3 ZYAŊ 1:11 - Bafia Nouveau Testament

¹¹ Mum wɛm̀ à ǹɗem, kɔ̀ɔ ɓa ri ǹfèfèègh ɓi ɓìɓan ɓi ɓeɓtɛn ù ɓalàg rì ǹfèfèègh ɓi kìrɔɔ, lɛ ŋwaànɛ a kìki kirɔɔ à rì mum à Bɛ̀ll; ŋwaànɛ a kìki kiɓe à ghɛngà ɓi Bɛ̀ll.

3 ZYAŊ 1:11 ပူးပေါင်းရင်းမြစ်များ

ZYAŊ 10:27

Jɔ̀ɔ̀ yɛm̀ yi ti yi wokì jɛ̀ɛ̀ yɛ̀m, mɛ̀ ǹ-yii yɔ, yɔɔ ki ti yi nɔɔ̀tàg mɛ̀.

ZYAŊ 12:26

I mum à kɔ̀ni lɛ a ki mɛ̀ kìsay, a nɔɔ̀ti mɛ̀, fɔɔnnɛ ǹkìì-kìsay wɛm̀ à ɓiì ɓaà jàŋ inɛ mɛ̀ ǹɗì. Seŋi wɛ̀m à ɓiì ki kemzii ŋwaànɛ a kìki mɛ kìsay.

ZYAŊ 3:20

Lɛ mum ǹcèm ànɛ a kìki kiɓe, à ti à ɓèèzàg kìtɛɛtɛn, kɛ̀ɛ ki yù jàŋ inɛ kìtɛɛtɛn ki ri, lɛ ìris wulɛ ɓìɓan ɓii ɓyɛ̀ kɛɛ̀ ki kpagi dan.

1 KƆ̀RƐ̀ŊTYƐŊ 11:1

Ɓaana ɓumɓɛ ɓɛɛ̀ nɔ̀ɔnɔɔ̀tì kìfèèghrɛnà kɛm̀ fɛlɛ yɛ̀ɛ mɛ̀ɛmiɗ mɛ̀ɛ nnɔ̀ɔnɔɔ̀tì ki Kiris.

1 KƆ̀RƐ̀ŊTYƐŊ 4:16

Fɔɔnnɛ ǹtɔɔgh min mini lɛ, ɓi pisɛn mɛ̀.

EFÈZYƐŊ 5:1

Yɛ̀ɛ ɓì rì ɓɔn ɓɛ Bɛ̀ll ɓɛ nɗem, tèèsiina nyoo lɛ ɓi nɔɔ̀ti kìfèèghrɛnà kii.

FÌLÌPYƐŊ 3:17

Ɓɔɔsoŋ̀, nɔ̀ɔ̀tiina mɛ̀kòò mɛm̀, ɓì seesèè ɓɛ̀roɓɛ ɓɛɛ̀ nɔ̀ɔnɔɔ̀tì kìfèèghrɛnà kis.

TÈSÀLÒNÌSYƐŊ 1:6

Ɓì nɔ̀ɔ̀tìghà lɛ rì mɛ̀kòò mis, rì mɛ̀kòò mɛ Kan, ɓì ki tulɛn rì mɛ̀tɔɓ lɛɛ̀gwey yɛ̀ɛ bì ghàɓkà Syeesyee à Ɓɔlɛ rì kìnyàà ki Kìtɛntɛ̀ɛ̀n ki Nghay kɛɛ̀ falàg.

TÈSÀLÒNÌSYƐŊ 2:14

Ɓɔɔsoŋ̀, ɓì mɛ pisɛn Ɓiseŋi ɓi Bɛ̀ll ɓi ɓi ri a Zyude ɓi Yeesus Kiris, ɓisuulɛ ɓumɓɛ ɓi kìlɔ̀ŋ kin ɓɛ yeesìghà mìni lɔŋ yɛ̀ɛ ɓɛroɓɛ a Zyude ɓɛ yeesìghà ɓɛ̀gherɛ̀n ɓɛ wɔ̀ɔ̀.

2 TIMOTE 3:10

Ɓi ɓɛg wɔ̀ɔ̀, ù ghɛngà rìrèsì ɗyɛm̀ lɛ syeesyee, rì rìghɛghɛ̀ɓ ɗyɛm̀, rì ɓɛ̀fèg ɓɛm, ɗì rìgherɛ̀n ɗyɛm̀, ɗì rìnìɗ ɗyɛm̀ ɗi nɗem, rì ǹkɔ̀nɛ̀n wɛ̀m, rì kìsììrì kɛm̀,

EBIREEGH 6:12

ɓi lèg ànɛ lɛ kɛ̀ ɓi rɛ̀gsi nyoo, ɓi nɔɔ̀ti lɔŋ ikòò wu ɓɛroɓɛ ɓɛ gherɛɛ, ɓɛ ki ɓa ri kìsììrì; ɓɛɛ ti ɓɛ tekì ɓìɓan ɓi Bɛ̀ll à kàkà lɛ rìkì ɗyaa ɗiǹ.

1 PYƐƐRI 3:11

à ghɛ̀ɛ̀sɛɛ kì lɔ̀ghii jɛ̀m rì kìɓe, kìrɔɔ kɛɛ̀ki à kìkì, à falɛ̀n ɓi rìkaakàà ɗi fyòoog.

1 PYƐƐRI 3:13

Ghɛn yɛɛ ri min lɛ à tɔɓ mìni di ɓì falɛɛ ɓi rìkì ɗi kirɔɔ rì ìtèɗ?

1 ZYAŊ 2:29

I ɓì yii lɛ, à rì lɛ saaɗ, ɓì ghɛ̀ɛ̀sɛɛ girig kì yiì lɛ mum ǹcèm ànɛ a kìki ɓiɓan ɓi ɓi ri lɛ saaɗ, à rì man à Bɛ̀ll.

1 ZYAŊ 3:10

Kìɓan ki ki ghasii lɛ rì ɓɔn ɓɛ Bɛ̀ll rì ɓɔn ɓɛ Satàn ki ri lɛ: Mum ǹcèm ànɛ à kìi ɓi ɓiɓan ɓi saaɗ, nsoò roànɛ à keesii ɓi geni à yin man à Bɛ̀ll.

1 ZYAŊ 4:1

Mìni ɓum ɓɛm ɓɛ nɗem, kɛ̀ ɓi siighrag ɓi mum ǹcèm ànɛ à kpaa lɛ, à rì rì Nghay à Bɛ̀ll; fèèghraaghna mɛ̀kuu mɛ ɓum mɛ̀n, lɛ ɓi yi ǹkòo ǹghay wu ɓɛ ri rì wɔ, wu ri wu Bɛ̀ll ɓisuulɛ ɓɛ̀pwààpwaà ɓɛ ɓɛkpaŋzì-ɓìɓan ɓɛ ti ɓi ziinɛ lɛɛ̀gwey.