MƐ̀KÌKÌÌ MƐ ƁƐKƐ̀NÌ-FÌTOM 13:46 - Bafia Nouveau Testament

⁴⁶ Fɔɔnnɛ ɓɛ̀-Pol ɓɛɛ̀ Ɓarinaɓas ɓɛ kpaghà ɓɔ lɛ fwàafwàày lɛ: Ki ǹghɛ̀ɛ̀sɛɛ lɛ, jɛ̀ɛ̀ ì Bɛ̀ll yɛ̀ɛ log kì kpaarɛɛ a lɔ̀ŋkin, nni yɛ̀ɛ ɓì ɓèni yɔ̀ yɛɛ lɔɔ lɛ, ɓì ghɛɛ lɛ cɛɓ ki fìɗyàɓ fikɔ̀ɔ̀ ki ghɛɛ̀sɛɛ ɓi ri mìni, nni ɓìsii tiŋ̀mɛɛ min a ɓumɓɛ ɓɛ yin Ɓɛ̀yudɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 13:46 ပူးပေါင်းရင်းမြစ်များ

MATYOO 10:6

Kɛ̀ ɓi kɛ̀n a ɓumɓɛ ɓɛ yii ɓi Bɛ̀ll, kɛ̀ ɓi ki ɗiŋi ɓi bàn yi a Samari, kɛ̀ɛna lɔŋ a ɓɔni jɔ̀ɔ̀ ɓɛ Isirayɛl ɓɛ ɓɛ ɗimgà.

MATYOO 21:41

Nni ɓɛ ɓakà Yeesus lɛ: À ɓiì cuusii ɓìɓeɓtàg ɓi ɓɛ̀kìì-ɓìsay ɓiǹ kɛ̀ɛ̀ rìrɔ̀ɓ, à ki teɗ dɛm yiì, à fa yɔ̀ ɓi rɛntì rì ɓɛ̀kìì-ɓìsay ɓɛdɛŋ ɓɛ ɓɛ rì nyi ɓiì falaagh gàɓ yìì i ɓìɗilàg di bèg ì kpaŋi.

MATYOO 21:43

Kìɓan kiǹ kɛɛ̀ki ǹkalii mìni lɛ, ɓɛ ri ɓiì pisii kilɔ̀ŋ ki Bɛ̀ll a lɔ̀ŋkin, ɓɛ fa kɔ rì kìlɔ̀ŋ ki ki ri ɓiì wumì ɓìɗùn ɓi ɓi ghɛɛ̀sɛɛ rì kìlɔ̀ŋ ki Bɛ̀ll.

MATYOO 25:46

Fɔɔnnɛ ɓumɓɛ̀n ɓɛ teri gɛ deɓ yi fiɗyàɓ fikɔ̀ɔ̀, wɔ̀lɛ ɓum ɓɛ saaɗ ɓɔɔ teɗ cɛɓ ki fiɗyàɓ fikɔ̀ɔ̀.

LUKAS 24:47

Fɔlɔɔ nnɛ à tumɛ̀n a Yorisalɛm, à kpaŋ ɓi ɓìlɔ̀ŋ ɓìcèm ɓɛ ri ɓiì kpaakpaa kiɓan ki lɛ ɓum ɓɛɛ lɔɔ̀ghrɛn mɛ̀rem di Bɛ̀ll a cenɛn ɓìɓe ɓyaa ɓi ɗii ɗìì.

ZYAŊ 1:11

Ì yughà a ɓum ɓii, ɓum ɓii ɓɛ̀ kɛɛ̀ ki ghàɓ yɔ̀;

ZYAŊ 4:22

Lɛ mìniì ɓɔɔɓɔgsì com ki ɓì yii ɓi, ɓìsiì ɓɔɔɓɔgsì com ki tì yii, lɛ gòri ì ɓum ì pɛ̀sɛɛ yì a Ɓɛ̀yudɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 13:14

Nni yɛ̀ɛ ɓɛ pɛsɛ̀ngà a Pɛrizɛ, ɓɛ ghagsì rìkɛ̀ɛ̀ ɗyaa, ɓɛ kɛǹ kìkpaŋì a Aŋtyos ànɛ a Pisidii. Nni ɓɛ ɗiŋìghà ɓi naa ì bɔ̀ŋzɛ̀n ì Ɓɛ̀yudɛ̀n, ŋwosi Saɓàt ɓɛ kɔri ɓi zi.

MƐ̀KÌKÌÌ MƐ ƁƐKƐ̀NÌ-FÌTOM 13:26

Ɓɔɔsoŋ̀! Mìni dòò yi Abiraham rì mìni ɓum ɓɛ zɛy ɓɛ ɓì ti ɓì risàg Bɛ̀ll, ɓɔlɛ à cɛɓ ànɛ, à rì ɓisu wis ɓɛsɛ̀ɛ̀ ɓɛ̀cèm.

MƐ̀KÌKÌÌ MƐ ƁƐKƐ̀NÌ-FÌTOM 13:5

Yɛ̀ɛ ɓɛ kpagà a Salamin, ɓɛ kpaakpàà ɓum Ɓɔlɛ à Bɛ̀ll ɓi naa yi bɔ̀ŋzɛ̀n yi Ɓɛ̀yudɛ̀n; ɓɛ ɓaghà ɗì Zyaŋ lɛ a ghɛɛ̀ghɛ̀ɓsì ɓɔ.

MƐ̀KÌKÌÌ MƐ ƁƐKƐ̀NÌ-FÌTOM 19:9

Nni yɛ̀ɛ ɓɛ̀ro ɓɛdɛŋ ɓɛ ɓaghà mɛ̀rem mɛ̀tèɗkakɛn ɓɛ̀ kɛɛ̀ kɔ̀n lɛ di ɓaa gherɛɛ, ɓɛ ki feefengì bee ì Kan ɓi mɛ̀reè mɛ ɓum, fɔɔnnɛ Pol à pɛ̀sɛ̀ngà ɓi nyìinyìm wàà, à teɗ ɓɛ̀yilàg à kɛ̀n ɗì ɓɔ jàŋ ìdɛŋ, à kuùkùrɛ̀n ɗì ɓɔ ɓɛ̀ŋwos ɓɛ̀cèm ɓi naà-sùkurì ì Tiranus.

MƐ̀KÌKÌÌ MƐ ƁƐKƐ̀NÌ-FÌTOM 22:21

Nni Kan à kpaaghà min mɛ lɛ: Kɛ̀na ɓisuulɛ, ǹɗì wɔ̀ ɓiì romi fìràɓ, ɓi ɓìlɔ̀ŋ ɓi ɓumɓɛ ɓɛ yin Ɓɛ̀yudɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 26:20

Wɔ̀lɛ ǹka lokà kìkalii ɓumɓɛ a Damas ɓìɓan ɓi Bɛ̀ll, ǹkalì girig ɓumɓɛ a Yorisalɛm rì ɓɛ ɓi zi ì Zyude bimiɗ, à kpagì lɛ rì ɓumɓɛ ɓi ɓìlɔ̀ŋ ɓizɛy miì; ǹkpaakpààghà ɓɔ lɛ, ɓɛɛ lɔɔ̀ghrɛn mɛ̀rem, ɓɛɛ gherɛn Bɛ̀ll ɓɛ ki kì ɓiɓan ɓi ɓyɛɛ resi lɛ, cɛɓ kaa ki ti kìlɔ̀gtɛn.

MƐ̀KÌKÌÌ MƐ ƁƐKƐ̀NÌ-FÌTOM 28:28

Nni yiina min lɛ, ɓɔlɛ̀ à gòri ì Bɛ̀ll ìnɛ, à mɛ romɓɛn a ɓumɓɛ ɓɛ yin Ɓɛ̀yudɛ̀n. Nsoò ɓɔ, ɓɛ ri nyi ɓiì ghàɓi.

MƐ̀KÌKÌÌ MƐ ƁƐKƐ̀NÌ-FÌTOM 3:26

Mìni yɛɛ ri ɓumɓɛ asu ɓɛ Bɛ̀ll à ɓɔ̀ngà ǹkìì-kìsay wiì ɓisu waa, à rom yì nyi, lɛ a maŋ̀ mìni, di a ki lɛ mum bimiɗ ànɛ ɓi mìni a càɗ ɓìɓeɓtàg ɓii ɓi mɛkìkìì.

MƐ̀KÌKÌÌ MƐ ƁƐKƐ̀NÌ-FÌTOM 4:13

Ɓumɓɛ ɓɛ yɔɔ̀yɔ̀mzìghà ɓɛ̀-Pyɛɛri, ɓɛ kuuràkà lɛ, ɓɛ ghɛngà lɛ, Pyɛɛri rì Zyaŋ ɓɛɛ̀ ɓàɓag ɓɔ, kɛ̀ɛ̀ ìris ɓi ǹɗem, ɓɛ ghɛɛ̀dì lɛ, ɓɛ ɓaghà ɓum ɓɛ zɛy ɓɛ ɓɛ yighà ɓi sùkurù, ɓɛ yi min lɛ, ɓɛ ɓaghà ɓumɓɛ ɓɛ kɛɛ̀kɛ̀ɛ̀ghà ǹɗaŋ ɗi Yeesus.

MƐ̀KÌKÌÌ MƐ ƁƐKƐ̀NÌ-FÌTOM 7:51

Mìni ɓum ɓɛ ǹtoòtèɗ ɓɛ ɓì rì lɛ, mìni kɛ̀ɛ̀ mɛ̀rem, mìni rì ɓɛ̀lɔg, fɔɔnnɛ ɓi ɗùùɗuu cààmɛ̀n kìcèm ɗì Kìtɛntɛ̀ɛ̀n ki Nghay, ɓì rì lɔŋ yɛ̀ɛ ɓɛ̀seŋi ɓin ɓɛ ɓɛsɛ̀ɛ̀mɛn.

MƐ̀KÌKÌÌ MƐ ƁƐKƐ̀NÌ-FÌTOM 9:20

Nni à ghagsɛ̀ngà lɔŋ wɔɔ foo ɗi rìkakàlì ɗi ɓum ɗii ɗi Yeesus ɓi naa yi bɔ̀ŋzɛ̀n, à lààlàmɓɛ̀n lɛ: Yeesus à rì Man à Bɛ̀ll.

RÒMƐŊ 1:16

Ɓisuulɛ, ǹ-yin lɛ ǹwog ǹtoòrìɗ ɓi rìghagsì ɗi Syeesyee à Ɓɔlɛ, lɛ à rì ìtèɗ wu Bɛ̀ll wu wɛɛ̀ ghɛɛghɛɓsì ɓum ɓɛ̀cèm ɓɛ ɓɛ gherɛɛ, à tumɛ̀n lɛ Ɓɛ̀yudɛ̀n à kpaŋ lɛ ɓumɓɛ ɓɛ yin Ɓɛ̀yudɛ̀n.

RÒMƐŊ 2:10

Wɔ̀lɛ Bɛ̀ll à rì ɓiì kìi lɛ, à kemzì, à ki nyaasi mum ǹcèm ànɛ à ti à kìlàg kìrɔɔ, à fa nyi fyòoog, à tumɛ̀n lɛ muu Ɓɛ̀yudɛ̀n à kpaŋ lɛ ŋwaànɛ à yin muu Ɓɛ̀yudɛ̀n.

FÌLÌPYƐŊ 1:14

Ntyweeyi wu mɛ yùti ɓɛgeni ɓɛ̀m lɛɛ̀gwey ɓi Kan, lɛ naà-zày ìnɛ ǹkɛ̀ngà; fɔɔnnɛ ɓɛ ti rì kìghɛɛsii ki ki cee lɛ ɓɛɛ ghaàghàgsì jɛ̀ɛ̀ ì Bɛ̀ll kɛ̀ɛ̀ ìris.

EBIREEGH 11:34

ɓɛ ɓuɓsì ìtèɗ wu ɗuu, ɓɛ ki lɛg lɛ, ɓɛ̀ kɛɛ̀ wey ɓɔ rì gàfàg, ɓɛ wɔngì tìroɓ ti ɓɛ ɓaghà rì tyɔ, ɓɛ ɓa rì kìghɛɛsii a wɛ̀y, ɓɛ ki sansan mɛraŋ mɛ wɛ̀y mɛ ɓi ɓìlɔ̀ŋ ɓidɛŋ.