2 TIMOTE 4:2 - Bafia Nouveau Testament

² lɛ u kakali jɛ̀ɛ̀ ì Bɛ̀ll, ù sììrɛ̀n miì ɓyààmɛ̀n ɓìcèm, lɛ rì ɓi syeesyee rì ɓi ɓeɓtɛn; kìya lɛ ɓum ɓɛɛ gherɛn, fwààdag ɓum, ù rerèɓ ɓɔ, ù yi rìnìɗ ɗi nɗem, ù ki rèeresàg ɓɔ.

2 TIMOTE 4:2 ပူးပေါင်းရင်းမြစ်များ

LUKAS 7:23

Nni mààgh rì ŋwaànɛ àa kɛ̀ɓtɛn ɓi fiɓàg lɛ mɛ̀.

LUKAS 7:4

Yɛ̀ɛ ɓumɓɛ̀n ɓɛ kpagà Yeesus a nyoo, nni ɓɛ ɓɔŋzàkà nyi, ɓɛ siìrɛ̀n rìkpaa lɛ: Tààta! Ù ghɛ̀ɛ̀sɛɛ kì kìi ǹkɔ̀mɛ̀n-ɓɛ̀sujàà ànɛ kìɓan ki à tɔɔgh wɔ̀ ki,

LUKAS 9:60

Yeesus à ɓàg nyi lɛ: Càra ɓìloŋ ɓyɛɛ ɓom̀ ɓìloŋ ɓyaa, kìɓan kifog wɔ̀ɔ̀ kɛ̀na kì kakalii ɓum ɓɔlɛ à kìlɔ̀ŋ ki Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 13:5

Yɛ̀ɛ ɓɛ kpagà a Salamin, ɓɛ kpaakpàà ɓum Ɓɔlɛ à Bɛ̀ll ɓi naa yi bɔ̀ŋzɛ̀n yi Ɓɛ̀yudɛ̀n; ɓɛ ɓaghà ɗì Zyaŋ lɛ a ghɛɛ̀ghɛ̀ɓsì ɓɔ.

MƐ̀KÌKÌÌ MƐ ƁƐKƐ̀NÌ-FÌTOM 16:13

Nni ŋwosì Saɓàt, tì pɛ̀sɛ̀ngà ɓi bàn, tì kɛ̀n ɓi bèn ì ǹsyòm, ɓi jàŋ inɛ tì fèfèkà lɛ Ɓɛ̀yudɛ̀n ɓɛ ɓaghà lɛ ɓɛ ɓa rì naà-bɔ̀ŋzɛ̀n wɔɔ. Yɛ̀ɛ tì kɔ̀rìghà ɓi zi, nni tì tòkàkà rì ɓɛ̀yiɓ ɓɛ ɓɛ ɓaghà wɔɔ ɓɛtaŋzɛn.

MƐ̀KÌKÌÌ MƐ ƁƐKƐ̀NÌ-FÌTOM 20:7

Ɓi ŋwos a ǹtonto ànɛ ɓi rìtumɛ̀n ɗi sɔnɗì nnɛ tì ɓaghà ɓɛ̀taŋzɛn lɛ ti teɗ ɓìɗilàg ɓi Bɛ̀ll. Pol nyii ghɛɛ̀sɛ̀ngà kì ghaghii ɓi duri tana, nni à tòkàkà rì ɓɛ̀gherɛ̀n, à ki ràɓsi ɓitòkì à kpaŋ nyìinyìm à-ru.

MƐ̀KÌKÌÌ MƐ ƁƐKƐ̀NÌ-FÌTOM 28:16

Yɛ̀ɛ tì kpagà a Rom, ǹkɔ̀mɛ̀n ɓɛ̀sujàà à sɛdɛ̀ngà ɓimbùŋ rì ǹkɔ̀mɛ̀n àgwey, wɔ̀lɛ ɓɛ caɗ Pol lɛ a kɔri cɛ̀ncii, rì sujàà ànɛ à ɓèŋɓèŋgà nyi.

RÒMƐŊ 10:15

Nni lannɛ mum à rì ɓiì kɛ̀ɛ ki kpaakpaa di ɓɛ romi ɓi nyi? Fɛlɛ yɛ̀ɛ ki ri kìkànɛn lɛ: Ki rɔɔtɛɛ yɛ̀ɛ mɛ̀nɔ̀ɓɔ̀ lɛ u ghɛǹ ɓumɓɛ ɓɛ riì rì ɓɛ̀syeesyee ɓɛ ɓɛ̀ɓɔlɛ di ɓɛɛ yùyuiy.

RÒMƐŊ 12:12

Ɓì ghɛ̀ɛ̀sɛɛ kì nyàànyaa ɓi dyàɓɛn inɛ ɓì rì rì yɔ̀, ɓì nìɗ ǹɗem cààmɛ̀n ki ɓì tulɛɛ ri mɛ̀tɔɓ, ɓì ki sììrɛn bi bɔ̀ŋzɛ̀n.

GÀLAT 6:6

Kighɛɛ̀sɛɛ lɛ Ŋwaànɛ ɓɛɛ̀ rèresi jɛ̀ɛ̀ ì Bɛ̀ll a fa roànɛ a rèresi nyi gàɓ ɓi ɓyom ɓii ɓìcèm.

KÒLÒSYƐŊ 1:25

Mɛ̀ ǹtighà ǹkìì-kìsay anɛ ɓi kìseŋi ki Kiris, lɛ ǹtɛ̀g wu Bɛ̀ll à tɛ̀gsìghà mɛ̀ lɛ nghagsi mìni jɛ̀ɛ̀ ì Bɛ̀ll lɛ kɔɔ̀kɔɔ̀,

KÒLÒSYƐŊ 4:3

Ɓì ɓɔ̀ŋzàg girig Bɛ̀ll ɓisu wis lɛ a nɛm̀ ɓìsi bee inɛ ti lamɓɛn jɛ̀ɛ̀ yìì, di fɔɔnnɛ mɛ̀ɛ nghagsi ɓum dwìɗ inɛ ì seesee Kiris, lɛ kiɓan kiǹ kɛɛ̀ki ǹɗì miì nkàgakɛn bɛn.

TÈSÀLÒNÌSYƐŊ 1:6

Ɓì nɔ̀ɔ̀tìghà lɛ rì mɛ̀kòò mis, rì mɛ̀kòò mɛ Kan, ɓì ki tulɛn rì mɛ̀tɔɓ lɛɛ̀gwey yɛ̀ɛ bì ghàɓkà Syeesyee à Ɓɔlɛ rì kìnyàà ki Kìtɛntɛ̀ɛ̀n ki Nghay kɛɛ̀ falàg.

TÈSÀLÒNÌSYƐŊ 5:14

Ɓɔɔsoŋ̀! tì ɓɔ̀ŋzaagh mìni lɛ, ɓi rɔgsɛn ɓumɓɛ ɓɛɛ̀ ghɛghɛɓ ɓi kìɓùùsì, ɓì cààsì ɓɛ̀riris nyoo, ɓì lènlèm ɓɛroɓɛ ɓɛ yin ɗi ìtèɗ, ɓì yi rìnìɗ ɗi ǹɗem rì ɓum ɓɛ̀cèm.

TÈSÀLÒNÌSYƐŊ 5:20

Kɛ̀ ɓi sɛɛti ɓiɓan ɓi ɓum ɓɛ kpaŋzii rì ìtèɗ wu Nghay à Bɛ̀ll.

TIMOTE 4:13

À kpaŋ yɛ̀ɛ ǹɗì ɓiì yùu, sììrɛn ɓi rìɓàɓày ɗi ɓiɓan ɓi Bɛ̀ll rì rìrerèɓ ɗi ɓum, ɗì rìrèèrèsàg ɗi ɓɔ.

TIMOTE 5:20

Ɓumɓɛ ɓɛ kii kìɓe, fwààdag ɓɔ ɓi mis mɛ ɓum ɓɛ̀cèm fɔɔnnɛ ɓɛ̀ro ɓɛmbog ɓɛ ri girig ɓiì risii.

2 TIMOTE 2:21

Nni i mum à ɓèŋɗɛɛ nyimiɗ ntɛnɛn à rì ɓiì ɓaà ɓɛŋi anɛ ɓɛ ri lɛ ɓɛ teɗ ŋwosi kiɓan ki bànà; ɓɛŋi a ǹtɛnɛn ànɛ à rì rì gɛɓsɛ̀n ɓisuu ŋwaànɛ à rì rì nyi, à ki ɓa ɓɛŋi anɛ à ghɛ̀ɛ̀sɛɛ ɓisuu rikì ɗi ɓyom ɓi syeesyee.

2 TIMOTE 2:25

À rèrèsì ɓɛ̀bènàbena ɓii zɛ̀ɗ yaa ri nɗem wu tɛ̀tɛ̀rɛ̀ɛ̀, rì ntyweeyi lɛ Bɛ̀ll à rì lɛ à fa ɓɔ mààgh ànɛ lɛ ɓɛɛ lɔɔ̀ghrɛn mɛ̀rem, ɓɛɛ kpaŋ̀ ɓi nɗɛli wu ɓɛɛ yi saaɗ,

2 TIMOTE 3:10

Ɓi ɓɛg wɔ̀ɔ̀, ù ghɛngà rìrèsì ɗyɛm̀ lɛ syeesyee, rì rìghɛghɛ̀ɓ ɗyɛm̀, rì ɓɛ̀fèg ɓɛm, ɗì rìgherɛ̀n ɗyɛm̀, ɗì rìnìɗ ɗyɛm̀ ɗi nɗem, rì ǹkɔ̀nɛ̀n wɛ̀m, rì kìsììrì kɛm̀,

Kaàtà ànɛ Pol à kàngà TIT 1:13

Jɛ̀ɛ̀ ìnɛ à kpaaghà ìnɛn ì rì miì, kìɓan kiǹ kɛɛ̀ki ù ghɛ̀ɛ̀sɛɛ ɓɔ kì fwààdaagh ù nyɛzì jɛ̀ɛ̀, di fɔɔnnɛ ɓɛɛ ɓa rì syeesyee à rìgherɛ̀n,

Kaàtà ànɛ Pol à kàngà TIT 2:15

Ɓìɓan ɓi ù ghɛ̀ɛ̀sɛɛ kì kakalii ɓum ɓyɛɛ̀ ɓìn lɔɔ, ù tèètèèsì ɓɔ nyoo, ù ki fwààdag ɓɔ ɗì ìtèɗ wu rilàmì wùcèm wu ù rì rì wɔ. Kɔ̀ɔ gherɛn lɛ mum a sɛɛ̀ti wɔ̀.

EBIREEGH 13:22

Ɓɔɔsoŋ̀, ǹtɔɔgh mìni lɛ ɓi niɗ mɛ̀rem, ɓì teɗ ɓìɓan ɓi ɓyɛɛ fa mìni ìtèɗ ɓi mɛ̀rem ɓisuulɛ kaàtà ànɛ ǹkàniì mìni à ràɓi ɓi.

ÀPÒKÀLIƁSƐ̀ 3:19

Lɛ ǹti ǹfwààdàg, ǹki ɓoki ɓum ɓɛ̀cèm ɓɛ ǹkeesii, fɔlɔɔ nnɛ falɛn ɓi rìgherɛ̀n rì ìtèɗ, ù ki lɔ̀ɔ̀ghrɛn nɗem.