MƐ̀KÌKÌÌ MƐ ƁƐKƐ̀NÌ-FÌTOM 14:1 - Bafia Nouveau Testament

¹ A Ikonyɔm, Pol ɓɛɛ̀ Ɓarinaɓas ɓɛ ɗiŋìghà girig ɓi naà-bɔ̀ŋzɛ̀n ì Ɓɛ̀yudɛ̀n, ɓɛ kurɛ̀n rì ɓum, lèg ànɛ lɛ Ɓɛ̀yudɛ̀n lɛɛ̀gwey rì ɓumɓɛ ɓɛ ɓaghà ɓi Ɓɛ̀yudɛ̀n ɓɛ gherɛ̀ngà Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 14:1 ပူးပေါင်းရင်းမြစ်များ

MARIKUS 7:26

giɓ ancèm ànɛn à ɓaghà ǹkèn a giɓ, a yalɛ̀ngà a Fenisii, ɓi kìlɔ̀ŋ ki Sirii, à tɔkà Yeesus lɛ a naɓ kìɓeɓtàg ki nghay ki gɔ̀n yìì ì ɓaghà rì kɔ.

ZYAŊ 12:20

Ɓum ɓɛdɛŋ ɓɛ a Gìrɛg ɓɛ ɓaghà ɓi nɗaŋ wu ɓumɓɛ ɓɛ ɓɔkày a Yorisalɛm lɛ ɓɛɛ ɓɔgsi Bɛ̀ll ɓi cààmɛ̀n à tìcàɓ.

ZYAŊ 7:35

Nni Ɓɛ̀yudɛ̀n ɓɛ tɔɔghrɛ̀ngà ɓɔmiɗ lɛ: Fennɛ àrì ɓiì kɛ̀ɛ ɓi ɗi lɛ tyɛ̀ ki ghɛn nyi? A kɛ̀n nya a Ɓɛ̀yudɛ̀n ɓɛ ɓɛ ri ɓɛ̀sààtɛn ɓi bàn yi Gìrɛg, à rèèrèsàg ɓumɓɛ ɓɛ ri Gìrɛg wɔɔ giǹ?

MƐ̀KÌKÌÌ MƐ ƁƐKƐ̀NÌ-FÌTOM 11:21

Ìtèɗ wu Kan wu ɓaghà rì ɓɔ, kɛɛ kighà ɓum lɛɛ̀gwey lɛ ɓɛɛ lɔɔ̀ghrɛn mɛ̀rem, ɓɛɛ gherɛn Kan.

MƐ̀KÌKÌÌ MƐ ƁƐKƐ̀NÌ-FÌTOM 13:43

Yɛ̀ɛ rìghàdà ɗi lekà, Ɓɛ̀yudɛ̀n lɛɛ̀gwey rì ɓum ɓɛ zɛy ɓɛ ɓɛ ɗiŋìghà ɓi rìgherɛ̀n ɗi Ɓɛ̀yudɛ̀n ɓɛ nɔɔ̀tìghà Pol ɓɛɛ̀ Ɓarinaɓas, ɓɛ̀roɓɛ̀n ɓɛ kuùkùrɛ̀n ɗì ɓɔ, ɓɛ teètèèsì ɓɔ nyoo di ɓɛɛ̀ kpaakpaa ɓɔ lɛ, ɓɛɛ kɛn asu, ɓɛ ki sììrɛn ɓi geesɛ̀n ì Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 13:46

Fɔɔnnɛ ɓɛ̀-Pol ɓɛɛ̀ Ɓarinaɓas ɓɛ kpaghà ɓɔ lɛ fwàafwàày lɛ: Ki ǹghɛ̀ɛ̀sɛɛ lɛ, jɛ̀ɛ̀ ì Bɛ̀ll yɛ̀ɛ log kì kpaarɛɛ a lɔ̀ŋkin, nni yɛ̀ɛ ɓì ɓèni yɔ̀ yɛɛ lɔɔ lɛ, ɓì ghɛɛ lɛ cɛɓ ki fìɗyàɓ fikɔ̀ɔ̀ ki ghɛɛ̀sɛɛ ɓi ri mìni, nni ɓìsii tiŋ̀mɛɛ min a ɓumɓɛ ɓɛ yin Ɓɛ̀yudɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 13:5

Yɛ̀ɛ ɓɛ kpagà a Salamin, ɓɛ kpaakpàà ɓum Ɓɔlɛ à Bɛ̀ll ɓi naa yi bɔ̀ŋzɛ̀n yi Ɓɛ̀yudɛ̀n; ɓɛ ɓaghà ɗì Zyaŋ lɛ a ghɛɛ̀ghɛ̀ɓsì ɓɔ.

MƐ̀KÌKÌÌ MƐ ƁƐKƐ̀NÌ-FÌTOM 13:51

Ɓɛ̀roɓɛ̀n ɓɛ kwiɗ kùrùɓu ànɛ ɓi mɛ̀kòò maa ɓi ɓɔ, lɛ a ɓa kìrèmzɛnà ki lɛ, ɓɛ nàɓi ɓɔ; fɔɔnnɛ ɓɛ pɛsɛ̀ngà min ɓɛ kɛǹ a Ikonyɔm.

MƐ̀KÌKÌÌ MƐ ƁƐKƐ̀NÌ-FÌTOM 14:19

Ɓɛ̀yudɛ̀n ɓɛdɛŋ ɓɛ pɛsɛ̀ngày a Aŋtyos ànɛ a Pisidii rì a Ikonyɔm, ɓɛ syoŋ gwìy ì ɓum ɓi gàm yàà, ɓɛ rogì Pol gɔ̀g ɓɛ syòŋ nyi, ɓɛ kɛǹ nyi kì naŋì ɓi nwɔŋì wu bàn lɛ ɓɛ fefèkà lɛ à mɛ wu.

MƐ̀KÌKÌÌ MƐ ƁƐKƐ̀NÌ-FÌTOM 14:2

Kìɓan kifog, ɓɛ ɓɛ ɓengà dɔgtɛ̀n ì Pol, ɓɛ toosìghà ɓum ɓɛ zɛy lɛ ɓɛɛ ɓa rì ɓìɓeɓtàg ɓi mɛyitì ɓi ɓɛg ànɛ a ɓɛ̀geni ɓis ɓɛ righerɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 14:21

Yɛ̀ɛ Pol ɓɛɛ̀ Ɓarinaɓas ɓɛ ghagsìghà Syeesyee à Ɓɔlɛ ɓi bàn ìnɛ lɛ Dɛriɓɛ, ɓɛ ki syòŋ ɓum wɔɔ lɛɛ̀gwey, fɔɔnnɛ ɓɛ sugtìghà a Listirɛ, rì a Ikonyɔm, rì a Aŋtyos ànɛ a Pisidii.

MƐ̀KÌKÌÌ MƐ ƁƐKƐ̀NÌ-FÌTOM 16:1

Nni Pol à kɛ̀ngà kì kpaŋì a Dɛriɓɛ, rì a Listirɛ n-yilàg àdɛŋ à ɓaghà wɔɔ ɗii lɛ Timote, jɛɛ wìì a ɓaghà ǹgherɛ̀n, gɔ̀n ì Ɓɛ̀yudɛ̀n, seŋi muu Gìrɛg,

MƐ̀KÌKÌÌ MƐ ƁƐKƐ̀NÌ-FÌTOM 16:2

ɓɛ̀gherɛ̀n ɓɛ a Listirɛ rì ɓɛ a Ikonyɔm ɓɛ sɛsɛ̀kà nyi.

MƐ̀KÌKÌÌ MƐ ƁƐKƐ̀NÌ-FÌTOM 17:12

Kìgwey ki ɓi ɓɔ, ki gherɛ̀ngà; ɓìtèetèɗ ɓi ɓɛ̀yiɓ ɓi a Gìrɛg rì gàɓ ì ɓɛ̀baŋì ǹɗììtɛn, ɓɛ gherɛ̀ngà girig.

MƐ̀KÌKÌÌ MƐ ƁƐKƐ̀NÌ-FÌTOM 17:17

A nyoònyòlɛ̀ngà lɛ rì Ɓɛ̀yudɛ̀n rì Gìrɛg ì ɓumɓɛ ɓɛ ǹɗisàg Bɛ̀ll; ki ɓaghà ɓi naà-bɔ̀ŋzɛ̀n. À nyoònyòlɛ̀n tì rì ɓumɓɛ àa ǹtanàg ɓi kìyan ki ɓum ɓɛ kilɔ̀ŋ ɓɛ nkuràg wɔɔ ɓɛŋwos ɓɛ̀cèm.

MƐ̀KÌKÌÌ MƐ ƁƐKƐ̀NÌ-FÌTOM 17:4

Fɔɔnnɛ Ɓɛ̀yudɛ̀n ɓɛdɛŋ ɓɛ gherɛ̀ngà ɓìɓan ɓiǹ, ɓɛ ɓasɛ̀n ǹɗaŋ ri Pol rì Silas, rì Gìrɛg lɛɛ̀gwey ì ɓumɓɛ ɓɛ nɗisàg Bɛ̀ll, gàɓ ì ɓìtèetèɗ ɓi ɓɛ̀yiɓ ì nɔɔ̀tìghà girig ɓɔ.

MƐ̀KÌKÌÌ MƐ ƁƐKƐ̀NÌ-FÌTOM 18:4

Gòn yi Saɓàt yìcèm, Pol àa ǹtòòghraagh ɓi naà-bɔ̀nzɛ̀n lɛ à kaakààghà bee lɛ a syoŋ̀ lɛ rì Ɓɛ̀yudɛ̀n rì Gìrɛg.

MƐ̀KÌKÌÌ MƐ ƁƐKƐ̀NÌ-FÌTOM 18:8

Nsoò fɔlɔɔ, rìfòm ɗi naà-bɔ̀ŋzɛ̀n, ɗii lɛ Kirispus ɗi gherɛ̀ngà Kan, rì rìmɛɛ ɗii ɗicèm, fɔlɔɔ nnɛ ɓumɓɛ a Kɔrɛŋt lɛɛ̀gwey ɓɛ ɓɛ wokà ɓìɓan ɓi Pol ɓɛ gherɛ̀ngà girig, ɓɛ ki ɓàɓtag.

MƐ̀KÌKÌÌ MƐ ƁƐKƐ̀NÌ-FÌTOM 19:10

Kìɓan kiǹ ki finɛ̀ngà bèg yiɓɛɛ̀, kɛɛ kighà lɛ, ɓum ɓɛ̀cèm ɓɛ a Azii, à tumɛ̀n lɛ Ɓɛ̀yudɛ̀n à kpaŋ lɛ Gìrɛg, ɓɛ wokà jɛ̀ɛ̀ ì Kan.

MƐ̀KÌKÌÌ MƐ ƁƐKƐ̀NÌ-FÌTOM 19:17

Ɓɛ̀yudɛ̀n ɓɛ̀cèm rì Gìrɛg bimiɗ ɓɛ ɓɛ ghɛghɛ̀ɓkà a Efɛɛzɛ, ɓɛ wokà kìɓan kiǹ, ìris wu ɓan ɓɔ ɓɛ̀sɛ̀ɛ̀ ɓɛ̀cèm, fɔɔnnɛ ɓɛ keèkèmzìghà ɗii ɗi Kan Yeesus.

MƐ̀KÌKÌÌ MƐ ƁƐKƐ̀NÌ-FÌTOM 19:8

Nni Pol à ɗiŋìghà ɓi naà-bɔ̀ŋzɛ̀n, à tòòghrɛ̀n wɔɔ lɛ tɛntɛ̀ɛ̀n, à kurɛ̀ngà rì ɓɔ ɓɛ̀ŋwii ɓɛraa ɓi ɓìɓan ɓi ɓi seesee kìlɔ̀ŋ ki Bɛ̀ll, à kaakàà bee inɛ a ki lɛ ɓumɓɛ ɓɛ wowòkà ɓìtòkì ɓii, ɓɛɛ gherɛn ɓìɓan ɓi à kpaakpààghà.

MƐ̀KÌKÌÌ MƐ ƁƐKƐ̀NÌ-FÌTOM 2:47

Ɓɛ mɓɔgsàg Bɛ̀ll, ɓum ɓɛ̀cèm ɓɛ ki keekeèsì ɓɔ, fɔɔnnɛ Kan à tèèghtègsìghà ǹɗaŋ waa ɓɛ ŋwos ɓɛ̀cèm rì ɓum ɓɛ ki kɔngà Bɛ̀ll lɛ a ghɛɓsi.

MƐ̀KÌKÌÌ MƐ ƁƐKƐ̀NÌ-FÌTOM 20:21

Ǹɗerèŋìghà lɛ, rì Ɓɛ̀yudɛ̀n rì Gìrɛg lɛ ɓɛɛ lɔɔ̀ghrɛn mɛ̀rem, ɓɛ gherɛ̀n Bɛ̀ll, ɓɛ ki tyweeyi Yeesus à Kan wìs.

MƐ̀KÌKÌÌ MƐ ƁƐKƐ̀NÌ-FÌTOM 21:28

di ɓɛɛ kuukugsɛ̀n jɛ̀ɛ̀ aɗyoo lɛ: Mìni ɓumɓɛ a Isirayɛl, yùuna ɓìsi fɛ̀! Ŋwaànɛ à ti à kɛ̀ɛ̀kɛ̀ɛ̀ jàŋbimiɗ, di a rèresi ɓum ɓɛ̀cèm lɛ ɓɛɛ ki lɛ, ɓɛ sɛɛtì kìlɔ̀ŋ kis, ɓɛ sɛɛtì ɓìdɔ̀gsɛna ɓi Moyis, ɓɛ ki sɛɛti naa yìs i Bɛ̀ll. Àa rɛ̀ŋii gì kì ɗiŋzii ɓumɓɛ zɛy ɓi naà-Bɛ̀ll. Rìkì ɗiǹ, ɗi yogsii rìɓa ɗi naà-Bɛ̀ll, ì rì kìcèlì.

MƐ̀KÌKÌÌ MƐ ƁƐKƐ̀NÌ-FÌTOM 9:20

Nni à ghagsɛ̀ngà lɔŋ wɔɔ foo ɗi rìkakàlì ɗi ɓum ɗii ɗi Yeesus ɓi naa yi bɔ̀ŋzɛ̀n, à lààlàmɓɛ̀n lɛ: Yeesus à rì Man à Bɛ̀ll.

RÒMƐŊ 1:16

Ɓisuulɛ, ǹ-yin lɛ ǹwog ǹtoòrìɗ ɓi rìghagsì ɗi Syeesyee à Ɓɔlɛ, lɛ à rì ìtèɗ wu Bɛ̀ll wu wɛɛ̀ ghɛɛghɛɓsì ɓum ɓɛ̀cèm ɓɛ ɓɛ gherɛɛ, à tumɛ̀n lɛ Ɓɛ̀yudɛ̀n à kpaŋ lɛ ɓumɓɛ ɓɛ yin Ɓɛ̀yudɛ̀n.

RÒMƐŊ 10:12

Fɔɔnnɛ gasɛ̀n ì yin ɓi nyìinyìm ànɛ lɛ rì muu Ɓɛ̀yudɛ̀n, rì muu Gìrɛg, lɛ ɓɛ̀sɛ̀ɛ̀ ɓɛ̀cèm ɓɛ ri lɔŋ Kan bog ànɛ à ti à falàg ɓumɓɛ ɓɛɛ̀ rereŋi nyi ɓyom.

GÀLAT 2:3

Wɔ̀lɛ Tit ànɛ tì ɓaghà rì nyi, ànɛ à ki rì muu Gìrɛg à ɓaghà ɓi ǹtiniyɛn lɛ a kɛrɛ̀n.

GÀLAT 3:28

Fɔɔnnɛ gasɛ̀n ì yiìdi ɓi nyìinyìm ànɛ lɛ rì Ɓɛ̀yudɛ̀n rì ɓìlɔ̀ŋ ɓidɛŋ, yɛ̀ kɛɛ̀ ɓa ti ɓi nyìinyìm ànɛ lɛ rì ǹkpàn rì ŋwaànɛ à yin ǹkpàn, nsoò ɓi nyìinyìm ànɛ lɛ rì baŋì rì giɓ ɓisuulɛ mìniìcèm ɓì ti com kìfog ɓi Yeesus Kiris.

KÒLÒSYƐŊ 3:11

Foo ǹlànag wu yiìdi ɓi nyìinyìm ànɛ lɛ, rì muu Gìrɛg, rì muu Ɓɛ̀yudɛ̀n, nsoò lɛ rì ŋwaànɛ à rì ǹkɛ̀rɛn, rì roànɛ à yin nkɛ̀rɛn, ǹkèn a mum, rì muu Sit, nsoò lɛ rì ǹkpàn rì ŋwaànɛ à yin ǹkpàn, lɔŋ Kiris yɛɛ ri com kìcèm ɓi ɓum ɓɛ̀cèm.

2 TIMOTE 3:11

ù yii lɛ rì ǹ-yeesɛ̀n ànɛ ntuutulɛ̀n rì nyi, rì mɛ̀tɔɓ mɛ ǹwowoogh; rìkuu ɗi ntɔɓ aɗi ɗyɛɛ̀ɗi ǹɗɔ̀ɓi lɛ ǹghɛɛ ɓi a Aŋtyos rì Ikonyɔm rì a Listirɛ? Rìkuu ɗi ǹ-yeesɛ̀n aɗi ɗyɛɛ̀ɗi ǹɗɔ̀ɓi lɛ ǹtulɛɛ ɓi ri ɗyɔ, ǹki sìisiìrì nɗem? Wɔ̀lɛ Kan à ghɛɓsìghà mɛ̀ ɓi mɛ̀tɔɓ mɛ̀n mɛ̀cèm.