MƐ̀KÌKÌÌ MƐ ƁƐKƐ̀NÌ-FÌTOM 16:1 - Bafia Nouveau Testament

¹ Nni Pol à kɛ̀ngà kì kpaŋì a Dɛriɓɛ, rì a Listirɛ n-yilàg àdɛŋ à ɓaghà wɔɔ ɗii lɛ Timote, jɛɛ wìì a ɓaghà ǹgherɛ̀n, gɔ̀n ì Ɓɛ̀yudɛ̀n, seŋi muu Gìrɛg,

MƐ̀KÌKÌÌ MƐ ƁƐKƐ̀NÌ-FÌTOM 16:1 ပူးပေါင်းရင်းမြစ်များ

MƐ̀KÌKÌÌ MƐ ƁƐKƐ̀NÌ-FÌTOM 14:1

A Ikonyɔm, Pol ɓɛɛ̀ Ɓarinaɓas ɓɛ ɗiŋìghà girig ɓi naà-bɔ̀ŋzɛ̀n ì Ɓɛ̀yudɛ̀n, ɓɛ kurɛ̀n rì ɓum, lèg ànɛ lɛ Ɓɛ̀yudɛ̀n lɛɛ̀gwey rì ɓumɓɛ ɓɛ ɓaghà ɓi Ɓɛ̀yudɛ̀n ɓɛ gherɛ̀ngà Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 14:21

Yɛ̀ɛ Pol ɓɛɛ̀ Ɓarinaɓas ɓɛ ghagsìghà Syeesyee à Ɓɔlɛ ɓi bàn ìnɛ lɛ Dɛriɓɛ, ɓɛ ki syòŋ ɓum wɔɔ lɛɛ̀gwey, fɔɔnnɛ ɓɛ sugtìghà a Listirɛ, rì a Ikonyɔm, rì a Aŋtyos ànɛ a Pisidii.

MƐ̀KÌKÌÌ MƐ ƁƐKƐ̀NÌ-FÌTOM 14:6

Pol ɓɛɛ̀ Ɓarinaɓas ɓɛ ɓaghà lɛ ɓaa ghɛn fɔlɔɔ, ɓɛ kaa bee inɛ lɛ ɓɛɛ ghɛŋi kì nyàmzɛɛ a Likawonii rì a Listirɛ, rì a Dɛriɓɛ rì ɓi jàŋ yidɛŋ yi yi ɓaghà wɔɔ jàŋbog.

MƐ̀KÌKÌÌ MƐ ƁƐKƐ̀NÌ-FÌTOM 17:14

Ɓɛ̀geni ɓaa ɓɛ righerɛ̀n ɓɛ ghas min ki kìi lɛ Pol a kɛǹ ɓi ɓɛg à rìɓày à kìkòn, Silas rì Timote ɓɛɛ rɔɓkà lɔŋ a Bere.

MƐ̀KÌKÌÌ MƐ ƁƐKƐ̀NÌ-FÌTOM 18:5

Wɔ̀lɛ yɛ̀ɛ Silas rì Timote ɓɛ kpagà a Kɔrɛŋt di ɓɛ pɛsɛɛ yì a Masedwan, Pol à nagà ɓɔɔ ɓisay ɓimbog, à rɔ̀ɓ lɔŋ lɛ a kpaàkpaa ɓum ɓìɓan ɓi Bɛ̀ll, à kakàlì Ɓɛ̀yudɛ̀n à ki sììrɛn lɛ, Yeesus yɛɛ ri Kiris.

MƐ̀KÌKÌÌ MƐ ƁƐKƐ̀NÌ-FÌTOM 19:22

Nni à romgà min ɓɔɓti ɓii ɓɛ kisay ɓɛɓɛɛ̀ lɛ, rì Timote rì Erast a Masedwan, nyimiɗ a rɔ̀ɓtì kì ghagsii gàɓ ì mɛ̀ru ɓi kìlànà ki zi ki a Azii kiǹ.

RÒMƐŊ 16:21

Timote ànɛ ti kìki kisay ri nyi nɗaŋ à tògsaghiì mìni, nsoò Lusyus rì Jazɔŋ rì Sosipatɛr ɓɛ ɓɔɔseŋi ɓɛ̀m.

1 KƆ̀RƐ̀ŊTYƐŊ 16:10

I Timote à kpaŋi foo, ɓì kì com ki lɛ a ɓa kɛ̀ɛ̀ mɛ̀riighrikì ɓi nyìinyìm wìn ɓisuulɛ à rì ŋwaànɛ a kìki kisay ki Kan lɔŋ yɛ̀ɛ mɛ̀.

1 KƆ̀RƐ̀ŊTYƐŊ 4:17

Ɓisuu kiɓan kiǹ nnɛ ǹɗomgày mìni Timote á man wɛm̀ à ǹɗem ànɛ ǹɗì rì ǹtyweeyi ri nyi ɓi rìgherɛ̀n; nnyɛɛ ri mìni biì yitii ɓiɓan ɓi mɛ̀ɛ nnɔ̀ɔnɔɔ̀tì ɓi cɛɓ kɛ̀m ki ɓi Kiris, ɓìɓan ɓi nki rèresi jàŋ bimiɗ ɓi ɓìseŋi ɓi Kiris ɓìcèm.

1 KƆ̀RƐ̀ŊTYƐŊ 7:14

Ɓisuulɛ baŋì ìnɛ ì yin ngherɛ̀n ì rì ǹtɛnɛn lɛ giɓ wiì, giɓ anɛ à yin ngherɛ̀n à rì ntɛnɛn lɛ yii wiì à rì kìristɛ̀n; kɛ̀ɛ̀ fɔlɔɔ di ɓɔn ɓin ɓɛ ri lɛ ɓɛ ɓa yɛ̀ɛ ɓɔn ɓɛ ɓumɓɛ ɓɛ gherɛɛ ɓi Bɛ̀ll, kɔm̀ lɛ ɓɛ ri ɓɛ̀tɛnɛn ɓi syeesyee à rìkalì.

2 KƆ̀RƐ̀ŊTYƐŊ 1:1

Mɛ̀ Pol, ànɛ ǹɗì ǹkɛ̀nì-fìtom a Yeesus Kiris lɛ rìkɔ̀n ɗi Bɛ̀ll, rì geni wìs Timote tì kàni lɛ rì Kìseŋi ki Bɛ̀ll ki ki ri a Kɔrɛŋt, rì ɓɛ̀gherɛ̀n ɓɛ̀cèm ɓɛ ɓɛ ri ɓi kìlànà ki zi ki lɛ Akayi kìcèm.

2 KƆ̀RƐ̀ŊTYƐŊ 1:19

Ɓisuulɛ Man à Bɛ̀ll Yeesus Kiris ànɛ ɓìsii kakàlìghà ɓum foo a lɔ̀ŋkin lɛ rì mɛ̀ rì Silas rì Timote, à ɓaghà ɓi mɛgheri mɛɓɛɛ̀ lɛ rì ɛ̀ɛ̀ rì èe èe; lɔŋ ɛ̀ɛ̀ nyi rì nyi yɛɛ ri a lɔ̀ŋkii.

FÌLÌPYƐŊ 1:1

Ɓìsi ɓɛ̀kìì-ɓìsay ɓɛ Yeesus Kiris lɛ rì Pol, rì Timote, tì kàni ɓum ɓɛ Bɛ̀ll ɓɛ̀ ɓi Yeesus Kiris ɓɛ̀cèm ɓɛ ɓi bàn ì Filiɓ, rì ɓɛ̀kɛ̀ɛ̀sì ɓaa rì ɓɛ̀dyaakìrɛ̀.

FÌLÌPYƐŊ 2:19

Ǹɗì rì dyàɓɛn ɓi Kan Yeesus, lɛ cààmɛ̀n lɛsàg ǹɗì ɓiì romìì Timote a lɔ̀ŋkin, lɛ di ɓɛ̀ɓɔlɛ ɓin ɓɛ ǹɗì ɓiì terì ɓɛɛ foŋdi mɛ̀ ìtèɗ ɓi nɗem;

KÒLÒSYƐŊ 1:1

Mɛ̀ Pol ànɛ ǹɗì ǹkɛ̀nì-fìtom a Yeesus Kiris lɛ rìkɔ̀n ɗi Bɛ̀ll, rì Timote à geni wìs,

TÈSÀLÒNÌSYƐŊ 1:1

Mɛ̀ Pol, ɓɛɛ Silas rì Timote, tì kàni ɓumɓɛ ɓi Kìseŋi ki a Tesalonika ki ki ri ɓi Bɛ̀ll Seŋi rì ɓi Yeesus Kiris Kan. Geesɛ̀n, rì fyòoog ɓyɛɛ ɓa ɓìfayɛn a lɔ̀ŋkin.

TÈSÀLÒNÌSYƐŊ 3:2

Fɔɔnnɛ tìi nɗomiì mìni geni wìs Timote, ànɛ à rì ǹkìì-kìsay a Bɛ̀ll ɓi rìghagsì ɗi Syeesyee à Ɓɔlɛ à Kiris lɛ a fa mìni ìtèɗ, à ki fegsi mìni ɓi rìgherɛ̀n ɗin;

TÈSÀLÒNÌSYƐŊ 3:6

Wɔ̀lɛ ɓigomìnɛ nnɛ Timote à sughiì rìkɛ̀ɛ̀ ɗi àa nɗìì a lɔ̀ŋkin; à sughiì ɓìsi rì ɓɛ̀ɓɔlɛ ɓɛsyeesyee ɓɛ ɓɛ komi lɛ rì rìgherɛ̀n ɗin, rì ǹkɔ̀nɛ̀n ànɛ ɓì rì rì nyi. À kpaa ɓìsi yɛ̀ɛ mìniì ka yiiyitàg lɔŋ ɓisi rì nkɔ̀nɛ̀n cààmɛ̀n kìcèm, ɓì ki ɓa ri zày ìnɛ lɛ ɓi ghɛǹ ɓìsi, yɛ̀ɛ ɓìsi girig tì rì rì zày ìnɛ lɛ ti ghɛnɛn.

2 TÈSÀLÒNÌSYƐŊ 1:1

Mɛ̀ Pol, ɓɛɛ̀ Silas, rì Timote, tì kàniì ɓumɓɛ ɓi Kìseŋi ki ɓɛgherɛ̀n ki a Tesalonika, ki ki ri ki Bɛ̀ll à Seŋi wìs, ɓi Yeesus Kiris à Kan wìs.

TIMOTE 1:18

Man wɛm̀ Timote, kìɓan ki mɛ̀ ǹsiŋ̀dɛɛ wɔ̀ ki rarɛɛ yì rì ɓìɓan ɓi Nghay à rèsìghà ɓi san wɔ̀ɔ̀; ɓi ɗi yɛ̀ɛ ɓìɓan ɓiǹ ɓyɛɛ̀ kpaakpàà, ki ghɛɛ̀sɛɛ lɛ u ɗùu syeesyee à wɛ̀y,

TIMOTE 1:2

Ǹkàni Timote, à kɔɔ̀kɔɔ̀ wɛ̀m à man ɓi rìgherɛ̀n, Bɛ̀ll Seŋi rì Kan wìs Yeesus Kiris ɓɛɛ fa wɔ̀ lɛ, rì geesɛ̀n, rì rìcenɛ̀n, rì fyòoog.

2 TIMOTE 1:2

ǹkàni Timote à man wɛm̀ à nɗem, Bɛ̀ll Seŋi wìs, rì Yeesus Kiris Kan wìs, ɓɛɛ fa wɔ̀ geesɛ̀n ɗì rìcenɛ̀n, rì fyòoog

2 TIMOTE 1:5

N-yiiyitì girig rìgherɛ̀n ɗi kɛ̀ɛ̀ ìghèy azi ɗi ɗi ri wɔ̀ ɓi nɗem, rìkuu ɗi righerɛ̀n ɗiǹ ɗyɛɛ̀ɗi gaa à ǹsɛ̀ɛ̀mɛn anɛ lɛ Lɔyis à ɓaghà rì ɗyɔ, Enis à jɛɛ wɔ̀ɔ̀ ri ɗyɔ, lɔŋ yɛ̀ɛ ǹɗem wɛ̀m wùcèm wu gherɛɛ lɛ ɗi ri girig fɔlɔɔ a lɔ̀ŋkɔɔ.

2 TIMOTE 3:11

ù yii lɛ rì ǹ-yeesɛ̀n ànɛ ntuutulɛ̀n rì nyi, rì mɛ̀tɔɓ mɛ ǹwowoogh; rìkuu ɗi ntɔɓ aɗi ɗyɛɛ̀ɗi ǹɗɔ̀ɓi lɛ ǹghɛɛ ɓi a Aŋtyos rì Ikonyɔm rì a Listirɛ? Rìkuu ɗi ǹ-yeesɛ̀n aɗi ɗyɛɛ̀ɗi ǹɗɔ̀ɓi lɛ ǹtulɛɛ ɓi ri ɗyɔ, ǹki sìisiìrì nɗem? Wɔ̀lɛ Kan à ghɛɓsìghà mɛ̀ ɓi mɛ̀tɔɓ mɛ̀n mɛ̀cèm.

FILEMƆŊ 1:1

Mɛ̀ Pol ànɛ ǹɗì kìmbùŋ ɓisuu Yeesus Kiris ɓɛɛ̀ geni wɛ̀m ànɛ lɛ Timote, ɓìsi yɛɛ kani lɛ rì Filemɔŋ à reŋkàŋ wìs a ǹɗem, ànɛ ti kìki kisay kifog rì nyi,

EBIREEGH 13:23

Yiina lɛ, ɓɛ ncàri Timote à geni wìs anɛ àa nɗì m̀ɓamɓanɛn, i à fyaŋzii fɛ kì kpaŋì, di tì rì mìni ɓiì yùu ki ghɛɛ̀ ǹɗaŋ lɛ rì mɛ̀ rì nyi.