2 TIMOTE 3:16 - Bafia Nouveau Testament

¹⁶ Ɓìɓan ɓìcèm ɓi ɓi ri ɓìkànɛn, ɓi kanɛ̀ngà rì ìtèɗ wu Nghay à Bɛ̀ll, ɓi ki rì rì gɛɓsɛ̀n, lɛ ɓyɛɛ resag ɓum saaɗ, ɓi ki lɛ ɓɛɛ gherɛn, ɓi rɛsàg ɓìɓan ɓi zɛ̀ɗ, ɓi ki tɔɔsi ɓum ɓi cɛɓ ki saaɗ,

2 TIMOTE 3:16 ပူးပေါင်းရင်းမြစ်များ

MATYOO 13:52

Nni à kpaaghà ɓɔ lɛ: Kìɓan kiǹ kɛɛ̀ki ǹɗèsì-ɓìdɔ̀gsɛna bimiɗ ànɛ à mɛ yilag ɓiɓan ɓi ɓi kìlɔ̀ŋ ki aɗyoo, à rì fɛlɛ yɛ̀ɛ ŋwaàmɛɛ, ànɛ à ti à sɔ̀ŋɗag yì ɓɛ̀nyɔɔnyɔn ɓɛ ɓyom, rì tìɗyàɓ ti ɓyom, ɓi jàŋ inɛ ìkum wii wu ri wu nyamɛn.

MATYOO 21:42

Nni Yeesus à tɔkà ɓɔ lɛ: Ɓi ka ɓalà ɓi yɛ̀ɛ ki ri kì kànɛn lɛ: Gɔ̀g ìnɛ ɓɛ̀toŋì-mɛɛ ɓɛ makà, yɛ̀ɛ ki ghalà gɔ̀g ìnɛ yɛ̀ɛ konag kì lèmi ǹtɔn à mɛɛ? Kìɓan kiǹ ki ɓaghày yɛ̀ɛ Kan, ki ki rì dàm ì kìɓan inɛ ì kìlɛɛ ɓìsi ɓi mis.

MATYOO 22:43

Fɔɔnnɛ Yeesus à kpaaghà ɓɔ lɛ: Nni lannɛ Davit à reŋìghà nyi lɛ Kan, di Ǹghay à Bɛ̀ll à faa nyi ɗyomzɛ̀n, yɛ̀ɛ à kpaaghà lɛ:

MATYOO 26:54

Lannɛ rìkalì ɗi kaàtà à Bɛ̀ll ɗi ri min ɓiì ronì? Lɛ kaàtà à Bɛ̀ll a kalag lɛ, ki ghɛɛ̀sɛɛ kì kìlɛɛ fɔɔlɔɔ.

MATYOO 26:56

Wɔ̀lɛ ɓìɓan ɓiǹ ɓìcèm ɓi kilɛ̀ngà fɔlɔɔ lɛ di ɓìɓan ɓi ɓɛ̀kpaŋzì-ɓìɓan ɓɛ kangà ɓyɛɛ roǹ. Fɔɔnnɛ ɓɛ̀yilàg ɓɛ rinìghà nyi ɓɛ̀sɛ̀ɛ̀ ɓɛ̀cèm, ɓɛ ghɛŋɗàg.

MARIKUS 12:24

Yeesus à ɓàkà ɓɔ lɛ: Ɓì pwààrɛɛ, ɓisuulɛ yɛ̀ɛ ɓì yii ɓi nya ɓìɓan ɓi ɓi kaàtà à Bɛ̀ll, kɛ̀ ɓi ki yi itèɗ wu Bɛ̀ll.

MARIKUS 12:36

Davit nyimiɗ a kpaaghà, di Kìtɛntɛ̀ɛ̀n ki Nghay ki mɛ fa nyi ɗyomzɛ̀n lɛ: Kan àa ǹkpaa Kan wɛ̀m lɛ: Kɔ̀ri mɛ̀ fɛ ɓi weèlem à kpaŋ yɛ̀ɛ ǹɗì ɓiì ghaasii ɓɛ̀bènàbena ɓɔɔ com ki rɛsakɛn mɛkòò mɔɔ miì.

ZYAŊ 10:35

Tì yii lɛ mum à yin lɛ à pisì kìɓan ki ki ri kìkànɛn; nni i mɛ̀kànì mɛ regii ɓumɓɛ Bɛ̀ll à tòòghrɛ̀ngà rì ɓɔ lɛ bɛ̀ll,

ZYAŊ 3:20

Lɛ mum ǹcèm ànɛ a kìki kiɓe, à ti à ɓèèzàg kìtɛɛtɛn, kɛ̀ɛ ki yù jàŋ inɛ kìtɛɛtɛn ki ri, lɛ ìris wulɛ ɓìɓan ɓii ɓyɛ̀ kɛɛ̀ ki kpagi dan.

MƐ̀KÌKÌÌ MƐ ƁƐKƐ̀NÌ-FÌTOM 1:16

Ɓɔɔsoŋ̀! kìɓan ki Kìtɛntɛ̀ɛ̀n ki Nghay ki lokà kì rèsii ɓi kaàtà à Bɛ̀ll, ɓi ŋwɔm wu Davit, ki rarɛ̀n ɗì Zyudas ànɛ à syògày ɓumɓɛ ɓɛ ɓangà Yeesus bee, ki ghɛɛ̀sɛ̀ngà lɛ kɛɛ kilɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 18:25

Ɓɛ ɓaghà di ɓɛ mɛ rèsi nyi bee ì Kan ǹɗem wii wu ki falɛn miì lɛɛ̀gwey. A kakàlìghà ɓum, à ki rèresi ɓɔ ɓìɓan ɓi Yeesus yɛ̀ɛ ki ghɛɛ̀sɛɛ, kìɓan kifog, bàɓtis ì Zyaŋ yɛɛ̀nɛ nyii yighà yɔ̀riyɔ̀.

MƐ̀KÌKÌÌ MƐ ƁƐKƐ̀NÌ-FÌTOM 20:20

Ɓì yii lɛ, ǹnyamgà ɓi mini kìɓan kidɛŋ ki ki ri lɛ, ki ghɛɓsì mìni, kɛ̀ɛ ǹki risi mini rìkpaakpàà, ɗì rìrèèrèsàg ɗi ɓiɓan ɓi Bɛ̀ll ɓi gwìy ì ɓum, nsoò lɛ a ɓɛ̀mɛɛ ɓin.

MƐ̀KÌKÌÌ MƐ ƁƐKƐ̀NÌ-FÌTOM 20:27

Ɓisuulɛ, ǹkpàkàkà mìni dwìɗ i Bɛ̀ll bimiɗ, kɛ̀ɛ nnyam mini nsoò maa kìɓan adɛŋ.

MƐ̀KÌKÌÌ MƐ ƁƐKƐ̀NÌ-FÌTOM 28:25

Nni yɛ̀ɛ ɓɛ pɛsɛ̀ngà rìsug, di ɓɛ mɛ rɔ̀ɓ kɛ̀ ɓɛɛ̀ wooghrɛn jɛ̀ɛ̀, com ki Pol à kpaatìghà ɓɔ ki ɓaghà lɛ: Kìtɛntɛ̀ɛ̀n ki Nghay ki kpaghà lɔŋ saaɗ yɛ̀ɛ ki kalìghà rì ɓɛ̀seŋi ɓin ɓi ŋwɔm wu ǹkpaŋzì-ɓìɓan Ezayii lɛ:

RÒMƐŊ 15:4

Kɔlɛ ɓìɓan ɓìcèm ɓi ɓɛ lokà kìkàni, ɓi kanɛ̀ngà ɓisuulɛ ɓyɛɛ fa ɓìsi ɗyomzɛ̀n, lɛ di ti ɓa rì dyàɓɛn ɓi bee ì rìnìɗ ɗi nɗem, rì rìfɔɔsì ɗi nɗem ɗi mɛ̀kànì mɛ ti mɛ falàg.

RÒMƐŊ 2:20

ù rì roànɛ à ti à reɓkàg ɓìdùŋdùŋ ɓi ɓum, ù ki ɓa nɗèsàg à ɓɔɔɓɔɓti ɓisuulɛ ù rì rì com ki kɛɛ̀ rèresi wɔ rìyi ɗi ɓiɓan ɗyɔmiɗ, rì saaɗ ɓi ɓìdɔ̀gsɛna ɓiɗùm.

RÒMƐŊ 3:2

Kìrɔɔ kaa ki tèghɛɛ bee lɛɛ̀gwey; rì ɓɔ nnɛ Bɛ̀ll à ka lokà kì reɓsɛɛ ɓiɓan ɓii.

RÒMƐŊ 4:23

Wɔ̀lɛ àa ɓisu wii cɛ̀ncii nnɛ ki ri kìkànɛn lɛ, ɓɛ ghɛngà nyi lɛ saaɗ à mum ɓisuu kiɓan kiǹ.

1 KƆ̀RƐ̀ŊTYƐŊ 12:7

Kìtɛntɛ̀ɛ̀n ki Nghay ki ti ki ghɛnàg yɛ̀ɛ mum bimiɗ ɓi bimiɗ à rìfa ànɛ à rì ɓi kìrɔɔ ki ɓum ɓɛ̀cèm.

GÀLAT 3:8

Kaàtà à Bɛ̀ll à yitìghà abɛ̀y lɛ, Bɛ̀ll à kìi gɛ lɛ ɓumɓɛ ɓɛ yin Ɓɛ̀yudɛ̀n ɓɛɛ ɓa lɛ saaɗ ɓi mis mii lɛ rìgherɛ̀n, nni à lokà kì kpaà Abiraham Syeesyee à Ɓɔlɛ ànɛ lɛ: Ɓìlɔ̀ŋ ɓìcèm ɓi teri gɛ ɓɛ̀mààgh ɓisu wɔ̀ɔ̀.

2 TIMOTE 2:25

À rèrèsì ɓɛ̀bènàbena ɓii zɛ̀ɗ yaa ri nɗem wu tɛ̀tɛ̀rɛ̀ɛ̀, rì ntyweeyi lɛ Bɛ̀ll à rì lɛ à fa ɓɔ mààgh ànɛ lɛ ɓɛɛ lɔɔ̀ghrɛn mɛ̀rem, ɓɛɛ kpaŋ̀ ɓi nɗɛli wu ɓɛɛ yi saaɗ,

2 TIMOTE 4:2

lɛ u kakali jɛ̀ɛ̀ ì Bɛ̀ll, ù sììrɛ̀n miì ɓyààmɛ̀n ɓìcèm, lɛ rì ɓi syeesyee rì ɓi ɓeɓtɛn; kìya lɛ ɓum ɓɛɛ gherɛn, fwààdag ɓum, ù rerèɓ ɓɔ, ù yi rìnìɗ ɗi nɗem, ù ki rèeresàg ɓɔ.

EBIREEGH 11:1

Rìgherɛ̀n ɗi ri rìyi ɗi mum à yii saaɗ ànɛ ɓi ɓìɓan ɓi à tyweeyii, ɗi ɓa tì com ki kɛɛ̀ rèresi mum ɓɛ̀saaɗ ɓɛ ɓi ɓìɓan ɓi à ghɛɛ ɓì.

EBIREEGH 3:7

Kìɓan kiǹ kɛɛ̀ki, i ɓì woogh jɛ̀ɛ̀ yìì gɛɛ̀nɛ fɛlɛ yɛ̀ɛ Kìtɛntɛ̀ɛ̀n ki Nghay ki ti ki kalàg,

EBIREEGH 4:12

Lɛ jɛ̀ɛ̀ ì Bɛ̀ll ì rì cencem, ì ki ɓa ri ìtèɗ, ì poo ì cee gàfàg ìnɛ ì rì ǹghɛliyɛn ɓɛɓɛg ɓɛ̀cèm. Yɛ̀ɛ ɗiɗiŋi mum ɓi nɗem à kpaŋ ɓi jàŋ inɛ cɛɓ ki mum rì nghay wii ɓi rarɛɛ; ì ɗiŋì ì kpaŋ ɓi rìràrɛ̀n ɗi gòga rì ɓɛ̀ɓɔ̀ŋ ɓɛ ɓiwoɓ. Yɛ̀ɛ rèresi nkòo rìkɔ̀n ɗi mum rì mɛ̀yitì mɛ mɛ ri nyi ɓi nɗem, ɓi ri lɛ syeesyee.