MƐ̀KÌKÌÌ MƐ ƁƐKƐ̀NÌ-FÌTOM 13:50 - Bafia Nouveau Testament

⁵⁰ Kìɓan kifog, Ɓɛ̀yudɛ̀n ɓɛ toosìghà lɛ, rì ɓìtèetèɗ ɓi ɓɛ̀yiɓ ɓi ɓi falɛ̀ngà ɓi rìgherɛ̀n rì gìni-ɓum yi ɓi bàn ìnɛn lɛ ɓɛɛ ɓigti paàzì rì ɓɛ̀-Pol ɓɛɛ̀ Ɓarinaɓas; fɔɔnnɛ ɓɛ kpagà ɓɔ rìbaŋì, ɓɛ ki nàɓ ɓɔ ɓi kìlɔ̀ŋ kaa.

MƐ̀KÌKÌÌ MƐ ƁƐKƐ̀NÌ-FÌTOM 13:50 ပူးပေါင်းရင်းမြစ်များ

MATYOO 10:23

I ɓɛ kii mìni ǹtɔɓ ɓi bàn ìdɛŋ, ɓì ghɛŋì ɓi bàn ìmbòg; ǹkalii mìni ɓi saaɗ lɛ, ɓyàa pumzɛn ɓi bàn yi a Isirayɛl yìcèm di Man à mum à ka yuiy ɓi.

MARIKUS 15:43

Yoosɛɓ, ŋwaànɛ a Arimate à yùghày; à ɓaghà kìtèetèɗ ki mum ki ɓi Sànèdìrɛŋ; nyimiɗ a ɓoŋɓòŋgà girig kìlɔ̀ŋ ki Bɛ̀ll; à ghɛɛsìghà lɛ a kɛǹ yɛ̀ɛ Pilat, à lɔǹ nyi kìloŋ ki Yeesus.

MARIKUS 5:17

Nni ɓɛ tumɛ̀ngà rìɓɔ̀ŋzàg ɗi Yeesus lɛ, a pɛsɛn ɓi kìlɔ̀ŋ kaa.

MƐ̀KÌKÌÌ MƐ ƁƐKƐ̀NÌ-FÌTOM 13:43

Yɛ̀ɛ rìghàdà ɗi lekà, Ɓɛ̀yudɛ̀n lɛɛ̀gwey rì ɓum ɓɛ zɛy ɓɛ ɓɛ ɗiŋìghà ɓi rìgherɛ̀n ɗi Ɓɛ̀yudɛ̀n ɓɛ nɔɔ̀tìghà Pol ɓɛɛ̀ Ɓarinaɓas, ɓɛ̀roɓɛ̀n ɓɛ kuùkùrɛ̀n ɗì ɓɔ, ɓɛ teètèèsì ɓɔ nyoo di ɓɛɛ̀ kpaakpaa ɓɔ lɛ, ɓɛɛ kɛn asu, ɓɛ ki sììrɛn ɓi geesɛ̀n ì Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 13:45

Yɛ̀ɛ Ɓɛ̀yudɛ̀n ɓɛ ghɛngà gɛ ɓum ànɛ̀n, nni ǹɗem wu yàaka wu ɓɔkày ɓɔ, ɓɛ tumɛ̀n rìfeèfèngì ɗi Pol di ɓɛɛ̀ sɛɛsɛ̀mgì nyi.

MƐ̀KÌKÌÌ MƐ ƁƐKƐ̀NÌ-FÌTOM 14:19

Ɓɛ̀yudɛ̀n ɓɛdɛŋ ɓɛ pɛsɛ̀ngày a Aŋtyos ànɛ a Pisidii rì a Ikonyɔm, ɓɛ syoŋ gwìy ì ɓum ɓi gàm yàà, ɓɛ rogì Pol gɔ̀g ɓɛ syòŋ nyi, ɓɛ kɛǹ nyi kì naŋì ɓi nwɔŋì wu bàn lɛ ɓɛ fefèkà lɛ à mɛ wu.

MƐ̀KÌKÌÌ MƐ ƁƐKƐ̀NÌ-FÌTOM 14:2

Kìɓan kifog, ɓɛ ɓɛ ɓengà dɔgtɛ̀n ì Pol, ɓɛ toosìghà ɓum ɓɛ zɛy lɛ ɓɛɛ ɓa rì ɓìɓeɓtàg ɓi mɛyitì ɓi ɓɛg ànɛ a ɓɛ̀geni ɓis ɓɛ righerɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 14:4

Fɔɔnnɛ ɓumɓɛ ɓi bàn ìnɛn ɓɛ lanɛ̀ngà gàɓ yiɓɛɛ̀ lɛ, ɓɛ̀roɓɛ ɓɛ sug jɛ̀m ɗì Ɓɛ̀yudɛ̀n, ɓɛmbog ɓɛ sug jɛ̀m ɗi ɓɛ̀kɛ̀nì-fìtom ɓɛ Yeesus.

MƐ̀KÌKÌÌ MƐ ƁƐKƐ̀NÌ-FÌTOM 14:5

Nni yɛ̀ɛ ɓumɓɛ zɛy, rì Ɓɛ̀yudɛ̀n, rì ɓɛ̀làmì ɓaa ɓɛ peèghpègsɛ̀ngà lɛ ɓɛɛ ki ɓɔ ǹtɔɓ, ɓɛ rogì ɓɔ gɔ̀g,

MƐ̀KÌKÌÌ MƐ ƁƐKƐ̀NÌ-FÌTOM 16:14

Giɓ àdɛŋ à ɓaghà wɔɔ ɗii lɛ Lidyaa àa m̀ɓɔgsàg Bɛ̀ll, à ɓaghà ǹkìì-dùne ì ɓìsyeesyee ɓi ɓilàà ɓi ɓàŋ ɓi bàn ì Tyatiir, à ramgà mɛ̀reè lɛ syeesyee lɛ a wog ɓìtòkì ɓis, fɔɔnnɛ Kan à nɛmgà nyi ǹɗem lɛ a konag kì woògh ɓìtòkì ɓi Pol.

MƐ̀KÌKÌÌ MƐ ƁƐKƐ̀NÌ-FÌTOM 17:12

Kìgwey ki ɓi ɓɔ, ki gherɛ̀ngà; ɓìtèetèɗ ɓi ɓɛ̀yiɓ ɓi a Gìrɛg rì gàɓ ì ɓɛ̀baŋì ǹɗììtɛn, ɓɛ gherɛ̀ngà girig.

MƐ̀KÌKÌÌ MƐ ƁƐKƐ̀NÌ-FÌTOM 17:13

Wɔ̀lɛ yɛ̀ɛ Ɓɛ̀yudɛ̀n ɓɛ a Tesalonika ɓɛ wokà lɛ Pol à titì ɓiì ghaaghagsì jɛ̀ɛ̀ ì Bɛ̀ll a Bere, nni ɓɛ yughày wɔɔ lɛ, ɓɛɛ ɓuùsi jàŋ, ɓɛ ki kì kiyoòyòò ɓi nyìinyìm à ɓum ɓɛ kilɔ̀ŋ.

MƐ̀KÌKÌÌ MƐ ƁƐKƐ̀NÌ-FÌTOM 17:17

A nyoònyòlɛ̀ngà lɛ rì Ɓɛ̀yudɛ̀n rì Gìrɛg ì ɓumɓɛ ɓɛ ǹɗisàg Bɛ̀ll; ki ɓaghà ɓi naà-bɔ̀ŋzɛ̀n. À nyoònyòlɛ̀n tì rì ɓumɓɛ àa ǹtanàg ɓi kìyan ki ɓum ɓɛ kilɔ̀ŋ ɓɛ nkuràg wɔɔ ɓɛŋwos ɓɛ̀cèm.

MƐ̀KÌKÌÌ MƐ ƁƐKƐ̀NÌ-FÌTOM 17:4

Fɔɔnnɛ Ɓɛ̀yudɛ̀n ɓɛdɛŋ ɓɛ gherɛ̀ngà ɓìɓan ɓiǹ, ɓɛ ɓasɛ̀n ǹɗaŋ ri Pol rì Silas, rì Gìrɛg lɛɛ̀gwey ì ɓumɓɛ ɓɛ nɗisàg Bɛ̀ll, gàɓ ì ɓìtèetèɗ ɓi ɓɛ̀yiɓ ì nɔɔ̀tìghà girig ɓɔ.

MƐ̀KÌKÌÌ MƐ ƁƐKƐ̀NÌ-FÌTOM 18:7

Nni à pɛ̀sɛ̀ngà foo à kɛ̀n a mɛɛ mɛ ŋwaàdɛŋ ànɛ àa ǹɗisàg Bɛ̀ll ɗii lɛ Tityus-Yustus, mɛɛ mii mɛ ɓaghà jàŋbog ɗì naà-bɔ̀ŋzɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 2:5

Wɔ̀lɛ Ɓɛ̀yudɛ̀n ɓɛ ɓɛ falɛ̀ngà ɓi rìgherɛ̀n ɓɛ ɓaghà girig a Yorisalɛm, di ɓɛ pɛsaagh yì ɓi ɓìlɔ̀ŋ ɓìcèm ɓi ɓi ziinɛ.

MƐ̀KÌKÌÌ MƐ ƁƐKƐ̀NÌ-FÌTOM 21:27

Di ɓɛ ti lɛ ɓɛɛ lɔgsi mɛ̀ru taàɓɛ̀ɛ̀ ɓi zòghɛ̀n yàà, nni Ɓɛ̀yudɛ̀n ɓɛ a Azii ɓɛ ghɛngà Pol ɓi naà-Bɛ̀ll, ɓɛ toosàg ɓum ɓɛ kilɔ̀ŋ, ɓɛ ɓan Pol

MƐ̀KÌKÌÌ MƐ ƁƐKƐ̀NÌ-FÌTOM 28:17

Ajɛ̀m ì mɛ̀ru mɛ̀ra, Pol à lààghràkà ɓɛ̀sɛ̀ɛ̀mɛn ɓɛ Ɓɛ̀yudɛ̀n. Yɛ̀ɛ ɓɛ taŋzɛ̀ngà, nni Pol à kpaaghà ɓɔ lɛ: Ɓɔɔsoŋ̀, ǹkìi ɓi ɓumɓɛ ɓi kìlɔ̀ŋ kis kiɓan kiɓeɓtɛn, kɛ̀ɛ nki yogsi ɓìsyɔ̀ɔ̀ ɓi ɓɛseŋi ɓis. Nsoò fɔlɔɔ, ɓɛ ɓangà mɛ̀ a Yorisalɛm, ɓɛ kaàɓ mɛ̀ rì Ɓɛ̀ròmɛŋ.

MƐ̀KÌKÌÌ MƐ ƁƐKƐ̀NÌ-FÌTOM 6:12

Ɓɛ kighà lɛ ɓum ɓɛ kilɔ̀ŋ, rì ɓɛ̀sɛ̀ɛ̀mɛn, rì ɓɛ̀rèsàg-ɓìdɔ̀gsɛna, ɓɛɛ wog bim, ɓɛ yu ɓɛ sɛn ɓi Ityɛn, ɓɛ kɛǹ ɗì nyi a Sànèdìrɛŋ.

MƐ̀KÌKÌÌ MƐ ƁƐKƐ̀NÌ-FÌTOM 8:1

Sol à ghɛngà lɛ rìwey di ɓɛ wolà Ityɛn ɗi ɓaghà syeesyee à kìɓan. Ŋwos àǹcèm ànɛn, wɛ̀y wu pɛsɛ̀ngày ɓisuu kiseŋi ki ki ɓaghà a Yorisalɛm, fɔɔnnɛ ɓɛ̀gherɛ̀n ɓɛ̀cèm ɓɛ saàtɛ̀ngà ɓi ɓɔɔ bàn ɓɛ a Zyude, rì ɓɛ a Samari, lɔŋ ɓɛ̀kɛ̀nì-fìtom cɛ̀ncaa ɓɛɛ rɔɓkà a Yorisalɛm.

RÒMƐŊ 10:2

Ɓisuulɛ ǹɗì lɛ m̀ɓa ɓɔ wusìnɛ̀ɗ ɓi rìfalɛ̀n ɗi ɓɛ ri ɓɛ̀falɛn ri Bɛ̀ll, kìɓan kifog rìfalɛ̀n ɗiǹ ɗi bas̀ ɓi zɛ̀ɗ i rìwog.

2 KƆ̀RƐ̀ŊTYƐŊ 11:26

Mɛ̀ɛ nkɛ̀ɛ̀kɛɛ cààmɛ̀n kìcèm, rì mɛ̀kòò ǹtutùlɛ̀n rì ɓɛ̀koŋnyoo ɓɛ ɓi don yi ɓɛ rìɓày, rì ɓɛ̀koŋnyoo ɓɛ ɓɛ̀fàràfara, rì ɓɛ̀koŋnyoo ɓɛ ɓɛ riì mɛ̀ a ɓɛ̀geni ɓɛ̀m ɓɛ Ɓɛ̀yudɛ̀n, rì ɓɛ ɓɛ riì mɛ̀ a ɓumɓɛ ɓɛ yin Ɓɛ̀yudɛ̀n, rì ɓɛ̀koŋnyoo ɓɛ ɓi bàn, rì ɓɛ ɓireɓ, rì ɓɛ ɓi rìɓày à kìkòn; ǹtulɛ̀n rì ɓɛ̀koŋnyoo ɓi nyìinyìm à ɓumɓɛ ɓɛɛ̀ ɓɔ̀ŋɓɔŋ lɛ ɓɛ ri ɓɔɔseŋi ɓis ɓɛ righerɛ̀n.

TÈSÀLÒNÌSYƐŊ 2:14

Ɓɔɔsoŋ̀, ɓì mɛ pisɛn Ɓiseŋi ɓi Bɛ̀ll ɓi ɓi ri a Zyude ɓi Yeesus Kiris, ɓisuulɛ ɓumɓɛ ɓi kìlɔ̀ŋ kin ɓɛ yeesìghà mìni lɔŋ yɛ̀ɛ ɓɛroɓɛ a Zyude ɓɛ yeesìghà ɓɛ̀gherɛ̀n ɓɛ wɔ̀ɔ̀.

2 TIMOTE 3:11

ù yii lɛ rì ǹ-yeesɛ̀n ànɛ ntuutulɛ̀n rì nyi, rì mɛ̀tɔɓ mɛ ǹwowoogh; rìkuu ɗi ntɔɓ aɗi ɗyɛɛ̀ɗi ǹɗɔ̀ɓi lɛ ǹghɛɛ ɓi a Aŋtyos rì Ikonyɔm rì a Listirɛ? Rìkuu ɗi ǹ-yeesɛ̀n aɗi ɗyɛɛ̀ɗi ǹɗɔ̀ɓi lɛ ǹtulɛɛ ɓi ri ɗyɔ, ǹki sìisiìrì nɗem? Wɔ̀lɛ Kan à ghɛɓsìghà mɛ̀ ɓi mɛ̀tɔɓ mɛ̀n mɛ̀cèm.