MƐ̀KÌKÌÌ MƐ ƁƐKƐ̀NÌ-FÌTOM 11:29 - Bafia Nouveau Testament

²⁹ Nni ɓɛ̀gherɛ̀n ɓɛ rengà lɛ, mum bimiɗ ànɛ ɓi ɓɔ, a syɔɔ̀ gàɓ ì com ìnɛ à rì lɛ à ghɛn, lɛ ɓɛɛ ghɛɓsi ɓɛ̀geni ɓaa ɓɛ ɓɛ ɓaghà a Zyude miì.

MƐ̀KÌKÌÌ MƐ ƁƐKƐ̀NÌ-FÌTOM 11:29 ပူးပေါင်းရင်းမြစ်များ

MATYOO 25:17

Roànɛ ɓɛ faghà tìraŋ̀ tiɓɛɛ̀, à kì girig dùne, à fɔ̀ɔ̀dì tidɛŋ tiɓɛɛ̀.

ZYAŊ 2:2

Ɓɛ reŋìghà girig Yeesus rì ɓɛ̀yilàg ɓii a kìsɛ̀nɛ̀ kiǹ.

MƐ̀KÌKÌÌ MƐ ƁƐKƐ̀NÌ-FÌTOM 1:15

Ŋwos adɛŋ, ɓi mɛ̀ru mɛ̀n, ɓɛ̀gherɛ̀n ɓɛ ɓaghà ɓɛ̀ taŋzɛn nunùg ɓum mɛ̀tin taàfog; nni Pyɛɛri à pɛ̀sɛ̀ngà aɗyoo ɓi nyìinyìm wàà, à kpaa lɛ:

MƐ̀KÌKÌÌ MƐ ƁƐKƐ̀NÌ-FÌTOM 11:1

Ɓɛ̀kɛ̀nì-fìtom rì ɓɛ̀geni ɓaa ɓɛ righerɛ̀n ɓɛ ɓɛ kɔkɔ̀rìghà a Zyude ɓɛ wokà lɛ, ɓumɓɛ ɓi mɛ̀kuu mɛm̀bog ɓɛ ǹghàɓi girig jɛ̀ɛ̀ ì Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 11:26

Yɛ̀ɛ à tanɛ̀ngà nyi wɔɔ, ɓɛ kɛǹ a Aŋtyos ɓɔɔ̀cèm ɓɛ kɔrì wɔɔ bimiɗ à bèg, ɓɛ sasày bas rì kìseŋi ki wɔɔ, ɓɛ ki rèrèsàkà coo bàlì ì ɓum ɓìɓan ɓi Bɛ̀ll. Nni wɔɔ a Aŋtyos nnɛ ɓɛ tɔmgà kì ròo ɓɛ̀yilàg ɗii ɗi lɛ ɓɛ̀kìristɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 13:52

Ɓi ɓɛg ànɛ a ɓɛgherɛ̀n ɓɛ a Aŋtyos, ɓɛ roǹgàkà rì kìnyàà ɓi ǹɗem, ɓɛ ki ɓa ti ɓɛ ronɛn ɗi Kìtɛntɛ̀ɛ̀n ki Nghay.

MƐ̀KÌKÌÌ MƐ ƁƐKƐ̀NÌ-FÌTOM 14:20

Wɔ̀lɛ yɛ̀ɛ ɓɛ̀yilàg ɓɛ taŋzɛ̀ngà nyi à nyoo, à pɛ̀sɛ̀n aɗyoo, à sugtì kì ɗiŋii ɓi bàn. Ɓi duri tana, ɓɛ kɛ̀ngà a Dɛriɓɛ ɓɛɛ̀ Ɓarinaɓas.

MƐ̀KÌKÌÌ MƐ ƁƐKƐ̀NÌ-FÌTOM 14:22

Ɓɛ fafàghà ɓɛ̀gherɛ̀n ɓɛ wɔɔ itèɗ ɓi ǹɗem ɓɛ rerèɓ ɓɔ lɛ, ɓɛɛ siìrɛn ɓi rìgherɛ̀n, di ɓɛɛ̀ kpaakpaa lɛ: Ki ghɛɛ̀sɛɛ lɛ, ti ka wog mɛtɔɓ lɛɛ̀gwey ɓi ɗi lɛ ti ɗiŋi ɓi kìlɔ̀ŋ ki Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 24:17

Di ki mɛ finɛn bèg lɛɛ̀gwey yɛ̀ɛ ǹghaghìghà, nnɛ mɛ̀ɛ n-yùu rì ɓyom lɛ nkaɓsag rì ɓumɓɛ nyìighnyìg ɓɛ ɓi kìlɔ̀ŋ kɛm̀, ǹki fùnɛn ɓituwe ɓi rìɓɔgsì ɗi Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 4:34

Ŋwaàdɛŋ à yɛɓɛ̀ngà ɓi com ɓi nyìinyìm wàà lɛ, ɓɛ̀roɓɛ ɓɛ ɓaghà rì dɛm, rì ɓɛ ɓɛ ɓaghà rì mɛɛ ɓɛ kakàɓkà ɓyom ɓìn, ɓɛ yuyù rì mɔ̀ɔ̀ni mɛ miì

MƐ̀KÌKÌÌ MƐ ƁƐKƐ̀NÌ-FÌTOM 6:1

Ɓi cààmɛ̀n kiǹ, yɛ̀ɛ bàlì ì ɓɛ̀gherɛ̀n ì tèèghtèghɛ̀ngà nni ɓumɓɛ ɓɛ totòkà rìgìrɛg ɓɛ tumɛ̀ngà rìcɛɛ̀cɛ̀mdɛ̀n ɗi ɓɛroɓɛ ɓɛ totòkà kìtòkì ki Ɓɛ̀yudɛ̀n, ɓisuulɛ ɓɛ ǹti ɓɛ ɗimzàg mɛ̀kpɔɓ maa ɓi kàɓ à ɓìɗilàg ànɛ ɓɛ ǹkìlàg ɓɛ̀ŋwos ɓɛ̀cèm.

MƐ̀KÌKÌÌ MƐ ƁƐKƐ̀NÌ-FÌTOM 9:19

Yɛ̀ɛ à ɗighà ɓìɗilàg, ìtèɗ wu yutì nyi ɓi nyoo. À kɔ̀rìghà tì gàɓ ì mɛ̀ru rì ɓɛ̀gherɛ̀n ɓɛ a Damas.

MƐ̀KÌKÌÌ MƐ ƁƐKƐ̀NÌ-FÌTOM 9:25

Nni ɓɛ̀yilàg ɓii ɓɛ tekà nyi ɓi-ru wudɛŋ, ɓɛ kaŋ̀ nyi ɓi kìkpoŋ, ɓɛ ɓɔg gari ɗi nyi lɛ ɓɛɛ sɛɛ̀di nyi rì ǹɗig ɓɛg àmbog.

1 KƆ̀RƐ̀ŊTYƐŊ 13:5

Ǹkɔ̀nɛ̀n à ti kɛ̀ɛ kì kiɓan ki kitɛ̀ŋtɛ̀ŋ, ǹkɔ̀nɛ̀n à ti kɛ̀ɛ pàg ɓi kaagh, kɛ̀ɛ wog bim, kɛ̀ɛ ɓa ri mɛ̀nyaàkà,

GÀLAT 2:10

Kìɓan kifog ki ɓɛ tɔkà ɓìsi ki ɓaghà lɛ, ɓìsii yitàg lɛ ti ghɛɓsi ɓɛ̀gherɛ̀n ɓɛ ɓɛ ɓaghà ɓɛ̀soghàsogha a Yorisalɛm; kìɓan kiǹ kɛɛ̀ki ǹsììrɛ̀ngà ɓi rìkì.