MƐ̀KÌKÌÌ MƐ ƁƐKƐ̀NÌ-FÌTOM 1:13 - Bafia Nouveau Testament

¹³ Yɛ̀ɛ ɓɛ kpagà a Yorisalɛm, ɓɛ ɓɔg ɓi mɛɛ mɛ aɗyoo, ɓi kìden ki naa ki ɓɛ nkɔ̀ràg miì; ɓɛ ɓaghà lɛ: Rì Pyɛɛri, rì Zyaŋ, rì Zyag, rì Andire, rì Filiɓ, rì Tomas, rì Batelemi, rì Matyoo, rì Zyag à man à Alfe, rì Simɔn ànɛ à ɓaghà ɓi nɗaŋ wu ɓɛ̀zelot ri Zyuudɛ à man à Zyag.

MƐ̀KÌKÌÌ MƐ ƁƐKƐ̀NÌ-FÌTOM 1:13 ပူးပေါင်းရင်းမြစ်များ

MATYOO 9:9

Yɛ̀ɛ Yeesus à pɛ̀sɛ̀ngà foo à tumɛ̀n ɗìghaàgh, fɔɔnnɛ à ghɛngà ŋwaàdɛŋ ɗii lɛ Matyoo di à kɔ̀kɔrii jàŋ inɛ ɓɛ m̀peeghì làmpoŋ̀, à kpaa nyi lɛ: Nɔ̀ɔ̀ti mɛ̀. Matyoo à pɛ̀sɛ̀n aɗyoo, a nɔ̀ɔ̀tì nyi.

MARIKUS 14:15

À rì mìni ɓiì rèsii coo kìden ki naa ɓi mɛɛ aɗyoo, kì pègsɛn ri ɓyom ɓìcèm, wɔɔ nnɛ ɓì ɓiì pègsɛɛ ɓiɗilàg ɓi Paskà.

MARIKUS 14:33

Fɔɔnnɛ à reŋìghà lɛ, rì Pyɛɛri rì Zyag rì Zyaŋ lɛ ɓɛɛ kɛǹ nyi kì foŋì, à tumɛ̀n rìwog ɗi ǹɗemi-kɛŋɛn ɗì ìris,

MARIKUS 2:14

Yɛ̀ɛ Yeesus à ghaghàghìyà, nni à ghɛngà Levi man à Alfe, di à kɔ̀kɔrii jàŋ inɛ ɓɛ m̀peghì làmpoŋ̀, fɔɔnnɛ à kpaaghà nyi lɛ: Nɔ̀ɔ̀ti mɛ̀, Levi à pɛ̀sɛ̀n aɗyoo à nɔ̀ɔ̀tì nyi.

MARIKUS 5:37

Yeesus à gherɛ̀ngà ɓi lɛ, ŋwaàdɛŋ à kɛǹ nyi kì foŋì, lɔŋ Pyɛɛri, rì Zyag ɓɛɛ̀ geni ànɛ lɛ Zyaŋ ɓɛɛ̀ɓɛ à kɛ̀ngà rì ɓɔ.

MARIKUS 9:2

Ajɛ̀m ì mɛ̀ru taàfog, Yeesus à tekà lɛ, rì Pyɛɛri, rì Zyag, rì Zyaŋ, à kɛ̀n rì ɓɔ cɛ̀ncaa ɓi coo dòn aɗyoo, à lɔ̀ɔ̀ghrɛ̀n ɓɔ ɓi mis dɛŋ.

LUKAS 22:12

Fɔɔnnɛ à rì mìni ɓiì rèsii coo kiden ki naa ɓi mɛɛ aɗyòò kì pègsɛn. Wɔɔ nnɛ ɓì rì ɓiì lamì ɓìɗilàg ɓi Paskà.

ZYAŊ 11:16

Fɔɔnnɛ Tomas ànɛ ɓɛ nɗegì lɛ, Didim, à kpaaghà ɓɛ̀yilàg ɓɛmbog lɛ: Ti kɛ̀ɛna girig, ti wu nɗaŋ ɗi nyi.

ZYAŊ 14:22

Fɔɔnnɛ Zyuudɛ, àa roànɛ lɛ Iskariyot, a kpaaghi nyi lɛ: Kan! Ki ɓaa la lɛ ɓìsi ɓɛɛ̀ɓɛ u resɛn lɛ ti yi wɔ̀, kɔ̀ɔ rèsɛn ziinɛ?

ZYAŊ 18:17

Nni giɓ anɛ à ɓèŋɓèŋgà ìsuunaa ànɛ̀n à tɔkà Pyɛɛri lɛ ù rì girig kìbog ki ɓi ɓɛ̀yilàg ɓɛ ŋwaànɛ wa? Pyɛɛri à ɓàg lɛ: Àg, ǹ-yin n-yilàg wìì.

ZYAŊ 21:2

Ɓɛ̀-Simɔn Pyɛɛri ɓɛɛ̀ Tomas ànɛ à rì ɗii lɛ, Didim, rì Natanayɛl ànɛ à rì ŋwaànɛ a Kana a Galile, rì ɓɔn ɓɛ Zeɓede, rì ɓɛ̀yilàg ɓɛ Yeesus ɓɛdɛŋ ɓɛ̀sɛ̀ɛ̀ ɓɛɓɛɛ̀ ɓɛ ɓaghà ǹɗaŋ.

MƐ̀KÌKÌÌ MƐ ƁƐKƐ̀NÌ-FÌTOM 12:17

Pyɛɛri à maasì ɓɔ rì càg, à ki kali ɓɔ yɛ̀ɛ Kan à kpaŋzi yì nyi ɓi naà-zày, à kpaa tì ɓɔ lɛ, kaliina Zyag rì ɓɛ̀geni ɓis ɓɛmbog kìɓan ki, fɔɔnnɛ à kpagà, à kɛ̀n jàŋ idɛŋ.

MƐ̀KÌKÌÌ MƐ ƁƐKƐ̀NÌ-FÌTOM 15:13

Yɛ̀ɛ ɓɛ lègsìghà ɓìtòkì, nni Zyag à pɛ̀sɛ̀ngà aɗyoo, à kpaa lɛ: Ɓɔɔsoŋ̀! Wooghna girig rìkpaa ɗyɛ̀m!

MƐ̀KÌKÌÌ MƐ ƁƐKƐ̀NÌ-FÌTOM 2:14

Nni Pyɛɛri à pɛ̀sɛ̀ngà aɗyoo rì ɓɛ̀kɛ̀nì-fìtom ǹtɛ̀ɗ rì bog, à kpaa ɓumɓɛ̀n jɛ̀ɛ̀ aɗyoo lɛ: Mìni Ɓɛ̀yudɛ̀n, rì mini ɓɛ̀sɛ̀ɛ̀ ɓɛ̀cèm ɓɛ ɓi kɔ̀kɔrii a Yorisalɛm, ramina mɛ̀ree, ɓi wog kìɓan ki nkìki lɛ, nkpaà mìni:

MƐ̀KÌKÌÌ MƐ ƁƐKƐ̀NÌ-FÌTOM 2:38

Pyɛɛri à ɓàg ɓɔ lɛ: Lɔ̀ɔ̀ghrɛɛna mɛ̀rem, mum ǹcèm ànɛ ɓi mìni à ki ɓàɓtɛn ɓi ɗii ɗi Yeesus Kiris fɔɔnnɛ Bɛ̀ll a cenɛn ɓìɓe ɓin, à ki fa mini Kìtɛntɛ̀ɛ̀n ki Nghay.

MƐ̀KÌKÌÌ MƐ ƁƐKƐ̀NÌ-FÌTOM 20:8

Ɓɛ̀lamɓà ɓɛ ɓaghà lɛɛ̀gwey ɓi kìden ki naa ki tì taŋzɛ̀ngà miì ɓi mɛɛ mɛ aɗyòò.

MƐ̀KÌKÌÌ MƐ ƁƐKƐ̀NÌ-FÌTOM 4:13

Ɓumɓɛ ɓɛ yɔɔ̀yɔ̀mzìghà ɓɛ̀-Pyɛɛri, ɓɛ kuuràkà lɛ, ɓɛ ghɛngà lɛ, Pyɛɛri rì Zyaŋ ɓɛɛ̀ ɓàɓag ɓɔ, kɛ̀ɛ̀ ìris ɓi ǹɗem, ɓɛ ghɛɛ̀dì lɛ, ɓɛ ɓaghà ɓum ɓɛ zɛy ɓɛ ɓɛ yighà ɓi sùkurù, ɓɛ yi min lɛ, ɓɛ ɓaghà ɓumɓɛ ɓɛ kɛɛ̀kɛ̀ɛ̀ghà ǹɗaŋ ɗi Yeesus.

MƐ̀KÌKÌÌ MƐ ƁƐKƐ̀NÌ-FÌTOM 4:19

Ɓɛ̀-Pyɛɛri ɓɛɛ̀ Zyaŋ ɓɛ ɓaàg ɓɔ lɛ: Ghɛɛna mìniìɓɔmiɗ, ǹkòo ki ri lɛ saaɗ ɓi mis mɛ Bɛ̀ll lɛ, ti ki mìni mɛ̀wog à cee Bɛ̀ll.

1 KƆ̀RƐ̀ŊTYƐŊ 15:7

Fɔɔnnɛ à rèsɛ̀ngà Zyag, à ɓɔ̀ɓ min ɓɛkɛ̀nì-fìtom ɓɛ̀cèm.

GÀLAT 1:19

wɔ̀lɛ ǹghɛngà ɓi nkɛ̀nì-fìtom a Yeesus àdɛŋ, lɔŋ Zyag ànɛ à rì geni Kan nnɛ ǹghɛngà.

GÀLAT 2:9

Fɔɔnnɛ ɓɛ gherɛ̀ngà lɛ Bɛ̀ll à kìghà mɛ̀ geesɛ̀n; ɓɛ̀-Zyag, rì Sefas rì Zyaŋ ɓɛ ɓɛ ɓaghà fɛlɛ yɛ̀ɛ ɓɛ̀ǹtɔn ɓaa, ɓɛ tukàkà ɓìsi ɓyàg lɛ rì mɛ̀ rì Ɓarinaɓas, lɛ ɓɛɛ resi lɛ, tì rì ɓɛ̀ɓùtɛn ɗi ɓɔ; fɔɔnnɛ ɓìsii ghɛɛ̀sɛ̀ngà kì kɛ̀ɛ a ɓumɓɛ ɓɛ yin Ɓɛ̀yudɛ̀n, ɓɔɔ kɛǹ a Ɓɛ̀yudɛ̀n.

ZYAG 1:1

Mɛ̀ Zyag, ànɛ ǹɗì Ǹkìì-kìsay a Bɛ̀ll rì à Kan Yeesus Kiris, ǹkàni mɛ̀pwìɗ mɛ Isirayɛl, ǹtɛ̀ɗ ɗì mɛɓɛɛ̀ mɛ mɛ saàtɛ̀ngà zi bimiɗ. Ǹtògsii yàà!

2 ZYAŊ 1:1

Mɛ̀ Ǹsɛ̀ɛ̀mɛn, mɛ̀ yɛɛ kani Kirya, giɓ anɛ Bɛ̀ll à ɓɔ̀ngà, rì ɓɔn ɓii ɓɛ ǹkeesii lɛ kɔɔ̀kɔɔ̀; nni àa mɛ̀ cɛ̀ncɛm yɛɛ keesii mìni, lɔŋ ɓum ɓɛ̀cèm ɓɛ ɓɛ yii saaɗ ɓɛ keesii girig mìni;

ZYUUDƐ 1:1

Mɛ̀ Zyuudɛ ànɛ ǹɗì ǹkìì-kìsay a Yeesus Kiris, ǹki ɓa geni Zyag, mɛ̀ yɛɛ kaniì ɓumɓɛ Bɛ̀ll à reŋìghà kaàtà ànɛ. Ɓumɓɛ̀n Bɛ̀ll Seŋi a keesag ɓɔ, Yeesus Kiris, à ki ɓègi ɓɔ.