2 TIMOTE 2:19 - Bafia Nouveau Testament

¹⁹ Nsoò fɔlɔɔ kìgɔ̀ŋgɔ̀m ki mɛɛ ki Bɛ̀ll à yàghɛ̀ngà kìtoŋ miì ki kaka lɛ kpeg-kpeg. Jɛ̀ɛ̀ ì rì miì ǹkànɛn yɛ̀ɛ sìtam̀ lɛ: Kan à yii ɓɛ̀roɓɛ ɓɛ ri ɓɛŋkìì; fɔɔnnɛ mum ǹcèm ànɛ a rereŋi ɗii ɗi Kan, à ghɛ̀ɛ̀sɛɛ lɛ à sɔ̀ŋì ìkòò wii ɓi kìɓe.

2 TIMOTE 2:19 ပူးပေါင်းရင်းမြစ်များ

MATYOO 24:24

Ɓisuulɛ ɓɛ̀kiris ɓɛ ɓɛpwàà, rì ɓɛ̀pwààpwaà ɓɛ ɓɛkpaŋzì-ɓìɓan ɓɛ ɓiì yùu, ɓɛ kikì ɓyoo dàm rì ɓɛ̀koŋnyoo ɓɛ ɓiɓan ɓi lèg ànɛ lɛ, i kaa rì lɛ ki kilɛ̀n, di ɓɛ ri lɛ ɓɛ syoŋ̀ nsoò ɓumɓɛ ɓɛ ri ɓɛ̀ɓɔ̀nɛn.

MATYOO 28:19

Kɛ̀ɛna! ɓi ki lɛ ɓumɓɛ ɓi ɓìlɔ̀ŋ ɓìcèm ɓɛɛ ɓa ɓɛ̀yilàg ɓɛm, ɓì ɓàɓtì ɓɔ ɓi ɗii ɗi Seŋi, rì Man, rì Kìtɛntɛ̀ɛ̀n ki Nghay;

MATYOO 7:23

Fɔɔnnɛ ǹkalii gɛ ɓɔ lɛ tɛntɛ̀ɛ̀n lɛ, ǹka yighà ɓi mini nsoò ŋwos bog, pɛ̀sɛɛna mɛ̀ ɓi mis, mìni ɓɛ̀kìì-ɓìɓe ɓɛ!

MATYOO 7:25

Yɛ̀ɛ bwey ì nɔghà, ɓɛ̀poɓɓo ɓɛ ɓɛngì, bɛ̀ɓ ì fɛɓsì, ɓyom ɓìn ɓìcèm ɓi roŋɗɛ̀n ɓi mɛɛ mɛǹ, mɛ̀ kɛɛ̀ kpìlag, lɛ mɛ ɓaghà mɛ̀ toŋɛn ɓi rìɓan.

MARIKUS 12:16

Nni ɓɛ yughày nyi rì fìraŋ̀, à tɔg ɓɔ lɛ: Kìfèèghrɛnà ki ghɛn kɛɛ ri lɛ miì? Ɗii ɗi ghɛn ɗyɛɛ ki rì tì lɛ? Ɓɛ ɓaàg nyi lɛ: Ɓi ri yɛɛ lɔɔ lɛ, rì kìfèèghrɛnà ki Kaaza, rì ɗii ɗìì.

MARIKUS 13:22

ɓisuulɛ ɓɛ̀-kiris ɓɛ ɓɛpwàà, rì ɓɛ̀pwààpwaà ɓɛ ɓɛkpaŋzì-ɓìɓan ɓɛ ɓiì yùu, ɓɛ kikì lɛ rì dàm yi ɓiɓan rì ɓɛ̀koŋnyoo ɓɛ ɓiɓan ɓi lèg ànɛ lɛ, i kaa rì lɛ ki kilɛ̀n, ɓɛ ri lɛ ɓɛ syoŋ̀ nsoò ɓumɓɛ ɓɛ ri ɓɛ̀ɓɔ̀nɛn.

LUKAS 13:27

Nni nyii ɓàagh gɛ mìni lɛ: Ǹkalii mìni lɛ ǹ-yii ɓi jàŋ inɛ ɓì pɛ̀sɛɛ yì, ghaghiina mɛ̀ ɓi mis, lɛ mìni ɓɛ̀sɛ̀ɛ̀ ɓɛ̀cèm, ɓì rì ɓɛ̀kpàn ɓɛ kiɓe.

LUKAS 6:48

à pisɛɛ ŋwaànɛ à ɓaghà ɓi kìtoŋ ki mɛɛ; à timgà zi, à kpaŋ ɓi rìɓan à ghɛ̀lɛ̀n yì kìtoŋ miì aɗyòò; yɛ̀ɛ don yi mɛnig yi kpagà, poɓɓo à yù kì roŋdɛɛ ɓi mɛɛ mɛǹ, kìɓan kifog, mɛ̀ kɛɛ̀ nyɛ̀ŋɗɛn, lɛ mɛ ɓaghà mɛ̀ toŋɛn lɛ syeesyee.

ZYAŊ 10:14

Mɛ̀ yɛɛ ri syeesyee à m̀ɓèŋì-jɔ̀ɔ̀. Ǹ-yii jɔ̀ɔ̀ yɛm̀, jɔ̀ɔ̀ yɛm̀ yi ki yii mɛ̀,

ZYAŊ 13:18

Àa ɓisuu miniìcèm nnɛ ǹkpaa kìɓan kiǹ. Mɛ̀ ǹ-yii ɓɛ̀roɓɛ m̀ɓɔ̀ngà wɔ̀lɛ, ki ghɛɛ̀sɛɛ lɛ jɛ̀ɛ̀ ìnɛ ì rì ǹkànɛn lɛ: Roànɛ ti ɗiɗi bìrɛs yɛ̀m ɓɛɛ̀ nyi à ghali mɛ̀ ŋaŋ-ŋaŋ ɓi nyoo, yɛ̀ɛ roǹ.

ZYAŊ 3:33

I mum à ki teri rìrèsì ɗii, di à gherɛɛ yɛɛ lɔɔ lɛ Bɛ̀ll à ti à kpaaghì saaɗ.

MƐ̀KÌKÌÌ MƐ ƁƐKƐ̀NÌ-FÌTOM 11:26

Yɛ̀ɛ à tanɛ̀ngà nyi wɔɔ, ɓɛ kɛǹ a Aŋtyos ɓɔɔ̀cèm ɓɛ kɔrì wɔɔ bimiɗ à bèg, ɓɛ sasày bas rì kìseŋi ki wɔɔ, ɓɛ ki rèrèsàkà coo bàlì ì ɓum ɓìɓan ɓi Bɛ̀ll. Nni wɔɔ a Aŋtyos nnɛ ɓɛ tɔmgà kì ròo ɓɛ̀yilàg ɗii ɗi lɛ ɓɛ̀kìristɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 15:17

Fɔɔnnɛ ɓum ɓɛmbog ɓɛ̀cèm ɓɛ kaa gɛ lɛ ɓɛɛ ghɛǹ Kan, rì ɓumɓɛ ɓi ɓìlɔ̀ŋ ɓìcèm ɓi ɓyɛɛ rereŋi ɗii ɗyɛ̀m.

MƐ̀KÌKÌÌ MƐ ƁƐKƐ̀NÌ-FÌTOM 9:14

Nni ɓi ɗi à rì ɗi fɛ, ɓɛ̀pìrɛɛtìrɛ̀ ɓɛgwey ɓɛ nfaa nyi ìtèɗ wulɛ a ɓangi ɓum ɓɛ̀cèm ɓɛ ɓɛɛ̀ rereŋi ɗii ɗyɔɔ, à ki fogi ɓɔ ɓi ɓìsɔŋ.

RÒMƐŊ 11:2

Bɛ̀ll à màagh ɓi kilɔ̀ŋ kii ki à lokà kì ɓɔ̀ni abɛ̀y. Ɓì yii ɓi yɛ̀ɛ ki ri kìkànɛn ɓi jàŋ inɛ Eli à sɔmɛɛ Isirayɛl rì Bɛ̀ll, à kpaa lɛ:

RÒMƐŊ 12:9

Nkɔ̀nɛ̀n à ghɛ̀ɛ̀sɛɛ kì ɓaà kɛ̀ɛ̀ mɛ̀ghèy azi, ɓì ɓèèzɛ̀n kìɓe, ɓì ki sììrɛn ɓi rìkì ɗi kirɔɔ rì ìtèɗ.

RÒMƐŊ 15:20

Ǹfalɛ̀ngà mɛ̀ɛmiɗ rikem ɗi lɛ nkakali Syeesyee à Ɓɔlɛ lɔŋ ɓi jàŋ yi ɗii di Kiris ɗi ɓaghà di ɗi ka ɓuŋ̀ɗɛn ɓi, lɛ kɛ̀ɛ nki ɓa lɛ ǹtoŋ ɓi jàŋ inɛ ŋwaàdɛŋ à ɓaghà di à mɛ yàghɛn kitoŋ, wɔ̀lɛ lɔŋ yɛ̀ɛ ki ri kìkànɛn lɛ:

RÒMƐŊ 15:9

Ɓi san ànɛ a ɓumɓɛ ɓɛ yin Ɓɛ̀yudɛ̀n, ɓɔɔ̀ keekemzì Bɛ̀ll ɓisuu nɗem wu nyìinyìg wu à rì rì wɔ lɔŋ yɛ̀ɛ ki ri kìkànɛn lɛ: Ɓisuu kiɓan kiǹ nnɛ ǹɗi wɔ̀ ɓiì kemzii ɓi nyìinyìm à ɓìlɔ̀ŋ ɓi zɛy ǹki ghàɓ tyem ti tyɛɛ fa wɔ̀ rìkem.

RÒMƐŊ 8:28

Tì ki yii girig lɛ ɓìɓan ɓìcèm ɓi ti ɓi syɔngì ɓi kìrɔɔ ki ɓumɓɛ ɓɛ keesii Bɛ̀ll, ɓumɓɛ̀n ɓɛɛ̀ɓɛ à rèŋìghà lɔŋ yɛ̀ɛ nɗem wii wu ghɛngà lɛ a reŋi ɓɔ.

RÒMƐŊ 9:11

Kɔlɛ ɓɔn ɓii ɓɛ ɓaghà di ɓɛ ka yalɛn ɓi, di ɓɛ ka ki ɓi kirɔɔ nsoò kìɓe, nni yɛ̀ɛ Bɛ̀ll à rì rì bimiɗ wìì a fèg ɓi rìɓɔ̀n ɗi ɓum, fèg wìì anɛ̀n à seesee rìreŋì ɗi à ti à regì ɓɔ, kɛ̀ɛ seesee mɛkìkìì maa ɓi ɗi lɛ a resi lɛ a nɔ̀ɔnɔɔ̀tì lɔŋ rifèg ɗii ɗiǹ,

1 KƆ̀RƐ̀ŊTYƐŊ 1:2

Tì kàni kìseŋi ki Bɛ̀ll ki ki ri a Kɔrɛŋt, rì ɓumɓɛ ɓɛ ri ɓɛ̀tɛnɛn ɓi Yeesus Kiris ɓi ɗùm ɓɔ yɛɛ ri ɓɛ̀reŋiyɛn lɛ ɓɛɛ ɓa ɓɛ̀gherɛ̀n, rì ɓum ɓɛ̀cèm ɓɛ ɓɛɛ̀ rereŋi ɗii ɗi Kan wìs Yeesus Kiris ɓaa soo rì fe, lɛ Yeesus à rì Kan wàà, nyi tì Kan wìs.

1 KƆ̀RƐ̀ŊTYƐŊ 8:3

Wɔ̀lɛ i ŋwaà keesii Bɛ̀ll, di ŋwaànɛ̀n à rì ŋwaànɛ Bɛ̀ll à yii.

2 KƆ̀RƐ̀ŊTYƐŊ 7:1

Nni yɛ̀ɛ tì rì rì mɛ̀kàg yɛ̀ɛ mɛǹ, ɓɛ̀geni ɓɛ̀m ɓɛ nɗem, tì ghɛ̀ɛ̀sɛɛ kì kìi lɛ tì ɓa ɓɛ̀tɛnɛn kɛ̀ɛ̀ tìfin ti ɓi nyoo, nsoò ti ɓi ǹghay. Ti tèèsiina nyoo lɛ ti konag kìɓaà ɓɛ̀tɛnɛn rì ìris wu Bɛ̀ll ɓi nɗem.

GÀLAT 4:9

Nni ɓigomìnɛ ɓì mɛ yi Bɛ̀ll, ǹɗì lɛ ǹkpaa gì lɛ Bɛ̀ll à mɛ yi mini, nni lannɛ ɓì rì lɛ ɓì sugtì rì jɛ̀m ɓi ɓɔɔ ɓyom ɓɛ zɛy rì zɛy ɓɛ ɓɛ ri kɛ̀ɛ̀ ìtèɗ, ɓì ki kɔ̀nkɔn lɛ di ɓyàa ɓatii ɓɛ̀kpàn ɓɛ ɓyom ɓìn?

EFÈZYƐŊ 2:20

Ɓì rì kìtoŋ ki ki ri kìyàghɛn yi ɓi kìsay ki ɓɛkɛ̀nì-fìtom, rì ki ɓɛkpaŋzì-ɓìɓan; Yeesus Kiris nyimiɗ a ɓa gɔ̀g ìnɛ ì ɓanɓani ntɔn à naa.

EFÈZYƐŊ 3:15

ànɛ naa yi ɓum yìcèm lɛ rì yi aɗyoo rì yi ɓi ziinɛ, yɛɛ̀ fuughag yi a lɔ̀ŋkii.

EFÈZYƐŊ 4:30

Kɛ̀ ɓi kì lɛ Kìtɛntɛ̀ɛ̀n ki Nghay ki Bɛ̀ll à rèmzàkà mìni rì kɔ ɓisuu ŋwos anɛ gòri yìì ì ri ɓa, kɛ̀ɛ wog bim.

TIMOTE 3:15

Kìɓan kifog, nsoò màa lɛ̀mzii yì, ɓìɓan ɓi nkpaa ɓi ri wɔ̀ ɓiì rèsii lannɛ ki ghɛɛ̀sɛɛ lɛ u ghɛɓ ɓi naa ì ɓum ì Bɛ̀ll ìnɛ ì rì kìseŋi ki ɓɔn ɓɛ Bɛ̀ll ànɛ à rì cem à ki ɓa rikwìy ɗì kìlèmì ki saaɗ.

TIMOTE 6:19

fɔlɔɔ nnɛ ɓɛ ri ɓiì taŋzɛɛ ikum wu wu rɔɔtɛɛ wu ki kpegmɛn ɓisuu cɛɓ ki kɛɛ̀ yùyuiy, fɔɔnnɛ ɓɛ ri ɓiì terì kɔɔ̀kɔɔ̀ à cɛɓ.

EBIREEGH 11:10

Ɓisuulɛ Abiraham à ɓoŋɓòŋgà bàn ìnɛ Bɛ̀ll yɛɛ fekà yɛ̀ɛ ì rì lɛ ì toŋɗɛ̀n, nyimiɗ yɛɛ ki toŋ, yɔ̀ lɛ kpegkpeg.

2 PYƐƐRI 3:14

Kìɓan kiǹ kɛɛ̀ki, mìni ɓum ɓɛm ɓɛ nɗem, cààmɛ̀n ki ɓi ka ɓoŋɓoŋ ŋwos anɛ̀n, tèèsiina nyoo lɛ ɓi ɓa ɓɛ̀tɛnɛn, kɛ̀ɛ̀ bɛ̀lɛn ɓi mis mɛ Bɛ̀ll, ɓì ki ɓa lɛ fyòoog rì nyi.

1 ZYAŊ 2:19

Ɓumɓɛ̀n ɓɛ kpagày ɓi ǹɗaŋ wis kìɓan kifog, ɓɛ ɓaghà ɓi ɓɛɓàlɛn ɓi bàlì yìs i ɓum, lɛ i ɓɛɛ ɓa ɓɛ̀ɓàlɛn ɓi bàlì yìs, di ɓɛ rɔɓkà rì ɓìsi; nni ɓɛ mɛ ghasɛn ɗi ɓìsi lɛ kɛɛ ghɛnɛn lɛ tɛntɛ̀ɛ̀n lɛ, ɓɔɔ̀cèm ɓɛ ɓaghà ɓi ɓi bàlì ì ɓum ɓis.

ÀPÒKÀLIƁSƐ̀ 17:8

Nyàm ìnɛ wàa ghɛɛ, ì ɓaghà nni ì yiìdi. Ì rì ɓiì kpaŋìì ɓi coo riɓee ɗi rimɛn, ì kɛ̀n kì ɗyaŋì. Nni ɓumɓɛ ɓi ziinɛ, ɓɛ mii maa mɛ ɓaghà ɓi mɛ kànɛn ɓi kaàtà à cɛɓ, à tumɛ̀n yɛ̀ɛ ziinɛ ì kìlɛ̀ngà, ɓɛ ri kuuràg di ɓɛ ghɛɛ nyàm ìnɛn, ɓisuulɛ ì ɓaghà, nni ì yiìdi, nni ì ki rì ɓiì sugtii yi tì.

ÀPÒKÀLIƁSƐ̀ 2:13

Ǹ-yii jàŋ inɛ ù kɔ̀kɔrii, jàŋ inɛ̀n yɛɛ̀ nnɛ ìkɔ̀ɔ̀ wu Satàn wu rilàmì wu ri, kìɓan kifog ù rì lɔŋ ǹsììrɛn ɓi ɗii ɗyɛ̀m, ù roòzɛ̀ngà ɓi ntyweeyi wu ù rì rì wɔ a lɔ̀ŋkɛm̀, nsoò ɓi mɛ̀ru mɛ ɓɛ wolà wusìnɛ̀ɗ wɛ̀m à ǹtyweeyi ànɛ lɛ Antipas a lɔ̀ŋkin jàŋ inɛ Satàn a kɔ̀kɔrii.

ÀPÒKÀLIƁSƐ̀ 21:14

Bàŋbàŋ yi gari i bàn yi ɓalàkà yì toŋɛn ɓi ɓyoo gɔ̀g ǹtɛ̀ɗ ɗì ɓiɓɛɛ̀ aɗyoo, mii mɛ ɓɛkɛ̀nì-fìtom ɓɛ Man à jɔ̀ɔ̀ ntɛ̀ɗ rì ɓɛɓɛɛ̀, mɛ ɓalàkà mɛ̀kànɛn ɓi gɔ̀g yiǹ.

ÀPÒKÀLIƁSƐ̀ 22:4

Ɓɛ ki ghɛn ìsu wii, ɗii ɗìì ɗi ɓa ɗìkànɛn ɓi mɛ̀su maa.

ÀPÒKÀLIƁSƐ̀ 3:8

Ǹ-yii mɛ̀kìkìì mɔɔ. Ghɛna, mɛ̀ yɛɛ foŋi ìsuunaa wu wu ri kìkpaŋ asu wɔɔ, wɛɛ̀wu ŋwaàdɛŋ à yin lɛ à sìm ɓisuulɛ ù ɓiisɛɛ ɓi ki ɓaà rì ìtèɗ, kɔm̀ lɛ ù ɓègà jɛ̀ɛ̀ yɛ̀m kɔ̀ɔ ki roòzɛn mɛ.