MƐ̀KÌKÌÌ MƐ ƁƐKƐ̀NÌ-FÌTOM 13:10 - Bafia Nouveau Testament

¹⁰ à kpaa lɛ: Wɔ̀ ŋwaànɛ, ù rì lɛ, wɔ̀ coo ghèghes̀, wɔ̀ ɓèèɓeè, man à Satàn anɛ lɛ wɔ̀, bènàbena à ɓìɓan ɓi saaɗ, ù yin ɓìì rɛɛrɛɛ̀sì rìyoòyògsì ɗi bee yi Kan yi yi ri lɛ saaɗ?

MƐ̀KÌKÌÌ MƐ ƁƐKƐ̀NÌ-FÌTOM 13:10 ပူးပေါင်းရင်းမြစ်များ

MATYOO 13:38

Ziinɛ yɛ̀ɛ ri dɛm inɛ̀n; syeesyee à boo à rì ɓumɓɛ ɓɛ wooghrɛɛ rì kìlɔ̀ŋ ki aɗyoo; boo ì kìɓeɓtàg ki caaɓi ì rì ɓɛ̀roɓɛ ɓɛ wooghrɛɛ rì Ghèghey à mum.

MATYOO 15:19

Ɓisuulɛ, ɓìɓeɓtàg ɓi mɛyitì, ri fèg à rìwey ɗi mum, rì tìsɔ̀mɔ̀g, rì cɛɓ ki sààsaa, ri wii, rì rìsasààgh ɗi ɓum ɓìɓan ɓi nyoo, rì tìfena ti Bɛ̀ll, ɓi ti ɓi pɛsàg yì ɓi nɗem wu mum.

MATYOO 23:13

Nyìighnyìg rì mìni ɓɛ̀rèsàg-ɓìdɔ̀gsɛna rì Ɓɛ̀fàrìzyɛŋ ɓɛ ɓì rì lɛ, fyɛɛ̀fyɛɛ̀ ɓì ŋwɔm ìghèy ɓi ɗùm, ɓisuulɛ ɓi ghegheg ɓum lɛ ɓɛ̀ kɛɛ ɗiŋi ɓi kìlɔ̀ŋ ki aɗyòò; mìniìɓɔmiɗ kɛ̀ ɓi ɗiŋi miì, kɛ̀ ɓi ki gherɛn lɛ, ɓumɓɛ ɓɛɛ̀ kɔ̀nkɔn lɛ ɓɛɛ ɗiŋi miì, ɓɛɛ ɗiŋì. [

MATYOO 3:7

Yɛ̀ɛ Zyaŋ à ghɛngà di Ɓɛ̀fàrìzyɛŋ ri Ɓɛ̀sàdùsyɛŋ lɛɛ̀gwey ɓɛɛ̀ yùyuiy a lɔ̀ŋkii lɛ ɓɛɛ ɓaɓti ɓɔ, nni à kpaaghà ɓɔ lɛ: Mini ɓumɓɛ ɓɛ pisɛɛ ɓìgòm ɓɛ! Ghɛn yɛɛ reɓi mìni lɛ ɓi ghɛŋi rìbaŋì ɗi Bɛ̀ll ɗi ɗi tiì?

LUKAS 11:39

Wɔ̀lɛ, Kan à kpaa nyi lɛ: Mìni Ɓɛ̀fàrìzyɛŋ ɓɛ, ɓi ti ɓì tɔ̀sàg lɛ, rì jɛ̀m ì ɓeŋ, rì jɛ̀m ì taasà, kìɓan kifog mɛ̀rem min mɛ ron lɛ rì wii rì rìgɛn.

LUKAS 11:52

Nyìighnyìg rì mìni ɓɛ̀rèsàg-ɓìdɔ̀gsɛna, lɛ ɓì tekà fìɗìɓà fi riyi ɗi ɓiɓan mìnii ɓɔmiɗ kɛ̀ ɓi ɗiŋi, ɓì ki règ lɛ ɓɛ̀roɓɛ ɓɛ kɔ̀nkɔ̀ngà lɛ ɓɛɛ ɗiŋi ɓɛ̀kɛɛ̀ ɗiŋi.

ZYAŊ 1:23

Nni Zyaŋ à ɓàkà lɛ: Mɛ̀ ǹɗì jɛ̀ɛ̀ ì roànɛ a làalam̀ɓɛ̀n ɓi-reɓ lɛ pègsɛɛna bee ì Kan, lɔŋ yɛ̀ɛ ǹkpaŋzì-ɓìɓan Ezayii à kpaaghà.

ZYAŊ 8:44

Satàn yɛɛ ri seŋi wìn fɔɔnnɛ ɓi kɔ̀nkɔn lɛ di ɓyàa kìi rìkɔ̀n ɗi seŋi wìn. A ɓalag ǹwolì-ɓum à tumɛ̀n a rìtumɛ̀n, à ki ka rɛlìghà ɓi ɓi saaɗ nsoò ŋwos bog, ɓisuulɛ, saaɗ a maà ɓa ɓi a lɔ̀ŋkii; cààmɛ̀n ki a pwààpwaa ɓum, lɔŋ com ki ki riì nyi ɓi nɗem kɛɛ̀ki a kpaakpaa ɓɔ, lɛ à rì pwààpwaà, à ki ɓa ti seŋi ɓɛ̀pwàà.

MƐ̀KÌKÌÌ MƐ ƁƐKƐ̀NÌ-FÌTOM 20:30

Nsoò ɓi nyìinyìm wìn, ɓum ɓɛdɛŋ ɓɛ tumɛɛ gɛ rìrèrèsì ɗi ɓum ɓìɓan ɓi ɓi ghɛɛ̀sɛɛ ɓi, lɛ, ɓɛɛ syoŋ̀ ɓɛ̀gherɛ̀n ɓi bee yaà.

2 KƆ̀RƐ̀ŊTYƐŊ 11:3

Nsoò fɔlɔɔ, ǹɗì rì mɛ̀riighrikì lɛ, fɛlɛ yɛ̀ɛ nyoo ì yègsìghà Ɛɛvɛ rì ɗyomzɛ̀n ɗi ì ɓaghày rì ɗyɔ, mɛ̀yitì min mɛ̀ kɛɛ̀ ɓa lɛ mɛ ɓuùsɛ̀n ɓi lèg ànɛ lɛ ɓi rini lɛ rì rìsɛɛ̀dì ɗi mìniìɓɔmiɗ ɓi zi, rì rìtɛn, lɛ ɓyɛɛ̀ɓi ɓì ghɛ̀ɛ̀sɛɛ kì ɓaà rì ɓyɔ, ɓi ɓɛg ànɛ yɛ̀ɛ Kiris.

GÀLAT 1:7

Ɓi saaɗ Syeesyee à Ɓɔlɛ àdɛŋ à yiìdi wɔɔ, kìɓan kifog ɓum ɓɛdɛŋ ɓɛɛ̀ ɓùuɓuùsì mìni, ɓɛ kaakàà lɛ ɓɛɛ ruùsi Syeesyee à Ɓɔlɛ à Kiris.

EFÈZYƐŊ 4:14

Fɔlɔɔ nnɛ tyàa ɓa ti ɓi ɓɔɓti ɓɛ ɓɛ ri kɛ̀ɛ̀ goo, ɓɛ ɓɛ ri lɛ rì rìkuu ɗi dɔgtɛ̀n ɗiǹ miì ɓɛ nɔɔ̀tì, ɓum ɓɛ yeèghyègsì ɓɔ lɛ rì momzɛ̀n maa, rì mɛ̀ghèy mɛ ɓɛ ti ɓɛ syogì ɓum miì ɓi rìnàn.

2 PYƐƐRI 2:15

Yɛ̀ɛ ɓɛ caɗkà bee ì syeesyee ɓɛ kɛǹ kì pasɛɛ ɓi bee i Balam à man à Beɔr ànɛ à keesìghà rìfɔ̀n ɗi mɔ̀ɔ̀ni ɓi bee ì kìtɛ̀ŋtɛ̀ŋ,

1 ZYAŊ 3:8

Ŋwaànɛ a kɛ̀nkɛn asu à kìkì kìɓe, à rì ŋwaà Satàn, lɛ Satàn a maà kìkì kìɓe, à tumɛ̀n a rìtumɛ̀n. Man à Bɛ̀ll à yùghày lɛ, a yogsi mɛ̀kìkìì mɛ Satàn.