2 TIMOTE 3:2 - Bafia Nouveau Testament

² Ɓisuulɛ ɓum ɓɛ ri ɓa ɓɛ̀wemwèm, ɓɛ̀keesì-mɔ̀ɔ̀ni, ɓɛ ɓa ɓɛ̀daŋàdaŋa, ɓɛ ɓa ɓɛ̀kìì-kalɛn, ɓɛ feèfèngì Bɛ̀ll, ɓɛ kikì ɓɛ̀yalì ɓaa ntoòtèɗ, ɓɛ̀ kɛɛ̀ foŋ kirɔɔ ki ɓum ɓɛ kii ɓɔ, ɓɛ̀ kɛɛ̀ risi ɓyom ɓi ɓi ri kìcèlì.

2 TIMOTE 3:2 ပူးပေါင်းရင်းမြစ်များ

MATYOO 15:6

Rìkì ɗiǹ ɗi resii lɛ, ɓì ti ɓì tùùzàg jɛ̀ɛ̀ ì Bɛ̀ll lɛ ɓi nɔɔ̀ti ɓìsyɔ̀ɔ̀ ɓin.

LUKAS 12:15

Fɔɔnnɛ à kpaatìghà ɓɔɔ̀cèm lɛ: Womzɛɛna lɛ syeesyee ri kìɓan ki zày ì ìkum, ɓisuulɛ, cɛɓ ki mum ki yin lɔŋ lɛ ɓyom ɓi à rì rì ɓyɔ, àa soo rì rì ɓyom lɛɛ̀gwey.

LUKAS 16:14

Ɓɛ̀fàrìzyɛŋ ɓɛ ɓɛ ǹkeesàg mɔ̀ɔ̀ni ɓɛ wowòkà ɓìɓan ɓiǹ ɓìcèm di ɓɛɛ̀ wɔ̀wɛy Yeesus.

LUKAS 6:35

Kìɓan kifog, keesiina ɓɛ̀bènàbena ɓin, ɓì kìkì ɓɔ kìrɔɔ, ɓì ki ɓɔ̀rag ɓum ɓyom, kɛ̀ ɓi mìngi tityɛɛ lɛ, ɓɛ ri mìni ɓiì pɛ̀ɛ̀zii ɓyɔ. I ɓì kìi fɔlɔɔ, mɛ̀lèɓ min mɛ ri ɓiì tèghɛɛ, ɓì ki ɓa ɓɔn ɓɛ Bɛ̀ll ànɛ à teŋmɛɛ kɛ̀ɛ̀ vèg ɓisuulɛ, nyii rilàg rì geesɛ̀n ɓi ɓɛg ànɛ a ɓɛ̀tènteǹ rì ɓɛ̀kìì-rìgɛn.

MƐ̀KÌKÌÌ MƐ ƁƐKƐ̀NÌ-FÌTOM 5:36

lɛ, ki ka finɛn ɓì yɛ̀ɛ ŋwaàdɛŋ lɛ Tedas à peeghày fɛ à yèèghyègsì ɓum lɛ nyii rì bimiɗ à mum à kpaŋ yɛ̀ɛ ɓum ɓɛ nɔɔ̀tìghà nyi nunùg ɓum ɓɛ̀hɔnɗɛ̀ɗ ɓɛnin, nni yɛ̀ɛ ɓɛ wolà ŋwaànɛ̀n ɓum ɓɛ̀cèm ɓɛ ɓɛ nɔɔ̀tìghà nyi ɓɛ sanì, com ki ɓɛ mɛɛ̀ kìghà kɔɔ duŋɛ̀n fɔlɔɔ.

RÒMƐŊ 11:18

Kɔ̀ɔ saasanɛ̀n di u feefengì myaɓ mɛ ɓɛ rengàkà, i ù saasanɛ̀n, ù ghɛ̀ɛ̀sɛɛ kì yiì lɛ àa wɔ̀ yɛɛ ɓanɓani gàŋ, gàŋ yɛɛ ɓanɓani wɔ̀.

2 KƆ̀RƐ̀ŊTYƐŊ 5:15

À wughà ɓisuu ɓum ɓɛ̀cèm lɛ di ɓumɓɛ ɓɛ kaka cem ɓɛ̀ kɛɛ̀ ghɛghɛɓ ti ɓisu waa wu ɓɔmiɗ, ɓɛɛ ghɛɓ lɔŋ ɓisuu roànɛ à wughà, à ki ghèmɓɛn ɓisu wàà.

FÌLÌPYƐŊ 2:21

Lɛ ɓum ɓɛ̀cèm ɓɛɛ̀ kaakaa lɔŋ kirɔɔ kaa ki ɓɔmiɗ, ɓɛ̀ kɛɛ̀ kaa ki Yeesus Kiris.

KÒLÒSYƐŊ 3:5

Wolina ɓìɓan ɓi ɓi zi ɓìcèm ɓi ɓì rì rì ɓyɔ ɓi mìniìɓɔmiɗ, ɓyɛɛ ri lɛ, cɛɓ ki tisɔ̀mɔ̀g, cɛɓ ki tifin, ɗì rìfalɛ̀n ɗi ɓi ɓìɓan ɓi ɓeɓtɛn, rì kìsee ki ikum, kɛɛ ri fɛlɛ yɛ̀ɛ rìɓɔgsì ɗi ɓinùn.

2 TÈSÀLÒNÌSYƐŊ 2:4

Ki ri ɗùù ri com kìcèm ki ɓɛɛ̀ ɓɔɔɓɔgsì ɓɛ rerèŋì lɛ bɛ̀ll, ki ràm ki kɛ̀n kì kɔ̀rii ɓi naà-Bɛ̀ll ìnɛ ì ki rì lɛ ì Bɛ̀ll, ki rɛsɛ̀n kɔmiɗ lɛ kɔ yɛɛ ri Bɛ̀ll.

TIMOTE 1:20

Imenee rì Alɛgsaŋdirɛ ɓɛ ǹfaghà rì Satàn lɛ ɓɛɛ yilag rìɓèŋ ɗi myɔm maa lɛ ɓɛ̀ kɛɛ̀ tògti Bɛ̀ll kìɓe, ɓɛ ri ɓi bàlì ì ɓumɓɛ̀n.

TIMOTE 1:9

tì ki yii lɛ ɓìdɔ̀gsɛna ɓi yin ɓifalɛn ɓisuu ŋwaà saaɗ, ɓi ri lɔŋ ɓisuu ɓumɓɛ ɓɛ ri rì rìgɛn, rì ɓɛ̀roɓɛ ɓɛ̀ kɛɛ̀ wooghrɛn, ɓɛ̀ɓènì rìgherɛ̀n, rì ɓɛ̀kìì-kìɓe, rì ɓumɓɛ ɓɛ ti ɓɛ̀ kɛɛ̀ risi nsoò Bɛ̀ll, nsoò ɓyom ɓi ɓi ri kìcèlì, rì ɓisuu ɓumɓɛ ɓɛ ti ɓɛ weeyì ɓɛ̀seŋi ɓaa, rì ɓɛ̀jɛɛ ɓaa, rì ɓisuu ɓɛwolì-ɓum,

TIMOTE 3:3

Ki ghɛɛ̀sɛɛ ɓi lɛ a ɓa kìnɔɔ̀ mɛ̀rɔ̀g nsoò lɛ mum à ɓìgùg, ki ghɛɛ̀sɛɛ lɔŋ lɛ a ɓa kìfyòoog ki mum, kɛ̀ɛ ɓa mum à ɓɛsaaka nsoò lɛ à keesì mɔ̀ɔ̀ni.

TIMOTE 6:10

Ɓisuulɛ kìsee ki mɔ̀ɔ̀ni ki ri ǹɗyèm wu ɓiɓan ɓi ɓeɓtɛn ɓìcèm, nni ɓum ɓɛdɛŋ ɓɛ ɓɛ falɛ̀ngà ɓi kìsee ki mɔ̀ɔ̀ni kìn, ɓɛ ghasɛ̀ngà rì rìgherɛ̀n, ɓɛ ki syòŋ yi ɓɔmiɗ mɛtɔɓ ɓi nyoo lɛɛ̀gwey.

TIMOTE 6:4

di ɓìdaŋà ɓi roni ŋwaànɛ̀n miì ɓi nɗem, kɛ̀ɛ ki yi com, à rì ŋwaànɛ a roròɓ firoɓ fi lɛ a nyoònyòlɛ̀n di a saasaàkɛ̀n ɓi kìɓan ki mii; jàŋ inɛ̀n yɛ̀ɛnɛ ɓìɓan ɓidɛŋ ɓi ti ɓi fuughàg yì fɛlɛ yɛ̀ɛ m̀mììghrɛ̀n, ɓɛ̀paàzì, mɛ̀wɔ̀wɔrì, kìnɗèmɓàg ki ɓiɓan ɓi ɓeɓtɛn,

2 TIMOTE 3:4

ɓɛ ɓa ɓɛ̀tɔ̀kɔ̀tɔkɔ, ɓɔ mɛ̀rem lɛ bùɓbùɓ, ɓɔ rì kalɛn ɓi nɗem, ɓɛ keesì rìyɛ̀y ɗi cɛɓ ki mɛmùù à cee Bɛ̀ll;

ZYAG 2:8

Nyoey yi yin miì, i ɓì roòzii kìdɔ̀gsɛna ki rifòm fɛlɛ yɛ̀ɛ ki ri kìkànɛn lɛ: Ù ghɛ̀ɛ̀sɛɛ kì keesii romum ànɛ wɔ̀ jàŋbog yɛ̀ɛ wɛ̀ɛmiɗ, di ɓì konaagh.

ZYAG 4:16

Kìɓan kifog mìniì kaakalɛ̀n ɓigomìnɛ ɓi ɓɔɔ ɓidaŋà ɓɛ mìni ɓi mɛ̀rem; rìkuu ɗi kalɛn ɗi fɔlɔɔ ɗi rɔɔtɛɛ ɓì.

ZYAG 4:6

Wɔ̀lɛ Bɛ̀ll à ti à kìlàg ɓìsi geesɛ̀n ìnɛ ì cee, lɛ ki ri kìkànɛn lɛ: Bɛ̀ll à ti kɛ̀ɛ rɛ̀gti ri ɓɛ̀daŋàdaŋa, lɔŋ ɓɛ̀roɓɛ ɓɛ sɛɛ̀dii ɓɔmiɗ ɓi zi ɓɛɛ̀ɓɛ a rèsag geesɛ̀n yìì.

1 PYƐƐRI 5:5

Mìni ɓìɓwɛɗ ɓi ɓum, ɓì ghɛ̀ɛ̀sɛɛ girig lɛ ɓi ki ɓɛ̀sɛ̀ɛ̀mɛn mɛwog. Nni mìni ɓɛ̀sɛ̀ɛ̀ ɓɛ̀cèm, ɓi cɛɓ ki ɓi ghɛghɛɓ mini rì mìni, sɛɛ̀dɛɛna mìniìɓɔmiɗ ɓi zi, ɓisuulɛ Bɛ̀ll à ti kɛ̀ɛ ɓa nkɔɔ rì ɓɛ̀daŋàdaŋa, lɔŋ ɓɛ̀roɓɛ ɓɛ sɛɛ̀dɛɛ ɓɔmiɗ ɓi zi ɓɛɛ̀ɓɛ a rèsag geesɛ̀n yìì.

2 PYƐƐRI 2:10

À ɓiisɛ̀n ɓɛ̀roɓɛ ɓɛ ti ɓɛ yɛɛ̀sàg ɓìɓan ɓi tifin, ɓɛ nɔɔ̀nɔ̀ɔ̀tì ɓìɓan ɓi ɓi ti ɓi rɔɔghì mɛ̀mùù, ɓɛ sɛɛtì jɛ̀ɛ̀ ì rìlàmì ì Kan. Ɓɛ tɔɔghraagh mɛ̀rem, ɓɛ ki ɓalag ri kalɛn, ɓɛ̀ kɛɛ̀ risi risɛmgì ɗi ɓyom ɓi ɓyɛɛ̀ ghɛghɛɓ aɗyoo ɓi rìkem.

2 PYƐƐRI 2:12

Kìɓan kifog, ɓɛ ri lɔŋ yɛ̀ɛ nyàm yi yi yin ɗi ɗyomzɛ̀n, yɛɛ kilɛ̀ngà lɛ ɓɛɛ ɓaǹɓan di ɓɛɛ̀ wewèy, fɔɔnnɛ ɓɛ ti ɓɛ sɛmgì com ki ɓɛ yii ɓi, ɓɛ ri lɔŋ ɓiì cuù lɛ rìɓa ɗyaa ɗi ɓɛ ri ɓìɗyoŋi.

2 PYƐƐRI 2:18

Ɓɛ ti ɓɛ kalàg ɓìɓan ɓi ɓidaŋà ɓi ɓi ri kɛ̀ɛ̀ ìsu, ɓɛ ɓaàdɛ̀n ɓi zày ì ɓìɓan ɓi tifin ɓi ɓi mɛ̀mùù lɛ ɓɛɛ yegsi ɓumɓɛ ɓɛ mɛɛ̀ sɔtɛ̀n yi ɓi nyìinyìm à ɓumɓɛ ɓɛɛ̀ ghɛghɛɓ ɓi rìɗim ɓi ɗùm;

2 PYƐƐRI 2:3

Lɛ kìsee ki mɔ̀ɔ̀ni ki ɓɛ ri rì kɔ, ɓɛ ri mìni ɓiì kpaakpaa ɓiɓan ɓi ɓɛpwàà lɛ ɓi fafa ɓɔ ɓyom; kìɓan kifog ŋwaànɛ à ghɛ̀ɛ̀sɛɛ ɓɔ kìyɔ̀mi à tighà m̀pègsɛn lɛ a ki kìsay kii fìɗyàɓ, fɔɔnnɛ rìɗyaŋ ɗyaa ɗyaa finɛn yi tì ɓi.

ZYUUDƐ 1:16

Ɓumɓɛ̀n ɓɛ ri lɔŋ ɓɛ cɔɔ̀cɔ̀ɓɛ̀n rìɓa ɗyaa, ɓɛ̀ kɛɛ̀ wog kirɔɔ, ɓɛ kikì ɓìɓan lɔŋ yɛ̀ɛ mɛ̀rem maa mɛ feègh, ɓɛ kpaakpàà ɓìɓan ri kalɛn, ɓɛ ɗyɛɓsàg ɓumɓɛ ɓɛɛ̀ sìŋsiŋ kirɔɔ kidɛŋ a lɔ̀ŋkaa.

ÀPÒKÀLIƁSƐ̀ 13:1

Fɔɔnnɛ ǹghɛngà di nyàm ìdɛŋ yɛɛ̀ kpaŋkpaŋ yi ɓi rìɓày à kìkòn; ì ɓaghà mɛ̀tɔŋ ǹtɛ̀ɗ, rì mɛ̀to taàɓɛ̀ɛ̀, mɛ̀tɔŋ mɛ yɔ̀ mɛǹ mɛ ɓalàkà rì ɓɛ̀tàm ɓɛ rikem, mii mɛ tifena ɓisuu Bɛ̀ll mɛ ɓalàkà mɛ̀ kàngakɛn ɓi mɛ̀to mɛ nyàm ìnɛn.

ÀPÒKÀLIƁSƐ̀ 16:11

ɓɛ ki feefengì Bɛ̀ll ànɛ aɗyoo ɓisuu rikɛŋ ɗi ɓɛ wowòkà rì ɓisuu ɓiɓɛɛ̀ ɓyaa, kìɓan kifog ɓɛ̀ kɛɛ̀ ki lɔ̀ɔ̀ghrɛn mɛrem lɛ ɓɛɛ caɗ ɓìɓeɓtàg ɓyaa ɓi mɛkìkìì.

ÀPÒKÀLIƁSƐ̀ 16:21

Coo bol ì gɔ̀g ì kɔ̀sɛ̀ngày aɗyoo ì nɔ ɓum ɓi nyoo, gɔ̀g yi bol ìnɛ̀n yi ɓalàkà nunùg ɓɛ̀kilò mɛ̀tin mɛɓɛɛ̀; nni ɓum ɓɛ fengàkà Bɛ̀ll ɓisuu ntɔɓ wu ɓɛ ghɛngà wiǹ ɗì bol ì gɔ̀g, ǹtɔɓ wìn wu teèsɛ̀ngà wu ciɓ.

ÀPÒKÀLIƁSƐ̀ 16:9

nni coo ritɔ̀n ɗi syàn ɗiǹ ɗi ɗigsìghà ɓum, ɓɛ tum rìfengì ɗi ɗii ɗi Bɛ̀ll, ànɛ à làmii mɛ̀tɔɓ mɛ̀n ɓɛ̀ kɛɛ̀ lɔ̀ɔ̀ghrɛn mɛrem lɛ ɓɛɛ fa nyi rìkem.