MƐ̀KÌKÌÌ MƐ ƁƐKƐ̀NÌ-FÌTOM 15:22 - Bafia Nouveau Testament

²² Nni fɔɔnnɛ ɓɛ̀kɛ̀nì-fìtom rì ɓɛ̀sɛ̀ɛ̀mɛn rì kìseŋi kìcèm ɓɛ ghɛngà lɛ ɓɛɛ ɓɔǹ ɓum ɓɛɗɛŋ ɓi nyìinyìm wàà, di ɓɛɛ rom ɓɔ nɗaŋ ri Pol ɓɛɛ̀ Ɓarinaɓas a Aŋtyos. Nni ɓɛ ɓɔngà min lɛ, rì Zyuudɛ ànɛ ɓɛ nɗegàg tì lɛ Ɓarisaɓas, rì Silas. Kìɓɛ̀ɛ̀ ki ɓum kìn ki ɓaghà ɓumɓɛ ɓɛ̀geni ɓaa ɓɛ righerɛ̀n ɓɛ keesìghà lɛɛ̀gwey.

MƐ̀KÌKÌÌ MƐ ƁƐKƐ̀NÌ-FÌTOM 15:22 ပူးပေါင်းရင်းမြစ်များ

MƐ̀KÌKÌÌ MƐ ƁƐKƐ̀NÌ-FÌTOM 1:23

Fɔɔnnɛ ɓɛ rɛsìghà min ɓum ɓɛɓɛɛ̀ lɛ rì Yoosɛɓ ànɛ à ɓaghà ɗii lɛ Ɓarisaɓas, nyinnɛ ɓɛ nkpɔgì tì lɛ Yustus, rì Matyas.

MƐ̀KÌKÌÌ MƐ ƁƐKƐ̀NÌ-FÌTOM 11:19

Ǹtɔɓ wu ɓɛ tɔtɔ̀ɓkà ɓɛ̀gherɛ̀n ɓi cààmɛ̀n ki ɓɛ wolà Ityɛn, wu kìghà lɛ ɓɛ̀gherɛ̀n ɓɛɛ saàtɛn. Fɔɔnnɛ gàɓ ìdɛŋ ì kɛ̀ngà a Fenisii, rì ɓi kìrìŋ ki riɓày ki lɛ Siipirɛ, rì a Aŋtyos, kìɓan kifog, lɔŋ Ɓɛ̀yudɛ̀n ɓɔ rì ɓɔ ɓɛɛ̀ɓɛ ɓɛ kpaakpààghà jɛ̀ɛ̀ ì Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 11:20

Nni gàɓ ì ɓɛ̀gherɛ̀n ìdɛŋ ìnɛ ì ɓaghà lɛ, rì ɓumɓɛ a Siipirɛ, rì ɓumɓɛ a Sirɛn, ɓɛ kɛngà a Aŋtyos, ɓɔɔ totòkà girig rì ɓumɓɛ ɓɛ ɓaghà Gìrɛg, ɓɛ kpaakpaa ɓɔ Syeesyee à Ɓɔlɛ à Kan Yeesus.

MƐ̀KÌKÌÌ MƐ ƁƐKƐ̀NÌ-FÌTOM 11:22

Yɛ̀ɛ ɓumɓɛ ɓi kìseŋi ki a Yorisalɛm ɓɛ wokà gom ì kìɓan kiǹ, fɔɔnnɛ ɓɛ romgà Ɓarinaɓas a Aŋtyos.

MƐ̀KÌKÌÌ MƐ ƁƐKƐ̀NÌ-FÌTOM 11:27

Ɓi cààmɛ̀n kiǹ, ɓɛ̀kpaŋzì-ɓìɓan ɓɛ pɛsɛ̀ngày a Yorisalɛm, ɓɛ sɛn a Aŋtyos.

MƐ̀KÌKÌÌ MƐ ƁƐKƐ̀NÌ-FÌTOM 15:23

Fɔɔnnɛ ɓɛ romgà ɓɔ rì kaàtà ànɛ à ɓaghà ǹkànɛn fɛlɛ̀: Ɓɛ̀geni ɓin ɓɛ lɛ, rì ɓɛ̀kɛ̀nì-fìtom, rì ɓɛ̀sɛ̀ɛ̀mɛn, ɓɛ togsaghiì mìni ɓɛ̀geni ɓaa, ɓɛ ɓì yin Ɓɛ̀yudɛ̀n, ɓɛ ɓì kɔ̀kɔrii a Aŋtyos, rì a Sirii, ri a Silisii.

MƐ̀KÌKÌÌ MƐ ƁƐKƐ̀NÌ-FÌTOM 15:25

Fɔɔnnɛ tìi n-yɔɔsii jɛ̀ɛ̀ bog lɛ: Ti ɓɔǹ ɓumɓɛ tì romiì a lɔ̀ŋkin ǹɗaŋ ɗi Pol ɓɛɛ̀ Ɓarinaɓas, ɓɛ ɓɛ rì ɓɛ̀geni ɓis ɓɛ ǹɗem.

MƐ̀KÌKÌÌ MƐ ƁƐKƐ̀NÌ-FÌTOM 15:27

Nni tì romiì mìni lɛ, rì Zyuudɛ rì Silas lɛ ɓɔmiɗ ɓɛɛ kpaàti mìni ɓìɓan ɓi tì kàniì ɓi.

MƐ̀KÌKÌÌ MƐ ƁƐKƐ̀NÌ-FÌTOM 15:3

Kìseŋi ki ki a Aŋtyos ki faghà ɓɔ ɓyom ɓi ɓi kɔ̀ɔ̀kɔ̀nɛ̀ngà ɓi rìkɛ̀ɛ̀ ɗyaa: Fɔɔnnɛ ɓɛ fyeeghà a Fenisii rì a Samari di ɓɛɛ̀ kpaakpaa ɓɛgeni ɓaa rilɔ̀ɔ̀ghrɛ̀n ɗi ɓum ɓɛ zɛy ɓɛ lɔɔ̀ghrɛ̀ngà, ɓɛ gherɛ̀n Bɛ̀ll. Ɓɔlɛ ànɛ̀n à faghà ɓɛ̀geni ɓaa ɓɛǹ coo kinyàà ɓi ǹɗem.

MƐ̀KÌKÌÌ MƐ ƁƐKƐ̀NÌ-FÌTOM 15:30

Fɔɔnnɛ ɓumɓɛ ɓɛ romgà ɓɛǹ, ɓɛ kɛngà min a Aŋtyos, ɓɛ taŋzɛ̀n ɓɛ̀gherɛ̀n ɓɛ wɔɔ, lɛ ɓɛɛ fa ɓɔ kaàtà ànɛ ɓɛ kangày ɓɔ.

MƐ̀KÌKÌÌ MƐ ƁƐKƐ̀NÌ-FÌTOM 15:32

Zyuudɛ ɓɛɛ̀ Silas ɓɛ ɓaghà ɓɛ̀kpaŋzì-ɓìɓan, fɔɔnnɛ ɓɛ tokàkà rì ɓɛ̀geni ɓaa ɓɛǹ lɛɛ̀gwey ɓɛ teèsì ɓɔ nyoo, ɓɛ ki sììrag ɓɔ ɓi rìgherɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 15:40

Pol nyii tekà Silas ɓɔɔ kɛǹ, dì ɓɛ̀geni ɓaa ɓɛ mɛ reɓsɛn ɓɔ rì geesɛ̀n ì Kan.

MƐ̀KÌKÌÌ MƐ ƁƐKƐ̀NÌ-FÌTOM 16:19

Yɛ̀ɛ ɓɛ̀masà ɓɛ giɓ anɛ̀n ɓɛ ghɛngà lɛ bee yaà ì rìfɔ̀n ìnɛn ì simɓɛɛ, nni ɓɛ ɓangà lɛ, rì Pol rì Silas, ɓɛ kɛǹ ɗì ɓɔ ɓi jàŋ ì ɓɛ̀yɔ̀m ɓi mis mɛ ɓɛyɔ̀mì-ɓìɓan.

MƐ̀KÌKÌÌ MƐ ƁƐKƐ̀NÌ-FÌTOM 16:25

Di ǹɗem-irù wu ti jàŋbog, Pol rì Silas ɓɛ ɓɔɔ̀ɓɔ̀ŋzàkà Bɛ̀ll, ɓɛ kɛkɛ̀ɛ̀gh tyem ti lɛ ɓɛɛ ɓɔgsi Bɛ̀ll, ɓìmbùŋ ɓimbog ɓi wowòg yɛ̀ɛ ɓɛ kɛkɛ̀ghìghà.

MƐ̀KÌKÌÌ MƐ ƁƐKƐ̀NÌ-FÌTOM 16:29

M̀ɓèŋì-naà-zày à tɔg min lɛ ɓɛɛ fa nyi ɗuu; à ɗiŋì rì mɛ̀ree ɓi kìden ki naa, di a nìighniŋdɛ̀n lɛ kpàg-kpàg-kpàg, à kpì Pol ɓɛɛ̀ Silas a mɛ̀kòò;

MƐ̀KÌKÌÌ MƐ ƁƐKƐ̀NÌ-FÌTOM 17:10

Lɔŋ yɛ̀ɛ ìru wu fingà, ɓɛ̀geni ɓaa ɓɛ righerɛ̀n ɓɛ ghas kì kaà bee inɛ lɛ, Pol ɓɛɛ̀ Silas ɓɛɛ pɛsɛn, ɓɛɛ kɛǹ a Bere. Nni yɛ̀ɛ ɓɛ kpagà wɔɔ, ɓɛ ɗiŋì ɓi naà-bɔ̀ŋzɛ̀n ì Ɓɛ̀yudɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 17:14

Ɓɛ̀geni ɓaa ɓɛ righerɛ̀n ɓɛ ghas min ki kìi lɛ Pol a kɛǹ ɓi ɓɛg à rìɓày à kìkòn, Silas rì Timote ɓɛɛ rɔɓkà lɔŋ a Bere.

MƐ̀KÌKÌÌ MƐ ƁƐKƐ̀NÌ-FÌTOM 17:4

Fɔɔnnɛ Ɓɛ̀yudɛ̀n ɓɛdɛŋ ɓɛ gherɛ̀ngà ɓìɓan ɓiǹ, ɓɛ ɓasɛ̀n ǹɗaŋ ri Pol rì Silas, rì Gìrɛg lɛɛ̀gwey ì ɓumɓɛ ɓɛ nɗisàg Bɛ̀ll, gàɓ ì ɓìtèetèɗ ɓi ɓɛ̀yiɓ ì nɔɔ̀tìghà girig ɓɔ.

MƐ̀KÌKÌÌ MƐ ƁƐKƐ̀NÌ-FÌTOM 18:5

Wɔ̀lɛ yɛ̀ɛ Silas rì Timote ɓɛ kpagà a Kɔrɛŋt di ɓɛ pɛsɛɛ yì a Masedwan, Pol à nagà ɓɔɔ ɓisay ɓimbog, à rɔ̀ɓ lɔŋ lɛ a kpaàkpaa ɓum ɓìɓan ɓi Bɛ̀ll, à kakàlì Ɓɛ̀yudɛ̀n à ki sììrɛn lɛ, Yeesus yɛɛ ri Kiris.

MƐ̀KÌKÌÌ MƐ ƁƐKƐ̀NÌ-FÌTOM 8:14

Yɛ̀ɛ ɓɛ̀kɛ̀nì-fìtom ɓɛ ɓɛ rɔɓkày a Yorisalɛm, ɓɛ wokà lɛ ɓum ɓɛ a Samari ɓɛ ghaɓi jɛ̀ɛ̀ ì Bɛ̀ll lɛ syeesyee, nni ɓɛ romgà lɛ rì Pyɛɛri rì Zyaŋ wɔɔ.

2 KƆ̀RƐ̀ŊTYƐŊ 1:19

Ɓisuulɛ Man à Bɛ̀ll Yeesus Kiris ànɛ ɓìsii kakàlìghà ɓum foo a lɔ̀ŋkin lɛ rì mɛ̀ rì Silas rì Timote, à ɓaghà ɓi mɛgheri mɛɓɛɛ̀ lɛ rì ɛ̀ɛ̀ rì èe èe; lɔŋ ɛ̀ɛ̀ nyi rì nyi yɛɛ ri a lɔ̀ŋkii.

TÈSÀLÒNÌSYƐŊ 1:1

Mɛ̀ Pol, ɓɛɛ Silas rì Timote, tì kàni ɓumɓɛ ɓi Kìseŋi ki a Tesalonika ki ki ri ɓi Bɛ̀ll Seŋi rì ɓi Yeesus Kiris Kan. Geesɛ̀n, rì fyòoog ɓyɛɛ ɓa ɓìfayɛn a lɔ̀ŋkin.

2 TÈSÀLÒNÌSYƐŊ 1:1

Mɛ̀ Pol, ɓɛɛ̀ Silas, rì Timote, tì kàniì ɓumɓɛ ɓi Kìseŋi ki ɓɛgherɛ̀n ki a Tesalonika, ki ki ri ki Bɛ̀ll à Seŋi wìs, ɓi Yeesus Kiris à Kan wìs.

1 PYƐƐRI 5:12

Ǹkàniì mìni ɓɔɔ jɛ̀ɛ̀ ɓɛ rì Silvɛŋ ànɛ à rì geni wìs a ǹtyweeyi lɛ nfa mìni deɓ, ǹki tɛɛ̀zi mini kì rèsii lɛ fɔlɔɔ nnɛ kɔɔ̀kɔɔ̀ à geesɛ̀n ì Bɛ̀ll, ànɛ ɓì rì miì ɓɛ̀sììrɛn lɛ tiŋtiŋ, à rì.