MƐ̀KÌKÌÌ MƐ ƁƐKƐ̀NÌ-FÌTOM 12:17 - Bafia Nouveau Testament

¹⁷ Pyɛɛri à maasì ɓɔ rì càg, à ki kali ɓɔ yɛ̀ɛ Kan à kpaŋzi yì nyi ɓi naà-zày, à kpaa tì ɓɔ lɛ, kaliina Zyag rì ɓɛ̀geni ɓis ɓɛmbog kìɓan ki, fɔɔnnɛ à kpagà, à kɛ̀n jàŋ idɛŋ.

MƐ̀KÌKÌÌ MƐ ƁƐKƐ̀NÌ-FÌTOM 12:17 ပူးပေါင်းရင်းမြစ်များ

MATYOO 10:23

I ɓɛ kii mìni ǹtɔɓ ɓi bàn ìdɛŋ, ɓì ghɛŋì ɓi bàn ìmbòg; ǹkalii mìni ɓi saaɗ lɛ, ɓyàa pumzɛn ɓi bàn yi a Isirayɛl yìcèm di Man à mum à ka yuiy ɓi.

MARIKUS 6:3

Àa nnyɛɛ ri kaminɗà, nyi man à Marii, nyi geni ɓɛ̀-Zyag ɓɛɛ Zyoozɛ, rì Zyuudɛ rì Simɔn? Ɓɛ̀geni ɓii ɓɛ ɓɛ̀yiɓ ɓɛ yiǹ fɛ rì ɓìsi? Rìɓa ɗii ɗiǹ ɗi rekà ɓɔ lɛ, ɓɛ̀ kɛɛ̀ gherɛn nyi.

LUKAS 1:22

Yɛ̀ɛ à kpagày, bee inɛ lɛ a kpaa ɓɔ com yɛ̀ kɛɛ̀ ɓa, fɔɔnnɛ ɓɛ yighà min lɛ, àa ghɛɛ kìɓan kidɛŋ ki koŋnyòò ɓi naà-Bɛ̀ll. À fèfèkà ɓɔ ɓìɓan ri ɓyàɓ ǹfèfèghɛn à rɔ̀ɓ lɔŋ mùm-mùm.

ZYAŊ 10:40

Nni Yeesus à kɛ̀ɛ̀dìghà cɛcɛɗ ki Zyuridɛŋ, ɓi jàŋ inɛ Zyaŋ à ka ɓààɓàɓtìghà ɓum, à kɔ̀rì wɔɔ.

ZYAŊ 11:54

Fɔɔnnɛ Yeesus à casɛ̀ngà kɛ̀ɛ rèsɛn ti lɛ tɛntɛ̀ɛ̀n ɓi nyìinyìm à Ɓɛ̀yudɛ̀n. À pɛ̀sɛ̀ngà foo, à kɛ̀n ɓi kòdò àdɛŋ ànɛ à ɓaghà jàŋbog rì ìreɓ, ɓi bàn ìnɛ lɛ Efirayim, à kɔ̀rì wɔɔ ri ɓɛ̀yilàg ɓii.

ZYAŊ 13:24

Simɔn Pyɛɛri à tòòghrɛ̀n ɗì ǹ-yilàg ànɛ̀n ɗì càg lɛ, a tɔg nyi ghɛn innɛ a kpaaghì.

ZYAŊ 7:1

Ajɛ̀m ìnɛn, Yeesus à rerènìghà ziì Galile lɛ à kɔ̀ngà ɓi lɛ a kɛǹ kì kɛ̀ɛ̀kɛɛ a Zyude, lɛ Ɓɛ̀yudɛ̀n ɓɛ kaakààghà lɛ ɓɛɛ wey nyi.

ZYAŊ 8:59

Fɔɔnnɛ ɓɛ pɛsàkà gɔ̀g lɛ ɓɛɛ rogi nyi, wɔ̀lɛ Yeesus à nyamzɛ̀ngà à kpaŋ ɓi naà-Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 1:15

Ŋwos adɛŋ, ɓi mɛ̀ru mɛ̀n, ɓɛ̀gherɛ̀n ɓɛ ɓaghà ɓɛ̀ taŋzɛn nunùg ɓum mɛ̀tin taàfog; nni Pyɛɛri à pɛ̀sɛ̀ngà aɗyoo ɓi nyìinyìm wàà, à kpaa lɛ:

MƐ̀KÌKÌÌ MƐ ƁƐKƐ̀NÌ-FÌTOM 12:16

Fɔɔnnɛ ɓɛ kpaaghà min lɛ: ǹghay wu Pyɛɛri wɛɛ rì nya lɛ wu ɓa, nsoò fɔlɔɔ Pyɛɛri à kɛ̀nkɛ̀ngà lɔŋ asu rì rìɓoɓòg ɗi naa. Nni yɛ̀ɛ ɓɛ ŋwaɗkà naa, ɓɛ ghɛn nyi, ɓɛ kuuràg lɛɛ̀gwey.

MƐ̀KÌKÌÌ MƐ ƁƐKƐ̀NÌ-FÌTOM 12:18

Yɛ̀ɛ duri ì tangà, kìɓan ki yeesì ɓɛ̀sujàà, ɓɛ rɔɓ kɛ̀ɛ̀ mɛ̀kanikɔ̀ɔ̀, ɓɛ tɔtɔ̀g lɛ: Nni Pyɛɛri ànɛ à ɓaa là?

MƐ̀KÌKÌÌ MƐ ƁƐKƐ̀NÌ-FÌTOM 13:16

Nni Pol à pɛ̀sɛ̀ngà aɗyoo, à maasì ɓum ɗì càg, à kpaa lɛ: Mìni ɓɔn ɓɛ Isirayɛl rì mìni ɓɛ ɓi risag Bɛ̀ll, ramina mɛ̀reè!

MƐ̀KÌKÌÌ MƐ ƁƐKƐ̀NÌ-FÌTOM 15:13

Yɛ̀ɛ ɓɛ lègsìghà ɓìtòkì, nni Zyag à pɛ̀sɛ̀ngà aɗyoo, à kpaa lɛ: Ɓɔɔsoŋ̀! Wooghna girig rìkpaa ɗyɛ̀m!

MƐ̀KÌKÌÌ MƐ ƁƐKƐ̀NÌ-FÌTOM 16:40

Yɛ̀ɛ Pol rì Silas ɓɛ kpagày naà-zày ɓɛ kɛǹ yɛ̀ɛ Lidyaa, ɓɛ ghɛn ɓɛ̀geni ɓaa ɓɛ rìgherɛ̀n, ɓɛ teèsì ɓɔ nyoo, ɓɛ ghaàgh min.

MƐ̀KÌKÌÌ MƐ ƁƐKƐ̀NÌ-FÌTOM 19:33

Nni ɓɛ sɔŋìghày ŋwaàdɛŋ ɓi gwìy inɛn ɗii lɛ Alɛgsaŋdirɛ, lɛ ŋwaànɛ̀n innɛ Ɓɛ̀yudɛ̀n ɓɛ tyɔtyɔ̀kày asu. Fɔɔnnɛ Alɛgsaŋdirɛ ànɛn à maasìghà ɓum rì càg lɛ a toòghrɛn.

MƐ̀KÌKÌÌ MƐ ƁƐKƐ̀NÌ-FÌTOM 21:18

Ɓi duri tana nnɛ Pol à kɛ̀ngà rì ɓìsi yɛ̀ɛ Zyag. Ɓɛ̀sɛ̀ɛ̀mɛn ɓɛ kiseŋi ɓɛ̀cèm ɓɛ taŋzɛ̀ngà girig wɔɔ.

MƐ̀KÌKÌÌ MƐ ƁƐKƐ̀NÌ-FÌTOM 21:40

Yɛ̀ɛ ǹkɔ̀mɛ̀n ɓɛ̀sujàà àgwey anɛ̀n à gherɛ̀ngà, Pol à rɛlìì ɓi ɓɛ̀sìtɛɓ aɗyoo, à maasì ɓum rì càg. Nni ɓum ɓɛ maarɛ̀ngà, à tòòghrɛ̀n min ɗi ɓɔ ɓi rì èbìreegh, à kpaa lɛ:

MƐ̀KÌKÌÌ MƐ ƁƐKƐ̀NÌ-FÌTOM 28:15

Yɛ̀ɛ ɓɛ̀geni ɓis ɓɛ righerɛ̀n ɓɛ a Rom ɓɛ wokà lɛ tì kpaŋi, ɓɛ yughà ɓìsi kì ɓoŋì a fyèè fi Apiyus, rì ɓi jàŋ inɛ ì ɓaghà ɗii lɛ: Naa yi ɓɛ̀kèn yiraa. Yɛ̀ɛ Pol à ghɛngà ɓɔ, à tògsàg Bɛ̀ll, nyoo yìì i tèèsɛ̀n.

1 KƆ̀RƐ̀ŊTYƐŊ 15:7

Fɔɔnnɛ à rèsɛ̀ngà Zyag, à ɓɔ̀ɓ min ɓɛkɛ̀nì-fìtom ɓɛ̀cèm.

GÀLAT 1:19

wɔ̀lɛ ǹghɛngà ɓi nkɛ̀nì-fìtom a Yeesus àdɛŋ, lɔŋ Zyag ànɛ à rì geni Kan nnɛ ǹghɛngà.

GÀLAT 2:12

Lɛ yɛ̀ɛ à kpagà wɔɔ, àa nti à ɗilàg ǹɗaŋ ri ɓumɓɛ ɓɛ yin Ɓɛ̀yudɛ̀n, wɔ̀lɛ yɛ̀ɛ ɓumɓɛ Zyag à romgày ɓɛ kpagà ɓi bàn ìnɛn, Pyɛɛri à sɔ̀ŋì ìkòò ɓi rìkì ɗiǹ, à porɛ̀n kɛ̀ɛ ɗi ti nɗaŋ ri ɓɔ, lɛ à rirìsìghà Ɓɛ̀yudɛ̀n.

GÀLAT 2:9

Fɔɔnnɛ ɓɛ gherɛ̀ngà lɛ Bɛ̀ll à kìghà mɛ̀ geesɛ̀n; ɓɛ̀-Zyag, rì Sefas rì Zyaŋ ɓɛ ɓɛ ɓaghà fɛlɛ yɛ̀ɛ ɓɛ̀ǹtɔn ɓaa, ɓɛ tukàkà ɓìsi ɓyàg lɛ rì mɛ̀ rì Ɓarinaɓas, lɛ ɓɛɛ resi lɛ, tì rì ɓɛ̀ɓùtɛn ɗi ɓɔ; fɔɔnnɛ ɓìsii ghɛɛ̀sɛ̀ngà kì kɛ̀ɛ a ɓumɓɛ ɓɛ yin Ɓɛ̀yudɛ̀n, ɓɔɔ kɛǹ a Ɓɛ̀yudɛ̀n.

ZYAG 1:1

Mɛ̀ Zyag, ànɛ ǹɗì Ǹkìì-kìsay a Bɛ̀ll rì à Kan Yeesus Kiris, ǹkàni mɛ̀pwìɗ mɛ Isirayɛl, ǹtɛ̀ɗ ɗì mɛɓɛɛ̀ mɛ mɛ saàtɛ̀ngà zi bimiɗ. Ǹtògsii yàà!