MƐ̀KÌKÌÌ MƐ ƁƐKƐ̀NÌ-FÌTOM 15:28 - Bafia Nouveau Testament

²⁸ Lɛ rì ɓìsiì ɓɔmìɗ rì Kìtɛntɛ̀ɛ̀n ki Nghay, tìi nghɛɛ lɛ, tyɛ̀ ki tɛ̀gsi ti mìni ǹtɛ̀g wudɛŋ, i ki cee ɓi lɛ ɓìdɔ̀gsɛna ɓì ɓi ghɛ̀ɛ̀sɛɛ kì ɓèŋi, ɓi ɓi ri lɛ:

MƐ̀KÌKÌÌ MƐ ƁƐKƐ̀NÌ-FÌTOM 15:28 ပူးပေါင်းရင်းမြစ်များ

MATYOO 11:30

Lɛ kìɓèg kɛm̀ ki yeesɛɛ bi, ǹtɛ̀g wɛm̀ wɛ̀ kɛɛ̀ ki rìɗ.

MATYOO 23:4

Ɓɛ ti ɓɛ kagì ɓìrìirìɗ ɓi mɛtɛ̀g di ɓɛɛ̀ tɛ̀ɛghtɛgsì ɓumkifog, ɓɔmiɗ ɓɛ̀ kɛɛ̀ gherɛn lɛ di ɓaa nyɛ̀ŋi mɛ̀tɛ̀g mɛǹ nsoò rì man à càg.

ZYAŊ 16:13

Lɔŋ yɛ̀ɛ Nghay à ɓɛ̀kɔɔ̀kɔɔ̀ ɓɛ ɓiɓan a ri yù, à ri rèsi mini saaɗ bimiɗ. Lɛ, àa kpaa ɓi mini ɓìɓan ɓi nyimiɗ yɛɛ ɓekii lɛ a kpaà, à rì lɔŋ mini ɓiì kpaà ɓìɓan ɓìcèm ɓi à woogh, à ki kpaa mini ɓìɓan ɓi ɓi ghɛɛ̀sɛɛ kì kìlɛɛ ɓi mɛ̀ru mɛ asu.

MƐ̀KÌKÌÌ MƐ ƁƐKƐ̀NÌ-FÌTOM 15:19

Fɔlɔɔ nnɛ mɛ̀ ǹghɛɛ lɛ, tyɛ̀ ki rììsi ɓum ɓɛ zɛy ɓɛ ɓɛ lɔɔ̀ghrɛɛ mɛ̀rem, ɓɛ gherɛ̀n Bɛ̀ll ǹtɛ̀g ɓi nyoo.

MƐ̀KÌKÌÌ MƐ ƁƐKƐ̀NÌ-FÌTOM 15:25

Fɔɔnnɛ tìi n-yɔɔsii jɛ̀ɛ̀ bog lɛ: Ti ɓɔǹ ɓumɓɛ tì romiì a lɔ̀ŋkin ǹɗaŋ ɗi Pol ɓɛɛ̀ Ɓarinaɓas, ɓɛ ɓɛ rì ɓɛ̀geni ɓis ɓɛ ǹɗem.

MƐ̀KÌKÌÌ MƐ ƁƐKƐ̀NÌ-FÌTOM 15:8

Nni Bɛ̀ll ànɛ à yii mɛ̀rem mɛ ɓum, àa ǹɗèsii lɛ à ghàɓi ɓɔ, yɛ̀ɛ àa ǹfaa ɓɔ girig Kìtɛntɛ̀ɛ̀n ki Nghay lɔŋ yɛ̀ɛ à faghà ɓìsi;

MƐ̀KÌKÌÌ MƐ ƁƐKƐ̀NÌ-FÌTOM 16:4

Ɓi bàn yìcèm yi Pol rì Silas ɓɛ ghaghìghà wɔɔ, ɓɛ ghaàghàgsìghà ɓìɓan ɓi ɓɛ̀kɛ̀nì-fìtom rì ɓɛ̀sɛ̀ɛ̀mɛn ɓɛ a Yorisalɛm ɓɛ rengà, ɓɛ ki kpaakpaa ɓum lɛ, ɓɛɛ ɓeŋ̀ ɓìɓan ɓiǹ.

MƐ̀KÌKÌÌ MƐ ƁƐKƐ̀NÌ-FÌTOM 5:32

Tì rì ɓɛ̀wusìnɛ̀ɗ ɓɛ ɓi ɓìɓan ɓiǹ lɛ, rì ɓìsi, rì Kìtɛntɛ̀ɛ̀n ki Nghay ki Bɛ̀ll àa ǹɗomiì ɓumɓɛ ɓɛɛ̀ kìki nyi mɛ̀wog.

1 KƆ̀RƐ̀ŊTYƐŊ 14:37

I mum a fèfeg lɛ à rì ǹkpaŋzì-ɓìɓan à ghɛ̀ɛ̀sɛɛ kì yiì lɛ kìɓan ki ǹkàni mìni ki, ki ri kìdɔ̀gsɛna ki Kan.

1 KƆ̀RƐ̀ŊTYƐŊ 7:25

Ɓi san ànɛ a ɓɔɓti ɓɛ ɓɛ ka wɛɛyi ɓi, ǹ-yin ɗi bimiɗ à ǹsiŋdɛn ànɛ à rìì yɛ̀ɛ Kan, kìɓan kifog, ɓi rìɓa ɗi ǹɗì mum ànɛ kìrɔɔ̀-ǹɗem à Bɛ̀ll à kìghà lɛ mɓa mum ànɛ ɓɛ ghɛɛ̀sɛɛ kì tyweeyii, ǹkpaa lèg ànɛ yɛɛ rìghɛn ɗyɛ̀m ɗi ri.

1 KƆ̀RƐ̀ŊTYƐŊ 7:40

Nni wɔ̀lɛ ɓi rìghɛn ɗyɛ̀m, giɓ anɛ̀n à ɓiì ɓiisɛɛ ki ɓaà lɛ syeesyee, di à kɔ̀rii fɔ̀lɔ̀ɔ̀; nni mɛ̀ɛ nfèki lɛ ǹɗì girig rì Ǹghay à Bɛ̀ll.

TÈSÀLÒNÌSYƐŊ 4:8

Fɔlɔɔ nnɛ ŋwaànɛ à rì ɓiì ɓèni ɓìɓan ɓi nsiisiìtàg ɓi, a yi lɛ, àa mum ìnnɛ à ɓèni, lɔŋ Bɛ̀ll ànɛ à mɛ fa mini girig Kitɛntɛ̀ɛ̀n kii ki Nghay.

1 PYƐƐRI 1:12

Bɛ̀ll à rèsìghà ɓɔ lɛ kìɓan ki ɓɛ kpaakpààghà kiǹ ki ɓaghà ɓi ɓisu waa wu ɓɔmiɗ, ki ɓaghà lɔŋ ɓisu win, rì tì lɛ ɓɔɔ ɓaghà lɔŋ ɓɛ̀kìì-ɓìsay ɓɛ ɓi ɓìɓan ɓiǹ. Ɓigomìnɛ, ɓumɓɛ ɓɛ kpaaghà mìni Syeesyee à Ɓɔlɛ rì Kìtɛntɛ̀ɛ̀n ki Nghay ki ɓɛ romgày aɗyoo, ɓɛ wogsìghà mìni ɓìɓan ɓiǹ, nsoò ɓum ɓɛ titom ɓɔmiɗ, ɓɛ ri rì zày ìnɛ lɛ di ɓaa ghɛɛ ɓyɔ̀.

ÀPÒKÀLIƁSƐ̀ 2:24

Wɔ̀lɛ ɓi ɓɛg ànɛ a lɔ̀ŋkin, rì ɓum ɓɛmbog ɓɛ̀cèm ɓɛ a Tyatiir ɓɛ ɓì nɔ̀ɔ̀tìghà ɓi dɔgtɛ̀n ìnɛ̀n, kɛ̀ ɓi ki tim lɛ ɓi yi com ki ɓɛ ti ɓɛ regì lɛ ɓìɓan ɓi Satàn ɓi rim, mɛ̀ ǹfoŋdii ɓi mini ǹtɛ̀g wudɛŋ.