2 TIMOTE 2:24 - Bafia Nouveau Testament

²⁴ Ǹkìì-kìsay a Kan à ghɛ̀ɛ̀sɛɛ ɓi ki ɓaà mum à ɓɛ̀saaka; à ghɛ̀ɛ̀sɛɛ lɔŋ lɛ a ghɛɓ rì ɓum ɓɛ̀cèm ɓi nkɔ̀nɛ̀n, à ɓa ŋwaànɛ à rì lɛ à rèsàg ɓum ɓìɓan, à ki yi rinìɗ ɗi nɗem.

2 TIMOTE 2:24 ပူးပေါင်းရင်းမြစ်များ

MATYOO 12:19

Àa kaa ɓi mum kìɓan, kɛ̀ɛ rɔŋ kikiŋ, mum kɛ̀ɛ ki wog jɛ̀ɛ̀ yìì ɓi kìɓàà

ZYAŊ 6:52

Ɓi jɛ̀ɛ̀ ìnɛn, Ɓɛ̀yudɛ̀n ɓɛ tumɛ̀ngà rìnyoònyòlɛ̀n ɓɔ rì ɓɔ, ɓɛ kpaakpàà lɛ: Lannɛ ŋwaànɛ à rì lɛ à fa ɓìsi nyoo yìì lɛ ti ɗi yɔ̀?

MƐ̀KÌKÌÌ MƐ ƁƐKƐ̀NÌ-FÌTOM 15:2

Fɔɔnnɛ coo kiyoòyòò ki kpighà, dì Pol ɓɛɛ̀ Ɓarinaɓas ɓɛ mɛ teɗ rirèsàg ɗi ɓumɓɛ̀n nyoey, ɓɛ ren min lɛ, rì Pol rì Ɓarinaɓas rì ɓum ɓɛdɛŋ, ɓɛ ghɛɛ̀sɛɛ kì ɓɔɔ̀gh a Yorisalɛm lɛ, ɓɛɛ ghɛn ɓɛ̀kɛ̀nì-fìtom, rì ɓɛ̀sɛ̀ɛ̀mɛn ɓɛ kilɔ̀ŋ lɛ ɓɛɛ fiɓi kìɓan kiǹ.

MƐ̀KÌKÌÌ MƐ ƁƐKƐ̀NÌ-FÌTOM 23:9

Yɛ̀ɛ kìyoòyòò ki kɛnkɛ̀ngà lɔŋ asu rì ìtèɗ, nni ɓɛ̀rèsàg-ɓìdɔ̀gsɛna ɓɛdɛŋ ɓɛ ɓi ǹɗaŋ wu Ɓɛ̀fàrìzyɛŋ ɓɛ pɛ̀sɛ̀ngà aɗyoo, ɓɛ rɛli ɓi kìɓan kiǹ rì ìtèɗ, ɓɛ kpaa lɛ: Ɓìsii ghɛɛ ɓi kiɓan ki ŋwaànɛ à kìi, ɓaà yi ɓi ǹghay wudɛŋ nsoò lɛ ŋwaà-fìtom adɛŋ yɛɛ ǹɗì lɛ à tòòghrɛ̀n rì nyi.

MƐ̀KÌKÌÌ MƐ ƁƐKƐ̀NÌ-FÌTOM 7:26

Nni ɓi duri tana, Moyis à tanɛ̀ngà ɓɔn ɓɛ Isirayɛl ɓɛɓɛɛ̀, di ɓɛɛ̀ ɗùùɗùù, à kɛ̀n ɓɔ kì ghasii, à kpaa ɓɔ lɛ: Ɓɔɔsoŋ̀ cɛ kɛɛ ri ɓà lɛ, mìni ɓi rìgeni, ɓì ki ciiciìzɛ̀n tì mìni rì mìni?

2 KƆ̀RƐ̀ŊTYƐŊ 10:1

Mɛ̀ Pol! ǹtɔɔgh mìni, ɓi tɛ̀tɛ̀rɛ̀ɛ̀ rì syeesyee à ǹɗem à Kiris, mɛ̀ ànɛ ǹti ǹsɛɛ̀dàg mɛ̀ɛmiɗ ɓi zi ɓi mis min, kìɓan kifog, cààmɛ̀n ki ǹɗì mìni fìràɓ, m̀ɓa rì kìghɛɛsii ɓi san wìn lɛɛ̀gwey.

2 KƆ̀RƐ̀ŊTYƐŊ 10:4

Ɓisuulɛ ɓyom ɓi ribaŋì ɓi ti ɗùùɗuu wɛ̀y ri ɓyɔ, ɓi yin ɓyom ɓi mum à mɛ̀mùù yɛɛ syaagh; ìtèɗ wu ɓyom ɓìn wu riì yɛ̀ɛ Bɛ̀ll lɛ ti ɓɛki gari yi yi teèsɛɛ. Ɓìsii ti tì wààghì lɛ rì ɓìyèg ɓi momzɛ̀n,

2 KƆ̀RƐ̀ŊTYƐŊ 6:4

Wɔ̀lɛ ɓi ɓìɓan ɓìcèm, ɓìsiì rèresi kɔm̀ lɛ tì rì ɓɛ̀kìì-ɓìsay ɓɛ Bɛ̀ll, ɓi coo rinìɗ ɗi nɗem ɗi tì rì rì ɗyɔ ɓi rìkɛŋ, rì ɓi cɛɓ ki nyìinyìg rì ɓi ɓìɓan ɓi ɓyɛɛ̀ falag iris,

GÀLAT 5:22

Wɔ̀lɛ ɓìɗùn ɓi Kìtɛntɛ̀ɛ̀n ki Nghay ki ti ki falàg ɓi ri lɛ: Ǹkɔ̀nɛ̀n, kìnyàà, fyòoog, rìnìɗ ɗi nɗem, rìɓòò, rì kìpuɓì nɗem, rìɓèŋ ɗi ntyweeyi, rìɓa ɗi tɛ̀tɛ̀rɛ̀ɛ̀, rìyi ɗi riɓan ɗi nɗem.

EFÈZYƐŊ 4:2

sɛɛ̀diinà mìniìɓɔmiɗ ɓi zi, ɓì kɔ̀rì lɛ fyòoog, ɓì ɓa rì kìnìri ki nɗem, ɓì cenɛ̀n lɛ ɓi ghɛɓ rì ɓɛ̀geni ɓin lɔŋ yɛ̀ɛ ɓɛ ri, ɓɔ girig ɓɛ ki fɔlɔɔ ɓi san wìn, rìkì ɗiǹ ɗìcèm ɗi ɓa ɓi nkɔ̀nɛ̀n ɓi ɗùm;

FÌLÌPYƐŊ 2:14

Com kìcèm ki ɓì rì lɛ ɓì kì, kìina kɔ kɛ̀ɛ̀ tìrùrùmì nsoò lɛ tìkàna

FÌLÌPYƐŊ 2:3

Kɛ̀ ɓi kì kiɓan kidɛŋ rì ǹɗem wu kalɛn nsoò lɛ ɓisuu rikem ɗi kɛ̀ɛ̀-su. Wɔ̀lɛ sɛɛ̀dɛɛna mìniìɓɔmiɗ ɓi zi, ɓì teɗ ɓum ɓɛmbog fɛlɛ yɛ̀ɛ ɓɛ ceeghii mìni.

KÒLÒSYƐŊ 3:13

Ɓì ghɛ̀ɛ̀sɛɛ kì ceecenɛ̀n mìni rì mìni, i ki kpaŋi lɛ ŋwaàdɛŋ à rì rì kìɓan ki ki kɛŋi nyi rì geni, ɓaana rì rìcenɛ̀n ɓi nyìinyìm wìn; fɛlɛ yɛ̀ɛ Kan à cenɛ̀ngà mìni, mìni girig ɓaana ɗì ricenɛ̀n ɓi nyìinyìm wìn.

TÈSÀLÒNÌSYƐŊ 2:7

Wɔ̀lɛ tì ghɛɓkà ɓi nyìinyìm wìn rì nɗem wu tɛ̀tɛ̀rɛ̀ɛ̀ lɔŋ yɛ̀ɛ jɛɛ ɓɔn à ti à ɓègì ɓɔn ɓii.

TIMOTE 6:11

Ɓi ɓɛg wɔ̀ɔ̀, wàànɛ ù rì mum à Bɛ̀ll, lɛgha ɓìɓan ɓiǹ, ɓìcèm; u kaà lɛ rì saaɗ, rì rìfalɛ̀n ɗi ɓi rìgherɛ̀n, rì rìgherɛ̀n yɛ̀ɛ Bɛ̀ll, rì ǹkɔ̀nɛ̀n, ɗì rìnìɗ ɗi nɗem, ɗì rìɓa ɗi lɛ tɛ̀tɛ̀rɛ̀ɛ̀.

Kaàtà ànɛ Pol à kàngà TIT 1:1

Mɛ̀ Pol ànɛ ǹɗì ǹkìì-kìsay a Bɛ̀ll, ǹki ɓa ti ǹkɛ̀nì-fìtom a Yeesus Kiris lɛ nsyoŋ̀ yì ɓumɓɛ ɓɛ ri ɓɛ̀ɓɔ̀nɛn lɛ ɓɛɛ gherɛn Bɛ̀ll, ɓɛ ki yi saaɗ ànɛ à rì yɛ̀ɛ rìgherɛ̀n ɗis ɗyɛɛ̀ kpaakpàà,

Kaàtà ànɛ Pol à kàngà TIT 1:7

Lɛ ki ghɛɛ̀sɛɛ lɛ ǹkɛ̀ɛ̀sì-kìseŋi a ɓa kɛ̀ɛ̀ tìcɔrɔɓ fɛlɛ yɛ̀ɛ m̀ɓèŋì ɓyom ɓi Bɛ̀ll; à ghɛ̀ɛ̀sɛɛ ɓi ki ɓaà rì kalɛn kɛ̀ɛ ɓa ŋwaà bim, kɛ̀ɛ ɓa kinɔɔ̀ mɛ̀rɔ̀g, kɛ̀ɛ ɓa ri ɓìgùg, kɛ̀ɛ ɓa ri kìsyɔ̀ɔ̀ ki lɛ a fɔngi mɔ̀ɔ̀ni ɓi kìcòò.

Kaàtà ànɛ Pol à kàngà TIT 1:9

à sììrɛ̀n lɛ tiŋtiŋ ɓi kɔɔ̀kɔɔ̀ à jɛ̀ɛ̀ lɔŋ yɛ̀ɛ ɓɛ resìghà nyi yɔ̀, fɔlɔɔ nnɛ à rì ɓiì ɓaà rì ìtèɗ wulɛ a rereɓ ɓum yɛ̀ɛ syeesyee à dɔgtɛ̀n a rèrèsì, à ki kì lɛ ɓumɓɛ ɓɛɛ̀ ɗùùɗuu ri syeesyee à dɔgtɛ̀n ɓɛɛ yi lɛ ɓɔ yɛɛ ri ɓi zɛ̀ɗ.

Kaàtà ànɛ Pol à kàngà TIT 3:2

Ɓɛ̀ kɛɛ̀ wɛ̀ɗ mum, ɓɛ ghɛɛ̀sɛɛ kì ɓaà ɓum ɓɛ fyòoog, ɓɛ ɓa rì syeesyee à nɗem, ɓɛ ghɛɓ lɔŋ lɛ fyòoog rì ɓum ɓɛ̀cèm.

ZYAG 1:1

Mɛ̀ Zyag, ànɛ ǹɗì Ǹkìì-kìsay a Bɛ̀ll rì à Kan Yeesus Kiris, ǹkàni mɛ̀pwìɗ mɛ Isirayɛl, ǹtɛ̀ɗ ɗì mɛɓɛɛ̀ mɛ mɛ saàtɛ̀ngà zi bimiɗ. Ǹtògsii yàà!

ZYAG 3:17

Ɗyomzɛ̀n ɗi ɗi riì aɗyoo ɗi ka rì ɗì tɛnɛn, ajɛ̀m ìnɛn ɗi ɓa tì lɛ fyòoog, ɗyɛ̀ kɛɛ̀ ròoroòtɛ̀n, ɗi kaaghì lɛ ɓum ɓɛɛ ɓa ɓɛ̀ràrɛn, ɗyɔ ɗìronɛn ri nɗem wu nyìighnyìg, ɗi ki kìlag ɓiɓan ɓi syeesyee, ɗyɛ̀ kɛɛ̀ ɓa ri ǹlànag nsoò tìfyèèrɛnà.

ZYAG 4:2

Ɓì ti ɓì ɓalàg rì zày ìnɛ lɛ di ɓyàa ɓaa rì ɓyom, kɛ̀ ɓi ki ɓa ri ɓyɔ; ɓì rì ɓɛ̀wolì ɓum; ɓì ki ɓa ti ɓumɓɛ ɓɛɛ̀ kɔ̀nkɔn lɛ ɓi ɓa rì ɓyom, wɔ̀lɛ bee inɛ ɓi ɓa rì ɓyɔ yɛ̀ kɛɛ̀ ɓa; ɓì woòwòmɓɛ̀n, ɓì ɗùùɗùù, kɛ̀ ɓi ki ɓa ri com, ɓisuulɛ ɓì ti kɛ̀ ɓi lɔn.

1 PYƐƐRI 3:8

Ǹsiitɛɛ mìni kìkpaà lɛ, ɓaana ɓɛ̀fèg ɓɛ̀fog, ǹkɔ̀nɛ̀n bog, ɓaana ɓɛ̀ronɛn ɗi ǹkɔ̀nɛ̀n à rìgeni, ɓì ɓa rì nɗem wu nyìinyìg rì nɗem wu sɛɛ̀dɛn mìniìɓɔmiɗ ɓi zi.

ZYUUDƐ 1:3

Mìni ɓum ɓɛm ɓɛ nɗem, mɛ̀ɛ nɗì rì coo zày ìnɛ lɛ di màa kàni mìni kìɓan ki gòri ìnɛ ì seesee ɓìsi ɓɛ̀sɛ̀ɛ̀ ɓɛcèm; mɛ̀ɛ nɗì ǹtiniyɛn lɛ nki fɔlɔɔ lɛ nfegsi mìni lɛ ɓi ɗuù ɓisuu ntyweeyi wu Bɛ̀ll à faghà ɓɛ̀gherɛ̀n gɛ̀mbog ɓi gɛ̀n yicèm.