MƐ̀KÌKÌÌ MƐ ƁƐKƐ̀NÌ-FÌTOM 14:15 - Bafia Nouveau Testament

¹⁵ Ɓi kìki fɔlɔɔ lɛ la? Ɓìsii ri girig ɓum lɔŋ yɛ̀ɛ mìni. Syeesyee à Ɓɔlɛ ànɛ ti ghaaghagsì mìni à ri lɛ, ɓi caɗ rìɓɔgsì ɗi ɓinùn ɓi zɛy rì zɛy, ɓi lɔɔ̀ghrɛn yɛ̀ɛ Bɛ̀ll ànɛ à rì cencem, ànɛ à kìghà lɛ rì ɗyoo rì zi, rì rìɓày à kìkòn ɗì ɓyom ɓìcèm ɓi ɓi ri miì.

MƐ̀KÌKÌÌ MƐ ƁƐKƐ̀NÌ-FÌTOM 14:15 ပူးပေါင်းရင်းမြစ်များ

MATYOO 16:16

Simɔn Pyɛɛri à ɓàg lɛ: U rì Kiris, Man à Bɛ̀ll ànɛ à rì cem.

ZYAŊ 5:26

Lɛ fɛlɛ yɛ̀ɛ Seŋi à rì rì ìtèɗ wu fayɛn cɛɓ, fɔɔnnɛ à kìghà lɛ, Man a ɓa girig rì ìtèɗ wu fayɛn cɛɓ.

ZYAŊ 7:18

Ŋwaànɛ a kpaakpaa ɓiɓan ɓii ɓi nyimiɗ yɛɛ̀ kaakaa rikem ɗii, wɔ̀lɛ roànɛ a kaakaa rikem ɗi roànɛ à romgày nyi, nnyɛɛ̀ kpaakpaa saaɗ, kɛ̀ɛ ki ɓa ri kìɓan kidɛŋ ki ki ri kìtɛ̀ŋtɛ̀ŋ.

MƐ̀KÌKÌÌ MƐ ƁƐKƐ̀NÌ-FÌTOM 10:26

Nni Pyɛɛri à ɓangà nyi lɛ a pɛsi nyi aɗyoo di a kpaakpaa lɛ: Pɛ̀sɛn yì aɗyòò lɛ mɛ̀ ǹɗì girig romum yɛ̀ɛ wɔ̀.

MƐ̀KÌKÌÌ MƐ ƁƐKƐ̀NÌ-FÌTOM 13:32

Ɓìsi girig, tì yùu mìni rì Syeesyee à Ɓɔlɛ ànɛ lɛ, ǹkàg wu wu falɛ̀ngà a ɓɛ̀seŋi ɓis,

MƐ̀KÌKÌÌ MƐ ƁƐKƐ̀NÌ-FÌTOM 14:21

Yɛ̀ɛ Pol ɓɛɛ̀ Ɓarinaɓas ɓɛ ghagsìghà Syeesyee à Ɓɔlɛ ɓi bàn ìnɛ lɛ Dɛriɓɛ, ɓɛ ki syòŋ ɓum wɔɔ lɛɛ̀gwey, fɔɔnnɛ ɓɛ sugtìghà a Listirɛ, rì a Ikonyɔm, rì a Aŋtyos ànɛ a Pisidii.

MƐ̀KÌKÌÌ MƐ ƁƐKƐ̀NÌ-FÌTOM 14:7

Fɔɔnnɛ ɓɛ ghagsìghà Syeesyee à Ɓɔlɛ wɔɔ ɓi jàŋ yiǹ.

MƐ̀KÌKÌÌ MƐ ƁƐKƐ̀NÌ-FÌTOM 16:30

fɔɔnnɛ à kpaŋzìghà ɓɔ, à tɔg ɓɔ lɛ: Ɓɛ̀kan ɓɛ̀m! Cɛ ǹghɛ̀ɛ̀sɛɛ kì kìi ɓisuulɛ mɓa rì cɛɓ?

MƐ̀KÌKÌÌ MƐ ƁƐKƐ̀NÌ-FÌTOM 27:10

Kìɓan kiǹ kɛɛ̀ki Pol à rɔ̀ɔ̀rɔ̀gsɛ̀ngà ɓɔ à kpaakpàà lɛ: Mɛ̀ ǹghɛɛ lɛ, rìkɛ̀ɛ̀ ɗi ɗyaa syɔn ɓi kɛ̀ɛ̀ kìɓan; ɓisuulɛ, fìtimà rì mɛ̀tɛ̀g mɛ mɛ ri miì, ɓi ɓiì ɗyàŋì, nsoò ɓìsiìɓɔmiɗ, tì rì ɓi koŋnyòò.

MƐ̀KÌKÌÌ MƐ ƁƐKƐ̀NÌ-FÌTOM 27:21

Tì ɓaghà di tì mɛ ghagsi mɛru lɛɛ̀gwey, tyɛ̀ ki ɗi com. Fɔɔnnɛ Pol à pɛ̀sɛǹgà aɗyoo ɓi nyìinnyìm à ɓum, à kpaa ɓɔ lɛ: Ɓìi nghɛ̀ɛ̀sɛɛ kì woògh yɛ̀ɛ mɛ̀ɛ nkpaa lɛ, tyɛ̀ ki pɛ̀sɛn a Kirɛɗɛ, lɛ i ɓìi ǹwoogh rìkpaa ɗìn, di ɓì yin fɛlɛ ɓi koŋnyoo yɛ̀ɛ ɓì rì lɛ gɛɛ̀nɛ, ɓyɛ̀ ɓi ki ɗimzi ɓyom yɛ̀ɛ ɓi ɓì mɛ ɗimzi ɓi.

MƐ̀KÌKÌÌ MƐ ƁƐKƐ̀NÌ-FÌTOM 27:25

Mìni ɓum! Fɔɔnnɛ ɓì ghɛ̀ɛ̀sɛɛ kì sììrii mɛrèm, ɓisuulɛ ǹtyweeyii Bɛ̀ll, fɔlɔɔ nnɛ kìɓan kiǹ ki ɓiì kìlɛɛ lɔŋ yɛ̀ɛ àa kpaa mɛ̀.

MƐ̀KÌKÌÌ MƐ ƁƐKƐ̀NÌ-FÌTOM 4:24

Yɛ̀ɛ ɓɛ wokà ɓìɓan ɓiǹ nni ɓɔɔ̀cèm ɓɛ pɛsìghà jɛ̀ɛ̀ ǹɗaŋ ɓɛ ɓɔŋzì Bɛ̀ll lɛ: Kan, wɔ̀ yɛɛ kighà lɛ rì ɗyoo, rì zi, rì rìɓày à kìkòn, rì ɓyom ɓìcèm ɓi ɓi ri miì;

MƐ̀KÌKÌÌ MƐ ƁƐKƐ̀NÌ-FÌTOM 7:26

Nni ɓi duri tana, Moyis à tanɛ̀ngà ɓɔn ɓɛ Isirayɛl ɓɛɓɛɛ̀, di ɓɛɛ̀ ɗùùɗùù, à kɛ̀n ɓɔ kì ghasii, à kpaa ɓɔ lɛ: Ɓɔɔsoŋ̀ cɛ kɛɛ ri ɓà lɛ, mìni ɓi rìgeni, ɓì ki ciiciìzɛ̀n tì mìni rì mìni?

1 KƆ̀RƐ̀ŊTYƐŊ 8:4

Nni ɓi ntɔɔ̀tɔɔgh wu lɛ ŋwaà rì nya lɛ à ɗi ɓyɛn ɓi nyàm ìnɛ ɓɛ funɛɛ ɓi rìɓɔgsì ɗi ɓinùn, ɓìsii yii lɛ kìnùn ki yin ɓi ziinɛ nsoò kìfog; Bɛ̀ll à rì lɔŋ bog.

EFÈZYƐŊ 4:17

Kìɓan ki mɛ̀ ǹkalii, ǹki sììrɛn ɓi ɗii ɗi Kan kɛɛ̀ki lɛ: Kɛ̀ ɓi ghɛɓti yɛ̀ɛ ɓum ɓɛ zɛy ɓɛ ɓɛ yin ɓɛgherɛ̀n, ɓɔ yɛɛ ti ɓɛ nɔɔ̀tàg ɓɔɔ momzɛ̀n ɓaa ɓɛ kɛ̀ɛ̀ ìsu.

TÈSÀLÒNÌSYƐŊ 1:9

Ɓum ɓɛɛ̀ kpaakpaa righàɓ ɗi ɓì ghàɓkà ɓìsi yɛ̀ɛ tì kpagà a lɔ̀ŋkin rì yɛ̀ɛ ɓì càɗkàkày ɓìnùn, ɓì lɔ̀ɔ̀ghrɛ̀n yɛ̀ɛ Bɛ̀ll lɛ ɓi ɓɔgsi nyi, lɛ nnyɛɛ ri kɔɔ̀kɔɔ̀ à Bɛ̀ll ànɛ a rì cem,

TIMOTE 3:15

Kìɓan kifog, nsoò màa lɛ̀mzii yì, ɓìɓan ɓi nkpaa ɓi ri wɔ̀ ɓiì rèsii lannɛ ki ghɛɛ̀sɛɛ lɛ u ghɛɓ ɓi naa ì ɓum ì Bɛ̀ll ìnɛ ì rì kìseŋi ki ɓɔn ɓɛ Bɛ̀ll ànɛ à rì cem à ki ɓa rikwìy ɗì kìlèmì ki saaɗ.

EBIREEGH 3:12

Ɓɛ̀geni ɓɛ̀m, konaaghna lɛ, ŋwaàdɛŋ ànɛ ɓi mìni kɛ̀ɛ ɓa ri nɗem wu ɓeɓtɛn, wu wu ri kɛ̀ɛ̀ rìgherɛ̀n ɓi lèg ànɛ a ghasɛn ɗì Bɛ̀ll ànɛ à rì cem.

ZYAG 5:17

Eli à ɓaghà lɔŋ mum fɛlɛ yɛ̀ɛ ɓìsi, nni à ɓɔ̀ŋzàkà Bɛ̀ll rì nɗem wii wucèm lɛ bwey yɛ̀ kɛɛ̀ nɔ, fɔɔnnɛ bèg yi ghaghìghà yiraa rì ɓɛ̀ŋwii taàfog, bwey yɛ̀ kɛɛ̀ nɔ ɓi ziinɛ.

ÀPÒKÀLIƁSƐ̀ 14:7

À lààlàmɓɛ̀ngà jɛ̀ɛ̀ aɗyoo lɛ: Risiina Bɛ̀ll, ɓì fa nyi rìkem ɓisuu cààmɛ̀n ki ɓɛyɔ̀m ɓii ki ki kpaŋi; ɓaaghna mɛ̀ɗu ɓi zi ɓi mis mɛ roànɛ à kìghà lɛ rì ɗyoo rì zi, ɗì rìɓày à kìkòn rì ɓɛ̀ǹsim ɓɛ mɛnig ɓɛ̀cèm.

ÀPÒKÀLIƁSƐ̀ 19:10

Nni ǹkpìghà nyi a mɛ̀kòò lɛ mɓɔgsi nyi kìɓan kifog, à kpaa mɛ̀ lɛ: Kɔ̀ɔ fèèghrɛn ki kìi com kidɛŋ fɔlɔɔ; mɛ̀ ǹɗì lɛ mɛ̀ reŋkàŋ wɔ̀ɔ̀ a kìsay, ǹki ɓa ti reŋkàŋ à ɓɛ̀goni ɓɛ ɓɛ tekà ɓìɓan ɓi Yeesus à tɛɛ̀zìghà. Bɛ̀ll innɛ ɓɔgsi, lɛ ɓìɓan ɓi Yeesus à rèsìghà ɓyɛɛ ri ǹghay ànɛ à ti à rèsàg ɓɛ̀kpaŋzì-ɓìɓan, com ki ɓɛɛ kpaà.

ÀPÒKÀLIƁSƐ̀ 19:19

Fɔɔnnɛ ǹghɛngà lɛ rì nyàm (ì mɛ̀to taàɓɛ̀ɛ̀), rì mɛ̀fòm mɛ ɓi ziinɛ, rì mɛ̀raŋ maa mɛ ɓɛsujàà, ɓɛ̀taŋzɛn lɛ ɓɛɛ ɗuu wɛ̀y ɗi roànɛ à ɓaghà ɓi zòm i mpuɓ aɗyoo, rì nɗaŋ wii wu ɓɛsujàà.

ÀPÒKÀLIƁSƐ̀ 22:9

Kìɓan kifog à kpaaghà mɛ̀ lɛ, kɔ̀ɔ fèghrɛn ki kìi com kidɛŋ fɔlɔɔ! Ǹɗì lɛ, mɛ̀ reŋkàŋ wɔ̀ɔ̀ a kìsay, ǹki ɓati reŋkàŋ à ɓɛ̀goni ɓɛ lɛ ɓɛ̀kpaŋzì-ɓìɓan, rì ɓɛ̀roɓɛ ɓɛɛ̀ ɓèŋɓeŋ jɛ̀ɛ̀ yi ɓi kaàtà ànɛ, Bɛ̀ll innɛ ɓɔgsi.

ÀPÒKÀLIƁSƐ̀ 4:11

Wɔ̀ Kan wìs, Bɛ̀ll wìs, ù ghɛ̀ɛ̀sɛɛ lɛ, ɗì rìkem, rì bɔgsɛ̀n, rì ìtèɗ, ɓisuulɛ wɔ̀ yɛɛ kighà ɓyom ɓìcèm, yɛ̀ɛ ki kɔngà wɔ̀ lɛ ɓyom ɓìn ɓyɛɛ ɓa, nnɛ ɓi kilɛ̀ngà.