2 TIMOTE 2:12 - Bafia Nouveau Testament

¹² I tì sììrɛɛ tyɛ̀ ki càrɛn lɛ mɛ̀tɔɓ, tì rì ɓiì làmii girig nɗaŋ ɗi nyi; I tì roòzɛɛ nyi, nyii roòzɛɛ gɛ girig ɓìsi.

2 TIMOTE 2:12 ပူးပေါင်းရင်းမြစ်များ

MATYOO 10:33

Kìɓan kifog ì ŋwaà roòzɛɛ mɛ̀ ɓi gwìy ì ɓum, mɛ̀ ǹɗoòzɛɛ gɛ girig nyi ɓi mis mɛ Tààta wɛ̀m ànɛ à rì aɗyòò

MATYOO 26:35

Pyɛɛri à pɛ̀ɛ̀zì nyi lɛ: Ǹsòò ki kpaŋi lɛ ǹwu ɓɛɛ wɔ̀ ǹɗaŋ, màa roòzɛn ɓi wɔ. Ɓɛ̀yilàg ɓɛmbog ɓɛ̀sɛ̀ɛ̀ ɓɛ̀cèm ɓɛ kpaaghà girig fɔlɔɔ.

MATYOO 26:75

Nni Pyɛɛri à yìtìghà min yɛ̀ɛ Yeesus à kpaaghà nyi lɛ, ù rì mɛ̀ ɓiì roòzɛɛ gɛ̀n yiraa, di ǹlem à zag à ka rɔŋ ɓi; fɔɔnnɛ à kpagà gari à rèn à sìgtàg.

MARIKUS 10:33

À kpaa ɓɔ lɛ: Ɓi ɗi tì rɛrɛrii ɗi, tì ɓɔɔgh yɛɛ lɛ a Yorisalɛm, wɔɔnnɛ ɓɛ ɓiì kàɓi Man à mum ɓi ɓyàg ɓi ɓɛpìrɛɛtìrɛ̀ ɓɛgwey rì ɓi ɓyàg ɓi ɓɛ̀rèsàg-ɓìdɔ̀gsɛna; ɓumɓɛ̀n ɓɛ ren lɛ ɓɛɛ wey nyi, ɓɛ ki ceesi nyi rì ɓumɓɛ ɓɛ yii ɓi Bɛ̀ll.

MARIKUS 8:38

Ɓisuulɛ, ŋwaànɛ à rì mɛ̀ ɓiì woògh ǹtoòrìɗ, nsoò lɛ à wog ɓìɓan ɓyɛm̀ ǹtoòrìɗ ɓi gbàà ì ɓum ì gɛɛ̀nɛ, ìnɛ ì rì ɓɛ̀kìì-kìɓe rì ɓɛ̀kìì-tìsɔ̀mɔ̀g, Man à mum à woogh gɛ girig nyi ǹtoòrìɗ, ŋwos anɛ à yùu gɛ ɓi rìkem ɗi Seŋi wìì, ǹɗaŋ ri ɓum ɓii ɓɛ titom ɓɛ ɓɛ ri ɓɛ̀tɛnɛn.

LUKAS 12:9

Wɔ̀lɛ ŋwaànɛ à rì mɛ̀ ɓiì roòzɛɛ ɓi mis mɛ ɓum, Man à mum à roòzɛɛ gɛ girig nyi ɓi mis mɛ ɓum ɓɛ titom ɓɛ Bɛ̀ll.

LUKAS 22:29

Fɛlɛ yɛ̀ɛ Tààta à faghà mɛ̀ rìlàmì ɗi kilɔ̀ŋ kii, fɔɔnnɛ mɛ̀ ǹfaa girig mìni ɗyɔ,

LUKAS 22:30

fɔlɔɔ nnɛ ɓì ɓiì kìi lɛ ɓì ɗi, ɓì ki nɔ ɓi kìkpanà kɛm̀ ɓi kìlɔ̀ŋ kɛm̀, ɓì ki kɔ̀ri ɓi mɛ̀kɔ̀ɔ̀ mɛ rilàmì, lɛ ɓi yɔm̀ mɛ̀pwìɗ ǹtɛ̀ɗ rì mɛɓɛɛ̀ mɛ a Isirayɛl.

LUKAS 9:26

Ɓisuulɛ ŋwaànɛ à rì mɛ̀ ɓiì woògh ǹtoòrìɗ, nsoò lɛ à wog ɓìɓan ɓyɛm̀ ǹtoòrìɗ, Man à mum à woogh gɛ nyi girig ǹtoòrìɗ yɛ̀ɛ à yùugɛy ɓi rìkem ɗii, rì ɗì Seŋì, rì ɗi ɓumɓɛ titom ɓɛ ɓɛ ri ɓɛ̀tɛnɛn.

MƐ̀KÌKÌÌ MƐ ƁƐKƐ̀NÌ-FÌTOM 14:22

Ɓɛ fafàghà ɓɛ̀gherɛ̀n ɓɛ wɔɔ itèɗ ɓi ǹɗem ɓɛ rerèɓ ɓɔ lɛ, ɓɛɛ siìrɛn ɓi rìgherɛ̀n, di ɓɛɛ̀ kpaakpaa lɛ: Ki ghɛɛ̀sɛɛ lɛ, ti ka wog mɛtɔɓ lɛɛ̀gwey ɓi ɗi lɛ ti ɗiŋi ɓi kìlɔ̀ŋ ki Bɛ̀ll.

RÒMƐŊ 5:17

I rìnàn ɗi kibog ki mum ɗi kighà lɛ rìwu ɗyɛɛ̀ ragɛn, lɛ kìbog ki mum kìn, bɔ̀ɓ yaŋ ri ɓumɓɛ ɓɛɛ̀ teki lɛ rì geesɛ̀n yìì inɛ ì tèghɛɛ, rì rìɓòò ɗi ɓi rìren ɗii ɗi ɓiɓan, ɓɛ ri kì lɛ, ɓɛ ghɛɓ, ɓɛ ki làmi lɛ m̀bobog à mum ànɛ lɛ Yeesus Kiris.

RÒMƐŊ 8:17

I tì rì ɓɔn ɓii, tì rì girig rì gàɓ ɓi ɓìrɔɔ ɓi Bɛ̀ll, à kàkà ɓum ɓii; tì ki rì ɓɛ̀roɓɛ ɓɛ ri ɓiì kàɓɓɛɛ ɓirɔɔ ɓìn rì Kiris, lɛ, i ti wowog mɛtɔɓ ǹɗaŋ ɗi nyi, tì ɓiì ɓaà girig rì gàɓ ɓi rìkem ɗìì.

FÌLÌPYƐŊ 1:28

Kɛ̀ ɓi càrɛn lɛ ɓɛ̀bènàbena ɓɛɛ niŋzi mìni nyoo nsoò lɛsàg; kìɓan kiǹ ki ri kìrèmzɛnà ki lɛ, ɓɛ ri ɓi rìɗyaŋ; wɔ̀lɛ ɓi san wìn, ki ɓa kìrèmzɛnà ki cɛɓ.

TIMOTE 5:8

I mum à yii ɓi rìɓèŋ ɗi ɓum ɓii, à ɓiisɛ̀n rìmɛɛ ɗii, di à roòzɛɛ rìgherɛ̀n; rìkuu ɗi mum ɗi fɔlɔɔ ɗi ɓeɓtɛɛ ɗi cee ŋwaànɛ à yin ngherɛ̀n.

ZYUUDƐ 1:4

Ɓisuulɛ ɓìɓeɓtàg ɓi ɓum ɓidɛŋ ɓi nɗyɔ̀ɔ̀gɛɛ yì ɓi yu kìsɔ̀lɛɛ ɓi nyìinyìm wìn; ɓɛ tum rìlɔ̀ɔ̀lɔ̀gtì ɗi rirèsàg ɗi geesɛ̀n ìnɛ Bɛ̀ll à rì rì yɔ̀ ɓi san wìs lɛ ɓɛɛ kiki ɓìɓan ɓi tifin ɓɛ roòròòzɛ̀n m̀bobog wìs a masà ànɛ à rì lɛ Kan wìs Yeesus Kiris; ǹcɛ̀m à ɓumɓɛ̀n à ɓaghà di à ti ǹkànɛn fiɗyàɓ.

ÀPÒKÀLIƁSƐ̀ 1:6

nyi yɛɛ ki kìghà lɛ ti ɓa kìlɔ̀ŋ ki ɓumɓɛ ɓɛɛ̀ ɓɔɔɓɔgsì Bɛ̀ll à Seŋi wìì, Yeesus ànɛ̀n yɛɛ ghɛɛ̀sɛɛ lɛ rì rìkem ɗì rìlàmì fìɗyàɓ fikɔ̀ɔ̀. Ààmɛ̀n.

ÀPÒKÀLIƁSƐ̀ 1:9

Mɛ̀ zyaŋ ànɛ ǹɗì geni wìn, ǹɗì rì gàɓ lɛ rì ɓi mɛ̀tɔɓ, rì ɓi kìlɔ̀ŋ ki Bɛ̀ll rì ɓi rìsììrɛ̀n ɗi ɓi Yeesus, m̀ɓaghà ɓi kìrìŋ ki riɓày ki lɛ Patmos ɓisuu righagsì ɗi jɛ̀ɛ̀ ì Bɛ̀ll, ǹki tɛɛ̀zi saaɗ ànɛ ɓi kìɓan ki Yeesus.

ÀPÒKÀLIƁSƐ̀ 2:13

Ǹ-yii jàŋ inɛ ù kɔ̀kɔrii, jàŋ inɛ̀n yɛɛ̀ nnɛ ìkɔ̀ɔ̀ wu Satàn wu rilàmì wu ri, kìɓan kifog ù rì lɔŋ ǹsììrɛn ɓi ɗii ɗyɛ̀m, ù roòzɛ̀ngà ɓi ntyweeyi wu ù rì rì wɔ a lɔ̀ŋkɛm̀, nsoò ɓi mɛ̀ru mɛ ɓɛ wolà wusìnɛ̀ɗ wɛ̀m à ǹtyweeyi ànɛ lɛ Antipas a lɔ̀ŋkin jàŋ inɛ Satàn a kɔ̀kɔrii.

ÀPÒKÀLIƁSƐ̀ 20:4

Nni ǹghɛngà mɛ̀kɔ̀ɔ̀ mɛ rilàmì, ɓɛ faghà ɓumɓɛ ɓɛ kɔràkà ɓi mɛ̀kɔ̀ɔ̀ mɛǹ ìtèɗ wu yɔ̀myɔmɛn ɓiɓan; fɔɔnnɛ ǹghɛɛ̀dìghà mɛ̀ghay mɛ ɓum ɓɛ ɓɛ wowòlà ɓisuulɛ ɓɛ ɓaghà ɓɛ̀wusìnɛ̀ɗ ɓɛ Yeesus rì ɓɛ jɛ̀ɛ̀ ì Bɛ̀ll, rì ɓɛ̀roɓɛ ɓɛ ɓɔgsìghà ɓi nyàm ì mɛ̀to taàɓɛ̀ɛ̀, nsoò lɛ kìfèèghrɛnà ki yɔ̀, ɓɛ̀ kɛɛ̀ ki ɓa ri kìrèmzɛnà ki nyàm ìnɛn ɓisu nsoò lɛ ɓi càg. Fɔɔnnɛ ɓɛ ghemɓɛ̀ngà, ɓɛ ki làmi nɗaŋ ɗi Kiris bèg tɔɔsìm.

ÀPÒKÀLIƁSƐ̀ 20:6

Ɓumɓɛ ɓɛ ri rì gàɓ ɓi rìghèmɓɛ̀n ɗi ɓiloŋ ɗi ǹtonto, ɓɛ ri ɓɛ̀mààghmaagh, ɓɛ ki ɓa ɓɛtɛnɛn; rìwu ɗi kiɓɛ̀ɛ̀ ɗi yiìdi ri ìtèɗ ɓi ɓɔ; ɓɛ ri ɓiì ɓaà ɓɛ̀pìrɛɛtìrɛ̀ ɓɛ Bɛ̀ll rì ɓɛ Kiris, ɓɛ ki làmi nɗaŋ ɗi nyi bèg tɔɔsìm.

ÀPÒKÀLIƁSƐ̀ 3:10

Lɛ ù ɓègà jɛ̀ɛ̀ yɛ̀m ɗì kìsììrì, fɔɔnnɛ mɛ̀ girig ǹɗì wɔ̀ ɓiì ɓèŋi ɓi cààmɛ̀n à mɛ̀fèèghrɛn mɛ mɛ ghɛɛ̀sɛɛ kì yùu ɓi ziinɛ bimiɗ lɛ mɛɛ feèghrɛn ɓum ɓɛ̀cèm ɓɛ ɓi ziinɛ.

ÀPÒKÀLIƁSƐ̀ 3:21

Ŋwaànɛ à ɓiì yagsaagh ǹkì lɛ a kɔri ǹɗaŋ ri mɛ̀ ɓi-kɔ̀ɔ̀ wɛm̀ wu rilàmì fɛlɛ yɛ̀ɛ mɛ̀ ǹ-yagsàkà ǹkɔ̀rì ǹɗaŋ ri Seŋi wɛ̀m ɓi-kɔ̀ɔ̀ wii wu rilàmì.

ÀPÒKÀLIƁSƐ̀ 3:8

Ǹ-yii mɛ̀kìkìì mɔɔ. Ghɛna, mɛ̀ yɛɛ foŋi ìsuunaa wu wu ri kìkpaŋ asu wɔɔ, wɛɛ̀wu ŋwaàdɛŋ à yin lɛ à sìm ɓisuulɛ ù ɓiisɛɛ ɓi ki ɓaà rì ìtèɗ, kɔm̀ lɛ ù ɓègà jɛ̀ɛ̀ yɛ̀m kɔ̀ɔ ki roòzɛn mɛ.

ÀPÒKÀLIƁSƐ̀ 5:10

Ù kìghà lɛ ɓɛɛ ɓa bimiɗ à kìlɔ̀ŋ, ɓɛ ɓa ɓɛ̀pìrɛɛtìrɛ ɓisuu Bɛ̀ll, ɓɛ ri ɓiì làmii ziinɛ.