MƐ̀KÌKÌÌ MƐ ƁƐKƐ̀NÌ-FÌTOM 13:15 - Bafia Nouveau Testament

¹⁵ Yɛ̀ɛ ɓɛ lègsìghà ki ɓàli kaàtà à Bɛ̀ll, ɓi kaàtà à ɓìdɔ̀gsɛna ɓi Moyis rì ɓi à ɓɛ̀kpaŋzì-ɓìɓan, nni ɓɛ̀làmì naà-bɔ̀ŋzɛ̀n ɓɛ romgà mum lɛ a kali ɓɛ̀-Pol lɛ: Bɔɔsoŋ! ì ɓì rì rì deɓ yidɛŋ yi ɓì rì lɛ ɓì fa ɓum, tòòghrɛɛna ɓigominɛ.

MƐ̀KÌKÌÌ MƐ ƁƐKƐ̀NÌ-FÌTOM 13:15 ပူးပေါင်းရင်းမြစ်များ

MARIKUS 5:22

Fɔɔnnɛ mum ɗii lɛ Zyayirus, kìbog ki ɓi ɓumɓɛ ɓɛ lamìghà naà-bɔ̀ŋzɛ̀n, à yùghà, à ghɛn Yeesus, à kpì nyi a mɛ̀kòò.

LUKAS 16:16

Rìrèsì ɗi ɓidɔ̀gsɛna ɓi Moyis rì ɗi ɓɛkpaŋzì-ɓìɓan ɗi kighà kìsay à kpaŋ yɛ̀ɛ Zyaŋ Bàɓtis à yùghà. Nni à tumɛ̀n ɓi cààmɛ̀n kiǹ, à kpaŋ ɓigomìnɛ, Syeesyee à Ɓɔlɛ à kìlɔ̀ŋ ki Bɛ̀ll a kaakalɛ̀n a ɓum ɓɛ̀cèm, fɔɔnnɛ mum bimiɗ a kaakaa lɛ a ɗiŋi ɓi kìlɔ̀ŋ kiǹ ɓi-tèɗ.

MƐ̀KÌKÌÌ MƐ ƁƐKƐ̀NÌ-FÌTOM 1:16

Ɓɔɔsoŋ̀! kìɓan ki Kìtɛntɛ̀ɛ̀n ki Nghay ki lokà kì rèsii ɓi kaàtà à Bɛ̀ll, ɓi ŋwɔm wu Davit, ki rarɛ̀n ɗì Zyudas ànɛ à syògày ɓumɓɛ ɓɛ ɓangà Yeesus bee, ki ghɛɛ̀sɛ̀ngà lɛ kɛɛ kilɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 13:27

Ɓumɓɛ a Yorisalɛm rì ɓɛ̀làmì ɓaa, ɓɛ roòzɛ̀ngà Yeesus, kìɓan kìfog ɓi rìren ɗi ɓɛ rengà lɛ ɓɛɛ wey nyi, ɓɛ ròzìghà rìkalì ɗi ɓɛkpaŋzì-ɓìɓan ɗi ɓɛti ɓɛ ɓaàyì ɓɛ̀ŋwos ɓɛ Saɓàt ɓɛ̀cèm.

MƐ̀KÌKÌÌ MƐ ƁƐKƐ̀NÌ-FÌTOM 15:21

Ɓisuulɛ à tumɛ̀n ɓi gbàà yi ajɛ̀m, bàn yìcèm yi ri rì ɓum ɓɛdɛŋ ɓɛ ɓɛɛ̀ rèeresàg ɓum ɓìdɔ̀gsɛna ɓi Moyis, lɛ ɓɛ ti ɓɛ ɓaàyì ɓyɔ ɓi naa yi bɔ̀ŋzɛ̀n ɓɛ̀ŋwos ɓɛ Saɓàt.

MƐ̀KÌKÌÌ MƐ ƁƐKƐ̀NÌ-FÌTOM 15:7

Di ɓaa nyolɛn lɛɛ̀gwey, nni Pyɛɛri à pɛ̀sɛ̀ngà aɗyoo, à kpaa ɓɔ lɛ: Ɓɔɔsoŋ̀! Ɓì yii lɛ Bɛ̀ll à ɓɔ̀ngà mɛ̀ ɓi nyìinyìm wìn lɔŋ a rìtumɛ̀n lɛ, nkali Syeesyee à Ɓɔlɛ a ɓum ɓɛ ɓɛ yin Ɓɛ̀yudɛ̀n, lɛ i ɓɛ woogh Syeesyee à Ɓɔlɛ ànɛ̀n, ɓɛɛ gherɛn Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 18:17

Nni Ɓɛ̀yudɛ̀n ɓɛǹ ɓɛ̀sɛ̀ɛ̀ ɓɛ̀cèm ɓɛ sɛngà ɓi Sostɛn ànɛ à ɓaghà ǹlàmì naà-bɔ̀ŋzɛ̀n, ɓɛ tumɛ̀n nyi rìɓog ɓi mis mɛ ɓɛyɔ̀mì-ɓìɓan, wɔ̀lɛ rìkì ɗiǹ ɗyɛ̀ kɛɛ̀ yeesi Galyɔŋ nsoò lɛsàg.

MƐ̀KÌKÌÌ MƐ ƁƐKƐ̀NÌ-FÌTOM 18:8

Nsoò fɔlɔɔ, rìfòm ɗi naà-bɔ̀ŋzɛ̀n, ɗii lɛ Kirispus ɗi gherɛ̀ngà Kan, rì rìmɛɛ ɗii ɗicèm, fɔlɔɔ nnɛ ɓumɓɛ a Kɔrɛŋt lɛɛ̀gwey ɓɛ ɓɛ wokà ɓìɓan ɓi Pol ɓɛ gherɛ̀ngà girig, ɓɛ ki ɓàɓtag.

MƐ̀KÌKÌÌ MƐ ƁƐKƐ̀NÌ-FÌTOM 2:29

Ɓɔɔsoŋ̀, ǹɗì lɛ ǹkpaa mìni lɛ tɛntɛ̀ɛ̀n ɓi ɓɛg ànɛ yɛ̀ɛ Davit à seŋi wis a ǹsɛ̀ɛ̀ lɛ: À wughà, ɓɛ ki ɓòm nyi, zɔ̀ŋ yìì i rì fɛ a lɔ̀ŋkis à kpaŋ gɛɛ̀nɛ.

MƐ̀KÌKÌÌ MƐ ƁƐKƐ̀NÌ-FÌTOM 2:37

Yɛ̀ɛ ɓɛ wokà ɓìtòkì ɓi Pyɛɛri ɓiǹ, ɓi ɗiŋì ɓɔ ɓi ǹɗem lɛ kɔɔ̀kɔɔ̀, nni ɓɛ tɔkà Pyɛɛri ri ɓɛ̀kɛ̀nì-fìtom ɓɛm̀bog lɛ: Ɓɔɔsoŋ̀, ki ghɛ̀ɛ̀sɛɛ min lɛ ti ki la?

MƐ̀KÌKÌÌ MƐ ƁƐKƐ̀NÌ-FÌTOM 2:4

Ɓɛ̀sɛ̀ɛ̀ ɓɛ̀cèm ɓɛ ɓa min ɓɛronɛn ri Kìtɛntɛ̀ɛ̀n ki Nghay, ɓɛ ki tòtog ɓitòkì ɓidɛŋ lɔŋ yɛ̀ɛ Nghay à fafàghà ɓɔ ìtèɗ wu lɛ ɓɛɛ totòg.

MƐ̀KÌKÌÌ MƐ ƁƐKƐ̀NÌ-FÌTOM 20:2

A renìghà kìlànà ki zi kiǹ di a fafa ɓɛgherɛ̀n deɓ lɛɛ̀gwey, ajɛ̀m ìnɛn nnɛ à kɛ̀ɛ min ki kpaŋì ɓi kìlɔ̀ŋ ki Gìrɛg.

MƐ̀KÌKÌÌ MƐ ƁƐKƐ̀NÌ-FÌTOM 22:1

Mìni ɓɛ̀geni ɓɛ̀m rì ɓɛ̀seŋi ɓɛ̀m, ɓigomìnɛ ramina mɛ̀reè, ɓi wog com ki ǹɗì lɛ ǹɗèsì mìni.

MƐ̀KÌKÌÌ MƐ ƁƐKƐ̀NÌ-FÌTOM 4:36

Yoosɛɓ ànɛ à ɓaghà ɓi boo ì ɓum ì Levi ìnɛ ɓi ban ìnɛ lɛ Siipirɛ, nyi nnɛ ɓɛ̀kɛ̀nì-fìtom ɓɛ nkpɔgì lɛ Ɓarinaɓas, yɛɛ lɔɔ lɛ ŋwaà-mɛ̀fegsɛn,

MƐ̀KÌKÌÌ MƐ ƁƐKƐ̀NÌ-FÌTOM 7:2

Ityɛn à ɓàg lɛ: Mìni ɓɛ̀geni ɓɛ̀m, rì ɓɛ̀seŋi ɓɛ̀m, ramina mɛ̀ree ɓi konag kìwoògh lɛ: Bɛ̀ll ànɛ à rì ǹkeŋkèmì à rèsɛ̀ngà yɛ̀ɛ Abiraham à seŋi wìs a ǹsɛ̀ɛ̀, cààmɛ̀n ki à ɓaghà a Mɛzopotamii, di à ka kɛn ɓi ki kɔ̀rii a Haraŋ.

RÒMƐŊ 12:8

Roànɛ Bɛ̀ll à faghà lɛ a teètèèsì ɓɛ̀geni nyoo rì deɓ à ghɛ̀ɛ̀sɛɛ kì sììrɛɛ ɓi rìkìkì ɗi fɔlɔɔ; roànɛ a kàakàɓsì ìkum wii, à ghɛ̀ɛ̀sɛɛ kì kìi kiɓan kiǹ kɛ̀ɛ̀ ǹkàŋɗɛ̀n; roànɛ a kɛ̀ɛkɛɛ̀sì ǹɗaŋ à ghɛ̀ɛ̀sɛɛ wɔ kì kɛ̀ɛ̀sii ri tìkɛɗ; roànɛ a ghɛɛghɛɓsì ɓum ɓɛ nyìighnyìg à ghɛ̀ɛ̀sɛɛ kì kìi kiɓan kiǹ rì kìnyàà.

1 KƆ̀RƐ̀ŊTYƐŊ 14:3

Kɔm̀ lɛ ŋwaànɛ a kpaakpaŋzì ɓìɓan ɓi Bɛ̀ll a tòtog ri ɓum, à fafà ɓɔ ìtèɗ ɓi rìgherɛ̀n, à feèghfègsì ɓɔ, à ki fɔɔfɔɔ̀sì ɓɔ mɛ̀rem.

2 KƆ̀RƐ̀ŊTYƐŊ 3:14

Kìɓan kifog ɗyomzɛ̀n ɗyaa ɗi duŋɛ̀ngà; fɔɔnnɛ à kpaŋ gɛɛ̀nɛ, nsoò ɓaa ɓàɓày Fìɗyàɓ fi bee ɓi kaàtà à Bɛ̀ll, kìlàà ki Moyis à ghekà kiǹ, kɔ lɔŋ wɔɔ, ki yin lɛ ki pɛsɛ̀n, lɛ ɓi Kiris nnɛ ki ti ki pɛsàg.

TÈSÀLÒNÌSYƐŊ 2:3

Ɓìɓan ɓi Bɛ̀ll ɓi tì kakàlìghà ɓum ɓi rooghày ɓi ǹɗuŋ ɓi rìnàn ǹsoò lɛ ɓi ɓìɓan ɓi tifin, fɔɔnnɛ ɓi ki yin ɗi ǹ-yègsɛ̀n.

EBIREEGH 13:22

Ɓɔɔsoŋ̀, ǹtɔɔgh mìni lɛ ɓi niɗ mɛ̀rem, ɓì teɗ ɓìɓan ɓi ɓyɛɛ fa mìni ìtèɗ ɓi mɛ̀rem ɓisuulɛ kaàtà ànɛ ǹkàniì mìni à ràɓi ɓi.