MƐ̀KÌKÌÌ MƐ ƁƐKƐ̀NÌ-FÌTOM 10:38 - Bafia Nouveau Testament

³⁸ Ɓì yii lɔŋ yɛ̀ɛ Bɛ̀ll à ɓɔ̀ngà Yeesus ànɛ a Nazarɛt à rom yì nyi Kitɛntɛ̀ɛ̀n ki Nghay kii, à ki fa nyi ìtèɗ wucèm, fɔɔnnɛ Yeesus ànɛ̀n à kɛ̀ɛ̀kɛ̀ɛ̀ghà jàŋ bimiɗ à kìkì ɓum kìrɔɔ, di a wɔ̀ɔwɔɔ̀zì ɓum ɓɛ̀cèm ɓɛ ɓɛ ɓaghà ɓi rìkpàn ɗi Satàn ɓisuulɛ Bɛ̀ll à ɓaghà ɗì nyi.

MƐ̀KÌKÌÌ MƐ ƁƐKƐ̀NÌ-FÌTOM 10:38 ပူးပေါင်းရင်းမြစ်များ

MATYOO 12:15

Yɛ̀ɛ Yeesus à wokà fɔlɔɔ, à pɛ̀sɛ̀n ɓi jàŋ inɛ̀n à ghaàgh. Ɓum lɛɛ̀gwey ɓɛ nɔɔ̀tì nyi, à ki wɔ̀ɔ̀zi ɓɔ ɓɛ̀sɛ̀ɛ̀ ɓɛ̀cèm.

MATYOO 12:28

Kìɓan kìfog, i ki ri lɛ mɛ̀ɛ nànaɓ ɓiɓeɓtàg ɓi mɛghay rì Ǹghay à Bɛ̀ll, fɔlɔɔ a rèsii lɛ kìlɔ̀ŋ ki Bɛ̀ll ki mɛ kpaŋ a lɔ̀ŋkin.

MATYOO 9:19

Yeesus à pɛ̀sɛ̀ngà aɗyoo, à nɔ̀ɔ̀tì nyi ǹɗaŋ ri ɓɛ̀yilàg ɓii.

MATYOO 9:35

Yeesus à kɛ̀ɛ̀kɛ̀ɛ̀ghà lɛ rì ɓi bàn yìcèm rì ɓi ɓɔɔ ɓilɔ̀ŋ ɓɛ̀cèm di a rèresi ɓum ɓìɓan ɓi Bɛ̀ll ɓi naa yaa yi bɔ̀ŋzɛ̀n, à kakàlì Syeesyee à Ɓɔlɛ à kìlɔ̀ŋ ki Bɛ̀ll, à ki wɔ̀ɔwɔɔ̀zì tìròɓ, rì ɓìlɛm mɛ̀kuu mɛ̀cèm.

MARIKUS 6:6

Yeesus à kuuràkà yɛ̀ɛ ɓumɓɛ̀n ɓɛ ɓaghà fɔlɔɔ ri nyoey, à kɛ̀n asu à rerènì ɓìlɔ̀ŋ ɓi jàŋbog, di a rèeresàg ɓum ɓìɓan ɓi Bɛ̀ll.

LUKAS 3:22

Kìtɛntɛ̀ɛ̀n ki Nghay ki sɛn yì nyi ɓi nyoo, fɛlɛ yɛ̀ɛ kuùkuù; fɔɔnnɛ jɛ̀ɛ̀ ì ɓaghày ɓi ɗyoo lɛ: Ù rì Man wɛm̀ à ǹɗem, ɓi wɔ̀ nnɛ ǹfoŋi kìnyàà kɛm̀.

LUKAS 4:18

Nghay à Kan à rì ɓi mɛ̀ ɓisuulɛ à ɓɔngà mɛ̀ à siŋì mɛ̀ mɔ̀ɔ lɛ ǹkakàlì ɓɛ̀yɛɓàyɛɓa Syeesyee à Ɓɔlɛ, à rom mɛ̀ lɛ, nghagsi ɓum ɓɛ naà-zày lɛ: ɓɛ ɓiì kpagii naà-zày; à rom dì mɛ̀ lɛ, ǹkpaà ɓɛ̀ɗyaŋɗyàŋ lɛ ɓɛ ri ɓiì ghɛnɛɛ ti; ɓumɓɛ ɓɛ̀ro ɓum ɓɛɛ̀ kìki mɛtɔɓ m̀pisì ɓɔ ɓi mɛ̀tɔɓ,

LUKAS 9:42

Yɛ̀ɛ mutyàànɛn à tyɛ̀ɛ̀tɛ̀ngà yɛ̀ɛ Yeesus, kìɓeɓtàg ki ǹghay ki sɛn ɓi nyi, ki roŋ ɓi zi, à tumɛ̀n rì kìkì lɛ zaɗ zaɗ; fɔɔnnɛ Yeesus à fwààdɛ̀ngà kìɓeɓtàg ki ǹghay, à wɔ̀ɔ̀zì ŋwɔɓti, à pɛ̀ɛ̀zì nyi rì seŋì.

LUKAS 9:56

Ɓisuulɛ, Man à mum à yùghà ɓi lɛ a ɗimzi ɓyɛɓ ɓi ɓum, à yùghà lɔŋ ɓyɔ kì ghɛɓsii. Fɔɔnnɛ ɓɛ kɛngà ɓi maa kìlɔ̀ŋ àdɛŋ.

ZYAŊ 10:32

Nni Yeesus à kpaatìghà min ɓɔ lɛ: Mɛ̀ɛ nkìi ɓɛ̀gɛn ɓɛ ɓiɓan lɛɛ̀gwey ɓi mis min, rì ìtèɗ wu Tààta, nni ɓi ɓìɓan ɓiǹ, kibe kɛɛ̀ki ɓì ti mɛ̀ ɓiì rogii gɔ̀g miì?

ZYAŊ 16:32

Ɓì ghɛɛ! Cààmɛ̀n ki riì, kiŋcèm ki mɛ kpaŋ, kɛɛ̀ki ɓì ɓiì tyàŋzɛɛ, mum ǹcèm à nɔ̀ɔ̀tì bee yiì, ɓi càɗ mɛ̀ cɛ̀ncɛm; nsoò fɔlɔɔ, ǹ-yin cɛ̀ncɛm, lɛ Tààta à rì ɓɛɛ̀ mɛ̀.

ZYAŊ 3:2

à yùghà yɛ̀ɛ Yeesus rì ìru à kpaa nyi lɛ: Raɓì, tì yii lɛ, ù rì ǹɗèsàg ànɛ Bɛ̀ll yɛɛ romiì ɓisuulɛ, ŋwaà yin lɛ à kì dàm yi ɓiɓan yɛ̀ɛ yi wɔ̀ɔ kìki yi, di Bɛ̀ll à yin a lɔ̀ŋkii.

ZYAŊ 3:34

Ɓisuulɛ, roànɛ Bɛ̀ll à romgày, a kakali ɓiɓan ɓi Bɛ̀ll; lɛ Bɛ̀ll à ti à roòzàg nyi rì Nghay wìì lɛ pisa.

ZYAŊ 6:27

Kɛ̀ ɓi say ɓisuu ɓiɗilàg ɓi ɓi ri lɛ ɓi ɗyoŋ, salina ɓisuu ɓiɗilàg ɓi ɓi ri lɛ ɓi kɔrì à kpaŋ ɓi cɛɓ ki fiɗyàɓ fikɔ̀ɔ̀, ɓyɛɛ̀ ɓi Man à mum à rì mìni ɓiì faà, lɛ nyi nnɛ Bɛ̀ll Seŋi à fogà kìrèmzɛnà ki rilàmì ɗii ɓi nyi.

MƐ̀KÌKÌÌ MƐ ƁƐKƐ̀NÌ-FÌTOM 10:37

ɓì yii kìɓan ki ki nkìlɛɛ ɓi ziì Zyude bimiɗ, à tumɛ̀n yì a Galile ajɛ̀m ì bàɓtis ìnɛ Zyaŋ à lààlàmɓɛ̀ngà.

MƐ̀KÌKÌÌ MƐ ƁƐKƐ̀NÌ-FÌTOM 2:22

Mìni ɓumɓɛ a Isirayɛl, wooghna kìɓan ki nkìki lɛ, nkpaà mìni: Yeesus ànɛ a Nazarɛt àa nɗì ŋwaànɛ Bɛ̀ll àa ǹɗèsii mìni lɛ, nnyɛɛ romgày nyi, ɓi dàm yi ɓiɓan, rì ɓɛ̀koŋnyoo ɓɛ ɓiɓan, rì ɓìrèmzɛnà ɓi à faghà nyi ìtèɗ wulɛ a ki ɓi nyìinyìm wìn lɔŋ yɛ̀ɛ mìniìɓɔmiɗ ɓì yii.

EBIREEGH 1:9

Ù keesìghà saaɗ, ù ɓèèzɛ̀n kìɓe kìɓan kiǹ kɛɛ̀ki wɔ̀ Bɛ̀ll, Bɛ̀ll wɔ̀ɔ̀ a mɛ ɓɔ̀n wɔ, à siŋì wɔ̀ mɔ̀ɔ mɛ nnyaasɛ̀n à càɗ ɓɛ̀roŋkàŋ.

1 PYƐƐRI 5:8

Ɓaana cem, ɓì konàg ɓisuulɛ bènàbena wiǹ ànɛ lɛ Satàn a ŋwɔŋ-ŋwɔŋ yɛ̀ɛ kìmonɗo ki kɛɛ̀ kaakaa com ki kɛɛ sokɛn.

1 ZYAŊ 2:20

Ɓi ɓɛg ànɛ a lɔ̀ŋkin, ɓì mɛ teɗ Kitɛntɛ̀ɛ̀n ki Nghay ki Kiris à sààtìghà ɓi mìni, fɔlɔɔ nnɛ ɓì mɛ yi saaɗ ɓɛ̀sɛ̀ɛ̀ ɓɛ̀cèm.

1 ZYAŊ 3:8

Ŋwaànɛ a kɛ̀nkɛn asu à kìkì kìɓe, à rì ŋwaà Satàn, lɛ Satàn a maà kìkì kìɓe, à tumɛ̀n a rìtumɛ̀n. Man à Bɛ̀ll à yùghày lɛ, a yogsi mɛ̀kìkìì mɛ Satàn.