƐ ƁƐKƐ̀NÌ-FÌTOM 20:7

Ɓi ŋwos a ǹtonto ànɛ ɓi rìtumɛ̀n ɗi sɔnɗì nnɛ tì ɓaghà ɓɛ̀taŋzɛn lɛ ti teɗ ɓìɗilàg ɓi Bɛ̀ll. Pol nyii ghɛɛ̀sɛ̀ngà kì ghaghii ɓi duri tana, nni à tòkàkà rì ɓɛ̀gherɛ̀n, à ki ràɓsi ɓitòkì à kpaŋ nyìinyìm à-ru.

MƐ̀KÌKÌÌ MƐ ƁƐKƐ̀NÌ-FÌTOM 21:5

Di tyàa ghagsi mɛru taàɓɛ̀ɛ̀, nnɛ tì rùɓtɛ̀ngà tì rì rìkɛ̀ɛ̀. Fɔɔnnɛ ɓɛ kɛngà ɓìsi kìfɔŋì ɓɛ̀sɛ̀ɛ̀ ɓɛ̀cèm lɛ rì ɓɛ̀yiɓ ɓaa, rì ɓɔn ɓaa, ɓɛ ceesì ɓìsi ǹdèè wu bàn. Nni tì ɓakà mɛ̀ɗu ɓi zi, tì ɓɔ̀ŋzì Bɛ̀ll ɓi bèn ì rìɓày.

MƐ̀KÌKÌÌ MƐ ƁƐKƐ̀NÌ-FÌTOM 9:20

Nni à ghagsɛ̀ngà lɔŋ wɔɔ foo ɗi rìkakàlì ɗi ɓum ɗii ɗi Yeesus ɓi naa yi bɔ̀ŋzɛ̀n, à lààlàmɓɛ̀n lɛ: Yeesus à rì Man à Bɛ̀ll.

GÀLAT 3:28

Fɔɔnnɛ gasɛ̀n ì yiìdi ɓi nyìinyìm ànɛ lɛ rì Ɓɛ̀yudɛ̀n rì ɓìlɔ̀ŋ ɓidɛŋ, yɛ̀ kɛɛ̀ ɓa ti ɓi nyìinyìm ànɛ lɛ rì ǹkpàn rì ŋwaànɛ à yin ǹkpàn, nsoò ɓi nyìinyìm ànɛ lɛ rì baŋì rì giɓ ɓisuulɛ mìniìcèm ɓì ti com kìfog ɓi Yeesus Kiris.

KÒLÒSYƐŊ 1:23

Kìɓan kifog, ki ghɛɛ̀sɛɛ lɛ, ɓi ɓeŋ̀ rìgherɛ̀n, ɓì sììrɛ̀n, ɓì ki rɛli lɛ kpegkpeg, kɛ̀ ɓi càrɛn lɛ ɓɛɛ syoŋ mìni fìràɓ ɗi dyàɓɛn ìnɛ ɓì rì rì yɔ̀ ɓi Syeesyee à Ɓɔlɛ ànɛ ɓì wokà. Syeesyee à Ɓɔlɛ ànɛ̀n yɛɛ kalɛ̀ngà a ɓum ɓɛ̀cèm ɓɛ ɓɛ ri ɓi ɗyoo azi; innɛ mɛ̀ Pol ǹti ǹkìì-kìsay anɛ miì.