MƐ̀KÌKÌÌ MƐ ƁƐKƐ̀NÌ-FÌTOM 15:32 - Bafia Nouveau Testament

³² Zyuudɛ ɓɛɛ̀ Silas ɓɛ ɓaghà ɓɛ̀kpaŋzì-ɓìɓan, fɔɔnnɛ ɓɛ tokàkà rì ɓɛ̀geni ɓaa ɓɛǹ lɛɛ̀gwey ɓɛ teèsì ɓɔ nyoo, ɓɛ ki sììrag ɓɔ ɓi rìgherɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 15:32 ပူးပေါင်းရင်းမြစ်များ

MATYOO 23:34

Kìɓan kiǹ kɛɛ̀ki ǹɗì mìni ɓiì romiì lɛ: rì ɓɛ̀kpaŋzì-ɓìɓan, rì ɓum ɓɛ ɗyomzɛ̀n, rì ɓɛ̀yiì-ɓìɓan; ɓì ɓiì kìi lɛ: ɓì wey ɓɛ̀roɓɛ, ɓì ghɛ̀rì ɓɔ ɓi ɓɛ̀kɔrɔs, ɓi ɓog ɓɛ̀ro ɓɛmbog ɓi kìtòn ɓi naa yin yi bɔ̀ŋzɛ̀n, ɓì ki kìki ti ɓɛ̀ro ɓɛmbog ǹtɔɓ lɛ i ɓì pɛ̀sɛɛ ɓi bàn ìnɛ, ɓì cee ɓi ìmbog.

LUKAS 11:49

Kìɓan kìn kɛɛ̀ki Bɛ̀ll ànɛ à rì rì ɗyomzɛ̀n à kpaaghà lɛ: Ǹɗì ɓɔ ɓiì romìì lɛ, rì ɓɛ̀kpaŋzì-ɓìɓan, rì ɓɛ̀kɛ̀nì-fìtom; fɔɔnnɛ ɓɛ ri ɓiì kìi lɛ, ɓɛ wey ɓɛ̀roɓɛ, ɓɛ yeesì ɓɛ̀ro ɓɛmbog,

MƐ̀KÌKÌÌ MƐ ƁƐKƐ̀NÌ-FÌTOM 11:23

Nni yɛ̀ɛ à kpagà wɔɔ, à ghɛn yɛ̀ɛ geesɛ̀n ì Bɛ̀ll ì rèsɛ̀ngà a ɓɛ̀gherɛ̀n ɓɛǹ, à nyààrɛ̀n, à ki toni ɓɔ lɛ: Sììrɛɛna lɔŋ ɓi Kan Yeesus, rì mɛ̀rem min mɛcèm.

MƐ̀KÌKÌÌ MƐ ƁƐKƐ̀NÌ-FÌTOM 11:27

Ɓi cààmɛ̀n kiǹ, ɓɛ̀kpaŋzì-ɓìɓan ɓɛ pɛsɛ̀ngày a Yorisalɛm, ɓɛ sɛn a Aŋtyos.

MƐ̀KÌKÌÌ MƐ ƁƐKƐ̀NÌ-FÌTOM 13:1

Ɓi kìseŋi ki a Aŋtyos, ɓɛ̀kpaŋzì-ɓìɓan ɗì ɓyoo ɓɛrèsàg sùkurù ɓɛ ɓaghà wɔɔ. Ɓɛ ɓaghà lɛ: rì Ɓarinaɓas rì Simeyɔŋ ànɛ à ɓatìghà ɗii lɛ ŋwaà-ǹfin, rì Lusyus ànɛ a Sirɛn rì Manaɛŋ ànɛ ɓɛ tɔɔsɛ̀ngà rì gɔmìnà ànɛ lɛ Eroodɛ, rì Sol.

MƐ̀KÌKÌÌ MƐ ƁƐKƐ̀NÌ-FÌTOM 14:22

Ɓɛ fafàghà ɓɛ̀gherɛ̀n ɓɛ wɔɔ itèɗ ɓi ǹɗem ɓɛ rerèɓ ɓɔ lɛ, ɓɛɛ siìrɛn ɓi rìgherɛ̀n, di ɓɛɛ̀ kpaakpaa lɛ: Ki ghɛɛ̀sɛɛ lɛ, ti ka wog mɛtɔɓ lɛɛ̀gwey ɓi ɗi lɛ ti ɗiŋi ɓi kìlɔ̀ŋ ki Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 15:1

Ɓum ɓɛdɛŋ ɓɛ Pɛsɛ̀ngày a Zyude ɓɛ yu a Aŋtyos, ɓɛ tumɛ̀n rìrèrèsì ɗi ɓɛgherɛ̀n di ɓɛɛ̀ kpaakpaa lɛ: Ì ɓì kɛ̀rɛɛ ɓi, yɛ̀ɛ ɓìdɔ̀gsɛna ɓi Moyis ɓyɛɛ̀ kpaakpàà, ɓì yin lɛ ɓì ghɛn cɛɓ.

MƐ̀KÌKÌÌ MƐ ƁƐKƐ̀NÌ-FÌTOM 15:22

Nni fɔɔnnɛ ɓɛ̀kɛ̀nì-fìtom rì ɓɛ̀sɛ̀ɛ̀mɛn rì kìseŋi kìcèm ɓɛ ghɛngà lɛ ɓɛɛ ɓɔǹ ɓum ɓɛɗɛŋ ɓi nyìinyìm wàà, di ɓɛɛ rom ɓɔ nɗaŋ ri Pol ɓɛɛ̀ Ɓarinaɓas a Aŋtyos. Nni ɓɛ ɓɔngà min lɛ, rì Zyuudɛ ànɛ ɓɛ nɗegàg tì lɛ Ɓarisaɓas, rì Silas. Kìɓɛ̀ɛ̀ ki ɓum kìn ki ɓaghà ɓumɓɛ ɓɛ̀geni ɓaa ɓɛ righerɛ̀n ɓɛ keesìghà lɛɛ̀gwey.

MƐ̀KÌKÌÌ MƐ ƁƐKƐ̀NÌ-FÌTOM 15:27

Nni tì romiì mìni lɛ, rì Zyuudɛ rì Silas lɛ ɓɔmiɗ ɓɛɛ kpaàti mìni ɓìɓan ɓi tì kàniì ɓi.

MƐ̀KÌKÌÌ MƐ ƁƐKƐ̀NÌ-FÌTOM 15:3

Kìseŋi ki ki a Aŋtyos ki faghà ɓɔ ɓyom ɓi ɓi kɔ̀ɔ̀kɔ̀nɛ̀ngà ɓi rìkɛ̀ɛ̀ ɗyaa: Fɔɔnnɛ ɓɛ fyeeghà a Fenisii rì a Samari di ɓɛɛ̀ kpaakpaa ɓɛgeni ɓaa rilɔ̀ɔ̀ghrɛ̀n ɗi ɓum ɓɛ zɛy ɓɛ lɔɔ̀ghrɛ̀ngà, ɓɛ gherɛ̀n Bɛ̀ll. Ɓɔlɛ ànɛ̀n à faghà ɓɛ̀geni ɓaa ɓɛǹ coo kinyàà ɓi ǹɗem.

MƐ̀KÌKÌÌ MƐ ƁƐKƐ̀NÌ-FÌTOM 15:31

Yɛ̀ɛ ɓɛ ɓalà nyi, ɓum ɓɛ̀cèm ɓɛ nyaàrɛ̀n, lɛ à tèèsìghà ɓɔ nyòò.

MƐ̀KÌKÌÌ MƐ ƁƐKƐ̀NÌ-FÌTOM 15:41

Fɔɔnnɛ à fyeeghà a Sirii rì a Silisii di a tèeteèsì ɓɛ̀gherɛ̀n ɓɛ wɔɔ nyoo ɓi rìgherɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 18:23

Yɛ̀ɛ à kɔ̀rìghà wɔɔ gàɓ, nni à pɛ̀sɛ̀ngà tì, à reni zi ì Galasi bimiɗ, à ghaàgh min a Firizii, di a sìisiìràg ɓɛ̀yilàg ɓɛ̀cèm ɓi rìgherɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 2:40

Fɔɔnnɛ Pyɛɛri à rèrèsìghà ɓɔ saaɗ, à ki rereɓ ɓɔ rì jɛ̀ɛ̀ yidɛŋ yi à kpaatìghà ɓɔ nwèe: Pɛ̀sɛɛnas̀ lɛfyɛ̀ɗ ɓi nyìinyìm à ɓumɓɛ ɓɛ ri ɓi rìɗim ɓi ɗùm.

MƐ̀KÌKÌÌ MƐ ƁƐKƐ̀NÌ-FÌTOM 20:2

A renìghà kìlànà ki zi kiǹ di a fafa ɓɛgherɛ̀n deɓ lɛɛ̀gwey, ajɛ̀m ìnɛn nnɛ à kɛ̀ɛ min ki kpaŋì ɓi kìlɔ̀ŋ ki Gìrɛg.

RÒMƐŊ 12:6

lèg ànɛ yɛ̀ɛ geesɛ̀n ì Bɛ̀ll ì ghɛnɛ̀ngà a lɔ̀ŋkis, tì ri lɛ rì mum, rì rìkuu ɗi kiɓan ɗi Bɛ̀ll à faghà nyi lɛ a kilag, fɔɔnnɛ roànɛ Bɛ̀ll à faghà ìtèɗ wulɛ a kpaàkpàŋzì ɓìɓan ɓi Bɛ̀ll à rèsii nyi, à ghɛ̀ɛ̀sɛɛ kì kìi kisay kiǹ lɔŋ yɛ̀ɛ ki ghɛɛ̀sɛɛ ɓi rìgherɛ̀n.

RÒMƐŊ 12:8

Roànɛ Bɛ̀ll à faghà lɛ a teètèèsì ɓɛ̀geni nyoo rì deɓ à ghɛ̀ɛ̀sɛɛ kì sììrɛɛ ɓi rìkìkì ɗi fɔlɔɔ; roànɛ a kàakàɓsì ìkum wii, à ghɛ̀ɛ̀sɛɛ kì kìi kiɓan kiǹ kɛ̀ɛ̀ ǹkàŋɗɛ̀n; roànɛ a kɛ̀ɛkɛɛ̀sì ǹɗaŋ à ghɛ̀ɛ̀sɛɛ wɔ kì kɛ̀ɛ̀sii ri tìkɛɗ; roànɛ a ghɛɛghɛɓsì ɓum ɓɛ nyìighnyìg à ghɛ̀ɛ̀sɛɛ kì kìi kiɓan kiǹ rì kìnyàà.

1 KƆ̀RƐ̀ŊTYƐŊ 1:8

Nyi yɛɛ ri mìni ɓiì sììraagh à kpaŋ a rìsugtɛ̀n lɛ ɓi ɓa kɛ̀ɛ̀ kìɓan ki ɓɛ ri lɛ ɓɛ ɓɛy mìni miì, ɓi ŋwos a Yeesus Kiris à Kan wìs.

1 KƆ̀RƐ̀ŊTYƐŊ 14:29

Ɓi ɓɛg ànɛ a ɓɛ̀kpaŋzì-ɓìɓan, ɓɛ̀sɛ̀ɛ̀ ɓɛɓɛɛ̀ nsoò lɛ ɓɛraa ɓɛ ghɛɛ̀sɛɛ kì tòòghrɛɛ, ɓɛ̀ro ɓɛmbog ɓɔɔ fifìɓì ɓìɓan ɓi ɓɛ̀roɓɛ̀n ɓɛɛ̀ kpaakpàà.

1 KƆ̀RƐ̀ŊTYƐŊ 14:3

Kɔm̀ lɛ ŋwaànɛ a kpaakpaŋzì ɓìɓan ɓi Bɛ̀ll a tòtog ri ɓum, à fafà ɓɔ ìtèɗ ɓi rìgherɛ̀n, à feèghfègsì ɓɔ, à ki fɔɔfɔɔ̀sì ɓɔ mɛ̀rem.

1 KƆ̀RƐ̀ŊTYƐŊ 14:32

Ǹkpaŋzì-ɓìɓan a ghɛ̀ɛ̀sɛɛ kì làmii ǹghay à rìkpaŋzì ɗi ɓiɓan anɛ a sasay ɓi nyi.

EFÈZYƐŊ 3:5

Bɛ̀ll à rèsìghà ɓi gbàà yi ɓum yi abɛ̀y ɓìɓan ɓi a rìnyam ɓìn yɛ̀ɛ à mɛ rèsi ɓyɔ ɓigomìnɛ lɛ, rì a ɓɛ̀kɛ̀nì-fìtom ɓii ɓɛ ɓɛ ri ɓɛ̀tɛnɛn rì a ɓɛ̀kpaŋzì-ɓìɓan, rì ìtèɗ wu Nghay.

TÈSÀLÒNÌSYƐŊ 2:11

Ɓì yii girig lɛ tì ghɛɓkà rì mum ǹcèm ànɛ ɓi mìni fɛlɛ yɛ̀ɛ seŋi à rì lɛ à ghɛɓ rì ɓɔn ɓii.

TÈSÀLÒNÌSYƐŊ 3:2

Fɔɔnnɛ tìi nɗomiì mìni geni wìs Timote, ànɛ à rì ǹkìì-kìsay a Bɛ̀ll ɓi rìghagsì ɗi Syeesyee à Ɓɔlɛ à Kiris lɛ a fa mìni ìtèɗ, à ki fegsi mìni ɓi rìgherɛ̀n ɗin;

TÈSÀLÒNÌSYƐŊ 4:1

Ɓɔɔsoŋ̀, ti siìtɛn kìkpaà lɛ ɓì yilàkà rìkuu ɗi cɛɓ ɗi ɓì ghɛ̀ɛ̀sɛɛ kì ghɛɓì lɛ Bɛ̀ll a wog kìrɔɔ rì mìni, a lɔ̀ŋkis nni cɛɓ kìn kɛɛ̀ki ɓi ghɛghɛ̀ɓ; tì ɓɔ̀ŋzaagh mìni, tì ki yɛ̀gsi mini ɓyàg ɓi ɗii ɗi Kan Yeesus lɛ ɓi teèsi tì nyoo rì rìkuu ɗi cɛɓ ɗìn à cee fɔlɔɔ.

TÈSÀLÒNÌSYƐŊ 5:14

Ɓɔɔsoŋ̀! tì ɓɔ̀ŋzaagh mìni lɛ, ɓi rɔgsɛn ɓumɓɛ ɓɛɛ̀ ghɛghɛɓ ɓi kìɓùùsì, ɓì cààsì ɓɛ̀riris nyoo, ɓì lènlèm ɓɛroɓɛ ɓɛ yin ɗi ìtèɗ, ɓì yi rìnìɗ ɗi ǹɗem rì ɓum ɓɛ̀cèm.

TÈSÀLÒNÌSYƐŊ 5:20

Kɛ̀ ɓi sɛɛti ɓiɓan ɓi ɓum ɓɛ kpaŋzii rì ìtèɗ wu Nghay à Bɛ̀ll.

2 TÈSÀLÒNÌSYƐŊ 3:12

Tì tɔɔgh ɓumɓɛ̀n, tì ki reɓ ɓɔ ɓi ɗii ɗi Kan Yeesus lɛ, ɓɛɛ say ɓi fyòoog , ɓɛ ɗi ɓìɗilàg ɓi ɓɔmiɗ ɓɔ yɛɛ reni kìɗìg miì.

TIMOTE 2:1

Kìɓan ki asu ki ntɔki ki ri lɛ, ɓum ɓɛɛ tɔtɔg Bɛ̀ll ɓìɓan, ɓɛ ɓɔɔ̀ɓɔ̀ŋzì nyi, ɓɛ reǹɗèn nyi mɛ̀tɔɓ di ɓɛɛ̀ fafa nyi ɓìtògsɛ̀n ɓisuu ɓum ɓɛ̀cèm,

2 TIMOTE 4:2

lɛ u kakali jɛ̀ɛ̀ ì Bɛ̀ll, ù sììrɛ̀n miì ɓyààmɛ̀n ɓìcèm, lɛ rì ɓi syeesyee rì ɓi ɓeɓtɛn; kìya lɛ ɓum ɓɛɛ gherɛn, fwààdag ɓum, ù rerèɓ ɓɔ, ù yi rìnìɗ ɗi nɗem, ù ki rèeresàg ɓɔ.

1 PYƐƐRI 5:1

Ǹtɔɔgh min ɓɛsɛ̀ɛ̀mɛn ɓɛ Kiseŋi ɓɛ ɓɛ ri ɓi nyìinyìm wìn, mɛ̀ ànɛ ǹɗì girig Ǹsɛ̀ɛ̀mɛn a Kìseŋi yɛ̀ɛ ɓɔ, ǹki ɓa ti wusìnɛ̀ɗ ànɛ ɓi mɛ̀tɔɓ mɛ Kiris, mɛ ti rì gàɓ ɓi rìkem ɗi ɗi ghɛɛ̀sɛɛ kì rèsɛɛ,

1 PYƐƐRI 5:10

Fɔɔnnɛ ki ɓiì ɓaà lɛ i ɓyàa wog rikɛŋ ɓi maa cààmɛ̀n, Bɛ̀ll ànɛ à rì rì geesɛ̀n bimiɗ, ànɛ à reŋìghà mìni lɛ ɓi teɗ gàɓ ɓi rìkem ɗii ɗi fiɗyàɓ fikɔ̀ɔ̀ ɓi Kiris ɓi ɗùm, à rì mìni ɓiì konagh ki rɛsii lɛ syeesyee nyimiɗ, à sììràg mìni, à fa mìni ìtèɗ, à kì lɛ ɓi ɓa ɓumɓɛ com ki yin lɛ ki ɓigtì.

1 PYƐƐRI 5:12

Ǹkàniì mìni ɓɔɔ jɛ̀ɛ̀ ɓɛ rì Silvɛŋ ànɛ à rì geni wìs a ǹtyweeyi lɛ nfa mìni deɓ, ǹki tɛɛ̀zi mini kì rèsii lɛ fɔlɔɔ nnɛ kɔɔ̀kɔɔ̀ à geesɛ̀n ì Bɛ̀ll, ànɛ ɓì rì miì ɓɛ̀sììrɛn lɛ tiŋtiŋ, à rì.