MƐ̀KÌKÌÌ MƐ ƁƐKƐ̀NÌ-FÌTOM 13:43 - Bafia Nouveau Testament

⁴³ Yɛ̀ɛ rìghàdà ɗi lekà, Ɓɛ̀yudɛ̀n lɛɛ̀gwey rì ɓum ɓɛ zɛy ɓɛ ɓɛ ɗiŋìghà ɓi rìgherɛ̀n ɗi Ɓɛ̀yudɛ̀n ɓɛ nɔɔ̀tìghà Pol ɓɛɛ̀ Ɓarinaɓas, ɓɛ̀roɓɛ̀n ɓɛ kuùkùrɛ̀n ɗì ɓɔ, ɓɛ teètèèsì ɓɔ nyoo di ɓɛɛ̀ kpaakpaa ɓɔ lɛ, ɓɛɛ kɛn asu, ɓɛ ki sììrɛn ɓi geesɛ̀n ì Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 13:43 ပူးပေါင်းရင်းမြစ်များ

MATYOO 23:15

Nyìighnyìg rì mìni ɓɛ̀rèsàg-ɓìdɔ̀gsɛna rì Ɓɛ̀fàrìzyɛŋ ɓɛ ɓì rì lɛ, fyɛɛ̀fyɛɛ̀ ɓi ŋwɔm ìghèy ɓi ɗùm, ɓisuulɛ ɓi rereni jàŋ lɛ, ri ɓi rìɓày rì ɓi zi ì zɛy lɛ ɓi syoŋ mum ànɛ ɗiŋi ɓi nɗaŋ win nsoò bogtɛ̀n. Nni yɛ̀ɛ ɓi ki syòŋi mum lɔɔ, ɓì kì lɛ ŋwaànɛ̀n a ɓa ŋwaànɛ à ghɛ̀ɛ̀sɛɛ rì ɗuu ɗi fiɗyàɓ fikɔ̀ɔ̀, à cee mìni ɓi kìɓeɓtàg ki ǹɗem.

MƐ̀KÌKÌÌ MƐ ƁƐKƐ̀NÌ-FÌTOM 11:23

Nni yɛ̀ɛ à kpagà wɔɔ, à ghɛn yɛ̀ɛ geesɛ̀n ì Bɛ̀ll ì rèsɛ̀ngà a ɓɛ̀gherɛ̀n ɓɛǹ, à nyààrɛ̀n, à ki toni ɓɔ lɛ: Sììrɛɛna lɔŋ ɓi Kan Yeesus, rì mɛ̀rem min mɛcèm.

MƐ̀KÌKÌÌ MƐ ƁƐKƐ̀NÌ-FÌTOM 13:50

Kìɓan kifog, Ɓɛ̀yudɛ̀n ɓɛ toosìghà lɛ, rì ɓìtèetèɗ ɓi ɓɛ̀yiɓ ɓi ɓi falɛ̀ngà ɓi rìgherɛ̀n rì gìni-ɓum yi ɓi bàn ìnɛn lɛ ɓɛɛ ɓigti paàzì rì ɓɛ̀-Pol ɓɛɛ̀ Ɓarinaɓas; fɔɔnnɛ ɓɛ kpagà ɓɔ rìbaŋì, ɓɛ ki nàɓ ɓɔ ɓi kìlɔ̀ŋ kaa.

MƐ̀KÌKÌÌ MƐ ƁƐKƐ̀NÌ-FÌTOM 14:22

Ɓɛ fafàghà ɓɛ̀gherɛ̀n ɓɛ wɔɔ itèɗ ɓi ǹɗem ɓɛ rerèɓ ɓɔ lɛ, ɓɛɛ siìrɛn ɓi rìgherɛ̀n, di ɓɛɛ̀ kpaakpaa lɛ: Ki ghɛɛ̀sɛɛ lɛ, ti ka wog mɛtɔɓ lɛɛ̀gwey ɓi ɗi lɛ ti ɗiŋi ɓi kìlɔ̀ŋ ki Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 14:3

Pol ɓɛɛ̀ Ɓarinaɓas ɓɛ finɛ̀ngà a Ikonyɔm lɛɛ̀gwey, ɓɛ ɓaghà rì coo ǹtyweeyi ri Kan ɓi ɓìɓan ɓi ɓɛ kpaakpààghà, fɔɔnnɛ à fafàghà ɓɔ ìtèɗ wulɛ, ɓɛɛ, kiki lɛ rì dàm, rì ɓɛ̀koŋnyoo ɓɛ ɓiɓan, à kì fɔlɔɔ lɛ a siìrag ɓìɓan ɓi ɓɛ kpaakpààghà ɓi komkòm geesɛ̀n yìì.

MƐ̀KÌKÌÌ MƐ ƁƐKƐ̀NÌ-FÌTOM 16:14

Giɓ àdɛŋ à ɓaghà wɔɔ ɗii lɛ Lidyaa àa m̀ɓɔgsàg Bɛ̀ll, à ɓaghà ǹkìì-dùne ì ɓìsyeesyee ɓi ɓilàà ɓi ɓàŋ ɓi bàn ì Tyatiir, à ramgà mɛ̀reè lɛ syeesyee lɛ a wog ɓìtòkì ɓis, fɔɔnnɛ Kan à nɛmgà nyi ǹɗem lɛ a konag kì woògh ɓìtòkì ɓi Pol.

MƐ̀KÌKÌÌ MƐ ƁƐKƐ̀NÌ-FÌTOM 17:17

A nyoònyòlɛ̀ngà lɛ rì Ɓɛ̀yudɛ̀n rì Gìrɛg ì ɓumɓɛ ɓɛ ǹɗisàg Bɛ̀ll; ki ɓaghà ɓi naà-bɔ̀ŋzɛ̀n. À nyoònyòlɛ̀n tì rì ɓumɓɛ àa ǹtanàg ɓi kìyan ki ɓum ɓɛ kilɔ̀ŋ ɓɛ nkuràg wɔɔ ɓɛŋwos ɓɛ̀cèm.

MƐ̀KÌKÌÌ MƐ ƁƐKƐ̀NÌ-FÌTOM 17:34

Nsoò fɔlɔɔ, gàɓ ì ɓum ìdɛŋ ì nɔ̀ɔ̀tìghà Pol, ì gherɛ̀n. Ɓi ɓumɓɛ ɓɛ gherɛ̀ngà ɓɛǹ, Denis kìbog ki ɓi ɓumɓɛ ǹtaŋzɛn wulɛ àyèròpaàzɛ̀ à ɓaghà miì, rì giɓ adɛŋ ɗii lɛ Damaris, ri ɓum ɓɛdɛŋ tì foo.

MƐ̀KÌKÌÌ MƐ ƁƐKƐ̀NÌ-FÌTOM 17:4

Fɔɔnnɛ Ɓɛ̀yudɛ̀n ɓɛdɛŋ ɓɛ gherɛ̀ngà ɓìɓan ɓiǹ, ɓɛ ɓasɛ̀n ǹɗaŋ ri Pol rì Silas, rì Gìrɛg lɛɛ̀gwey ì ɓumɓɛ ɓɛ nɗisàg Bɛ̀ll, gàɓ ì ɓìtèetèɗ ɓi ɓɛ̀yiɓ ì nɔɔ̀tìghà girig ɓɔ.

MƐ̀KÌKÌÌ MƐ ƁƐKƐ̀NÌ-FÌTOM 18:7

Nni à pɛ̀sɛ̀ngà foo à kɛ̀n a mɛɛ mɛ ŋwaàdɛŋ ànɛ àa ǹɗisàg Bɛ̀ll ɗii lɛ Tityus-Yustus, mɛɛ mii mɛ ɓaghà jàŋbog ɗì naà-bɔ̀ŋzɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 2:10

ɓɛ̀roɓɛ a Firizii, rì ɓɛ a Paŋfilii, rì ɓɛ a Egiɓtɛn, rì ɓɛ ɓi, kìden ki zi ki a Liɓii ki ki wòŋzɛɛ rì Sirɛn, rì ɓɛ̀roɓɛ ɓɛ pɛsɛ̀ngày a Rom, à teɗ lɛ, Ɓɛ̀yudɛ̀n ɓɔmiɗ, rì ɓɛ̀roɓɛ ɓɛ lɔɔ̀ghrɛ̀ngà ɓi rìgherɛ̀n ɗi Ɓɛ̀yudɛ̀n à kpaŋ lɛ,

MƐ̀KÌKÌÌ MƐ ƁƐKƐ̀NÌ-FÌTOM 28:23

Fɔɔnnɛ ɓɛ faghà nyi ǹkàg wulɛ ɓɛɛ ghɛnɛn, nni ɓɛ yughày kìtuu lɛ ɓɛɛ ghɛǹ nyi a mɛɛ mii. Ɓi ɓìtòkì ɓii, Pol à kalìghà ɓɔ kìɓan ki ki taataa kìlɔ̀ŋ ki Bɛ̀ll, à ki kaakaa bee lɛ rì ɓi ɓìdɔ̀gsɛna ɓi Moyis, rì ɓi ɓɛ̀kpaŋzì-ɓìɓan, lɛ a ki lɛ ɓɛ̀ kɛɛ̀ teeti nyoey ɓi kìɓan ki Yeesus. A tòkàkà rì ɓɔ fɔlɔɔ à tumɛ̀n sariwa à kpaŋ cɛŋkò.

MƐ̀KÌKÌÌ MƐ ƁƐKƐ̀NÌ-FÌTOM 6:5

Fèg ànɛn à kɔ̀ngà ǹɗaŋ wu ɓɛgherɛ̀n wùcèm nni ɓɛ ɓɔngà min lɛ, rì Ityɛn ànɛ à ɓaghà rì coo righerɛ̀n à ki ɓati ǹɗonɛn ri Kìtɛntɛ̀ɛ̀n ki Nghay, rì Filiɓ, rì Pikɔɔri, rì Nikanɔɔri, rì Timɔŋ, rì Parimenas, rì Nikola ànɛ à ɓaghà a Aŋtyos, à ki lɔ̀ɔ̀ghrɛn à ɗiŋì ɓi rìgherɛ̀n ɗi Ɓɛ̀yudɛ̀n.

RÒMƐŊ 11:6

À ɓɔ̀ngà ɓɔ lɛ geesɛ̀n yìì, àa lɛ mɛ̀kìkìì maa, i kɛɛ ɓa lɛ mɛ̀kìkìì maa, di geesɛ̀n ì Bɛ̀ll ì yin kɔɔ̀kɔɔ̀ à geesɛ̀n.

RÒMƐŊ 3:24

Wɔ̀lɛ Bɛ̀ll, ɓi coo geesɛ̀n yìì, à ti à ghaasàg ɓɔ ɓum ɓɛ saaɗ, zɛy rì zɛy lɛ Yeesus Kiris ànɛ à mɛ kwèɗ ɓɔ ɓi rìkpàn.

RÒMƐŊ 5:2

Nnyɛɛ mɛ kì lɛ, ti ɗiŋi ɓi geesɛ̀n ì Bɛ̀ll ìnɛ tì ti ìnɛ miì ǹsììrɛn lɛ rìgherɛ̀n, com ki ti nyàànyàà ki ri dyàɓɛn ìnɛ tì rì rì yɔ̀ lɛ tì rì ɓiì ɓaà rì gàɓ ɓi rìkem ɗi Bɛ̀ll.

RÒMƐŊ 5:21

Ɓi lèg ànɛ lɛ, yɛ̀ɛ kìɓe ki ciìcììzìghà ɓum ɗì rìwu, geesɛ̀n ì Bɛ̀ll yɛ̀ɛ làlami rì saaɗ, ɓisuu cɛɓ ki fiɗyàɓ fikɔ̀ɔ̀ lɛ Yeesus Kiris à Kan wìs.

2 KƆ̀RƐ̀ŊTYƐŊ 5:11

Nni yɛ̀ɛ tì yii com ki ki ri lɛ rìrisì ɗi Kan, nnɛ ti kaakaa bee inɛ lɛ ti syoŋ̀ ɓum. Bɛ̀ll à yii ɓìsi lɛ syeesyee, ǹki rì rì ntyweeyi lɛ nsoò mìni, ɓì yii girig ɓìsi ɓi mɛ̀rem min ɓiɗùm.

2 KƆ̀RƐ̀ŊTYƐŊ 6:1

Nni yɛ̀ɛ ki ri lɛ ti sasay nɗaŋ ri nyi, tì tɔɔgh mìni lɛ, kɛ̀ ɓi kì ɓaà lɛ geesɛ̀n ì Bɛ̀ll ìnɛ ɓì ghàɓkà yɛ̀ɛ wu zɛy.

GÀLAT 5:1

Kiris à kwèɗkà ɓìsi lɛ ti ɓa ɓɛ̀kan; nni kɛ̀ ɓi foŋɗɛn ti mìniìɓɔmiɗ ɓi kìɓèg lɛ ɓi sugti ɓi rìkpàn.

GÀLAT 5:4

Mìni ɓumɓɛ ɓi kaakaa lɛ ɓi ɓa lɛ saaɗ ɓi mis mɛ Bɛ̀ll lɛ rìɓèŋ ɗi ɓidɔ̀gsɛna, ɓì mɛ ghasɛn ɗi Kiris, ɓì ki ti ɓɛ mɛ̀mɛn geesɛ̀n ì Bɛ̀ll.

EFÈZYƐŊ 2:8

Ɓisuulɛ ɓì rì ɓɛ̀kòrɛn lɛ geesɛ̀n ì Bɛ̀ll, ɓi bee ì rìgherɛ̀n ɗi ɓì gherɛɛ nyi; ki kilɛɛ ɓi fɔlɔɔ lɛ rìkì ɗin, ki ri lɔŋ rifa ɗi Bɛ̀ll.

FÌLÌPYƐŊ 3:16

Wɔ̀lɛ ɓì nɗɛli wu tì ti wu miì, tì ghɛ̀ɛ̀sɛɛ lɛ tì kɛ̀nkɛ̀n lɔŋ asu ǹɗaŋ.

FÌLÌPYƐŊ 4:1

Fɔlɔɔ nnɛ, mìni ɓɛ̀geni ɓɛ̀m ɓɛ nɗem ɓɛ ǹɗì rì coo zày ìnɛ lɛ di màa ghɛɛdii, ɓì rì lɛ, mìni kìnyàà kɛm̀, mìni rìkem ɗyɛ̀m, kɛ̀ɛna lɔŋ asu, ɓi siìrɛn fɔlɔɔ ɓi Kan, mìni ɓum ɓɛm ɓɛ nɗem.

KÒLÒSYƐŊ 1:23

Kìɓan kifog, ki ghɛɛ̀sɛɛ lɛ, ɓi ɓeŋ̀ rìgherɛ̀n, ɓì sììrɛ̀n, ɓì ki rɛli lɛ kpegkpeg, kɛ̀ ɓi càrɛn lɛ ɓɛɛ syoŋ mìni fìràɓ ɗi dyàɓɛn ìnɛ ɓì rì rì yɔ̀ ɓi Syeesyee à Ɓɔlɛ ànɛ ɓì wokà. Syeesyee à Ɓɔlɛ ànɛ̀n yɛɛ kalɛ̀ngà a ɓum ɓɛ̀cèm ɓɛ ɓɛ ri ɓi ɗyoo azi; innɛ mɛ̀ Pol ǹti ǹkìì-kìsay anɛ miì.

KÒLÒSYƐŊ 1:28

Kiris ànɛ̀n nnɛ ɓìsii ghaaghagsì ɓum ɓɛ̀cèm, tì rɔ̀ɔ̀rɔ̀gsɛ̀n ɓɔ, tì ki rèsag ɓɔ rì ɗyomzɛ̀n ɗìcèm, lɛ ti ki lɛ mum bimiɗ a kpaŋ ɓi mis mɛ Bɛ̀ll, di à ti ǹsììrɛn lɛ kɔɔ̀kɔɔ̀ ɓi Kiris.

Kaàtà ànɛ Pol à kàngà TIT 2:11

Ɓisuulɛ geesɛ̀n ì Bɛ̀ll ìnɛ ì rì ǹsim à cɛɓ ɓisuu ɓum ɓɛ̀cèm, ì mɛ rèsɛ̀n,

EBIREEGH 12:15

Ɓì konàg lɛ ŋwaàdɛŋ kɛ̀ɛ ɓa lɛ à rèèghrɛ̀n geesɛ̀n ì Bɛ̀ll, nsoò lɛ gàŋ i ǹlòlolɛn yɛ̀ kɛɛ̀ ròò ǹɗuŋ, lɛ yɛ̀ɛ ɓuùsi jàŋ, ì ki yeesi ɓum lɛɛ̀gwey ri ìrɔ̀g wu yɔ̀.

EBIREEGH 13:9

Kɛ̀ ɓi càrɛn lɛ mɛ̀rèsàg mɛ̀kuu mɛ̀kuu mɛ mɛ riì tìràɓ, mɛɛ ɗimzi mìni bee, lɛ ki rɔɔtɛɛ lɛ ǹɗem wɛɛ teɗ ìtèɗ lɛ geesɛ̀n ì Bɛ̀ll, à cee ɓìsyɔ̀ɔ̀ ɓi ɓi komi ɓìɗilàg ɓi ɓi ghɛɓsìghà ɓi ɓumɓɛ ɓɛ falɛ̀ngà miì nsoò ɓi bee idɛŋ.

1 PYƐƐRI 5:12

Ǹkàniì mìni ɓɔɔ jɛ̀ɛ̀ ɓɛ rì Silvɛŋ ànɛ à rì geni wìs a ǹtyweeyi lɛ nfa mìni deɓ, ǹki tɛɛ̀zi mini kì rèsii lɛ fɔlɔɔ nnɛ kɔɔ̀kɔɔ̀ à geesɛ̀n ì Bɛ̀ll, ànɛ ɓì rì miì ɓɛ̀sììrɛn lɛ tiŋtiŋ, à rì.

2 PYƐƐRI 3:14

Kìɓan kiǹ kɛɛ̀ki, mìni ɓum ɓɛm ɓɛ nɗem, cààmɛ̀n ki ɓi ka ɓoŋɓoŋ ŋwos anɛ̀n, tèèsiina nyoo lɛ ɓi ɓa ɓɛ̀tɛnɛn, kɛ̀ɛ̀ bɛ̀lɛn ɓi mis mɛ Bɛ̀ll, ɓì ki ɓa lɛ fyòoog rì nyi.

1 ZYAŊ 2:28

Ɓigomìnɛ, mìni ɓɔn ɓɛm, ɓaana lɔŋ ɓɛràrɛn ɗi Kiris lɛ yɛ̀ɛ à rì ɓiì yùu, ti ɓa kɛ̀ɛ̀ ìris, tyɛ̀ ki wog ntoòrìɗ ɓi mis mii ŋwosi risugtìì ɗii.

2 ZYAŊ 1:9

Mum ǹcèm ànɛ à ghaghii ɓìdyànì, kɛ̀ɛ ɓèŋdi rirèsì ɗi Kiris, à yin ɗi Bɛ̀ll; nni mum ǹcèm ànɛ à ɓiì kɛ̀ɛ asu à ɓèŋɓèŋ rìrèsì ɗi Kiris, à rì lɛ, nyi rì Seŋi, nyi rì Man.