MƐ̀KÌKÌÌ MƐ ƁƐKƐ̀NÌ-FÌTOM 11:30 - Bafia Nouveau Testament

³⁰ Yɛ̀ɛ ɓɛ kighà fɔlɔɔ, nni ɓɛ romgà min Sol ɓɛɛ̀ Ɓarinaɓas rì ɓyom ɓìn lɛ, ɓɛɛ kɛǹ ɓyɔ kì faà rì ɓɛ̀sɛ̀ɛ̀mɛn ɓɛ a Zyude.

MƐ̀KÌKÌÌ MƐ ƁƐKƐ̀NÌ-FÌTOM 11:30 ပူးပေါင်းရင်းမြစ်များ

MƐ̀KÌKÌÌ MƐ ƁƐKƐ̀NÌ-FÌTOM 12:1

Ɓi mɛ̀ru mɛ̀n, rìfòm ɗi lɛ Eroodɛ ɗi tumɛ̀ngà rìtɔtɔ̀ɓ ɗi ɓum ɓɛdɛŋ ɓɛ ɓi kìseŋi ki ɓɛgherɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 12:25

Yɛ̀ɛ ɓɛ̀ Ɓarinaɓas ɓɛɛ̀ Sol ɓɛ lègsìghà fìtom fi ɓɛ kɛngà a Yorisalɛm, nni ɓɛ sugtìghà; ɓɛ ɓasɛ̀n yì ɗì Zyaŋ ànɛ ɓɛ nkpɔgì lɛ Marikus.

MƐ̀KÌKÌÌ MƐ ƁƐKƐ̀NÌ-FÌTOM 14:23

Nni ɓɛ rɛsàkà ɓɛ̀sɛ̀ɛ̀mɛn ɓi naa yi Bɛ̀ll yìcèm yi wɔɔ. Fɔɔnnɛ ɓɛ ɓaghà lɛ, i ɓaa cèli ɓiɗilàg, ɓɛ ɓɔŋzì Bɛ̀ll, ɓɛ reɓsɛ̀n min ɓɔ rì Kan ànɛ ɓumɓɛ̀n ɓɛ saghìghà ǹtyweeyi waa ɓi nyi.

MƐ̀KÌKÌÌ MƐ ƁƐKƐ̀NÌ-FÌTOM 15:2

Fɔɔnnɛ coo kiyoòyòò ki kpighà, dì Pol ɓɛɛ̀ Ɓarinaɓas ɓɛ mɛ teɗ rirèsàg ɗi ɓumɓɛ̀n nyoey, ɓɛ ren min lɛ, rì Pol rì Ɓarinaɓas rì ɓum ɓɛdɛŋ, ɓɛ ghɛɛ̀sɛɛ kì ɓɔɔ̀gh a Yorisalɛm lɛ, ɓɛɛ ghɛn ɓɛ̀kɛ̀nì-fìtom, rì ɓɛ̀sɛ̀ɛ̀mɛn ɓɛ kilɔ̀ŋ lɛ ɓɛɛ fiɓi kìɓan kiǹ.

MƐ̀KÌKÌÌ MƐ ƁƐKƐ̀NÌ-FÌTOM 15:23

Fɔɔnnɛ ɓɛ romgà ɓɔ rì kaàtà ànɛ à ɓaghà ǹkànɛn fɛlɛ̀: Ɓɛ̀geni ɓin ɓɛ lɛ, rì ɓɛ̀kɛ̀nì-fìtom, rì ɓɛ̀sɛ̀ɛ̀mɛn, ɓɛ togsaghiì mìni ɓɛ̀geni ɓaa, ɓɛ ɓì yin Ɓɛ̀yudɛ̀n, ɓɛ ɓì kɔ̀kɔrii a Aŋtyos, rì a Sirii, ri a Silisii.

MƐ̀KÌKÌÌ MƐ ƁƐKƐ̀NÌ-FÌTOM 15:4

Yɛ̀ɛ ɓɛ kpagà a Yorisalɛm nni kìseŋi rì ɓɛ̀kɛ̀nì-fìtom, rì ɓɛ̀sɛ̀ɛ̀mɛn ɓɛ ghaɓkà ɓɔ, fɔɔnnɛ Pol ɓɛɛ̀ Ɓarinaɓas ɓɛ resìghà ɓɔ ɓìɓan ɓìcèm ɓi Bɛ̀ll à kìghà rì ɓɔ.

MƐ̀KÌKÌÌ MƐ ƁƐKƐ̀NÌ-FÌTOM 15:6

Fɔɔnnɛ ɓɛ̀kɛ̀nì-fìtom rì ɓɛ̀sɛ̀ɛ̀mɛn ɓɛ taŋzɛ̀ngà lɛ ɓɛɛ fiɓi kìɓan kiǹ.

MƐ̀KÌKÌÌ MƐ ƁƐKƐ̀NÌ-FÌTOM 16:4

Ɓi bàn yìcèm yi Pol rì Silas ɓɛ ghaghìghà wɔɔ, ɓɛ ghaàghàgsìghà ɓìɓan ɓi ɓɛ̀kɛ̀nì-fìtom rì ɓɛ̀sɛ̀ɛ̀mɛn ɓɛ a Yorisalɛm ɓɛ rengà, ɓɛ ki kpaakpaa ɓum lɛ, ɓɛɛ ɓeŋ̀ ɓìɓan ɓiǹ.

MƐ̀KÌKÌÌ MƐ ƁƐKƐ̀NÌ-FÌTOM 20:17

Pol à pɛ̀sìghà ɓum a Milɛ, à rom lɛ ɓɛɛ regiì nyi ɓɛ̀sɛ̀ɛ̀mɛn ɓɛ kiseŋì ɓɛ ɓi kìseŋi ki a Efɛɛzɛ.

MƐ̀KÌKÌÌ MƐ ƁƐKƐ̀NÌ-FÌTOM 21:18

Ɓi duri tana nnɛ Pol à kɛ̀ngà rì ɓìsi yɛ̀ɛ Zyag. Ɓɛ̀sɛ̀ɛ̀mɛn ɓɛ kiseŋi ɓɛ̀cèm ɓɛ taŋzɛ̀ngà girig wɔɔ.

MƐ̀KÌKÌÌ MƐ ƁƐKƐ̀NÌ-FÌTOM 4:36

Yoosɛɓ ànɛ à ɓaghà ɓi boo ì ɓum ì Levi ìnɛ ɓi ban ìnɛ lɛ Siipirɛ, nyi nnɛ ɓɛ̀kɛ̀nì-fìtom ɓɛ nkpɔgì lɛ Ɓarinaɓas, yɛɛ lɔɔ lɛ ŋwaà-mɛ̀fegsɛn,

TIMOTE 4:14

Kɔ̀ɔ sɛɛti rifa ɗi Nghay ɗi ù rì ri ɗyɔ, ɗi ù tekà ɓi rìkpaa ɗi ɓɛ̀kpaŋzì-ɓìɓan, ɓɛ kpaaghà, ɓɛ̀sɛ̀ɛ̀mɛn ɓɛ Kiseŋi ɓɛ saghì wɔ̀ ɓyàg ɓi nyòò.

TIMOTE 5:17

Ɓɛ̀sɛ̀ɛ̀mɛn ɓɛ Kiseŋi ɓɛ ɓɛɛ̀ kɛ̀ɛkɛɛ̀sì ɓìɓan lɛ syeesyee, à ɓiisɛ̀n ɓɛ̀roɓɛ ɓɛɛ̀ teetekì ǹtɔɓ lɛ ɓɛɛ kakali ɓìɓan ɓi Bɛ̀ll ɓɛ ki rèresi ɓyɔ, ɓɛ ghɛɛ̀sɛɛ rì ǹyaasɛ̀n ànɛ à cee à ɓɛ̀ro ɓɛmbog gɛ̀n yiɓɛɛ̀.

TIMOTE 5:19

Kɔ̀ɔ gherag sɔmìnà à ǹsɛ̀ɛ̀mɛn a Kìseŋi di ɓɛ̀nkɔ̀ɔwa ɓɛ yin ɓɛɓɛɛ̀ nsoò lɛ ɓɛraa ɓɛ ɓɛɛ ɓaàzi sɔmìnà ànɛn.

Kaàtà ànɛ Pol à kàngà TIT 1:5

Tit, mɛ̀ɛ ncàri wɔ̀ a Kirɛt lɛ u legsiì kìwòŋzaagh ɓiɓan ɓi ɓi kaka wɔɔ kɛ̀ɛ̀ rìwòŋzàg, ù ki rɛsi ti ɓɛ̀sɛ̀ɛ̀mɛn ɓɛ Kiseŋi ɓi bàn yìcèm lɔŋ yɛ̀ɛ mɛ̀ɛ ǹsiitaagh wɔ̀.

ZYAG 5:14

I ŋwaàdɛŋ ànɛ ɓi nɗaŋ win a roɓi, à reŋì ɓɛ̀sɛ̀ɛ̀mɛn ɓɛ Kiseŋi, lɛ ɓɛɛ ɓɔŋzag Bɛ̀ll ɓisu wii, ɓɛ siŋì nyi mɔ̀ɔ ɓi ɗii ɗi Kan.

1 PYƐƐRI 5:1

Ǹtɔɔgh min ɓɛsɛ̀ɛ̀mɛn ɓɛ Kiseŋi ɓɛ ɓɛ ri ɓi nyìinyìm wìn, mɛ̀ ànɛ ǹɗì girig Ǹsɛ̀ɛ̀mɛn a Kìseŋi yɛ̀ɛ ɓɔ, ǹki ɓa ti wusìnɛ̀ɗ ànɛ ɓi mɛ̀tɔɓ mɛ Kiris, mɛ ti rì gàɓ ɓi rìkem ɗi ɗi ghɛɛ̀sɛɛ kì rèsɛɛ,

2 ZYAŊ 1:1

Mɛ̀ Ǹsɛ̀ɛ̀mɛn, mɛ̀ yɛɛ kani Kirya, giɓ anɛ Bɛ̀ll à ɓɔ̀ngà, rì ɓɔn ɓii ɓɛ ǹkeesii lɛ kɔɔ̀kɔɔ̀; nni àa mɛ̀ cɛ̀ncɛm yɛɛ keesii mìni, lɔŋ ɓum ɓɛ̀cèm ɓɛ ɓɛ yii saaɗ ɓɛ keesii girig mìni;

3 ZYAŊ 1:1

Mɛ̀ ǹsɛ̀ɛ̀mɛn yɛɛ kani Gayus, mum wɛm̀ à nɗem ànɛ ǹkeesii lɛ kɔɔ̀kɔɔ̀.