MƐ̀KÌKÌÌ MƐ ƁƐKƐ̀NÌ-FÌTOM 10:22 - Bafia Nouveau Testament

²² Nni ɓɛ ɓakà nyi lɛ: Tì yùu yì fɛ lɛ ǹkɔ̀mɛ̀n ɓɛ̀sujàà ànɛ lɛ Kɔrinɛy yɛɛ romiì ɓìsi a lɔ̀ŋkɔɔ, àncèm à rì saaɗ à mum ànɛ à ti à risàg Bɛ̀ll, à ki rì tì ŋwaànɛ Ɓɛ̀yudɛ̀n ɓɛ̀cèm ɓɛɛ̀ Sɛsɛ̀g; ŋwaà-fìtom a Bɛ̀ll àa ǹkpaa nyi lɛ a regiì wɔ̀ a mɛɛ mii, a wog jɛ̀ɛ̀ ìnɛ ù rì lɛ ù kpaa nyi.

MƐ̀KÌKÌÌ MƐ ƁƐKƐ̀NÌ-FÌTOM 10:22 ပူးပေါင်းရင်းမြစ်များ

MATYOO 1:19

Yoosɛɓ à kìlɔnì kii, à ɓaghà syeesyee à mum; nni yɛ̀ɛ à kɔngà ɓi lɛ a ghani Marii ɓidan, fɔɔnnɛ à fèkà lɛ a caɗ nyi lɛ ɗyɔ̀ɔ̀ŋ kɛ̀ɛ̀ gom.

MATYOO 2:12

Ajɛ̀m ìnɛn Bɛ̀ll à kalìghà ɓɔ a ɓìdɛ̀ndɛm̀ lɛ, ɓɛ̀ kɛɛ̀ sugti yɛ̀ɛ Eroodɛ. Fɔɔnnɛ ɓɛ sukà ɓi kìlɔ̀ŋ kaa ɓi bee ìdɛŋ.

MARIKUS 6:20

lɛ Eroodɛ àa ǹnìgàg Zyaŋ, à ki kàmag ri nyi, lɛ à yighà lɛ Zyaŋ à ɓaghà saaɗ à mum, à ki ɓa ti ǹtɛnɛn ɓi mis mɛ Bɛ̀ll. Ɗyomzɛ̀n ɗi ǹti ɗi ɗimgì Eroodɛ cààmɛ̀n kìcèm ki à woogh ɓìtòkì ɓi Zyaŋ, kɔm̀ lɛ ki ǹkɔ̀ngì nyi lɛ a wowog ɓyɔ.

MARIKUS 8:38

Ɓisuulɛ, ŋwaànɛ à rì mɛ̀ ɓiì woògh ǹtoòrìɗ, nsoò lɛ à wog ɓìɓan ɓyɛm̀ ǹtoòrìɗ ɓi gbàà ì ɓum ì gɛɛ̀nɛ, ìnɛ ì rì ɓɛ̀kìì-kìɓe rì ɓɛ̀kìì-tìsɔ̀mɔ̀g, Man à mum à woogh gɛ girig nyi ǹtoòrìɗ, ŋwos anɛ à yùu gɛ ɓi rìkem ɗi Seŋi wìì, ǹɗaŋ ri ɓum ɓii ɓɛ titom ɓɛ ɓɛ ri ɓɛ̀tɛnɛn.

LUKAS 2:25

Ɓi mɛ̀ru mɛ̀n, ŋwaàdɛŋ à ɓaghà a Yorisalɛm ɗii lɛ Simeyɔŋ, à ɓaghà syeesyee à mum, ànɛ àa nti à risàg Bɛ̀ll; à ɓoŋɓòŋgà gòri ì Isirayɛl, à ɓaghà rì Kìtɛntɛ̀ɛ̀n ki Nghay.

LUKAS 23:50

Ŋwaàdɛŋ ànɛ ɓi ntaŋzɛn wu rilàmì, wu Ɓɛ̀yudɛ̀n ɗii lɛ Yoosɛɓ, à ɓaghà rì syeesyee à ǹɗem, à ki ɓa ŋwaà saaɗ.

LUKAS 9:26

Ɓisuulɛ ŋwaànɛ à rì mɛ̀ ɓiì woògh ǹtoòrìɗ, nsoò lɛ à wog ɓìɓan ɓyɛm̀ ǹtoòrìɗ, Man à mum à woogh gɛ nyi girig ǹtoòrìɗ yɛ̀ɛ à yùugɛy ɓi rìkem ɗii, rì ɗì Seŋì, rì ɗi ɓumɓɛ titom ɓɛ ɓɛ ri ɓɛ̀tɛnɛn.

ZYAŊ 13:20

Ǹkpaa mìni saaɗ à rìkpaa lɛ, i mum à ghàɓi mum wɛm̀ à fìtom, di mɛ̀ nnɛ à ghàɓi, i mum à ki ghàɓi mɛ̀, di à ghàɓi roànɛ à romgày mɛ̀.

ZYAŊ 17:20

M̀ɓɔ̀ŋzii ɓi wɔ ɓisu waa lɔŋ cɛ̀ncaa, m̀ɓɔ̀ŋzii wɔ̀ girig ɓisuu ɓum ɓɛ̀cèm ɓɛ ɓɛ ɓiì gherɛɛ mɛ lɛ rìghagsì ɗyaa ɗi ɓɔlɛ̀ ànɛ ɓɛ ri ɓɔ ɓiì ghagsii.

ZYAŊ 17:8

Ɓisuulɛ ǹfaghà ɓɔ ɓìɓan ɓi ù faghà mɛ̀, ɓɛ ghaɓ ɓyɔ, ɓɛ ki konag ki yiì lɛ, m̀pɛ̀sɛ̀ngày a lɔ̀ŋkɔɔ, ɓɛ ki gherɛn lɛ wɔ̀ yɛɛ romgày mɛ̀.

ZYAŊ 5:24

Ǹkalii mìni kɔɔ̀kɔɔ̀ à rìkpaa lɛ, ŋwaànɛ à woogh jɛ̀ɛ̀ yɛ̀m, à ki gherɛn roànɛ à romgày mɛ̀, à ti rì cɛɓ ki fiɗyàɓ fikɔ̀ɔ̀. À yin lɛ à yù a rìren ɗi ɓiɓan, kìɓan kifog, à mɛ pɛ̀sɛn yi ɓi rìwu, à ɗiŋì ɓi cɛɓ.

ZYAŊ 6:63

Ǹghay wɛɛ̀ fafa cɛɓ, mɛ̀mùù mɛ yin ɗi gɛɓsɛ̀n. Fɔɔnnɛ ɓìɓan ɓi màa kpaa mìni ɓi ri ɓìɓan ɓi Nghay, rì ɓi cɛɓ.

ZYAŊ 6:68

Simɔn Pyɛɛri à pɛ̀ɛ̀zìghà nyi lɛ: Kan, tì ɓiì kɛ̀ɛ yɛ̀ɛ ghɛn? Ù rì rì ɓìɓan ɓi cɛɓ ki fiɗyàɓ fikɔ̀ɔ̀.

MƐ̀KÌKÌÌ MƐ ƁƐKƐ̀NÌ-FÌTOM 10:2

Ŋwaànɛ̀n à falɛ̀ngà ɓi ɓìɓan ɓi righerɛ̀n, àa nki risàg Bɛ̀ll lɛ rì nyi ɗì rìmɛɛ ɗii ɗicèm, à ki fafa Ɓɛ̀yudɛ̀n ɓɛ ɓɛ ɓaghà nyìighnyìg ɓyom lɛɛ̀gwey, à ɓɔ̀ɔ̀ɓɔ̀ŋzàg Bɛ̀ll ɓyààmɛ̀n ɓìcèm.

MƐ̀KÌKÌÌ MƐ ƁƐKƐ̀NÌ-FÌTOM 10:21

Fɔɔnnɛ Pyɛɛri à sɛngà min, à tanɛ̀n ɓumɓɛ̀n, à kpaa ɓɔ lɛ: Ɓɔɔsoŋ̀! Mɛ̀ɛ nɛ lɛ, mɛ̀ yɛɛ rì ŋwaànɛ ɓi kaakàà, nni ɓì yùu yì fɛ ɓi ǹto wu kiɓan aɗi?

MƐ̀KÌKÌÌ MƐ ƁƐKƐ̀NÌ-FÌTOM 10:30

Nni Kɔrinɛy à ɓàkà lɛ: Gɛɛ̀nɛ mɛ̀ru mɛraa nnɛ mɛ nkìkii bɔ̀ŋzɛ̀n ɓi kìden kɛ̀m ki naa cààmɛ̀n à mɛ̀kɛ̀ɛ̀ mɛraa à ŋwos. Nni mɛ̀ɛ ǹsìgmɛ̀ɛ di mum à mɛ rɛli mɛ asu, ɓìlàà ɓii ɓi lònlòm lɛ syaŋ̀syaŋ̀ à kpaa mɛ̀ lɛ:

MƐ̀KÌKÌÌ MƐ ƁƐKƐ̀NÌ-FÌTOM 10:33

Fɔɔnnɛ mɛ̀ɛ nghàsi kì romìì ɓum lɛ ɓɛɛ yu wɔ̀ kì reŋii. Ù konaagh yɛ̀ɛ ù yùu yì. Nni ɓigomìnɛ tì rì yɛɛ lɛ ɓi mis mɛ Bɛ̀ll, lɛ ti wog com kìcèm ki Kan àa kpaa lɛ wɔ̀ɔ kali ɓìsi.

MƐ̀KÌKÌÌ MƐ ƁƐKƐ̀NÌ-FÌTOM 10:6

À kɔ̀kɔrii yɛ̀ɛ ŋwaàdɛŋ lɛ Simɔn ǹkìì-gòò ànɛ à toŋi ɓi nwɔŋì wu rìɓày à kìkòn.

MƐ̀KÌKÌÌ MƐ ƁƐKƐ̀NÌ-FÌTOM 11:14

nyɛɛ ri wɔ̀ ɓiì kpaa ɓìɓan ɓi ɓi ri ɓiì ghɛɓsii lɛ, rì wɔ̀, rì naa yɔ̀ɔ̀ ì ɓum bimiɗ

MƐ̀KÌKÌÌ MƐ ƁƐKƐ̀NÌ-FÌTOM 22:12

Ŋwaàdɛŋ à ɓaghà wɔɔ ɗii lɛ Ananyas, à ɓaghà ŋwaànɛ à falɛ̀ngà ɓi rìgherɛ̀n à ki nɔ̀ɔnɔɔ̀tì ɓìdɔ̀gsɛna ɓis, Ɓɛ̀yudɛ̀n ɓɛ̀cèm ɓɛ ɓɛ ɓaghà a Damas, ɓɛ sɛsɛ̀kà nyi.

MƐ̀KÌKÌÌ MƐ ƁƐKƐ̀NÌ-FÌTOM 24:15

ǹɗi rì dyàɓɛn yɛ̀ɛ Bɛ̀ll, nsoò ɓɔ girig, lɛ ɓumɓɛ ɓɛ ri lɛ saaɗ, nsoò ɓɛ ɓɛ yin lɛ saaɗ, ɓɛ ri ɓiì ghèmɓɛɛ ŋwosi righèmɓɛ̀n ɗi ɓilòŋ.

MƐ̀KÌKÌÌ MƐ ƁƐKƐ̀NÌ-FÌTOM 6:3

Fɔɔnnɛ mìni ɓɔɔsoŋ̀, ɓì ghɛ̀ɛ̀sɛɛ kì ɓɔ̀ni ɓum taàɓɛ̀ɛ̀ ɓi nyìinyìm wiǹ, ɓɛ ɓum ɓɛ yii lɛ, ɓɛ rɔɔtaagh ɓìsyɔ̀ɔ̀, ɓɛ ki ɓa ɓɛronɛn ɗì Kìtɛntɛ̀ɛ̀n ki Nghay, rì ɗyomzɛ̀n, ɓɛɛ̀ ɓɛ ti fa kìsay ki rikàɓsì ɗi ɓiɗilàg.

RÒMƐŊ 1:17

Ɓisuulɛ Syeesyee à Ɓɔlɛ a rèresi yɛ̀ɛ Bɛ̀ll à ti à kìlàg lɛ ɓum ɓɛɛ ɓa lɛ saaɗ ɓi mis mii lɛ rìgherɛ̀n rì ɓisuu righerɛ̀n lɔŋ yɛ̀ɛ ki ri kìkànɛn lɛ: Ŋwaànɛ à rì mum à saaɗ ɓi mis mɛ Bɛ̀ll, lɛ rgherɛ̀n, à ɓiì ghɛɓì.

2 KƆ̀RƐ̀ŊTYƐŊ 5:18

Ɓìɓan ɓiǹ ɓìcèm ɓi riì yɛ̀ɛ Bɛ̀ll ànɛ à kìghà lɛ paàzì ànɛ lɛ rì ɓìsi rì nyi a leg lɛ Kiris; nnyɛɛ ki faghà ɓìsi kìsay lɛ ɓum ɓɛɛ leg ɓi kìɓan ri nyi.

TIMOTE 3:7

Ki ghɛɛ̀sɛɛ girig lɛ ɓumɓɛ ɓi dan ɓɛɛ sɛg nyi di ɓɛ̀ kɛɛ̀ sɛɛti nyi, fɔlɔɔ a kì nyi lɛ a kpi ɓi fìram fi Satàn.

EBIREEGH 10:38

Kìɓan kifog ŋwaànɛ à rì lɛ saaɗ ɓi mis mɛ̀m à rì ɓiì ghɛɓì lɛ rìgherɛ̀n, wɔ̀lɛ i à sugtii rì jɛ̀m, ǹɗem wɛ̀m wɛ̀ kɛɛ̀ wogti kirɔɔ rì nyi.

EBIREEGH 11:2

Ɓumɓɛ abɛ̀y ɓɛ tekà mɛ̀sɛɛ̀ghsɛɛgh lɛ rìgherɛ̀n ɗyaa.

EBIREEGH 12:23

ɓìi nkɛ̀ɛ jàŋbog rì ǹtaŋzɛn wu ɓɔn ɓɛ Bɛ̀ll ɓɛ ǹtonto, ɓɛ mii maa mɛ ri mɛ̀ kànɛn ɓi ɗyoo ɓi ɗùm; ɓìi nkɛɛ̀ jàŋbog rì Bɛ̀ll ànɛ à rì ɓiì yɔ̀mi ɓum ɓɛ̀cèm; ɓìi nkɛ̀ɛ jàŋbog rì mɛ̀ghay mɛ mɛ ri lɛ saaɗ, mɛ mɛ ti lɛ syeesyee, kɛ̀ɛ̀ com ki ɓɛ ri lɛ ɓɛ fen ɓi mɔ.

2 PYƐƐRI 3:2

lɛ ɓi yiìyìtàg lɛ rì ɓìɓan ɓi ɓɛkpaŋzì-ɓìɓan ɓɛ ɓɛ ri ɓɛ̀tɛnɛn ɓɛ kpaaghà lɛ ɓi ɓiì kìlɛɛ, rì kìdɔ̀gsɛna ki Kan ànɛ à rì Ǹghɛɓsì-ɓum, kɛɛ̀ki ɓɛ̀kɛ̀nì-fìtom ɓin ɓɛ resìghà mìni.

3 ZYAŊ 1:12

Ɓum ɓɛ̀cèm ɓɛɛ̀ sɛsɛg Demetiriyus, saaɗ nyimiɗ a sɛsɛg girig nyi, nsoò ɓìsi girig ti sɛsɛg nyi, ù ki yii lɛ, com ki ti kpaakpàà ki ri saaɗ.

ÀPÒKÀLIƁSƐ̀ 14:10

di à rì girig ɓiì nɔɔ̀ mɛ̀rɔ̀g mɛ ribaŋì ɗi Bɛ̀ll, mɛ mɛ ri mɛ̀ɓèniyɛn ɓi ɓeŋ à bim yiì, mɛ̀ kɛɛ̀ ɓa mɛ ɓùtɛn ɗi com kidɛŋ; à ki rì ɓiì wowoogh ntɔɓ ɓi ɗuu, rì ɓi ǹdùsi, ɓi mis mɛ ɓum ɓɛ titom ɓɛ ɓɛ ri ɓɛ̀tɛnɛn, rì ɓi mis mɛ Man à jɔ̀ɔ̀.