2 TIMOTE 4:1 - Bafia Nouveau Testament

¹ M̀ɓɔ̀ŋzaagh wɔ̀ ɓi mis mɛ Bɛ̀ll rì ɓi mis mɛ Yeesus Kiris ànɛ à ghɛ̀ɛ̀sɛɛ kì yɔ̀mi lɛ rì ɓum ɓɛ cem rì ɓìloŋ, rì ɓi ɗii ɗi risugtìì ɗii, rì kìlɔ̀ŋ kii,

2 TIMOTE 4:1 ပူးပေါင်းရင်းမြစ်များ

MATYOO 16:27

Lɛ Man à mum à ɓiì yùu ɓi rìkem ɗi Seŋi rì ɓum ɓii ɓɛ titom, nni fɔɔnnɛ à ɓiì lèɓi mum ǹcèm lɔŋ yɛ̀ɛ rìkì ɗii ɗi ri.

LUKAS 19:12

Nni à kpaaghà min lɛ: Ŋwaàdɛŋ ànɛ à ɓaghà man à ɓɛ̀kemì nnyɛ̀ɛ kɛngà ɓi kìlɔ̀ŋ ki fìràɓ lɛ a ɓɔg yì rìfòm wɔɔ, di a sugtiì min ɓi kìlɔ̀ŋ kii.

LUKAS 19:15

Nni yɛ̀ɛ ŋwaànɛ̀n à sukày di à mɛ ɓɔg yi rìfòm, nni à reŋìghà ɓɛ̀kìì-ɓìsay ɓɛ à faghà mɔ̀ɔ̀ni ɓɛ̀n, lɛ ɓɛɛ resi nyi cɛ kɛɛ̀ki mɔ̀ɔ̀ni mɛ rɔɓkà kì yalì.

LUKAS 23:42

Fɔɔnnɛ à kpaaghà Yeesus lɛ: Yeesus ù yitì mɛ̀ yɛ̀ɛ ù biì yùu yi ɓi kìlàmì kɔɔ.

MƐ̀KÌKÌÌ MƐ ƁƐKƐ̀NÌ-FÌTOM 10:42

Nni Yeesus à reɓsìghà ɓìsi lɛ ti ghaàghàgsì ɓum Ɓɔlɛ wìì, tì ki sììrag ɓɔ kìresii lɛ, nnyɛɛ rì roànɛ Bɛ̀ll à rɛsìghà lɛ, à ri yù ki renì ɓìɓan ɓi ɓumɓɛ ɓɛ kaka cencem, rì ɓi ɓɛ ɓɛ mɛ wù.

MƐ̀KÌKÌÌ MƐ ƁƐKƐ̀NÌ-FÌTOM 17:31

Ɓisuulɛ à rɛsìghà bimiɗ à ŋwos ànɛ à rì ɓiì yɔ̀mi zi bimiɗ miì, lɔŋ yɛ̀ɛ saaɗ a kɔ̀nkɔ̀n; à ɓɔ̀ngà mum ànɛ à rì ɓiì kìi kisay kiǹ, à fa ɓum ɓɛ̀cèm kìrèmzɛnà ki ki resii lɛ, nnyɛɛ ɓɔngà ŋwaàncèm, yɛ̀ɛ à ghèmzìghày nyi a ɓìloŋ.

RÒMƐŊ 2:16

Kìɓan kiǹ kɛɛ ri ghɛnɛn ŋwos anɛ Bɛ̀ll à ri yɔm̀ ɓi Yeesus Kiris ɓìɓan ɓi ɓum ɓɛ ti ɓɛ kilàg a rìnyam; fɔlɔɔ nnɛ Syeesyee à Ɓɔlɛ ànɛ mɛ̀ɛ nghaaghagsì ɓum a rèrèsì.

KÒLÒSYƐŊ 3:4

Yɛ̀ɛ Kiris ànɛ à rì cɛɓ kin, à ɓiì rèsɛɛ, fɔlɔɔ nnɛ, mìni girig ɓì ɓiì rèsɛɛ nɗaŋ ri nyi ɓi rìkem ɓi ɗùm.

2 TÈSÀLÒNÌSYƐŊ 2:8

Ajɛ̀m ìnɛn innɛ Kìɓeɓtàg ki mum ki ɓiì rèsɛɛ yi, Kan à wey kɔ rì cɔ̀ŋzɛn ki ki kpaŋiì nyi ɓi ŋwɔm, à tììsì kɔ rì kìtɛɛtɛn ki ɓi rìsugtìì ɗii.

TIMOTE 5:21

M̀ɓɔ̀ŋzaagh wɔ̀ ɓi mis mɛ Bɛ̀ll rì ɓi mis mɛ Yeesus Kiris, rì ɓi mis mɛ ɓum ɓɛ titom ɓɛ ɓɛ ri ɓɛ̀ɓɔ̀nɛn lɛ, u ɓeŋ̀ ɓìɓan ɓi ǹsiitaagh wɔ̀ ɓiǹ, kɔ̀ɔ saa mum ìsu, kɔ̀ɔ ki ɓa ri nɗèè wu nɗem.

2 TIMOTE 1:10

Geesɛ̀n ìnɛn yɛ̀ɛ mɛ rèsɛn ɓigomìnɛ ɓi rìyù ɗi nkòrì wìs Yeesus Kiris ànɛ à ɓigtɛ̀ngà rì rìwu, à kpaŋzì lɛ rì cɛɓ rì rìɓa ɗi lɛ mum kɛ̀ɛ bwɛ̀y, ɓi kìtɛɛtɛn, ɓi bee ì Syeesyee à Ɓɔlɛ.

2 TIMOTE 2:14

Ɓìɓan ɓiǹ ɓyɛɛ̀ɓi ù ghɛ̀ɛ̀sɛɛ kì ɓìiɓiìtàg ɓum, ù ki siisiŋdɛ̀n ɓɔ ɓi mis mɛ Bɛ̀ll, lɛ ɓɛɛ lɛg ɓɛsaaka rì rìnyoònyòlɛ̀n ɓi kìɓan ki mii, lɛ ɓi ghɛɓsii ɓi com, di nya lɛ ɓyɛɛ ɗyaŋzi ɓumɓɛ ɓɛɛ̀ wowog ɓɛsaaka ɓɛǹ.

2 TIMOTE 4:18

Kan à rì mɛ̀ ɓiì lɛgsii ɓiɓan ɓi ɓeɓtɛn ɓìcèm, à ki ghɛɓsi mɛ lɛ nɗiŋi ɓi kìlɔ̀ŋ kii ki ki ri aɗyòò. Nyi yɛɛ ghɛɛ̀sɛɛ rì rìkem fìɗyàɓ fikɔ̀ɔ̀. Ààmɛ̀n.

2 TIMOTE 4:8

Nni ɓigomìnɛ, tàm à rìkem ànɛ à rì tàm à saaɗ innɛ m̀ɓoŋɓoŋi, Kan ànɛ à rì ǹ-yɔ̀mì-ɓum ànɛ à rì lɛ saaɗ à rì mɛ̀ nyi ɓiì faà ŋwos anɛ̀n, nni àa mɛ̀ cɛ̀ncɛm nnɛ à rì ɓiì faà, kìɓan kifog à ɓiì faà ɓum ɓɛ̀cèm ɓɛ ɓɛ ɓoŋɓòŋgà rìsugtìì ɗii ri ǹkɔ̀nɛ̀n.

Kaàtà ànɛ Pol à kàngà TIT 2:13

cààmɛ̀n ki ti ka ɓoŋɓoŋ coo ŋwos a kìnyàà ànɛ à rì dyàɓɛn yis, tì ki ɓoŋɓoŋ ti rìkem ɗi Bɛ̀ll wìs anɛ à teŋmɛɛ, rì ǹghɛɓsì wìs Yeesus Kiris,

1 PYƐƐRI 1:7

Mɛ̀tɔɓ mɛ̀n mɛɛ̀ fèeghfeèghrɛ̀n rìgherɛ̀n ɗin ɗi ɗi ri gìn i com ìnɛ ì cee gol kɛ̀ɛ̀ vèg; gol ì rì com ki ki ri lɛ ki ɗyoŋ, nsoò fɔlɔɔ ɓɛ ti ɓɛ fogì gol ɓi ɗuu lɛ ɓɛɛ ghɛǹ yɛ̀ɛ ì rì; fɔlɔɔ nnɛ ìtèɗ wu righerɛ̀n ɗin ɗi ɓɛɛ̀ fèefeèghrɛ̀n wu ɓiì ɓaà kìɓan ki mɛsɛɛ̀ghsɛɛgh, ɗì rìkem, ɗì ǹnyaasɛ̀n ɓisu win ŋwos anɛ Yeesus Kiris, à ɓiì rèsɛɛ.

1 PYƐƐRI 4:5

Kìɓan kifog ɓɛ ɓàagh gɛ kìɓan ki ɓɛɛ̀ kìki kiǹ ɓi mis mɛ roànɛ à ti jàŋbog lɛ a yɔm̀ lɛ rì ɓum ɓɛ cem rì ɓìloŋ.

1 PYƐƐRI 5:4

fɔlɔɔ nnɛ yɛ̀ɛ ǹkɔ̀mɛ̀n ɓɛ̀ɓèŋì-jɔ̀ɔ̀ à ɓiì kpaŋì, ɓì ɓiì terì tàm à rìkem ànɛ à yin lɛ à ɗyoŋ.

2 PYƐƐRI 1:11

Fɔlɔɔ anɛ̀n nnɛ rìɗiŋì ɗin ɗi ɓi kìlɔ̀ŋ ki fiɗyàɓ fikɔ̀ɔ̀, ki Kan wìs rì ǹghɛɓsì wìs Yeesus Kiris, ɗi ri ɓiì ɓaà kɛ̀ɛ̀ maa ntɔɓ nsoò lɛsàg.

2 PYƐƐRI 1:17

Ɓisuulɛ à tekà lɛ rì ǹnyaasɛ̀n rì rìkem yɛ̀ɛ Bɛ̀ll à Seŋi wìs ɓi cààmɛ̀n ki jɛ̀ɛ̀ ìnɛ ì ɓaghày ɓi jàŋ inɛ rìkem ɗi Bɛ̀ll ɗi ɗi cee ɗi ri, lɛ: Roànɛ à rì man wɛm̀ à nɗem ànɛ à ti à rɔɔghì mɛ̀.

1 ZYAŊ 2:28

Ɓigomìnɛ, mìni ɓɔn ɓɛm, ɓaana lɔŋ ɓɛràrɛn ɗi Kiris lɛ yɛ̀ɛ à rì ɓiì yùu, ti ɓa kɛ̀ɛ̀ ìris, tyɛ̀ ki wog ntoòrìɗ ɓi mis mii ŋwosi risugtìì ɗii.

ÀPÒKÀLIƁSƐ̀ 1:7

Ghɛɛna à rìì ɓi ɓìkwìɗ, ɓum ɓɛ̀cèm ɓɛ ri nyi ɓiì ghɛɛ̀, nsoò ɓɛ̀roɓɛ ɓɛ tuɓkà nyi bèn. Fɔɔnnɛ mɛ̀kuu mɛ ɓum mɛ̀cèm mɛ ɓi ziinɛ mɛ ri seeghkɛɛ gɛ ɓisu wii. Ɛ̀ɛ̀ ki ɓaa gɛ fɔlɔɔ. Ààmɛ̀n.