MƐ̀KÌKÌÌ MƐ ƁƐKƐ̀NÌ-FÌTOM 11:14 - Bafia Nouveau Testament

¹⁴ nyɛɛ ri wɔ̀ ɓiì kpaa ɓìɓan ɓi ɓi ri ɓiì ghɛɓsii lɛ, rì wɔ̀, rì naa yɔ̀ɔ̀ ì ɓum bimiɗ

MƐ̀KÌKÌÌ MƐ ƁƐKƐ̀NÌ-FÌTOM 11:14 ပူးပေါင်းရင်းမြစ်များ

MARIKUS 16:16

Ŋwaànɛ à rì ɓiì gherɛɛ, à ki ɓaɓtɛn nnyɛɛ ri ɓiì ghɛɛ̀ cɛɓ; wɔ̀lɛ ŋwaànɛ à gherɛɛ ɓi à ɓiì terì bɛ̀lɛn.

LUKAS 19:10

Rì tì lɛ Man à mum à yùghà lɛ, a kaà à ki ghɛɓsi ɓumɓɛ ɓɛ ɓaghà ɓɛ̀ɗimɛn.

ZYAŊ 12:50

Fɔɔnnɛ ǹ-yii lɛ ǹsiŋdɛn wii wu ri cɛɓ ki fiɗyàɓ fikɔ̀ɔ̀. Nni ɓìɓan ɓi nkpaakpàà, mɛ̀ɛ nkpaakpaa lɔŋ ɓyɔ yɛ̀ɛ Tààta à kalìghà mɛ̀ lɛ ǹkpaà.

ZYAŊ 20:31

Kìɓan kifog, gàɓ ìnɛ ì rì ǹkànɛn lɛ di ɓi gherɛn lɛ Yeesus à rì Kiris, Man à Bɛ̀ll, rì tì lɛ, i ɓì gherɛɛ, ɓì ɓa rì cɛɓ lɛ nyi.

ZYAŊ 4:53

Fɔɔnnɛ seŋi man ànɛ̀n à yitìghà lɛ, cààmɛ̀n kiǹ kɛɛ̀ki Yeesus àa nkpaa nyi lɛ: Man wɔɔ̀ à rì cem. Nni à gherɛ̀ngà Yeesus rì rìmɛɛ ɗii ɗicèm.

ZYAŊ 6:63

Ǹghay wɛɛ̀ fafa cɛɓ, mɛ̀mùù mɛ yin ɗi gɛɓsɛ̀n. Fɔɔnnɛ ɓìɓan ɓi màa kpaa mìni ɓi ri ɓìɓan ɓi Nghay, rì ɓi cɛɓ.

ZYAŊ 6:68

Simɔn Pyɛɛri à pɛ̀ɛ̀zìghà nyi lɛ: Kan, tì ɓiì kɛ̀ɛ yɛ̀ɛ ghɛn? Ù rì rì ɓìɓan ɓi cɛɓ ki fiɗyàɓ fikɔ̀ɔ̀.

MƐ̀KÌKÌÌ MƐ ƁƐKƐ̀NÌ-FÌTOM 10:2

Ŋwaànɛ̀n à falɛ̀ngà ɓi ɓìɓan ɓi righerɛ̀n, àa nki risàg Bɛ̀ll lɛ rì nyi ɗì rìmɛɛ ɗii ɗicèm, à ki fafa Ɓɛ̀yudɛ̀n ɓɛ ɓɛ ɓaghà nyìighnyìg ɓyom lɛɛ̀gwey, à ɓɔ̀ɔ̀ɓɔ̀ŋzàg Bɛ̀ll ɓyààmɛ̀n ɓìcèm.

MƐ̀KÌKÌÌ MƐ ƁƐKƐ̀NÌ-FÌTOM 10:22

Nni ɓɛ ɓakà nyi lɛ: Tì yùu yì fɛ lɛ ǹkɔ̀mɛ̀n ɓɛ̀sujàà ànɛ lɛ Kɔrinɛy yɛɛ romiì ɓìsi a lɔ̀ŋkɔɔ, àncèm à rì saaɗ à mum ànɛ à ti à risàg Bɛ̀ll, à ki rì tì ŋwaànɛ Ɓɛ̀yudɛ̀n ɓɛ̀cèm ɓɛɛ̀ Sɛsɛ̀g; ŋwaà-fìtom a Bɛ̀ll àa ǹkpaa nyi lɛ a regiì wɔ̀ a mɛɛ mii, a wog jɛ̀ɛ̀ ìnɛ ù rì lɛ ù kpaa nyi.

MƐ̀KÌKÌÌ MƐ ƁƐKƐ̀NÌ-FÌTOM 10:43

Yeesus ànɛ̀n nnɛ ɓɛ̀kpaŋzì-ɓìɓan ɓɛ̀cèm ɓɛ ɓugà yɛ̀ɛ ɓɛ kpaakpààghà lɛ: Ɓì ɗii ɗii nnɛ Bɛ̀ll à rì ɓiì cenɛɛ mum ǹcèm ànɛ à gherɛɛ nyi ɓìɓe.

MƐ̀KÌKÌÌ MƐ ƁƐKƐ̀NÌ-FÌTOM 10:6

À kɔ̀kɔrii yɛ̀ɛ ŋwaàdɛŋ lɛ Simɔn ǹkìì-gòò ànɛ à toŋi ɓi nwɔŋì wu rìɓày à kìkòn.

MƐ̀KÌKÌÌ MƐ ƁƐKƐ̀NÌ-FÌTOM 11:13

Kɔrinɛy à tumɛ̀n ɓìsi rìkpaa yɛ̀ɛ à ghɛngà di ŋwaà-fìtom a Bɛ̀ll à yùu a mɛɛ mii, à kpaa nyi lɛ: Rom ɓum a Zyope, lɛ ɓɛɛ reŋiì Simɔn ànɛ ɓɛ ti ɓɛ kpɔgì lɛ Pyɛɛri

MƐ̀KÌKÌÌ MƐ ƁƐKƐ̀NÌ-FÌTOM 16:15

Yɛ̀ɛ ɓɛ ɓaɓtìghà lɛ rì nyi, rì naa yìì i ɓum nni à tɔkà ɓìsi lɛ, ti kɛǹ a mɛɛ mii, à kpaa lɛ: I ɓì ghɛɛ lɛ ǹɗì ǹgherɛ̀n Kan, yùuna kì kɔ̀rii a mɛɛ mɛm̀. Fɔɔnnɛ à sììrɛ̀ngà lɛ ti gherɛn lɛ, ti kɔri à lɔ̀ŋkii.

MƐ̀KÌKÌÌ MƐ ƁƐKƐ̀NÌ-FÌTOM 18:8

Nsoò fɔlɔɔ, rìfòm ɗi naà-bɔ̀ŋzɛ̀n, ɗii lɛ Kirispus ɗi gherɛ̀ngà Kan, rì rìmɛɛ ɗii ɗicèm, fɔlɔɔ nnɛ ɓumɓɛ a Kɔrɛŋt lɛɛ̀gwey ɓɛ ɓɛ wokà ɓìɓan ɓi Pol ɓɛ gherɛ̀ngà girig, ɓɛ ki ɓàɓtag.

MƐ̀KÌKÌÌ MƐ ƁƐKƐ̀NÌ-FÌTOM 2:39

Lɛ ǹkàg wu Bɛ̀ll à kàkà wu ri ɓisu win, rì ɓisuu ɓɔn ɓin, wu ki ɓa ti ɓisuu ɓum ɓɛ̀cèm ɓɛ ɓɛ ri tìràɓ, ɓɛɛ̀ɓɛ Kan Bɛ̀ll wìs à regiigɛy bàlì ìnɛ ki kɔ̀ni gɛ nyi lɛ a regiì.

1 KƆ̀RƐ̀ŊTYƐŊ 1:16

M̀ɓàɓtìghà tì girig naa ì ɓum ì Sitefanas ɓi ɓɛg ànɛ a ɓɛ̀ro ɓɛmbog, ǹ-yii ɓi nkòo m̀ɓàɓtìghà tì ŋwaàdɛŋ.