MƐ̀KÌKÌÌ MƐ ƁƐKƐ̀NÌ-FÌTOM 11:19 - Bafia Nouveau Testament

¹⁹ Ǹtɔɓ wu ɓɛ tɔtɔ̀ɓkà ɓɛ̀gherɛ̀n ɓi cààmɛ̀n ki ɓɛ wolà Ityɛn, wu kìghà lɛ ɓɛ̀gherɛ̀n ɓɛɛ saàtɛn. Fɔɔnnɛ gàɓ ìdɛŋ ì kɛ̀ngà a Fenisii, rì ɓi kìrìŋ ki riɓày ki lɛ Siipirɛ, rì a Aŋtyos, kìɓan kifog, lɔŋ Ɓɛ̀yudɛ̀n ɓɔ rì ɓɔ ɓɛɛ̀ɓɛ ɓɛ kpaakpààghà jɛ̀ɛ̀ ì Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 11:19 ပူးပေါင်းရင်းမြစ်များ

MATYOO 10:6

Kɛ̀ ɓi kɛ̀n a ɓumɓɛ ɓɛ yii ɓi Bɛ̀ll, kɛ̀ ɓi ki ɗiŋi ɓi bàn yi a Samari, kɛ̀ɛna lɔŋ a ɓɔni jɔ̀ɔ̀ ɓɛ Isirayɛl ɓɛ ɓɛ ɗimgà.

ZYAŊ 7:35

Nni Ɓɛ̀yudɛ̀n ɓɛ tɔɔghrɛ̀ngà ɓɔmiɗ lɛ: Fennɛ àrì ɓiì kɛ̀ɛ ɓi ɗi lɛ tyɛ̀ ki ghɛn nyi? A kɛ̀n nya a Ɓɛ̀yudɛ̀n ɓɛ ɓɛ ri ɓɛ̀sààtɛn ɓi bàn yi Gìrɛg, à rèèrèsàg ɓumɓɛ ɓɛ ri Gìrɛg wɔɔ giǹ?

MƐ̀KÌKÌÌ MƐ ƁƐKƐ̀NÌ-FÌTOM 11:20

Nni gàɓ ì ɓɛ̀gherɛ̀n ìdɛŋ ìnɛ ì ɓaghà lɛ, rì ɓumɓɛ a Siipirɛ, rì ɓumɓɛ a Sirɛn, ɓɛ kɛngà a Aŋtyos, ɓɔɔ totòkà girig rì ɓumɓɛ ɓɛ ɓaghà Gìrɛg, ɓɛ kpaakpaa ɓɔ Syeesyee à Ɓɔlɛ à Kan Yeesus.

MƐ̀KÌKÌÌ MƐ ƁƐKƐ̀NÌ-FÌTOM 11:22

Yɛ̀ɛ ɓumɓɛ ɓi kìseŋi ki a Yorisalɛm ɓɛ wokà gom ì kìɓan kiǹ, fɔɔnnɛ ɓɛ romgà Ɓarinaɓas a Aŋtyos.

MƐ̀KÌKÌÌ MƐ ƁƐKƐ̀NÌ-FÌTOM 13:1

Ɓi kìseŋi ki a Aŋtyos, ɓɛ̀kpaŋzì-ɓìɓan ɗì ɓyoo ɓɛrèsàg sùkurù ɓɛ ɓaghà wɔɔ. Ɓɛ ɓaghà lɛ: rì Ɓarinaɓas rì Simeyɔŋ ànɛ à ɓatìghà ɗii lɛ ŋwaà-ǹfin, rì Lusyus ànɛ a Sirɛn rì Manaɛŋ ànɛ ɓɛ tɔɔsɛ̀ngà rì gɔmìnà ànɛ lɛ Eroodɛ, rì Sol.

MƐ̀KÌKÌÌ MƐ ƁƐKƐ̀NÌ-FÌTOM 13:4

Yɛ̀ɛ Kìtɛntɛ̀ɛ̀n ki Nghay ki romgà Sol ɓɛɛ̀ Ɓarinaɓas fɔlɔɔ, fɔɔnnɛ ɓɛ sɛngà a Silisii, wɔɔnnɛ ɓɛ ɓɔkà kìkɔm lɛ ɓɛɛ kɛǹ a Siipirɛ.

MƐ̀KÌKÌÌ MƐ ƁƐKƐ̀NÌ-FÌTOM 13:46

Fɔɔnnɛ ɓɛ̀-Pol ɓɛɛ̀ Ɓarinaɓas ɓɛ kpaghà ɓɔ lɛ fwàafwàày lɛ: Ki ǹghɛ̀ɛ̀sɛɛ lɛ, jɛ̀ɛ̀ ì Bɛ̀ll yɛ̀ɛ log kì kpaarɛɛ a lɔ̀ŋkin, nni yɛ̀ɛ ɓì ɓèni yɔ̀ yɛɛ lɔɔ lɛ, ɓì ghɛɛ lɛ cɛɓ ki fìɗyàɓ fikɔ̀ɔ̀ ki ghɛɛ̀sɛɛ ɓi ri mìni, nni ɓìsii tiŋ̀mɛɛ min a ɓumɓɛ ɓɛ yin Ɓɛ̀yudɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 14:26

Wɔɔnnɛ ɓɛ teri min kikɔm lɛ, ɓɛɛ kɛǹ a Aŋtyos ànɛ ɓɛ pɛsɛ̀ngày wɔɔ, jàŋ inɛ ɓɛ reɓsɛ̀ngà ɓɔ rì Bɛ̀ll à geesɛ̀n, ɓisuu kisay ki ɓɛ kighày kiǹ.

MƐ̀KÌKÌÌ MƐ ƁƐKƐ̀NÌ-FÌTOM 15:22

Nni fɔɔnnɛ ɓɛ̀kɛ̀nì-fìtom rì ɓɛ̀sɛ̀ɛ̀mɛn rì kìseŋi kìcèm ɓɛ ghɛngà lɛ ɓɛɛ ɓɔǹ ɓum ɓɛɗɛŋ ɓi nyìinyìm wàà, di ɓɛɛ rom ɓɔ nɗaŋ ri Pol ɓɛɛ̀ Ɓarinaɓas a Aŋtyos. Nni ɓɛ ɓɔngà min lɛ, rì Zyuudɛ ànɛ ɓɛ nɗegàg tì lɛ Ɓarisaɓas, rì Silas. Kìɓɛ̀ɛ̀ ki ɓum kìn ki ɓaghà ɓumɓɛ ɓɛ̀geni ɓaa ɓɛ righerɛ̀n ɓɛ keesìghà lɛɛ̀gwey.

MƐ̀KÌKÌÌ MƐ ƁƐKƐ̀NÌ-FÌTOM 15:3

Kìseŋi ki ki a Aŋtyos ki faghà ɓɔ ɓyom ɓi ɓi kɔ̀ɔ̀kɔ̀nɛ̀ngà ɓi rìkɛ̀ɛ̀ ɗyaa: Fɔɔnnɛ ɓɛ fyeeghà a Fenisii rì a Samari di ɓɛɛ̀ kpaakpaa ɓɛgeni ɓaa rilɔ̀ɔ̀ghrɛ̀n ɗi ɓum ɓɛ zɛy ɓɛ lɔɔ̀ghrɛ̀ngà, ɓɛ gherɛ̀n Bɛ̀ll. Ɓɔlɛ ànɛ̀n à faghà ɓɛ̀geni ɓaa ɓɛǹ coo kinyàà ɓi ǹɗem.

MƐ̀KÌKÌÌ MƐ ƁƐKƐ̀NÌ-FÌTOM 15:30

Fɔɔnnɛ ɓumɓɛ ɓɛ romgà ɓɛǹ, ɓɛ kɛngà min a Aŋtyos, ɓɛ taŋzɛ̀n ɓɛ̀gherɛ̀n ɓɛ wɔɔ, lɛ ɓɛɛ fa ɓɔ kaàtà ànɛ ɓɛ kangày ɓɔ.

MƐ̀KÌKÌÌ MƐ ƁƐKƐ̀NÌ-FÌTOM 15:35

Fɔɔnnɛ ɓɛ̀-Pol ɓɛɛ̀ Ɓarinaɓas ɓɛ rɔ̀ɓkà a Aŋtyos, ɓɛ ɓasɛ̀n ɗì ɓum ɓɛdɛŋ ɓi rìrèrèsì rì ɓi rìkakàlì ɗi Syeesyee à Ɓɔlɛ à Kan.

MƐ̀KÌKÌÌ MƐ ƁƐKƐ̀NÌ-FÌTOM 15:39

Ɓɛ nyolɛ̀ngà lɛɛ̀gwey lèg ànɛ lɛ, ɓɛ syɔngà kì ghasɛɛ, lɛ rì mum à ròŋì bee yiì, fɔɔnnɛ Ɓarinaɓas ɓɛɛ̀ Marikus ɓɛ ɓɔkà kìkɔm, ɓɛ kɛǹ a Siipirɛ.

MƐ̀KÌKÌÌ MƐ ƁƐKƐ̀NÌ-FÌTOM 18:22

Yɛ̀ɛ à sɛni fìtimà à Sezare, à ɓɔg kitògsii ǹɗaŋ wu ɓɛgherɛ̀n wu a Yorisalɛm, fɔɔnnɛ à sɛngà min a Aŋtyos.

MƐ̀KÌKÌÌ MƐ ƁƐKƐ̀NÌ-FÌTOM 21:16

Ɓɛ̀gherɛ̀n ɓɛdɛŋ ɓɛ a Sezare ɓɛ tì kɛ̀ɛ̀zɛ̀ngà rì ɓɔ, ɓɛ kɛngà ɓìsi kì foŋì yɛ̀ɛ Nazɔŋ, ŋwaànɛ a Siipirɛ, kìbog ki ɓi ɓɛ̀gherɛ̀n ɓɛ ǹtonto, lɛ ti kɔri wɔɔ.

MƐ̀KÌKÌÌ MƐ ƁƐKƐ̀NÌ-FÌTOM 21:2

Tì tanɛ̀ngà fìtimà fi fi ɓaghà ɓiì kɛ̀nkɛni a Fenisii, tì ɓɔg min miì, tì kɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 3:26

Mìni yɛɛ ri ɓumɓɛ asu ɓɛ Bɛ̀ll à ɓɔ̀ngà ǹkìì-kìsay wiì ɓisu waa, à rom yì nyi, lɛ a maŋ̀ mìni, di a ki lɛ mum bimiɗ ànɛ ɓi mìni a càɗ ɓìɓeɓtàg ɓii ɓi mɛkìkìì.

MƐ̀KÌKÌÌ MƐ ƁƐKƐ̀NÌ-FÌTOM 4:36

Yoosɛɓ ànɛ à ɓaghà ɓi boo ì ɓum ì Levi ìnɛ ɓi ban ìnɛ lɛ Siipirɛ, nyi nnɛ ɓɛ̀kɛ̀nì-fìtom ɓɛ nkpɔgì lɛ Ɓarinaɓas, yɛɛ lɔɔ lɛ ŋwaà-mɛ̀fegsɛn,

MƐ̀KÌKÌÌ MƐ ƁƐKƐ̀NÌ-FÌTOM 6:5

Fèg ànɛn à kɔ̀ngà ǹɗaŋ wu ɓɛgherɛ̀n wùcèm nni ɓɛ ɓɔngà min lɛ, rì Ityɛn ànɛ à ɓaghà rì coo righerɛ̀n à ki ɓati ǹɗonɛn ri Kìtɛntɛ̀ɛ̀n ki Nghay, rì Filiɓ, rì Pikɔɔri, rì Nikanɔɔri, rì Timɔŋ, rì Parimenas, rì Nikola ànɛ à ɓaghà a Aŋtyos, à ki lɔ̀ɔ̀ghrɛn à ɗiŋì ɓi rìgherɛ̀n ɗi Ɓɛ̀yudɛ̀n.

GÀLAT 2:11

Wɔ̀lɛ yɛ̀ɛ Pyɛɛri à kpagà a Aŋtyos, nni ǹfaghà nyi rìnàn ɓi mis mɛ ɓum ɓisuulɛ à sɛ̀rìghà.