MƐ̀KÌKÌÌ MƐ ƁƐKƐ̀NÌ-FÌTOM 1:15 - Bafia Nouveau Testament

¹⁵ Ŋwos adɛŋ, ɓi mɛ̀ru mɛ̀n, ɓɛ̀gherɛ̀n ɓɛ ɓaghà ɓɛ̀ taŋzɛn nunùg ɓum mɛ̀tin taàfog; nni Pyɛɛri à pɛ̀sɛ̀ngà aɗyoo ɓi nyìinyìm wàà, à kpaa lɛ:

MƐ̀KÌKÌÌ MƐ ƁƐKƐ̀NÌ-FÌTOM 1:15 ပူးပေါင်းရင်းမြစ်များ

MATYOO 13:31

Nni Yeesus à teɗtìghà ɓɔ dàɗkì ìdɛŋ à kpaa lɛ: Kìlɔ̀ŋ ki aɗyoo ki ri fɛlɛ yɛ̀ɛ zàm ì mùtarìdɛ̀ ìnɛ mum à tekà, à ɓɛ̀y ɓi dɛm yiì.

LUKAS 22:32

wɔ̀lɛ mɛ̀ɛ m̀ɓɔ̀ŋzaagh Bɛ̀ll ɓisu wɔɔ lɛ rìgherɛ̀n ɗyɔɔ ɗyɛ̀ kɛɛ̀ fɔɛy, nni yɛ̀ɛ ù ri ɓa di ù mɛ sugtii tì a lɔ̀ŋkɛm̀, kìya lɛ ɓɛ̀goni ɓɛɛ siirɛn girig.

ZYAŊ 14:12

Ǹkalii mìni saaɗ à rìkpaa lɛ, ŋwaànɛ à gherɛɛ mɛ̀, à ɓiì kìi girig ɓìɓan ɓi mɛ̀ɛ nkìkì, à ki kì kɔm̀ ɓìɓan ɓi ɓi cee ɓiǹ ɓisuulɛ ǹkɛ̀ɛ yɛ̀ɛ Tààta.

ZYAŊ 21:23

Ɓi jɛ̀ɛ̀ ìnɛn nnɛ ɓɔlɛ à sààghà ɓi nyìinyìm à ɓɛ̀geni ɓɛ ɓi rìgherɛ̀n lɛ ǹ-yilàg ànɛ̀n àa wu ɓi; kɔm̀ lɛ Yeesus à kpaaghà ɓi Pyɛɛri lɛ ǹ-yilàg ànɛ̀n àa wu ɓi. À kpaaghà lɔŋ lɛ: I ǹkɔ̀ni lɛ a ɓaɓa ɓi cɛɓ à kpaŋ yɛ̀ɛ ǹɗi sugtiì ki ri wɔ̀ a cɛ?

MƐ̀KÌKÌÌ MƐ ƁƐKƐ̀NÌ-FÌTOM 10:23

Nni Pyɛɛri à kpaaghà ɓɔ lɛ ɓɛɛ ɗiŋi ɓi naa, à reɓ ɓɔ jàŋ inɛ ɓɛɛ lày; ɓi duri tana nnɛ ɓɛ pɛsɛ̀ngà ǹɗaŋ rì ɓumɓɛ̀n, ɓɛ kɛǹ. Ɓɛ̀gèni ɓii ɓɛ righerɛ̀n ɓɛdɛŋ ɓɛ a Zyope ɓɛ kɛǹgà nyi kì foŋì.

MƐ̀KÌKÌÌ MƐ ƁƐKƐ̀NÌ-FÌTOM 11:1

Ɓɛ̀kɛ̀nì-fìtom rì ɓɛ̀geni ɓaa ɓɛ righerɛ̀n ɓɛ ɓɛ kɔkɔ̀rìghà a Zyude ɓɛ wokà lɛ, ɓumɓɛ ɓi mɛ̀kuu mɛm̀bog ɓɛ ǹghàɓi girig jɛ̀ɛ̀ ì Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 11:12

Nni Nghay à Bɛ̀ll à kpaaghà mɛ̀ lɛ: Sugtɛn ɗì ɓɔ, kɔɔ̀ foŋ tikàna. Ɓɛ̀geni ɓɛ̀m ɓɛ ɓɛ ri ɓɛ, ɓɛ kɛǹ mɛ̀ kìfoŋì a Sezare, tì ɗiŋì ɓi naa ì Kɔrinɛy.

MƐ̀KÌKÌÌ MƐ ƁƐKƐ̀NÌ-FÌTOM 11:26

Yɛ̀ɛ à tanɛ̀ngà nyi wɔɔ, ɓɛ kɛǹ a Aŋtyos ɓɔɔ̀cèm ɓɛ kɔrì wɔɔ bimiɗ à bèg, ɓɛ sasày bas rì kìseŋi ki wɔɔ, ɓɛ ki rèrèsàkà coo bàlì ì ɓum ɓìɓan ɓi Bɛ̀ll. Nni wɔɔ a Aŋtyos nnɛ ɓɛ tɔmgà kì ròo ɓɛ̀yilàg ɗii ɗi lɛ ɓɛ̀kìristɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 11:29

Nni ɓɛ̀gherɛ̀n ɓɛ rengà lɛ, mum bimiɗ ànɛ ɓi ɓɔ, a syɔɔ̀ gàɓ ì com ìnɛ à rì lɛ à ghɛn, lɛ ɓɛɛ ghɛɓsi ɓɛ̀geni ɓaa ɓɛ ɓɛ ɓaghà a Zyude miì.

MƐ̀KÌKÌÌ MƐ ƁƐKƐ̀NÌ-FÌTOM 12:17

Pyɛɛri à maasì ɓɔ rì càg, à ki kali ɓɔ yɛ̀ɛ Kan à kpaŋzi yì nyi ɓi naà-zày, à kpaa tì ɓɔ lɛ, kaliina Zyag rì ɓɛ̀geni ɓis ɓɛmbog kìɓan ki, fɔɔnnɛ à kpagà, à kɛ̀n jàŋ idɛŋ.

MƐ̀KÌKÌÌ MƐ ƁƐKƐ̀NÌ-FÌTOM 14:2

Kìɓan kifog, ɓɛ ɓɛ ɓengà dɔgtɛ̀n ì Pol, ɓɛ toosìghà ɓum ɓɛ zɛy lɛ ɓɛɛ ɓa rì ɓìɓeɓtàg ɓi mɛyitì ɓi ɓɛg ànɛ a ɓɛ̀geni ɓis ɓɛ righerɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 15:1

Ɓum ɓɛdɛŋ ɓɛ Pɛsɛ̀ngày a Zyude ɓɛ yu a Aŋtyos, ɓɛ tumɛ̀n rìrèrèsì ɗi ɓɛgherɛ̀n di ɓɛɛ̀ kpaakpaa lɛ: Ì ɓì kɛ̀rɛɛ ɓi, yɛ̀ɛ ɓìdɔ̀gsɛna ɓi Moyis ɓyɛɛ̀ kpaakpàà, ɓì yin lɛ ɓì ghɛn cɛɓ.

MƐ̀KÌKÌÌ MƐ ƁƐKƐ̀NÌ-FÌTOM 15:3

Kìseŋi ki ki a Aŋtyos ki faghà ɓɔ ɓyom ɓi ɓi kɔ̀ɔ̀kɔ̀nɛ̀ngà ɓi rìkɛ̀ɛ̀ ɗyaa: Fɔɔnnɛ ɓɛ fyeeghà a Fenisii rì a Samari di ɓɛɛ̀ kpaakpaa ɓɛgeni ɓaa rilɔ̀ɔ̀ghrɛ̀n ɗi ɓum ɓɛ zɛy ɓɛ lɔɔ̀ghrɛ̀ngà, ɓɛ gherɛ̀n Bɛ̀ll. Ɓɔlɛ ànɛ̀n à faghà ɓɛ̀geni ɓaa ɓɛǹ coo kinyàà ɓi ǹɗem.

MƐ̀KÌKÌÌ MƐ ƁƐKƐ̀NÌ-FÌTOM 16:2

ɓɛ̀gherɛ̀n ɓɛ a Listirɛ rì ɓɛ a Ikonyɔm ɓɛ sɛsɛ̀kà nyi.

MƐ̀KÌKÌÌ MƐ ƁƐKƐ̀NÌ-FÌTOM 16:40

Yɛ̀ɛ Pol rì Silas ɓɛ kpagày naà-zày ɓɛ kɛǹ yɛ̀ɛ Lidyaa, ɓɛ ghɛn ɓɛ̀geni ɓaa ɓɛ rìgherɛ̀n, ɓɛ teèsì ɓɔ nyoo, ɓɛ ghaàgh min.

MƐ̀KÌKÌÌ MƐ ƁƐKƐ̀NÌ-FÌTOM 17:10

Lɔŋ yɛ̀ɛ ìru wu fingà, ɓɛ̀geni ɓaa ɓɛ righerɛ̀n ɓɛ ghas kì kaà bee inɛ lɛ, Pol ɓɛɛ̀ Silas ɓɛɛ pɛsɛn, ɓɛɛ kɛǹ a Bere. Nni yɛ̀ɛ ɓɛ kpagà wɔɔ, ɓɛ ɗiŋì ɓi naà-bɔ̀ŋzɛ̀n ì Ɓɛ̀yudɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 17:14

Ɓɛ̀geni ɓaa ɓɛ righerɛ̀n ɓɛ ghas min ki kìi lɛ Pol a kɛǹ ɓi ɓɛg à rìɓày à kìkòn, Silas rì Timote ɓɛɛ rɔɓkà lɔŋ a Bere.

MƐ̀KÌKÌÌ MƐ ƁƐKƐ̀NÌ-FÌTOM 17:6

Yɛ̀ɛ ɓɛ tanɛ̀ngà ɓì ɓɔ, nni ɓɛ ɓangà lɛ rì Jazɔŋ rì ɓɛ̀gherɛ̀n ɓɛdɛŋ, ɓɛ kɛǹ rì ɓɔ a ɓɛ̀làmì bàn ìnɛn ɓɛ kpaa jɛ̀ɛ̀ aɗyoo lɛ: Ɓumɓɛ ɓɛ ɓuùsìghà ziinɛ bimiɗ, ɓɛ nkpaŋi girig fɛ ɓi bàn yìs,

MƐ̀KÌKÌÌ MƐ ƁƐKƐ̀NÌ-FÌTOM 18:18

Pol à kɔ̀rìghà tì a Kɔrɛŋt gàɓ, fɔɔnnɛ à ghesɛ̀ngà ɓɛ̀geni ɓɛ righerɛ̀n, à teɗ min kikɔm lɛ a kɛǹ a Sirii. À kɛ̀ɛ̀zɛ̀ngà rì Pirisilya ɓɛɛ̀ Akilas. Pol à kɛ̀ŋɗɛ̀ngà ǹto à Saŋkire ɓisuulɛ, à càrɛ̀ngà tyòŋ ɓi bɛ̀ɗ idɛŋ ìnɛ ɓɛ ǹɗegi lɛ bɛ̀ɗ i nàziryià.

MƐ̀KÌKÌÌ MƐ ƁƐKƐ̀NÌ-FÌTOM 18:27

Ajɛ̀m ìnɛn, Apolos à fèkà lɛ a kɛǹ a Akayi, ɓɛ̀geni ɓii ɓɛ righerɛ̀n ɓɛ teèsì nyi nyoo lɛ a kɛǹ, ɓɛ ki kàn ɓɛgherɛ̀n ɓɛ wɔɔ lɛ, ɓɛɛ ghaɓ nyi lɛ syeesyee. Yɛ̀ɛ à kpàgà wɔɔ, à ɓaghà rì ǹghɛɓsɛn ɓisuu ɓum ɓɛ̀cèm ɓɛ geesɛ̀n ì Bɛ̀ll ì kìghà lɛ, ɓɛɛ ɓa ɓɛ̀gherɛ̀n,

MƐ̀KÌKÌÌ MƐ ƁƐKƐ̀NÌ-FÌTOM 21:17

Yɛ̀ɛ tì kpagà a Yorisalɛm, ɓɛ̀geni ɓis ɓɛ righerɛ̀n ɓɛ ghaɓ ɓìsi rì kìnyàà.

MƐ̀KÌKÌÌ MƐ ƁƐKƐ̀NÌ-FÌTOM 21:20

Nni ɓɛ wokà ɓìɓan ɓiǹ, ɓɛ fa Bɛ̀ll rìkem ɓɛ ki kpaa Pol lɛ: Maasoŋ̀, ù ghɛɛ yɛ̀ɛ bàlì ì ɓɛ̀tɔɔsìm ɓɛ Ɓɛ̀yudɛ̀n ɓɛ mɛ gherɛ̀n wɔ̀lɛ, ɓɛ ki rì lɔŋ ɓɛsììrɛn ɓi ɓìdɔ̀gsɛna ɓis.

MƐ̀KÌKÌÌ MƐ ƁƐKƐ̀NÌ-FÌTOM 21:7

Yɛ̀ɛ tì pɛ̀sɛ̀ngày a Tiir ɓi fìtimà tì yùtìghà lɔŋ ki rɛlii a Pitolemayis, tì tògsì ɓɛ̀geni ɓis ɓɛ righerɛ̀n, tì ki ghagsi bimiɗ à ŋwos ǹɗaŋ ɗi ɓɔ.

MƐ̀KÌKÌÌ MƐ ƁƐKƐ̀NÌ-FÌTOM 22:5

Ǹlàmì ɓɛ̀pìrɛɛtìrɛ̀ àgwey rì ɓɛ̀sɛ̀ɛ̀mɛn ɓɛ Ɓɛ̀yudɛ̀n ɓɛ ri mɛ̀ ɓɛ̀wusìnɛ̀ɗ lɛ, ɓɛ faghà kɔm̀ mɛ̀ ɓɛ̀kaàtà ɓisuu ɓɛgherɛ̀n ɓɛ a Damas. Nni ǹkɛ̀ngà wɔɔ lɛ, ǹsug yì rì ɓɛ̀roɓɛ ǹtanɛɛ, a Yorisalɛm, ɓɛ̀kàgakɛn ɓi ɓìsɔŋ di ɓɛɛ pɔnɔ̀si ɓɔ.

MƐ̀KÌKÌÌ MƐ ƁƐKƐ̀NÌ-FÌTOM 28:14

Tì tanɛ̀ngà ɓɛ̀geni ɓis ɓɛ righerɛ̀n wɔɔ ɓi jàŋ inɛ̀n, ɓɛ tɔg ɓìsi lɛ ti lay mɛ̀ru taàɓɛ̀ɛ̀ a lɔ̀ŋkaa, fɔɔnnɛ tì ki kɛ̀ngà a Rom.

1 KƆ̀RƐ̀ŊTYƐŊ 15:6

Ajɛ̀m ìnɛ̀n, à rèsɛ̀ngà tì ɓɛ̀gherɛ̀n ɓɛ ɓɛ ceeghà ɓum ɓɛ̀hɔnɗɛ̀ɗ ɓɛtaǹ, di ɓɛ ri nɗaŋ. Kìgwey ki ɓi ɓɔ ki kaka cem, wɔ̀lɛ gàɓ ìdɛŋ ì mɛ cuu.

ÀPÒKÀLIƁSƐ̀ 11:13

Ɓi cààmɛ̀n kɔm̀ kiǹ, zi i nyɛ̀ŋɗɛ̀ngà rì ìtèɗ; kìlànà ki bàn kìfog ki ɓi ɓìlànà ɓi kintɛ̀ɗ ɓi ɓi bàn ìnɛn ki waàrɛ̀n, ɓum ɓɛ̀tɔɔsìm taàɓɛ̀ɛ̀ ɓɛ cuu, ɓi rìnyɛ̀ŋɗɛ̀n ɗi zi i nyɛ̀ŋɗɛ̀ngà ɗiǹ, ɓɛ̀ro ɓɛmbog ɓɛ risì, ɓɛ fa Bɛ̀ll ànɛ aɗyoo rìkem.

ÀPÒKÀLIƁSƐ̀ 3:4

Kìɓan kifog, ù rì rì ɓum ɓɛdɛŋ a Saridɛ ɓɛ ɓɛ nsiŋɗɛɛ ɓi tifin ɓi ɓìlàà ɓyaa; ɓumɓɛ̀n ɓɛ ri ɓiì kɛ̀ɛ̀kɛɛ nɗaŋ ɗi mɛ̀, ɓisuulɛ ɓɛ ri ɓumɓɛ ɓɛ ghɛɛ̀sɛɛ rì rìɓa ɗyɛ̀m.