2 TIMOTE 2:14 - Bafia Nouveau Testament

¹⁴ Ɓìɓan ɓiǹ ɓyɛɛ̀ɓi ù ghɛ̀ɛ̀sɛɛ kì ɓìiɓiìtàg ɓum, ù ki siisiŋdɛ̀n ɓɔ ɓi mis mɛ Bɛ̀ll, lɛ ɓɛɛ lɛg ɓɛsaaka rì rìnyoònyòlɛ̀n ɓi kìɓan ki mii, lɛ ɓi ghɛɓsii ɓi com, di nya lɛ ɓyɛɛ ɗyaŋzi ɓumɓɛ ɓɛɛ̀ wowog ɓɛsaaka ɓɛǹ.

2 TIMOTE 2:14 ပူးပေါင်းရင်းမြစ်များ

MATYOO 16:26

Nni ki ghɛɓsii mum cɛ lɛ a fɔǹ ziinɛ bimiɗ, di à ɗimzii cɛɓ kii? Cɛ ŋwaà rì lɛ à làg cɛɓ kii ri kɔ?

MƐ̀KÌKÌÌ MƐ ƁƐKƐ̀NÌ-FÌTOM 13:10

à kpaa lɛ: Wɔ̀ ŋwaànɛ, ù rì lɛ, wɔ̀ coo ghèghes̀, wɔ̀ ɓèèɓeè, man à Satàn anɛ lɛ wɔ̀, bènàbena à ɓìɓan ɓi saaɗ, ù yin ɓìì rɛɛrɛɛ̀sì rìyoòyògsì ɗi bee yi Kan yi yi ri lɛ saaɗ?

MƐ̀KÌKÌÌ MƐ ƁƐKƐ̀NÌ-FÌTOM 15:24

Tìi nwoogh lɛ, ɓum ɓɛdɛŋ ɓɛ m̀pɛ̀sɛɛ yì fɛ, ɓìsi tyɛ̀ ki rom yi ɓɔ, ɓɛ yu mìni kì ɓùùsii, ɓɛ ki syaŋdi mini mɛ̀rem rì ɓìtòkì ɓyaa.

RÒMƐŊ 14:1

Ghàɓkiina ŋwaànɛ à rì lɛ kpɔ̀gkpɔ̀g ɓi rìgherɛ̀n, kɛ̀ ɓi nyolɛn ri nyi ɓi mom̀zɛ̀n mɛ à rì rì mɔ ɓi kìɓan ki righerɛ̀n.

GÀLAT 1:7

Ɓi saaɗ Syeesyee à Ɓɔlɛ àdɛŋ à yiìdi wɔɔ, kìɓan kifog ɓum ɓɛdɛŋ ɓɛɛ̀ ɓùuɓuùsì mìni, ɓɛ kaakàà lɛ ɓɛɛ ruùsi Syeesyee à Ɓɔlɛ à Kiris.

EFÈZYƐŊ 4:17

Kìɓan ki mɛ̀ ǹkalii, ǹki sììrɛn ɓi ɗii ɗi Kan kɛɛ̀ki lɛ: Kɛ̀ ɓi ghɛɓti yɛ̀ɛ ɓum ɓɛ zɛy ɓɛ ɓɛ yin ɓɛgherɛ̀n, ɓɔ yɛɛ ti ɓɛ nɔɔ̀tàg ɓɔɔ momzɛ̀n ɓaa ɓɛ kɛ̀ɛ̀ ìsu.

TÈSÀLÒNÌSYƐŊ 4:1

Ɓɔɔsoŋ̀, ti siìtɛn kìkpaà lɛ ɓì yilàkà rìkuu ɗi cɛɓ ɗi ɓì ghɛ̀ɛ̀sɛɛ kì ghɛɓì lɛ Bɛ̀ll a wog kìrɔɔ rì mìni, a lɔ̀ŋkis nni cɛɓ kìn kɛɛ̀ki ɓi ghɛghɛ̀ɓ; tì ɓɔ̀ŋzaagh mìni, tì ki yɛ̀gsi mini ɓyàg ɓi ɗii ɗi Kan Yeesus lɛ ɓi teèsi tì nyoo rì rìkuu ɗi cɛɓ ɗìn à cee fɔlɔɔ.

2 TÈSÀLÒNÌSYƐŊ 3:6

Ɓɔɔsoŋ̀! tì tɔɔgh mìni ɓi ɗii ɗi Kan wìs Yeesus Kiris lɛ: Kɛ̀ ɓi wuɓsɛn ɓɛgeni ɓin ɓɛ ɓɛ ri ɓɛ̀ɓɔɓwɛɗ, ɓɛ ɓɛ ɓeni kì nɔ̀ɔ̀tii ɓiɓan ɓi tì rèsìghà mìni.

TIMOTE 1:4

ɓɛ̀ kɛɛ̀ ki mɛ̀ɛ̀tɛn ɓi mɛ̀kànkàn rì rìɓààɓààsì ɗi boo ɗi kɛ̀ɛ̀ sugtag, ɓìɓan ɓiǹ ɓyɛɛ̀ titini ɓum lɛ ɓɛɛ nyoonyòlɛ̀n, ɓyɛ̀ kɛɛ̀ ki ghɛɓsi lɛ fèg à Bɛ̀ll ànɛ lɛ a ghɛɓsi ɓum lɛ rìgherɛ̀n a kɛn asu.

TIMOTE 1:6

Ɓum ɓɛdɛŋ ɓɛ nagà bee inɛ̀n, ɓɛ nɔɔ̀tì bee i ǹkpaakpaayɛn ɓiɓan ɓi kɛ̀ɛ̀ ìsu.

TIMOTE 4:8

Mɛ̀ɛ̀zi nyoo yɔ̀ɔ̀ ɓi rìfalɛ̀n ɗi ɓi rìgherɛ̀n; ɓisuulɛ rìmɛ̀ɛ̀zì ɗi nyoo ɓi tìcàɓ ti tyɛɛ̀ fafa itèɗ ɓi mɛ̀mùù ɗi ɓiisɛɛ ɓi kiɓaà rì gɛɓsɛ̀n kɔm̀ lɛ rìfalɛ̀n ɗi ɓi rìgherɛ̀n ɗi ghɛɓsii bee lɛɛ̀gwey; ɗi ri rì ǹkàg wu cɛɓ ki gɛɛ̀nɛ rì ki kɛɛ̀ yùyuiy.

TIMOTE 5:21

M̀ɓɔ̀ŋzaagh wɔ̀ ɓi mis mɛ Bɛ̀ll rì ɓi mis mɛ Yeesus Kiris, rì ɓi mis mɛ ɓum ɓɛ titom ɓɛ ɓɛ ri ɓɛ̀ɓɔ̀nɛn lɛ, u ɓeŋ̀ ɓìɓan ɓi ǹsiitaagh wɔ̀ ɓiǹ, kɔ̀ɔ saa mum ìsu, kɔ̀ɔ ki ɓa ri nɗèè wu nɗem.

TIMOTE 6:13

Ǹtɔɔgh wɔ̀ ɓi mis mɛ Bɛ̀ll ànɛ à ti à falàg ɓyom ɓìcèm cɛɓ, rì ɓi mis mɛ Yeesus Kiris, ànɛ à konàkà kì rèsii righerɛ̀n ɗii ɓi mis mɛ Pilat lɛ,

2 TIMOTE 1:6

Kìɓan kiǹ kɛɛ̀ki ǹtɔɔgh wɔ̀ lɛ, u lɔŋ̀zi tì ɗuu ɗi ɓi rìfa ɗi Bɛ̀ll ɗi ù tekà yɛ̀ɛ ǹsaghìghà wɔ̀ ɓyàg ɓi nyòò.

2 TIMOTE 2:16

Càra ɓìtòkì ɓi zɛy ɓi ɓi yin ɓiì kpaakpaa ɓiɓan ɓi righerɛ̀n ɓisuulɛ ɓumɓɛ ɓɛɛ̀ tòtog rikuu ɗi ɓitòkì ɗiǹ ɓɛ ri ɓiì ràaraɓsɛ̀n tì rì rìgherɛ̀n à cee fɔlɔɔ.

2 TIMOTE 2:23

Ɓèna nyoey yi zɛy rì zɛy yi yi ri kɛ̀ɛ̀-su, ù ki yi lɛ, yi ti yi syogìì ɓɛsaaka.

2 TIMOTE 4:1

M̀ɓɔ̀ŋzaagh wɔ̀ ɓi mis mɛ Bɛ̀ll rì ɓi mis mɛ Yeesus Kiris ànɛ à ghɛ̀ɛ̀sɛɛ kì yɔ̀mi lɛ rì ɓum ɓɛ cem rì ɓìloŋ, rì ɓi ɗii ɗi risugtìì ɗii, rì kìlɔ̀ŋ kii,

Kaàtà ànɛ Pol à kàngà TIT 3:1

Yiti ɓɔ lɛ ɓɛɛ ki ɓɛ̀làmì kìlɔ̀ŋ, rì ɓɛ̀gɔmìnà mɛ̀wog; ɓɛ ghɛɛ̀sɛɛ kì kìi com ki ɓɛ̀roɓɛ̀n ɓɛ tɔɔgh ɓɔ lɛ ɓɛɛ ki, ɓɛ ki fɛmɓɛn ɓi rìkì ɗi kiɓan kicèm ki ki ri lɛ syeesyee.

EBIREEGH 13:9

Kɛ̀ ɓi càrɛn lɛ mɛ̀rèsàg mɛ̀kuu mɛ̀kuu mɛ mɛ riì tìràɓ, mɛɛ ɗimzi mìni bee, lɛ ki rɔɔtɛɛ lɛ ǹɗem wɛɛ teɗ ìtèɗ lɛ geesɛ̀n ì Bɛ̀ll, à cee ɓìsyɔ̀ɔ̀ ɓi ɓi komi ɓìɗilàg ɓi ɓi ghɛɓsìghà ɓi ɓumɓɛ ɓɛ falɛ̀ngà miì nsoò ɓi bee idɛŋ.

2 PYƐƐRI 1:13

Mɛ̀ɛ ǹghɛɛ lɛ ki ri lɛ syeesyee lɛ cààmɛ̀n kìcèm ki ǹkaka ɓi ziinɛ, nki lɛ ǹɗem win wɛ̀ kɛɛ̀ wu ɓi rìyitì ɗi ǹɗì mìni ɓiì yiiyitàg ɓìɓan ɓiǹ,