MƐ̀KÌKÌÌ MƐ ƁƐKƐ̀NÌ-FÌTOM 11:26 - Bafia Nouveau Testament

²⁶ Yɛ̀ɛ à tanɛ̀ngà nyi wɔɔ, ɓɛ kɛǹ a Aŋtyos ɓɔɔ̀cèm ɓɛ kɔrì wɔɔ bimiɗ à bèg, ɓɛ sasày bas rì kìseŋi ki wɔɔ, ɓɛ ki rèrèsàkà coo bàlì ì ɓum ɓìɓan ɓi Bɛ̀ll. Nni wɔɔ a Aŋtyos nnɛ ɓɛ tɔmgà kì ròo ɓɛ̀yilàg ɗii ɗi lɛ ɓɛ̀kìristɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 11:26 ပူးပေါင်းရင်းမြစ်များ

MATYOO 28:19

Kɛ̀ɛna! ɓi ki lɛ ɓumɓɛ ɓi ɓìlɔ̀ŋ ɓìcèm ɓɛɛ ɓa ɓɛ̀yilàg ɓɛm, ɓì ɓàɓtì ɓɔ ɓi ɗii ɗi Seŋi, rì Man, rì Kìtɛntɛ̀ɛ̀n ki Nghay;

ZYAŊ 2:2

Ɓɛ reŋìghà girig Yeesus rì ɓɛ̀yilàg ɓii a kìsɛ̀nɛ̀ kiǹ.

MƐ̀KÌKÌÌ MƐ ƁƐKƐ̀NÌ-FÌTOM 1:15

Ŋwos adɛŋ, ɓi mɛ̀ru mɛ̀n, ɓɛ̀gherɛ̀n ɓɛ ɓaghà ɓɛ̀ taŋzɛn nunùg ɓum mɛ̀tin taàfog; nni Pyɛɛri à pɛ̀sɛ̀ngà aɗyoo ɓi nyìinyìm wàà, à kpaa lɛ:

MƐ̀KÌKÌÌ MƐ ƁƐKƐ̀NÌ-FÌTOM 11:20

Nni gàɓ ì ɓɛ̀gherɛ̀n ìdɛŋ ìnɛ ì ɓaghà lɛ, rì ɓumɓɛ a Siipirɛ, rì ɓumɓɛ a Sirɛn, ɓɛ kɛngà a Aŋtyos, ɓɔɔ totòkà girig rì ɓumɓɛ ɓɛ ɓaghà Gìrɛg, ɓɛ kpaakpaa ɓɔ Syeesyee à Ɓɔlɛ à Kan Yeesus.

MƐ̀KÌKÌÌ MƐ ƁƐKƐ̀NÌ-FÌTOM 11:22

Yɛ̀ɛ ɓumɓɛ ɓi kìseŋi ki a Yorisalɛm ɓɛ wokà gom ì kìɓan kiǹ, fɔɔnnɛ ɓɛ romgà Ɓarinaɓas a Aŋtyos.

MƐ̀KÌKÌÌ MƐ ƁƐKƐ̀NÌ-FÌTOM 11:27

Ɓi cààmɛ̀n kiǹ, ɓɛ̀kpaŋzì-ɓìɓan ɓɛ pɛsɛ̀ngày a Yorisalɛm, ɓɛ sɛn a Aŋtyos.

MƐ̀KÌKÌÌ MƐ ƁƐKƐ̀NÌ-FÌTOM 11:29

Nni ɓɛ̀gherɛ̀n ɓɛ rengà lɛ, mum bimiɗ ànɛ ɓi ɓɔ, a syɔɔ̀ gàɓ ì com ìnɛ à rì lɛ à ghɛn, lɛ ɓɛɛ ghɛɓsi ɓɛ̀geni ɓaa ɓɛ ɓɛ ɓaghà a Zyude miì.

MƐ̀KÌKÌÌ MƐ ƁƐKƐ̀NÌ-FÌTOM 14:20

Wɔ̀lɛ yɛ̀ɛ ɓɛ̀yilàg ɓɛ taŋzɛ̀ngà nyi à nyoo, à pɛ̀sɛ̀n aɗyoo, à sugtì kì ɗiŋii ɓi bàn. Ɓi duri tana, ɓɛ kɛ̀ngà a Dɛriɓɛ ɓɛɛ̀ Ɓarinaɓas.

MƐ̀KÌKÌÌ MƐ ƁƐKƐ̀NÌ-FÌTOM 14:22

Ɓɛ fafàghà ɓɛ̀gherɛ̀n ɓɛ wɔɔ itèɗ ɓi ǹɗem ɓɛ rerèɓ ɓɔ lɛ, ɓɛɛ siìrɛn ɓi rìgherɛ̀n, di ɓɛɛ̀ kpaakpaa lɛ: Ki ghɛɛ̀sɛɛ lɛ, ti ka wog mɛtɔɓ lɛɛ̀gwey ɓi ɗi lɛ ti ɗiŋi ɓi kìlɔ̀ŋ ki Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 14:23

Nni ɓɛ rɛsàkà ɓɛ̀sɛ̀ɛ̀mɛn ɓi naa yi Bɛ̀ll yìcèm yi wɔɔ. Fɔɔnnɛ ɓɛ ɓaghà lɛ, i ɓaa cèli ɓiɗilàg, ɓɛ ɓɔŋzì Bɛ̀ll, ɓɛ reɓsɛ̀n min ɓɔ rì Kan ànɛ ɓumɓɛ̀n ɓɛ saghìghà ǹtyweeyi waa ɓi nyi.

MƐ̀KÌKÌÌ MƐ ƁƐKƐ̀NÌ-FÌTOM 14:27

Yɛ̀ɛ ɓɛ kpagà a Aŋtyos, ɓɛ taŋzɛ̀n ɓɛ̀gherɛ̀n ɓɛ ɓi kìseŋi ki wɔɔ, ɓɛ kpaa ɓɔ ɓìɓan ɓìcèm ɓi Bɛ̀ll à faghà ɓɔ ìtèɗ wulɛ ɓɛɛ kikì, à ɓiisɛ̀n rìnɛm ɗi à nɛmgà ɓum ɓɛ zɛy bee inɛ ɓɛɛ gherɛn girig nyi.

MƐ̀KÌKÌÌ MƐ ƁƐKƐ̀NÌ-FÌTOM 14:28

Fɔɔnnɛ ɓɛ kɔrìghà gàɓ ì mɛ̀ru rì ɓɛ̀gherɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 18:27

Ajɛ̀m ìnɛn, Apolos à fèkà lɛ a kɛǹ a Akayi, ɓɛ̀geni ɓii ɓɛ righerɛ̀n ɓɛ teèsì nyi nyoo lɛ a kɛǹ, ɓɛ ki kàn ɓɛgherɛ̀n ɓɛ wɔɔ lɛ, ɓɛɛ ghaɓ nyi lɛ syeesyee. Yɛ̀ɛ à kpàgà wɔɔ, à ɓaghà rì ǹghɛɓsɛn ɓisuu ɓum ɓɛ̀cèm ɓɛ geesɛ̀n ì Bɛ̀ll ì kìghà lɛ, ɓɛɛ ɓa ɓɛ̀gherɛ̀n,

MƐ̀KÌKÌÌ MƐ ƁƐKƐ̀NÌ-FÌTOM 19:9

Nni yɛ̀ɛ ɓɛ̀ro ɓɛdɛŋ ɓɛ ɓaghà mɛ̀rem mɛ̀tèɗkakɛn ɓɛ̀ kɛɛ̀ kɔ̀n lɛ di ɓaa gherɛɛ, ɓɛ ki feefengì bee ì Kan ɓi mɛ̀reè mɛ ɓum, fɔɔnnɛ Pol à pɛ̀sɛ̀ngà ɓi nyìinyìm wàà, à teɗ ɓɛ̀yilàg à kɛ̀n ɗì ɓɔ jàŋ ìdɛŋ, à kuùkùrɛ̀n ɗì ɓɔ ɓɛ̀ŋwos ɓɛ̀cèm ɓi naà-sùkurì ì Tiranus.

MƐ̀KÌKÌÌ MƐ ƁƐKƐ̀NÌ-FÌTOM 20:1

Yɛ̀ɛ kìyoòyòò kiǹ ki lekà, Pol à taŋzɛ̀n ɓɛ̀gherɛ̀n, fɔɔnnɛ à ɓaa lɛ à mɛ reɓ ɓɔ, à ghesɛ̀n min ɓɔ, à kɛ̀n a Masedwan.

MƐ̀KÌKÌÌ MƐ ƁƐKƐ̀NÌ-FÌTOM 20:30

Nsoò ɓi nyìinyìm wìn, ɓum ɓɛdɛŋ ɓɛ tumɛɛ gɛ rìrèrèsì ɗi ɓum ɓìɓan ɓi ɓi ghɛɛ̀sɛɛ ɓi, lɛ, ɓɛɛ syoŋ̀ ɓɛ̀gherɛ̀n ɓi bee yaà.

MƐ̀KÌKÌÌ MƐ ƁƐKƐ̀NÌ-FÌTOM 21:4

Tì kɔrìghà wɔɔ mɛru taàɓɛ̀ɛ̀, lɛ tì tanɛ̀ngà ɓɛ̀gherɛ̀n wɔɔ, Kìtɛntɛ̀ɛ̀n ki Nghay ki tinì bɛ̀gherɛ̀n lɛ ɓɛɛ kpaà Pol lɛ, kɛ̀ɛ ɓɔg a Yorisalɛm.

MƐ̀KÌKÌÌ MƐ ƁƐKƐ̀NÌ-FÌTOM 26:28

Nni Agiripa à kpaaghà Pol lɛ: Ki rɔɓi lɛsàg lɛ, u ki lɛ m̀ɓa kìristɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 6:1

Ɓi cààmɛ̀n kiǹ, yɛ̀ɛ bàlì ì ɓɛ̀gherɛ̀n ì tèèghtèghɛ̀ngà nni ɓumɓɛ ɓɛ totòkà rìgìrɛg ɓɛ tumɛ̀ngà rìcɛɛ̀cɛ̀mdɛ̀n ɗi ɓɛroɓɛ ɓɛ totòkà kìtòkì ki Ɓɛ̀yudɛ̀n, ɓisuulɛ ɓɛ ǹti ɓɛ ɗimzàg mɛ̀kpɔɓ maa ɓi kàɓ à ɓìɗilàg ànɛ ɓɛ ǹkìlàg ɓɛ̀ŋwos ɓɛ̀cèm.

MƐ̀KÌKÌÌ MƐ ƁƐKƐ̀NÌ-FÌTOM 6:5

Fèg ànɛn à kɔ̀ngà ǹɗaŋ wu ɓɛgherɛ̀n wùcèm nni ɓɛ ɓɔngà min lɛ, rì Ityɛn ànɛ à ɓaghà rì coo righerɛ̀n à ki ɓati ǹɗonɛn ri Kìtɛntɛ̀ɛ̀n ki Nghay, rì Filiɓ, rì Pikɔɔri, rì Nikanɔɔri, rì Timɔŋ, rì Parimenas, rì Nikola ànɛ à ɓaghà a Aŋtyos, à ki lɔ̀ɔ̀ghrɛn à ɗiŋì ɓi rìgherɛ̀n ɗi Ɓɛ̀yudɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 9:19

Yɛ̀ɛ à ɗighà ɓìɗilàg, ìtèɗ wu yutì nyi ɓi nyoo. À kɔ̀rìghà tì gàɓ ì mɛ̀ru rì ɓɛ̀gherɛ̀n ɓɛ a Damas.

MƐ̀KÌKÌÌ MƐ ƁƐKƐ̀NÌ-FÌTOM 9:38

Yɛ̀ɛ ɓɛ̀gherɛ̀n ɓɛ a Zyope ɓɛ wokà lɛ Pyɛɛri à rì a Lida, Lida ànɛn à ràɓsɛ̀ngà ɓi loò rì Zyope, nni ɓɛ romgà ɓum ɓɛɓɛɛ̀ lɛ ɓɛɛ kɛǹ kì kpaà Pyɛɛri lɛ: Kùrùg yuis̀ a lɔ̀ŋkis, kɔ̀ɔ̀ lɛ̀mziì.

1 KƆ̀RƐ̀ŊTYƐŊ 11:18

Kìɓan ki asu ki ri lɛ, nwoki lɛ ɓì ti lɛ, i ɓì taŋzɛɛ rìghàdà, ǹlànag wu ɓa ɓi nyìinyìm wìn, mɛ̀ nki gherɛɛ kìɓan kiǹ gàɓ.

1 KƆ̀RƐ̀ŊTYƐŊ 12:12

Ɓisuulɛ nyoo ì mum ì rì lɔŋ bog, wɔ̀lɛ ì teghɛ̀n ɓìkàɓ; kìɓan kifog, nsoò yɛ̀ɛ ɓìkàɓ ɓiǹ ɓìcèm ɓi teghɛɛ bàlì, ɓyɛɛ toŋi lɔŋ mbobog à nyoo, fɔlɔɔ nnɛ Kiris à rì girig.

1 KƆ̀RƐ̀ŊTYƐŊ 14:23

I ki ri min lɛ, ɓi ntaŋzen wu kiseŋi kìcèm ɓum ɓɛ̀cɛ̀m ɓɛɛ̀ tòtog ɓi ɓitòkì, nni nnɛ ɓum ɓɛ ɓi kìlɔ̀ŋ, nsoò lɛ ɓumɓɛ ɓe yin ɓɛgerɛ̀n, ɓɛ ɗiŋii yì wɔɔ, ɓɛ ri ɓiì rɔ̀ɓi ɓɛ̀ kɛɛ kpaa lɛ ɓì ghali ɓìyɛ̀g di ki ɓaa là?

1 KƆ̀RƐ̀ŊTYƐŊ 4:17

Ɓisuu kiɓan kiǹ nnɛ ǹɗomgày mìni Timote á man wɛm̀ à ǹɗem ànɛ ǹɗì rì ǹtyweeyi ri nyi ɓi rìgherɛ̀n; nnyɛɛ ri mìni biì yitii ɓiɓan ɓi mɛ̀ɛ nnɔ̀ɔnɔɔ̀tì ɓi cɛɓ kɛ̀m ki ɓi Kiris, ɓìɓan ɓi nki rèresi jàŋ bimiɗ ɓi ɓìseŋi ɓi Kiris ɓìcèm.

EFÈZYƐŊ 3:15

ànɛ naa yi ɓum yìcèm lɛ rì yi aɗyoo rì yi ɓi ziinɛ, yɛɛ̀ fuughag yi a lɔ̀ŋkii.

ZYAG 2:7

Àa ɓɔ yɛɛ ti ɓɛ fengàg syeesyee à ɗii ànɛ ɓì tɛ̀tɛɛgh?

1 PYƐƐRI 4:14

I ɓɛɛ̀ sɛɛsɛmgì mìni lɛ ɗii ɗi Kiris, di ɓì rì ɓɛ̀mààghmaagh ɓisuulɛ Ǹghay à rìkem, Ǹghay à Bɛ̀ll à rì ɓi mìni.

1 PYƐƐRI 4:16

wɔ̀lɛ i ki ri lɛ ɓi wowog ntɔɓ ɓi ɗii ɗi lɛ kìristɛ̀n, kɛ̀ ɓi wog ntoòrìɗ, ɓì ghɛ̀ɛ̀sɛɛ lɔŋ ki kemzii Bɛ̀ll ɓisuu ɗii ɗìn.

1 ZYAŊ 2:27

Ɓi ɓɛg wìn, Kiris à miskà Nghay wìì ɓi mìni; fɔɔnnɛ ɓì yiìdi ri zày ì rìrèsàg ɗi ŋwaàɗɛŋ ɓisuulɛ Nghay wìì a rèresi mini ɓìɓan ɓicèm; rìrèsì ɗii ɗi ri lɛ saaɗ, ɗi yin ɓɛpwàà, kìɓan kiǹ kɛɛ̀ki ɓì ghɛɛ̀sɛɛ kì woògh rìrèsì ɗi Nghay, ɓì ɓa ɓɛ̀ràrɛn ɗi Kiris.

ÀPÒKÀLIƁSƐ̀ 3:18

nni ǹɗeɓi wɔ̀ lɛ u lag gol ìnɛ ɗuu ɗi ghaŋzii a lɔ̀ŋkɛm̀, di fɔɔnnɛ u ɓa rì ìkum, ù làg girig ɓìlàà ɓi puɓ lɛ u waàtɛn ɓyɔ, di ǹtoòrìɗ wɔɔ wulɛ ù rì kìtòn zɛy wɛ̀ kɛɛ̀ ghɛnɛn; ù ki làg boòboo ìnɛ lɛ u foŋɗɛn ɓi mis di fɔɔnnɛ u ghɛnɛn.