MƐ̀KÌKÌÌ MƐ ƁƐKƐ̀NÌ-FÌTOM 13:12 - Bafia Nouveau Testament

¹² Yɛ̀ɛ gɔmìnà à ghɛngà kìɓan kiǹ, nni à gherɛ̀ngà Bɛ̀ll ɓisuulɛ, dɔgtɛ̀n ì ɓìɓan ɓi ɓi seesee Kan, ì kòmgà nyi ǹɗem lɛ syeesyee.

MƐ̀KÌKÌÌ MƐ ƁƐKƐ̀NÌ-FÌTOM 13:12 ပူးပေါင်းရင်းမြစ်များ

MATYOO 27:54

Yɛ̀ɛ ǹkɔ̀mɛ̀n ɓɛ̀sujàà, rì ɓumɓɛ à ɓaghà ɓiì ɓèŋɓeŋi Yeesus rì ɓɔ ɓɛ ghɛngà di zi i nyɛ̀ŋɗɛɛ, ɓɛghɛɛdi ɓìɓan ɓimbog ɓi ɓi kilɛ̀ngà ɓiǹ, nni ɓɛ risìghà lɛɛ̀gwey, ɓɛ kpaa lɛ: Yeesus àa ǹɗì Man à Bɛ̀ll a tààkaà.

LUKAS 4:22

Fɔɔnnɛ ɓum ɓɛ̀cèm ɓɛ sɛsɛ̀kà nyi, ɓɛ ki kuukuùghràg ɓɛ̀syeesyee ɓɛ jɛ̀ɛ̀ ɓɛ à kpaakpaaghà, di ɓɛɛ tɔtɔg lɛ: Àa man à Yoosɛɓ yɛɛ ri lɛ?

LUKAS 7:16

Ɓum ɓɛ̀cèm ɓɛ ɓɛ ɓaghà wɔɔ, ɓɛ ghɛngà kìɓan kiǹ koŋnyòò. Fɔɔnnɛ ɓɛ keèkèmzìghà Bɛ̀ll ɓɛ kpaakpàà lɛ: Coo ǹkpaŋzì-ɓìɓan a ghɛnɛɛ a lɔ̀ŋkis, rì tì lɛ Bɛ̀ll à yùu kì ghɛɓsii kilɔ̀ŋ kii.

ZYAŊ 7:46

Ɓɛ̀sujàà ɓɛ ɓaàg lɛ: Mum à ka tokàkà ɓi yɛ̀ɛ ŋwaànɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 13:48

Yɛ̀ɛ ɓumɓɛ ɓɛ ɓaghà ɓi Ɓɛ̀yudɛ̀n ɓɛ wokà rìkpaa ɗìn ɓɛ nyaàrɛ̀n lɛɛ̀gwey, ɓɛ tumɛ̀n rìkeèkèmzì ɗi jɛ̀ɛ̀ ì Kan. Nni fɔɔnnɛ ɓum ɓɛ̀cèm ɓɛ ɓɛ ɓaghà ɓɛ̀ɓɔ̀nɛn lɛ ɓɛɛ ɓa rì cɛɓ ki fiɗyàɓ fikɔ̀ɔ̀, ɓɛ gherɛ̀ngà Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 13:49

Ɓɔlɛ à Kan à sààghà jàŋbimiɗ ɓi kìlɔ̀ŋ kiǹ.

MƐ̀KÌKÌÌ MƐ ƁƐKƐ̀NÌ-FÌTOM 13:7

Ŋwaànɛ̀n à ɓaghà rìghan ɗi gɔmìnà ànɛ lɛ, Sɛrizyus-Paolus, gɔmìnà ànɛ̀n à ɓaghà ŋwaà ɗyomzɛ̀n, fɔɔnnɛ à reŋìghà Ɓarinaɓas ɓɛɛ̀ Sol lɛ, à kɔ̀nkɔ̀ngà lɛ a wog ɓìɓan ɓi Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 13:8

Nni Elimas, yɛɛ lɔɔ lɛ ǹkìì-majìg ɓi rìgìrɛg, nyii ramzɛ̀ngà rìbaŋì rì ɓɛ̀-Ɓarinaɓas ɓɛɛ̀ Sol, à kaakàà bee inɛ lɛ gɔmìnà kɛ̀ɛ gherɛn Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 15:35

Fɔɔnnɛ ɓɛ̀-Pol ɓɛɛ̀ Ɓarinaɓas ɓɛ rɔ̀ɓkà a Aŋtyos, ɓɛ ɓasɛ̀n ɗì ɓum ɓɛdɛŋ ɓi rìrèrèsì rì ɓi rìkakàlì ɗi Syeesyee à Ɓɔlɛ à Kan.

MƐ̀KÌKÌÌ MƐ ƁƐKƐ̀NÌ-FÌTOM 15:36

Yɛ̀ɛ mɛ̀ru mɛ ghaghìghà foo, Pol à kpaa Ɓarinaɓas lɛ: Ti sugtiina kì ghɛɛ̀ ɓɛ̀geni ɓis ɓɛ ɓi bàn yi tìi nkpaa Syeesyee à Ɓɔlɛ à Kan wɔɔ, lɛ ti ghɛn yɛ̀ɛ ɓɛ ri,

MƐ̀KÌKÌÌ MƐ ƁƐKƐ̀NÌ-FÌTOM 18:12

Ɓi mɛ̀ru mɛ Galyɔŋ à ɓaghà gɔmìnà ànɛ ɓi kìlànà ki zi ki lɛ Akayi, Ɓɛ̀yudɛ̀n ɓɛ wɔrɛ̀ngà ɓɔɔ̀cèm, ɓɛ ɓigtì paàzì rì Pol ɓɛ kɛǹ ɗì nyi ɓi naà-ɓɛ̀yɔ̀m.

MƐ̀KÌKÌÌ MƐ ƁƐKƐ̀NÌ-FÌTOM 19:10

Kìɓan kiǹ ki finɛ̀ngà bèg yiɓɛɛ̀, kɛɛ kighà lɛ, ɓum ɓɛ̀cèm ɓɛ a Azii, à tumɛ̀n lɛ Ɓɛ̀yudɛ̀n à kpaŋ lɛ Gìrɛg, ɓɛ wokà jɛ̀ɛ̀ ì Kan.

MƐ̀KÌKÌÌ MƐ ƁƐKƐ̀NÌ-FÌTOM 19:20

Fɔlɔɔ nnɛ jɛ̀ɛ̀ ì Bɛ̀ll ì kɛ̀nkɛ̀ngà beèbɛ̀y ɗì rìsààsàà ɓi-tèɗ wu Kan.

MƐ̀KÌKÌÌ MƐ ƁƐKƐ̀NÌ-FÌTOM 19:38

Nni i Demetiriyus rì ɓɛ̀kìì-ɓìsay ɓii ɓɛ ri rì kìɓan kidɛŋ ki ɓɛɛ seèghkɛn ɓɛ raɗ rì ŋwaàdɛŋ, gòn yi ɓɛyɔ̀m yi ri wɔɔ, ɓɛ̀gɔmìnà girig wɔɔ, ŋwaànɛ à rì rì kìɓan ki sɔmɛn, à ghɛ̀ɛ̀sɛɛ kì sɔmɛɛ!

MƐ̀KÌKÌÌ MƐ ƁƐKƐ̀NÌ-FÌTOM 19:7

Ɓumɓɛ̀n ɓɛ ɓaghà nunùg ɓɛ̀sɛ̀ɛ̀ ǹtɛ̀ɗ ɗì ɓɛɓɛɛ̀.

MƐ̀KÌKÌÌ MƐ ƁƐKƐ̀NÌ-FÌTOM 28:7

Rìfòm ɗi ɓi kìrìŋ ki riɓày kiǹ ɗi ɓaghà wɔɔ ri fyòomà jàŋbog; rìfòm diǹ ɗi ɓaghà ɗii lɛ Puɓilyus; ɗi ghaɓkà ɓìsi a mɛɛ mii lɛ syeesyee, tì lay wɔɔ mɛru mɛraa.

MƐ̀KÌKÌÌ MƐ ƁƐKƐ̀NÌ-FÌTOM 6:10

Wɔ̀lɛ ɓɛ ɓaghà ɓi lɛ, ɓɛ yagsàg Ityɛn ɓi nyoey, ɓisuulɛ, nyii totòkà rì ɗyomzɛ̀n ɗi Kitɛntɛ̀ɛ̀n ki Nghay ki fafàghà nyi.

MƐ̀KÌKÌÌ MƐ ƁƐKƐ̀NÌ-FÌTOM 8:25

Yɛ̀ɛ ɓɛ̀-Pyɛɛri ɓɛɛ̀ Zyaŋ ɓɛ ɓaghà di ɓaa rèsag ɓum ɓìɓan ɓi ɓɔɔ yighà, ɓi rarɛ̀n rì Yeesus, ɓɛ ki kali ti ɓɔ Syeesyee à Ɓɔlɛ à Kan, fɔɔnnɛ ɓɛ Sugtìghà a Yorisalɛm di ɓɛɛ̀ kakali ɓumɓɛ ɓi ɓìlɔ̀ŋ ɓi a Samari Syeesyee à Ɓɔlɛ.